shani ne 26 janvri 2017 ko sayan kal 7ah 30 minat par vrishchik rashi se dhanu rashi men pravesh kiya aur 6 aprail ko 10ah36 minat par dhanu rashi men vakri ho gaye . punah shani 21 jun ko sayankal 4ah39 baje vrishchik rashi men vapas a jayenge aur tatpashchat 26 aktubar 2017 ko sayankal 15ah28 tak isi rashi men rahenge. iske bad dhanu rashi men punah pravesh karenge aur agle sava 2 sal arthat 24 janvri 2020 tak isi rashi men rahenge.
jyotish men shani ki ek aham bhumika hai. shani ki chandrama se sthiti sarhesati ke aranbh hone v samapan ko darshati hai. 26 janvri 2017 ko jab shani ne dhanu rashi men pravesh kiya to tula rashi ke anek jatkon ne sukun paya ki ab unki sarhesati samapt ho gayi hai aur isi prakar makar rashi valon par sarhesati ka prabhav shuru hua. lekin shani ke vrishchik rashi men jane par tula ke jatak asmanjas men hain ki unki sarhesati samapt hui ya nahin.
isi prakar makar rashi vale log bhi asmanjas men hain ki unki sarhesati shuru hui ya nahin. kuch logon ko sarhesati samapt hone ke fal mil rahe hain aur kuch ko nahin. shani ka is prakar vakri hokar dusri rashi men pravesh kar jana aur fir isi rashi men vapas a jane ka kya arth hai aur vibhinn rashiyon par iska kya prabhav rahega? isko ham is prakar se samajh sakte hain.
kahte hain:
krura vakra maha kruraah saumya vakra maha shubhah
arthat
vakri hone par krur grah ati krur fal dete hain tatha saumya grah ati shubh fal dete hain.
vakri grah sabse adhik shaktishali hote hain. vakri grah bar-bar prayas karate hain. ek hi karya ko karne ke lie vyakti ko ek se adhik bar koshish karni parti hai. shani jab vakri hote hain tab vyakti ko mansik, arthik tatha sharirik pareshaniyan hoti hanai.
grah vakri kaise hota hai?
jab bhi koi grah akash ganga men viprit chalna shuru kar deta hai to use vakra gati kahte hain. grah ki vakrata keval prithvi par sapekshik gati ke karan pratit hoti hai anyatha grah surya ke charon or lag-bhag ek hi gati se ek hi vritt men bhraman karte rahte hain. jab bhi prithvi inke najdik ati hai to grah ki gati prithvi ki gati se kam hone ke karan viprit disha men chalte hue pratit hote hain.
shani ki prithvi se duri
shani ki surya se duri ausat men 9 e. yu rahti hai. (1 e. yu = estronaemikal yunit = prithvi ki surya se ausat duri) yah duri adhikatam 10 e yu ho sakti hai aur kam se kam 8 e yu. jab yah 8 se 9 ke madhya hoti hai to shani vakri hote hain aur vakri hone par shani ki fal dene ki kshamata derh guna tak vapsi barh jati hai. ek bat dhyan dene yogya hai ki bhachakra men rashiyon ki koi bhi rekha nahin hoti hai. aisa koi bindu nirdharit nahin hai jise par karne ke bad grah ke fal badal jaen. atah yah kahna ki 26 janvri 2017 ko rashi parivartan ke sath hi tula rashi valon ki sarhesati samapt ho gayi hai, kahna sahi nahin hoga. iske lie hamen chandrama v lagn ke anshon ko dhyan men rakhakar hi sarhesati ka vichar karna chahie.
sarhesati ka chandrama v lagn donon se hi nirupan karna chahi evan donon se hi 45° age-piche tak ise manna chahie. yadi kisi jatak ki kundli men chandrama tula rashi men kam anshon ka hai to uske lie sarhesati samapt samjhni chahie aur yadi kisi vyakti ki kundli men chandrama 25° se adhik ka hai to uske lie sarhesati 26 janvri 2017 ko samapt nahin hui hai. aise men unki sarhesati 26 aktubar 2017, 15ah28 men shani ke vapas dhanu rashi men pravesh ke bad hi jab shani dhanu men lagabhag 10 anshon ka hoga, tab samapt hogi.
vakri grah cheshta bal prapt karta hai
faldipika men shri mantreshvar ji ne kaha hai ki grah jab vakri hota hai to use cheshta bal prapt hota hai, vakri, anuvakri, vikal, mandatar evan mand ka cheshta bal kramshah 1e 1dh2e 1dh4e 1dh8e 1dh16 mana gaya hai. atah vakri grah sarvadhik cheshtabli hone se balvan hota hai. vakri grah ko uchch ke grah ke saman samjha jata hai. yadi grah uchch ka ho tatha vakri ho to use nich bal shunya samjhna chahie lekin yadi grah nich ka ho tatha vakri ho to apni uchch rashi jaisa bal pa jata hai. 5 jun 2017 ko surya shani saman anshon par amne-samne honge. is samay shani sarvadhik cheshta bali honge. atah jinko bhi vartaman men vakri shani ke kasht prapt ho rahe hain, is avdhi men unke kashton ki charam sima hogi. iske uprant vakri shani ke prabhav se prapt hone vale kasht dhire-dhire kam hote jaenge. shani ke 21 jun ko rashi parivartan ke bad aise jatak kafi rahat mahsus karenge.
vakri shani ke fal
vakri shani adhikanshtah jo fal ham mahsus kar rahe hote hain ya jinse hamen bhay hota hai unko pratyaksh rup men lakar samne khara kar dete hain. jhagre barhakar antim rup men kort kes ka rup dharan kar lete hain. naukri men tyagapatra ya nishkasan ki sthiti ban jati hai. mansik bhay v chintaen barh jati hain aur in samasyaon ka koi samadhan dikhai nahin deta hai.
shani grah jatak ke aham ko nasht kar jhukne ki kala sikhana chahta hai. atah iske ashubh falon ke nivaran hetu sarvapratham upay yahi hai ki ham samne vale ke samaksh natamastak ho jaen aur apni har svikar kar len. shani ke kashton ke nivaran hetu kisi bhi rup men hanumat sadhna vishesh faldayi hoti hai.
aie kuch udahrnon se vakri shani ke prabhav ko samjhte hain:
udaharan 1: ek jatak jinki kundli men chaturth bhav men makar rashi ka chandrama bhav madhya men sthit tha. usko shani ke vakri hote hi atyadhik grih klesh ka samna karna para. yahan tak ki naubat talak tak pahunch gayi.
udaharan 2: isi prakar ek anya jatak ki kundli men vrishabh rashi ka chandrama kam anshon ka tha. in par shani dhaiyya aranbh hui aur kam anshon ke karan vakra shani ke prabhav se grihasthi men klesh ki sthiti bani.
udaharan 3: ek jatak jinki kundli men dhanu rashi ka chandrama dhan bhav men sthit tha unhen vakri shani ke karan naukri men nilanban ka samna karna para.
udaharan 4: tula rashi ke ek jatak ka chandrama antim anshon men tha. un par aprail mah men jati sarhesati ke dauran farji kes lagae gaye. ummid hai ki shani ke margi hokar dhanu men vapsi karne ke bad hi inhen kort keson se chutkara milega.
udaharan 5: dilli ke mukhyamantri kejrival ji ki bhi vrishchik raish hai. shani ke dhanu rashi men ane par shani inke ashtam bhav par gocharasth hai. chandrama 7 anshon ka hai. atah ashtam dhaiyya vrishchik rashi men antim charan se hi shuru ho gai thi jiske karan inhen dilli evan panjab men har ka samna karna para evan shani ke vakri hone ke karan inhen vishesh alochnaon ka samna bhi karna par raha hai.
udaharan 6: amerika ke rashtrapti donald tranp ke lie shani ka vakratva achcha nahin hai. jati hui sarhesati inke lie achchi nahin rahegi. vakri shani inke lie kashtakari rahenge. yah inke mansik santulan ko prabhavit karenge. shani ke margi hone par hi donald tranp sahi nirnay le paenge. 21 julai ko shani inke janm chandra ke saman anshon par gochar karenge aur 7 aktubar ko shani inke janmachandra ko par karenge. iske bad hi donald tranp sahi rup se karya kar payenge.
udaharan 7: pradhanmantri shri narendra modi ji ki vrishchik rashi hai. chandrama 9 anshon ka hai. chandra lagabhag 25 ansh age nikal chuka hai. inki sarhesati abhi samapt nahin hui hai. parantu 15 ansh se adhik age shani ke nikal jane ke karan vakri shani ka pratyaksh nakaratmak prabhav modi ji par nahin par raha hai. atah yah vakri shani ka gochar modi ji ke lie sakaratmak rahega.