jyotish men surya mahatvapurn grah hai. surya raja aur atmakarak grah hai aur agni ka pratik mana jata hai. sharir se atma niklne (garmi) ke bad mrityu ho jati hai. surya kirnon dvara rogon ka ilaj prachin samay se hota a raha hai. ayurvedik drishti se surya ki kirnon ki madad se paudhon ka vikas hota hai. paudhon se bhojan v rog nivarak jari buti prapt hoti hai.
surya kirnon se pratyaksh upchar bhi bahut prabhavi upchar hota hai. surya se niklne vala shvet prakash sat rangon ke milne se bana hai. prijm men iska shvet prakash sat rangon men vibhakt ho jata hai. aisa mana jata hai ki arbon varsh pahle surya men visfot hua aur surya ke tukre vikhrne se dusre grah bane. surya se alag hone ke bavjud ve uske charon taraf chakkar lagate hain. mukhya sat grah hain jinka sanbandh sat rangon se hota hai atah rangon ki drishti se sabhi grahon ki surya se utpatti ki pushti hoti hai. islie surya kiran upchar vidhi se grah janit bimariyan thik hoti hain. kaha jata hai ki jis ghar men surya ki kirnen nahin jatin us ghar men daektar jate hain. pashu, pakshi, janavar adi surya prakash ke sanpark men adhik rahte hain, atah kam bimar hote hain.
iske viprit jab se manav gharane men nivas karne laga, rogon ne akraman karna praranbh kar diya. shugar, kainsar hriday rog adi ka karan surya ki dhup ka sharir par nahin parna hai. thandi chijon, e. si, kular adi ke prayog, ratri jagaran, sharirik mehanat men kami adi ke karan bari-bari bimariyan utpann hoti hain. yadi ukt karkon par dhyan n diya jae to rogon ke karan ka pata nahin chal sakta aur ham unka nivaran nahin kar sakte. atah jaruri hai ki surya aur surya kirnon ke mahatva ko samjhen, upyog karen aur svasth jivan bitaen. upchar ki taiyari
- jal taiyar karna: avashyaktanusar jis rang ka pani taiyar karna hai, us rang ki kanch ki botal men shuddh jal bharen aur ath ghante ke lie surya ke prakash men rakhen.
- lagane vali dava taiyar karna: tel ya glisrin avashyak rang vali botal men bharen aur 30 dinon tak pratidin ath-ath ghante tak surya ke prakash men rakhen.
- khane vali dava taiyar karna: shakkar, batase, misri ya homyopaithik ilaj men upyog men ane vali goli avashyak rang ki botal ya panni (polithin) men 30 din tak ath-ath ghante pratidin dhup men rakhen.
- pirit ang ka upchar: marij ke jis ang men kasht ho us par se kapre hatakar avashyak rang ka kanch ya panni lagaen (baki sharir ko dhak sakte hain) aur pratidin 20 se 60 minat tak surya prakash parne den. rogon ka upchar
- sardi-jukam: lal ya narangi rang ki botal se taiyar pani din men 4 se 6 bar len. lal ya narangi rang ki botal ka taiyar tel nak, gale aur sine par lagaen. sir darda
- yadi garmi ke dinon ka siradard ya garmi ke karan sir dard ho, chakkar ata ho to nile rang ki botal ka pani len aur nile rang ki botal ka tel sir men lagaen.
- sardi ke karan sir dard ho to lal ya narangi rang ki botal ka pani aur tel sir men lagaen.
- yadi tanav ya chinta ke karan sir dard ho to hare rang ki botal ka pani len aur hare rang ki botal ka tel sir men lagaen. ankhon ki samasyaen
- yadi ankhon men dard ho, ansu ate hon ya shit ki vajah se khujli ki samasya ho to lal ya narangi rang ki botal ka pani len, usi pani se ankhen dhoen aur lal rang ke kanch ka chashma lagaen.
- yadi garmi ke karan ankhon men jalan v dard ho, to nile rang ki botal ka pani len, isi pani se ankhen dhoen aur nile rang ke kanch ka chashma lagaen.
gardan men dard, akrn: gardan men dard, akaran, pith men dard, hath men dard ya sunnapan ho to dard vale bhag par kanch ka lal rang ka tukra rakhen ya lal rang ki panni lapeten aur is par 20 se 60 minat tak surya ka prakash parne den. lal rang ki botal ka jal aur lal rang ki botal ka tel pirit bhag par lagaen aur lal rang ki kalar vali kamij upyog karen. kamar men darda: kamar men dard, uthne baithne men dikkat, akaran, ya pair men dard ho, to dard vale bhag par lal ya narangi rang ki panni bandhakar dhup men leten, lal ya narangi rang ki botal ka pani len aur tel ki malish karen. ghutna darda: ghutne ke charane taraf lal panni lapeten aur dhup men baithane.
lal rang ki botal ka pani lane aur lal ya narangi rang ki botal ka tel lagaen. moch: kisi bhi jor men moch ane par nile rang ki panni se upchar karen aur nile rang ki botal ka tel lagaen. gais: gais ki pareshani hone par bhukh n lagna, pet men bharipan, pet men jalan, chirchirapan, tanav, alasya adi lakshan ate hanai. aise men hare rang ki botal ka pani len aur hare rang ki botal ke tel ki sir aur pet par malish karen. hare rang ki sabji aur bhaji ka adhik upyog karen.
kabja: kabj ya pet ke anya rogon, alasya adi se mukti ke lie subah sham lal ya narangi rang ki aur dopahar ko hare rang ki botal ka pani len aur hare rang ki botal ka tel sir men lagaen. bhukh ki kami: lal ya narangi rang ki botal ka pani len aur hare rang ki botal ka tel sir men lagaen. munh men chale: nile rang ki botal ka pani len, isi pani se kulla karen, aur isi rang ki botal men taiyar glisrin ko munh aur jibh men lagaen. nimn raktachap: lal ya narangi rang ki botal ka pani lane aur lal rang ki botal ke tel ki malish karen. achanak raktachap kam hone par karak kaefi len.
uchch rakt chap: uchch rakt chap ko niyantrit karne ke lie apni tasir ke anusar lal, nile ya hare rang ki botal ka pani len. hriday ki samasya: hriday ki samasya hone par lal ya narangi rang ki botal ka pani len, aur usi rang ke tel ki malish sine aur pith par karen. masik samasya: yadi masik srav kam ata ho ya do tin mahine ke antral par ata ho to lal rang ki botal ka pani len, nimn udar par balb ya panni ke dvara lal prakash se upchar karen, aur lal ya narangi rang ke tel ko nimn udar par lagaen. pu.
- yadi masik srav adhik ata ho ya mahine men do bar ata ho to nile rang ki botal ka pani len, nile rang ki panni nimn udar par bandhen v balb ka prakash (surya ka vikalpa) dalen nile rang ki botal ka tel nimn udar par lagaen. paurush shakti men kami: lal rang ki botal ka pani len, lal rang ka tel nimn udar aur guptang par lagaen aur sir men hare ya nile rang ke tel ki malish karen. udasi aur bhay: narangi rang ki botal ka pani len aur sir men narangi rang ki botal ka tel lagaen. chirchirapan, gussa, nind n anaah nile rang ki botal ka pani len aur usi rang ki botal ka tel sir men lagaen. ghamauriyan: garmi ke dinon men yah samasya bahut ati hai. isse mukti ke lie nile rang ki botal ka pani len aur nile rang ko pirit bhag par lagaen.
lu se bachav: garmiyon men nile ya asmani rang ka pani adhik upyog karen. surya kirnon dvara navagrah santulan kundli sthit grahon ke ashubh prabhav ko surya kirnon ke upchar se dur kiya ja sakta hai. pratyek grah ka ek rang hota hai jaise surya ka lal, chandra ka safed, mangal ka narangi, budh ka hara, guru ka pila, shukra ka halka safed (asmani) aur shani ka nila. sarvapratham dekhen ki sharir ke kis ang men kasht hai. us ang se sanbandhit bhav, bhav svami aur karak yadi kamjor hai to svami grah ke rang ke anusar us rang ka pani len, pirit ang ki usi rang ke tel se malish aur pani se upchar karen. jaise yadi mesh lagn ho, shani aur rahu se lagn aur lagnesh pirit hon aur lagnesh kamjor ho to sardi ya shit ki samasya a sakti hai. aise men narangi rang ki botal ka pani lene aur usi rang ke tel ki malish se rog dur ho sakta hai.
- svasth bane rahne ke lie lagnesh ke rang ki botal ke pani aur tel ka upyog adhik karen. iske atirikt panchmesh aur navmesh ke rang ka upyog bhi kar sakte hain.
- hriday ki samasya ane par lal ya narangi v chaturthesh ke rangon ki chijon ka upyog karen. isi prakar anya rogon ke upchar men bhi surya kirnon ka upyog kar sakte hain. surya kiran upchar se vastu dosh dur karna makan ke vastu dosh bhi surya kiran ke upyog se dur kie ja sakte hain. udahrn: yadi kisi makan ke uttari bhag men bijli ka mitar, rasoi ya telivijan ho to jin chijon ka karak budh hota hai unse nuksan ki sanbhavna rahti hai kyonki uttar budh ki disha hai. aise men dhan ka nuksan ho sakta hai aur parivar ke yuva sadasya bimar ho sakte hain. iske atirikt vyapar men nuksan aur mansik tanav ki sanbhavna bhi rahti hai. is dosh se mukti ke lie uttari kamre ki bahri khirki men hare rang ke kanch ki patti lagaen jisse hara rang kamre men rahe. (hare balb ke prakash ka upyog bhi kar sakte hain).
surya kiran upchar se labh
- yah prakritik upchar hai. atah dushprabhav rahit aur prabhavi hai.
- yah upchar sasta, saral, sahaj aur sarva sulabh hai.
- kabhi-kabhi kuch viprit prabhav bhi ho sakta hai. aise men vidhi badalakar upchar karen, labh hoga.
- yah upchar kisi bhi anya upchar ke sath kiya ja sakta hai. vishesh:
- yadi ghar men surya prakash ki vyavastha n ho to 200 vat ke balb ke prakash men tel, pani, davai adi se upchar kar sakte hain.
- jal kitna len javan v bujurg 20 se 50 mi.li. din men 3 se 5 bar. do se das varsh ke bich 2 mi.li. se 10 mi.li.. ek saptah se do varsh tak ke bachche ) mi. li. se 2 mi. li.
- lagane ki davai, tel, glisrin adi pahle se hi ghar men taiyar rakhna chahie kyonki inke banne men adhik samay lagta hai. banane ke bad char-panch din ke antral se dhup men rakhte rahen.