shani pap grah hai. yah surya ka putra yam tatha yamuna ka bhai hai. manushya ko uske purva pap ka dand dene ke lie vah apne hath men (apne bhai yam ki bhanti) lohe ka dand dharan kie hue hai. shani ko ”kalpurush“ ka dukh mana gaya hai. iske bhayankar prakop se raja bhi rank ho jata hai.
shani prityarth kie jane vale vividh upay:
shani grah ki pira se grast jatkon ko vibhinn upayon ka sahara lekar shanti karya karna chahie, tabhi ve shani badha se mukt ho sakte hain aur sukh shanti purvak apna jivn-yapan kar sakte hain. shani ki mahadsha ho ya shani ki antardasha ya shani ki sarhesati athva adhaiya shani ke shantyarth niche likhi baton athva yuktiyon ko apnane se shani grah janit kashton se bacha ja sakta hai.
- shivling ka pujn-archan aur rudrabhishek karna.
- hanuman ji ko chola charhana aur sundrkand, hanuman chalisa tatha hanumanashtak ka path karna.
- bhairav chalisa, bhairvashtak, bhairv-stotra, ashtottar shatnam ka path karna.
- shani chalisa ka nitya path, shani stotra ka path, shani ke mantron ka japadi karna.
- shubh muhutrt men shani yantra banakar dharan karna. yantra ko tabij men bharakar kale dhage men pahnna.
- shanivar ko kahin se kala kutta lakar palna, uske gale men kala belt bandhna aur dudh pilana.
- shanishchari amavasya ko sarson ke tel se shanidev ka abhishek karna.
- mata mahakali ke mandir men shanivar ko kale asan par baithakar kali sahasranam ka path karen.
- shitritu men thand se thithurte hue kisi garib vyakti ya bhikhari ko kala kanbal bhent karna.
- kam se kam unnis shanivaron ki sandhya bela men pipal vriksh ki jar men til ke tel ka dip jalana.
- kale ghore ki nal ki athva mallah ki par utarni nav ki kil nirmit anguthi pahnna.
- shanivar ko lohe ke bartan men athva tin ke katorinuma dhakkan men sarson ka tel bharakar usmen munh dekhakar dan karna.
- svarn dhatu men nilam ratn dharan karna athva nili ya lajavart ki anguthi bich ki ungli men pahnna.
- shani mantra ka jap karte samay sadaiv rudraksh ki mala ka hi prayog karna.
- shanivar ko kale vastra, kale rang ka chata, kali urad dal, kala til dan karna.
- shanivar ko shani aur bhairav mandiron men kramshah shani chalisa, bhairav chalisa aur vitrit karna.
- saptamukhi rudraksh dharan karna.
- hanumat kripa se bharpur chaidhmukhi rudraksh dharan karna.
- bhairav ya shani mandir men shanivar ko bhandara karna.
- shanivar ko ek taraf ghi aur dusri taraf tel chupri roti kale kutte ko piramukt hone tak khilana.
- kale rang ki pali hui machliyon ko le jakar ajadi se jine ke lie kisi jalashay men chor ana.
- shanivar ko kale rang ki chiriya kharidakar use donon hath asman men ura dena.
- shanivar ko bandron ke basera vale vriksh ke charon or bhune chane bikherna (sath men sahyogi ya lathi ho).
- sat shanivar sava kilo satnaja lekar bhains ki deri ya charagah jakar kisi bhainse ko khilakar ghar laut ana.
- daru haldi ke jal se 23 shanivar ko snan karna.
- baigan ke rang ke vastra dharan aur vitrit karna.
- ashubh shani janit dhan ki hani rokne hetu shanivar se kauon ko dana dalna aranbh karna.
- shanikrit rogon se niptne ke lie pratyek shanivar bhikhariyon ko 1900 gram tak urad dan men dena.
- shanivar ko hanuman ji ko tel charhana.
- brahman ko sankalp ke sath bachre sahit shyama gau ka dan karna.
- purn shraddha vishvas ke sath 23 shanivar sandhyakal sarson ke tel se shani yantra ka abhishek karna.
- laghu akar ka svarn palish yukt shani yantra dhumravarn ganpti evan kali ke paket saij chitra ke sath upri jeb men rakhna.
- dashhra ke din se shami vriksh ka pujan aranbh kar agle dashhre ke din samapt karna.
- dasharath ji vale shani stotra ka path (mul ho to uttama) - sarhesati shani ki dasha men shani sahasranam ka shanivar ke din path karna.
- shanivar dopahar kali gay ko gur, roti ya bhainse ko dana, chara, pani ya rich ko bhojan dena.
- shanivar ko khule sir-pair arthat bina juta chappal adi ke shani mandir/bhaurav, hanuman mandir darshan karne jana.
- lohe ka trishul mahakal shiv, mahakal bhairav ya mahakali mandir men shanivar ko arpit karna.
- shanivar ki rat donon hathon evan pairon ki ungliyon ke nakhunon men sarson ka tel lagana.
- somvar ko ¬ namah shivay japte hue tulsi, shahad, dudh, dahi, gangajal ya kup jal se shivling ko nahlana.
- siddh shani mandir jakar lagatar sat shanivaron ko shani-pujan karna.
- shiv tandav stotra, yudhishthir krit shani stotra, shani kavach aur amogh shiv kavach ka path kana.
- suryaputro dirghadeho vishalakshah shivapriyah. mandcharah prasannatma pira hartu me shaniah mantra se shani ki prarthana karna.
- somvar ko shivalay men pujnoprant rudraksh ki mala se ek mala mahamrityunjay mantra ka jap karna.
- shani pushya nakshatra men bichchu v shami ki jaden kale kapre men lapetakar dahini bhuja men dharan karna.
- shanivar ko hanuman ji ke mandir men sindur evan chameli ka tel chola hetu arpit karen.
- prati shanivar apne bhojan ka kuch bhag bachakar kauon ko khila dena.
- sharirik vyadhi shaman hetu ¬ namah shivay is shadakshar mantra ka jap nirantar karte rahna.
- shani pira kal men rudrashtak ka har shanivar ko pratah path karna.
- shanivar ko shani mandir men jakar shani dev ko guggal ki dhup dena.
- shani pira nivaran ke lie shani ke dan-padarthon ka shanivar ko supatra ko dan dena.
- shani pira shamnarth kali ji ki nimn stuti ka mansik-stavan karna. ”kali kali mahakali kalike parmeshvari. sarvanandakare devi narayni namo'stu te..“
- shanivar ka vrat nishthapurvak karna. yah vrat shuklapaksh ke pratham shanivar se kiya ja sakta hai. vraton ki sankhya 7,19,25,33,51 ho sakti hai. is din bhojan suryast se 2 ghante bad karna chahie. is din kali bachiya ko, jiske sing n ho, ghas khilana rinagrast vyakti ke lie shubh mana gaya hai. shanivar ko bajrangbli shri hanumanji ki aradhna karni chahie. shri sundrkand v hanuman chalisa ka path karna chahie tatha hanuman ji ke samne sarson ya chameli ke tel ka dipak jalana chahie. antim vrat ke din udyapan men sankshipt havan karna chahie. havan men shami vriksh ki lakri ka upyog karna chahie.
lal kitab dvara shanidosh nivaran ke totke
- dainik jivan men jhuth ka sahara n len.
- vansuri men shakkar bhar kar use ekant sthan men daba den.
- kali gay ko tel ki jalebi khilaen.
- arthik nukshan se bachne ke lie evan shani pira ko dur karne ke lie roj kauon ko roti ke tukre khilaen. roti par sarson ka tel chupar kar gayon aur kutton ko khilaen.
- shani ashubh hone par loha, kala namak, kala surma dharan karen.
- bandron ko gur tatha chane khilaen.
- kuen men dudh dalen evan sarp ko dudh pilaen.
- chandi ka ek chaikor tukra hamesha apne pas rakhen.
- bhairav ji ka pujan karen aur unhen sharab charhaen.
- sarson ka tel ya sharab bahte pani men pravahit karen.
- nich shani vale log shanivar ko tel, sharab, urad, mans evan anda ityadi ka sevan n karen. us din urad, tel, lohe ki vastu, kala vastra adi dan karen.
- yadi vivah men shani badhak ho, to kali sabut urad evan lohe ki vastu dan karen.
- yadi shani viprit chal raha ho to safed vastra men kale til bandhakar pani men pravahit karen. til v gur ki revriyan banten.
- shani ke sabhi prakar ke dushfal talne ke lie sarson ke tel se bhara ghara nadi ke tali ki garen, jiske upar se pani bahta rahe.
- shani ke ashubh prabhavon ko dur karne ke lie roj bhojan karte samay parosi gai thali men se ek hissa gay ko, ek hissa kutte ko aur ek hissa kaue ko khilaen.
shani badha mukti ke pramukh upay:
dan: kale til, chilka lagi hui urad ki dal, jo dekhne men kale rang ke hoti hai, kala kapra, kale chamre ke jute, kale rang ka chata, loha ya lohe ka bana chimta, adi kisi nirbal, ashay, kangal vriddh ko shanivar ko madhyahn kal men dan dene se shani ka khatra tal jata hai aur shubh ichchaen purn hone lagti hain. nilam ratn, svarn, bhains, shyama gau, kasturi adi madhyahnakal men shanivar ko kisi brahman ko usse shani dan ka sankalp parhvakar dakshina dekar danasvarup bhent kar dena chahie. ”sarvesham upayanan danan shreshthatama“ aisa vidvanon ka mat hai. shanivar ko tel mangne vale bhikshukon ko shani shamnarth tel ka dan keval madhyahn kal men hi karna chahie. anya grahon ke saman shani ka bhi dan-samay vidvanon, jyotish ke manishiyon, acharyon adi ne pahle se hi nishchit kar rakha hai. atah dan samay ka vishesh mahatva hai. jaise shanivar ko koi bhikhari apke dvar par subah ke samay tel mangne ke lie a jae aur ap hansi khushi use tel ya rupya paisa athva kachcha ya paka ann bhiksha men de, den to apna ahit hi karenge. apko punya labh nahin milega, apitu ai hui lakshmi aur ane vali lakshmi donon hi bhag khari hongi.
mala-dharn: shani ki mahadsha, antardasha, rhayya, sarhesati aur janmakalik shani ki nichasth, shatrurashisth, papyut, papdrisht sthiti adi ke ashubhatva nivaran ke lie lal chandan ya rudraksh ki abhimantrit mala dharan kar sakte hain. purn shraddha aur vishvas ke sath ¬ namah shivay mantra ko japte hue ye malaen dharan karne vale jatak ki anisht se raksha hoti hai aur shanti milti hai. ek bat vishesh dhyan dene ki yah hai ki in malaon ko ashuddh evan gande, sath hi chut vale sthan se dur rakhna chahie. malaon ko sadaiv shuddh tatha saf rakhna chahie. shayan ke purva mala utarakar pavitra sthan men rakhna chahie. dusre din subah panch bar ¬ namah shivay ka path kar snanoprant mala dharan kar lena chahie. yah kriya niyamit rup se karni chahie. malaon ko utarte aur dharan karte samay tutne se bachana chahie, kyonki unka tutakar gir jana aur danon ka bikhar jana mahan apshkun hai jiska dushparinam dharak ko bhogna hi parta hai. ataev mala sadaiv majbut dhage men hi guthi hui honi chahie. mala dravya labh karati hai. kaha jata hai ki mali halat usi ki kharab hoti hai, jiske gale men koi mala hi n ho. pahni jane vali mala se jap nahin karna chahie. isi tarah jis mala se mantra jap karte hain use kabhi bhi pahnna nahin chahie.
shri ramdut ka stavana: lanka dahan ke avasar par mahabli vir shri ramdut hanuman ne ravan ki kaid se shani devta ka uddhar kiya tha. tabhi se shani dev ne apna var shanivar hanuman ji ko diya aur unse kaha ki jo koi shanivar ko apki puja karega use shani dasha ki pira nahin sataegi. islie tabhi se shani shantyarth shri hanuman ji ki shanivar ke din puja hoti hai. shani devta ki kaisi bhi kudrishti kyon n ho, hanuman stavan karne vale bhakt par kabhi bhi kisi prakar se prabhavit nahin kar sakti. shanivar ko sundrkand ka path karne valon par hanuman ji ki kripa se shani pira shant ho jati hai. sankat katai mite sab pira, jo sumirai hanumat balvira. shani grah janit rog nivaran men hanuman bahuk ke path se sahayta milti hai. nitya 8 bar hanumanashtak ka path karne se sabhi sankat kat jate hain.
shri shani dev ka stavana: shani badha nidan hetu pirit shani devta ki puja archana ka apna vishesh sthan hai. jo apne ko kasht de rahe hon unhen puja path adi ke madhyam se prasann karna hi adhik achcha hota hai, taki ve apne krodh evan krurta ko shant kare jisse jatak sukh-purvak apna jivan yapan kar saken. shani ki saur mandliya grahon men anuchar ka pad prapt hai. sarhesati/dhayya men anisht fal dene men yah koi kotahi nahin bartta. yah manushya ko shasak se sevak banane men purnatah saksham hai. prasann hone par yah grah rank se raja bana sakta hai. shani ko prasann karne ke kuch upay yahan prastut hain.
shani mantra: guru ke nirdeshanusar nimn mantron ke jap karne se karya ki siddhi hoti hai. ¬ shan shanaishcharay namah (shastrokt mantra) ¬ ain hrin shrin shanaishcharay namah (puja aradhna mantra) ¬ hrin shrin grahachakravartine shanaishcharay klin ain sah svaha. (arisht nashak mantra) ¬ pran prin praun sah shanye namah (bij mantra) ¬ shannodevi rabhishtay apo bhavantu pitye shanyyorbhisravantunah (vaidik mantra) (shani mantra ki jap sankhya - 23000) arishtakarak shani grah ka japanushthan shanivar madhyahn kal men aranbh karna chahie. jap sankhya 23 hajar ho. dashansh havan shami vriksh ki lakri se karna chahie. yadi jap svayan n kar saken, to kisi yogya, anubhvi, karmakandi brahman se karaen. samapan ke uprant vipra puja ann, dhan, vastra, bhojan, dan, dakshina dekar karni chahie. purn vidhi-vidhan ke sath mantranushthan karne par krur shani krit kashton ka shaman ho jata hai evan param shanti milti hai.
shani yantra dharan evan sthapn: shanidev ka pujan, path-parayan arthat chalisa, stotra adi ke path, shanti vishayak kritya adi men shani ke yantra ka apna alag mahatva hai. yantra men sanbandhit devta aaair grah ka vas hota hai, atah grah se sanbandhit dhatu athva mishra dhatu se bane yantra ki sthapna aur pran-pratishtha ghar ki pujasthali men ki jati hai. avashyakta parne par pran-pratishthit yantra ko apni karyasthali adi men bhi sthapit kar uske darshan aur pujan nitya kar sakte hain. shani pira ki avdhi men shani ke shanti vidhan men mantra jap ke samay yantra ki sthapna karne se jap ka punya fal kai guna barh jata hai aur kasht ki vedna kramshah dhire-dhire kam hone lagti hai. bij-mantra yukt evan dhanushakar yantra uttam hota hai. shukla paksh ke pahle shanivar ko suryast se lagabhag ek ghanta purva ashtagandh ya raktachandan ki syahi aur anar ki kalam se bhojapatra par is yantra ko taiyar kar tabij rup men shani bij mantra se abhimantrit kar dharan kar sakte hain. is hetu chandi ya tanbe ke tabij aur kale dhage ka istemal karna chahie. 9 varg vale is yantra men 7 se 15 tak ke ank prayukt hote hain evan yantra ki pratyek pankti ka yog har taraf se 33 hi ata hai.
shri bhairav pujan stavana: ban ban hrin ¬ namah shri batuk bhairvay. sarhesati, dhayya, dashantardasha, gochar adi men jab shani arisht fal deta hai, tab shani stavan ke saman bhairav nath ji ka stavan bhi kiya jata hai. bhairav kali ke lal hain. ye ninbu, nariyal, sarson tel, ark, pushp, urad ke bare aur somaras ke pan se jaldi prasann hote hain. shani pira mukti hetu bhairvnath bhagvan ke darshan, pujan, parikrama karne hote hain. ye bhi ashutosh shiv ji ke saman thore men hi prasann ho jane vale devta hain. shanivar ko log darshanarth bhairav mandir avashya jate hain. kahin-kahin unke mandiron men ravivar ko pujan, archan ka vishesh mahatva hai. ”ravi ke din jan bhog lagavhin. dhup dip naivedya charhavhi..“ bhairav chalisa ka path, bhairvashtak ka path, bhairav ashtottar shat nam ka path, kavch-path adi bhairav dev ko prasann karne ke saral sadhan hain jinse shani pira shant hoti hai, shatruon ka nash hota hai aur bhakton ki manokamnaen purn hoti hain. bhairav ji ke adbhut chamatkarik apduddharak mantra ka kam se kam ek mala jap nitya karna chahie.
bhairav ji ka mantra is prakar hai: ¬ hrin batukay apduddharnay kuru kuru batukay hrin ¬.. vrat upvas: bhartiya dharm paranpra men vratopvas karne ki prakriya anadi kal se chali a rahi hai, jiska mahatva kisi se chipa nahin hai. jahan ek or manokamna purti ke lie, sukh-saubhagya ke lie, apne isht dev ko prasann karne ke lie, parvotsav manane ke lie log vrat dharan karte hain, vahin dusri or grah pira nivaran hetu vrat ka sankalp lete hain. shani ke lie shanivar ka upvas karna chahie. shani vrat 21, 31 ya 51 ki sankhya men kie jate hain. din men ek samay bhojan ka tyag karna hi upvas kahlata hai. suryast ke purva ganpti aur apne ishtadev ka dhyan karte hue sanbandhit devta aur grah ka pujan karna chahie. shani vrat men hanuman ki puja archana ka vishesh mahatva hai. vrat kholne ke lie pujan ke samay shanivar vrat katha ka path ya shravan avashya karna chahie. yah vrat shukla paksh men shuru karna chahie. vrat vale din dugdhahar aur falahar kar sakte hain. khare namak ke atirikt anya dusre namkon ko bhojan men havishyann ke rup men prayukt kiya ja sakta hai. purn vidhi vidhan ke sath shani vrat ka anushthan karne se arisht fal dur hota hai evan anukul fal ki prapti hoti hai.
kuch saral upay:
shani hi nahin, kisi bhi grah ke anisht fal se bachav ke lie shri hanuman ki upasna behad prabhavkari mani gai hai. shri hanuman ki upasna saral hone ke sath-sath vyay rahit bhi hai. bas apko din ya rat men kabhi bhi shuddh man se tulsikrit shri ramchrit manas ke sundrkand ka path karna hai.
vidhi is prakar haiah sarvapratham ek pate par lal vastra bicha den. ho sake to usapar shri hanuman ki murti ya chitra rakhakar, sath men jal, pushp evan dipak rakhakar jyoti prajvalit karen. iske uprant shri hanuman ji ko padharne ka anurodh karen aur sarvapratham shri ramchrit manas ke kishkindhakand ke antim bhag ka yah prasang (sortha sahit) parhen: angad kahai jaun main para. jiya sansay kachu firti para.
sortha: nilotpal tan syam kam koti soya adhik sunia tasu gun gram jasu nam adh khagbdhik. iske bad shraddha ke sath hunman ji ko pranam kar sundrkand ka path karen. ant men punah uparyukt chaipaiyan parhakar sankat nivaran ka anurodh karen. shani ki mahadsha, sarhesati evan dhayya tatha kundli men ashubh shani ke kashton ka nivaran karne vale kuch saral upay yahan prastut hai, jo apne ap men vishishtita lie hue hain, bas avashyakta hai inhen sachche man evan purn shraddha vishvas ke sath karne ki.
- shanivar ko sayankal urad ki dal ke pakaure evan imrtiyan kutte ko khilaen.
- shanivar ko ek samay upvas rakhen. sarson ke tel men chaya dekhakar dan den.
- pipal vriksh ki jar men jal den.
- nav ki kil ya kale ghore ki utri nal ka challa bina ag men tapae pitakar banvaen, shanivar ko dudh gangajal men dhokar aur dhup dikhakar sayankal dahine hath ki madhyama men dharan karen.
- shanivar ko apne hath ki nap ke unnis hath kale dhage ki mala banakar pahnen. yah anubhut hai, ise avashya ajmaen, parantu shart hai ki yah kriya karne se pahle kisi ko bhi iski jankari n den, bhale hi vah apke ghar ka sadasya hi kyon n ho.
- shanivar ko pipal ke vriksh ke charon or shani mantra ¬ shan shanaishcharay namah ka jap karte hue sat bar kachcha sut lapeten.
- dashrthkrit shani stotra ka path shani ki pira ko ekadam kam karta hai, ise shanivar se praranbh karke matra 40 din lagatar karen, fir iski anubhuti apko svatah hone lagegi. shani ke dar se idhr-udhar bhatkne se achcha hai, svayan hi shani dev ka yah prayog tin shanivar ghar par hi sanpann karke shani kripa prapt karen. vartaman samay men shanidev ki kripa prapti ka ek matra aur sarvashreshth madhyam hai raja dashrthkrit stuti evan dashrthkrit tantrokt shani yantra prayog. isse shani shatru ki jagah mitra aur sahayak ho sakte hain aur jatak ko rank se raja banne ki samathrya pradan karte hain.
shri dashrthkrit stuti evan tantrokt yantra prayog prayog vidhi: kisi bhi shanivar ko subah ya sham suryast ke bad shuddh hokar, kale kapre ke asan par baithakar apne puja sthal men 10ga10 inch akar ka kala suti vastra bichakar is par apne nam se pran-pratishthit shani yantra ko divar ke sahare sthapit karen tatha sarson ke tel ka dipak jalaen v dhup karen. uske bad yantra ke sammukh kali sabut urad charhaen tatha tel ke dipak men se sidhe hath ke anguthe se tel lekar shani yantra par uska halka sa tika lagaen. purn bhakti bhav se shani dev ka smaran karte hue dashrthkrit stuti ka path karen. path samapti ke bad shani yantra ko pranam karke hat jaen. dusre shanivar ko fir stuti karen tatha tisre shanivar ko shani samagri arpan ke bad yantra ko tilak lagaen. tisre shanivar ko pujan sanpann hone ke bad yantra ke sammukh samagri ki usi kale kapre men potli banaen v usi din ya agle shanivar ko potli ko apne sir par ulti disha men sat bar ghumakar bahte pani men bahaen. yantra ko apne puja sthal men sthapit karen.
raja dasharath krit shani stuti: suryaputra! namastestu sarvabhakshay vai namah. devasurmnushyashch pashupakshi sarisripaah.. tvaya vilokitaah sarve denyamashu vrajanti te. brahma shakro harishchaiv rishyah saptatarkaah.. rajya bhrashtaah patantyete tvaya drishtaya'vlokitaah. deshashch nagaragrama dvipashchaiv tatha dumaah.. tvaya vilokitaah sarve vinashyanti samultah. prasadan kuru he saure! vardo bhav bhaskare.. anuvad: he suryaputra shanidev! apko namaskar hai. ap sabhi ka vinash karne vale chamkte grah hain. devta, asur, manushya, pashu-pakshi, sarp adi prani apki drishti matra se dukhi ho jate hain. brahma, indra, vishnu aur saptarshi, par bhi jab apki drishti jati hai to ye sabhi apne padon se chyut ho jate hain. desh, nagar, ganv, dvip tatha vriksh adi bhi apki drishti parne par samul nasht ho jate hain. atah he suryaputra shanidev! hamare upar prasann hokar, hame shubh var den.
sarhesati ki sthiti men rashiyon ke anusar upayah
vibhinn rashiyon ke pratyek charan ke anusar shani ki sarhesati ki ashubhta ko kam karne ke upay nimnalikhit hain.
mesh rashi pratham charan men:
- sukhe nariyal tatha badam ka dan karen.
- mitti ke bartan men sarson ka tel bharakar jal men niche dabaen.
- sharab aur mans-machli ka sevan n karen.
dvitiya charan men:
- ganesh ji ki puja-aradhna karen.
- bandar palen.
- kanya pujan karen.
- khushi ke avasar par mishthan vitaran n karen. yathasanbhav namkin vastuen banten.
tritiya charan men:
- shanivar ko kali urad jal men pravahit karen.
- sarp ko dudh pilaen.
- ghore ki nal ka challa dahine hath ki madhyama men shanivar ko dharan karen.
vrish rashi pratham charan men:
- shivling par dudh charhaen.
- sukhe nariyal bahte jal men pravahit karen.
- ghore ke nal ki anguthi dharan karen.
- sharab ka sevan n karen.
dvitiya charan men:
- dudh se bhigi mitti ka tilak lagaen.
- kutton ko mithi roti khilaen.
- vat vriksh ko shanivar ko dudh dalen.
tritiya charan men:
- hanuman ji ke mandir men sindur charhaen.
- nitya prati hanuman chalisa ka path karen.
- hanuman chalisa banten.
mithun rashi pratham charan men:
- shani ki upasna karen tatha shani yantra dharan karen.
- sukha nariyal jal men pravahit karen.
- sarp ko dudh pilaen.
dvitiya charan men:
- hanuman chalisa ka path karen.
- shivling par dudh charhaen.
- shaniyantra dharan karen.
tritiya charan men:
- sharab ka sevan n karen.
- nauka ki kil ka challa dharan karen.
- naukron ke sath uttam vyavhar karen.
kark rashi pratham charan men:
- char sukhe nariyal nadi men pravahit karen.
- bachchon ko dopahar ke samay mithi vastuen khilaen.
- nav ki kil dharan karen.
dvitiya charan men:
- kam se kam tin kale kutton ko mithi roti khilaen.
- sunsan sthan men surma dabaen.
- mansahar se bachen.
tritiya charan men:
- majdur ka palan karen.
- bahte jal men sharab pravahit karen.
- shani yantra dharan karen.
sinh rashi pratham charan men:
- hanuman ji ki upasna karen.
- kale ghore ki nal ka challa dharan karen.
dvitiya charan men:
- shanivar ko machliyon ko ate ki goliyan khilaen.
- ganesh upasna karen.
- mithai n banten balki namkin banten.
tritiya charan men:
- kali bhains ki nal ki anguthi dharan karen.
- sharab tatha mans-machli ka sevan n karen.
- urad bahti dariya men pravahit karen.
- shanivar tatha manglvar ko hanuman ji ko sindur charhaen.
kanya rashi pratham charan men:
- majduron se achcha vyavhar karen.
- kaue ko roti khilaen.
- bhagvti durga ki upasna karen.
- nange pair mandir men jaen.
dvitiya charan men:
- mahamrityunjay ka path karvaen.
- andhon ki seva karen.
- am banten.
tritiya charan men:
- bahti dariya men sharab pravahit karen.
- sharab aur mans-machli se sada dur rahen.
tula rashi pratham charan men:
- hanuman chalisa ka path karen.
- kaue ko roti dalen.
- sukha nariyal jal men pravahit karen.
dvitiya charan men:
- kala kutta palen.
- shani yantra dharan karen.
tritiya charan men:
- shivling par dudh charhaen.
- nav ki kil ki anguthi madhyama men pahnen.
- urad ke dane bahti dariya men pravahit karen.
vrishchik rashi pratham charan men:
- shanivar ka vrat karen.
- parastri se sanbandh n karen.
- shivling par dudh charhaen.
dvitiya charan men:
- bandar palen.
- kale chane tatha gur banten.
- andhe admi ki seva karen.
tritiya charan men:
- hanuman chalisa ka path karen.
- nashile padarthon ka sevan n karen.
- majdur ki seva karen.
dhanu rashi pratham charan men:
- kanyaon ki puja karen.
- bhainse ko urad khilaen.
dvitiya charan men:
- shani upasna karen
- nariyal ke khopre men til evan gur bharakar mitti men dabaen.
tritiya charan men:
- suryoday se purva mukhya dvar ke pas kachchi jamin par sharab giraen.
- sharab evan mans ka sevan n karen.
- kale ghore ki nal ki anguthi dharan karen.
makar rashi pratham charan men:
- bhainsa palen.
- nange panv mandir jaen.
- shani stotra ka path karen.
dvitiya charan men:
- kal kutta palen.
- andhe vyakti ki seva karen.
tritiya charan men:
- shani yantra dharan karen.
- hanuman mandir men sindur charhaen.
kunbh rashi pratham charan men:
- mahamrityunjay ka path karen.
- shanivar ka vrat karen.
dvitiya charan men:
- machliyon ko ate ki goliyan dalen.
- nariyal ke khope men til, shakkar tatha ghi dalakar kiron ke pas dabaen.
tritiya charan men:
- kale ghore ki nal ka challa dharan karen.
- bhairav ji ki upasna karen.
- shanivar ka vrat rakhen.
min rashi pratham charan men:
- badam dan karen.
- nariyal ka dan karen.
- hanuman ki upasna karen.
dvitiya charan men:
- andhe vyakti ki seva karen.
- vat vriksh ki jar men dudh dalen.
tritiya charan men:
- nange panv mandir jaya karen.
- pratidin hanuman chalisa ka path karen.
- pipal ke niche dipak jalaen.
- pipal par kachchi lassi charhaen.
dvadash bhavon men shani ki ashubhta nivaran ke upay
- agar pratham bhav men shani ho, to ghar men bandar palen. mathe par dudh ya dahi ka tilak lagaen. shanivar ko sarson ke tel ka dan karen.
- agar dvitiya bhav men shani ho, to mastak par tel n lagaen. shivling par jal charhaen. urad ke ate ki goliyan banakar machliyon ko dalen.
- agar tritiya bhav men ho, to kala kutta palen. makan ke ant men ek andhera kamra banaen. apne makan ka mukhya dvar uttar ki taraf banaen.
- chaturth bhav men shani ho, to majdur ki seva karen. sarp ko dudh pilaen. kale vastra dharan n karen. ratrikal men dudh sevan n karen.
- pancham bhav men shani ho, to budh ka upay karen. artalis varsh se purva makan n banvaen. saunf, gur, shahad, tanba aur chandi nae lal vastra men bandhakar andhere kamre men rakhen.
- chathe bhav men shani ho, to sarson ka tel mitti ke patra men dal kar usmen munh dekh kar talab men mitti ke niche daba den.
- satven bhav men shani ho, to kali gay ki seva karen. parastri gaman n karen. jal men gur dalakar shanivar ka pipal ki jar men dalen.
- ashtam bhav men shani ho, to chandi ka chaikor tukra sadaiv apne pas rakhen. sharab ka sevan n karen. yadi shani ashubh ho, to ath sau gram kachcha dudh somvar ke din bahte pani men pravahit karen.
- navam bhav men shani ho, to guru ki puja karen. makan ke upar kura-karakat athva vyarth ki vastuen n rakhen.
- dasham bhav men shani ho, to ganesh ji ki puja karen. andhe vyakti ki seva karen. pile rang ka vastra dharan karen.
- ekadash bhav men shani ho, to parastri gaman n karen. makan ke mukhya dvar par sharab ya sarson ka tel jamin par giraen. ghar men chandi ki thos int rakhen. shanivar ka vrat rakhen.
- dvadash bhav men shani ho, to makan ke piche ki taraf khirki ya darvaja n banvaen. barah badam kale kapre men bandhakar lohe ke patra men band karke sadaiv kayam rakhen. asatya n bolen. shani ka yantra dharan karen. shani ke pramukh siddh pith shani ke niche likhe mandiron men shani ki aradhna karne se shani ke shubh falon ki prapti hoti hai.
singnapur: yah sthan pune se 100 kilomitar evan shirdi ke sthan se 60 kilomitar ki duri par sthit hai. shani dev ki murti kale patthar ke shila ke rup men ek siment ke chabutre par avasthit hai. yahan shani dev svayan prakat hue the. inka chamatkar vishvavikhyat hai. puja samagri men tel kala tarag, ak ki mala, prasad, nariyal, lohe ki nal adi hote hain, jinhen shani ke charnon se sparsh karakar ghar le ate hain. yahan dukandar lungi ya bhagva vastra dete hain, jise pahan kar nahate hain aur gile vastra pahne hi shani ki puja karte hain. nange sir hi darshan karne ka vidhan. sutak, patak ya rajo darshan ho, to darshan karna varjit hai. striyan chabutre par nahin ja saktin, chabutre par purush hi ja sakte hain. shani maharaj ko tel snan karane se v darshan karne se hi samanya pira dur ho jati hai. asamajik tatvon kartuten asafal ho jati hain. yahi karan hai ki yahan 5 ki.mi. tak ke kshetra men gharon men tale nahin lagae jate.
kokila van men sthit siddh shani mandir: yah mandir vraj dham uttar pradesh men kashi se 5 ki.mi. dur nand ganv se 1 ki.mi. pahle sthit hai. katha hai ki yahan bhagvan shri krishn ne shani ko darshan dekar ashirvad diya tha kaha jata hai ki is kokila mandir ki parikrama karne aur shani ka pujan karne vale ko shani pira nahin dete. yahan har shanivar ko mela lagta hai. parikrama karte samay shani ke bij mantra ka uchcharan karna chahie. ¬ pran prin praun sah shanaishcharay namah ya raja dashrthkrit siddh stotra ka path karte hue 24 parikrama karni chahie. vahan chapa patra ka dan avashya karen. kale kapre men kale til aur urad bandh kar dakaut ko dene chahie. shukravar ko chane bhigokar shanivar ko uska prasad bantne se shani maharaj khush hokar kashton ka nivaran karte hain.
gvaliyar sthit shanaishcharay mandir: gvaliyar se 30 kilomitar dur ek parvat hai. isi parvat par fenka tha hanuman ji ne lanka men shani ko ravan ke karagar se mukt kar is prasang men ek katha hai. hanuman ji ne lanka ko jalaya, par lanka puri tarah jali nahin. tab hanuman ji ne shani se kaha ki ap apni drishti se lanka ko jala den. hanuman shani ko unche parvat par le gaye. vahin par shani ne apni drishti se lanka ko jala dala aur ravan dekhta rah gaya. fir hanuman ne shani se kaha ki apka yahan rahna uchit nahin. main apne bal par apko bharatavarsh men fenk raha hun aur jahan ap girenge vahin log apki puja karenge. yahan har shanivar, visheshtah shanaishchari amavasya ke din vishesh mela lagta hai. log shani ki pratima se liptte hain. shanivar ko bandron ko kele v chane khilate hain. shani ki puja karte hain. apne purane vastra, jute vahin chorakar, naye vastra dharan karte hain.
dilli men chandni chaik sthit shani mandir: yah kanch ka bara suhavna mandir hai. is shani murti ki pran pratishtha shastra vidhi se hui hai. anya grahon ki murtiyan bhi yahan sthapit hain. yahan shanivar ko log tel ka dipak jalate hain. yahan sava kilo chane ka prasad bantna chahie. aisa karne se shani ke kashton se chutkara milta hai.
asol shani dham: yah shani mandir ganv asola men dilli sthit mahrauli men chatrpur se 5 kilomitar dur asola ganv men sthit hai. shani ki murti ashtadhatu se bani hai. ek men shani maharaj giddh par savar hain aur dusri murti men bhainse par. yah shani shaktipith aj logon ki astha ka kendra bana hua hai. yahan har shanivar ya shani amavasya ko shraddhalu shani ki murti par tel, urad aur kala vastra charhate hain. logon ko shani ki sarhesati ke karan milne vale kashton ka nivaran hota hai.