parashri paddhati men upay ankur nagpal bhartiya jyotish men rishi parashar dvara batae gae upay daivagya samaj men sarvadhik lokapriya mane gae hain. is alekh men prastut hai inhin upayon ka sankshipt varnan. hidu samaj men prarabdh ki tin prakar se vyakhya ki gayi hai.
1. drirh prarabdh (arthat kabhi n badlne vala prarabdha)
2. adrirh prarabdh (arthat badle ja sakne vala prarabdha)
3. drirhadrirh prarabdh (arthat adha badle jane vala v adha nahin badle jane vala prarabdha)
inhin sab men drirhadrirh prarabdh ki pradhanta hai. jiske antargat jo prarabdh men likhe gae hain, un kashton ko grahshanti prayogon ki sahayta se ghata sakte hain. jyotish shastra ke pitamah bhagvan parashar ne jo upay kahe hain, hamen sarvatha unhin ko manna chahie. parashri upay lal kitab ya kisi anya vidha se adhik shighra prabhavi hote hain. jab kisi grah ki dasha praranbh ho, to usse sanbandhit upay avashya karne chahie. chahe achchi grahdsha ho ya kharab, parashri upay hamesha karne chahie taki gochar men dashanath/antardashanath ki kharab sthiti kahin ashubhafalaprad n ho jae. parashri upayon ka kuprabhav bhi nahin hota.
parashar ne jo kuch bhi darshan diya, uska saransh yahan prastut hai. surya ki mahadsha men mahamrityunjay mantra v shivji ki karmakand, stotrapath, athva mantrajap adi rupon men aradhna karna shreyaskar hai. chandrama ki mahadsha men shivasahastranamastotra ka niyamit path karen. safed gay ka dan karna shreyaskar hai. mangal ki mahadsha men vaidik mantra v sukton ka jap, atharvashirshon ka jap, vaidik mantron se sandhyavandan, chandi pujan adi karen. budh ki mahadsha men vishnu sahastranamastotra ka path sabhi kashton ka hanan karega jaise ram ka brahmastra ravan ka vadh karta hai. guru ki mahadsha men shivasahastranamastotra ka niyamit path karen, apne isht ko prasann rakhen, guru ka adar karen.
shukra ki mahadsha men yajurved men pradarshit v prachlit rudri ka path v anushthan karen, yathashakti bhagvan mahamrityunjay ka jap karen. shani ki mahadsha men mahamrityunjay mantra ka yathashakti jatak svayan hi jap karen. rahu ki mahadsha men durgaji ki aradhna karmakand, stotrapath, athva mantrajap rup men karen, kali gay athva bhains ka dan, adi karen. ketu ki mahadsha men devi durga ke mantron ka jap shatchandipath ka anushthan bakri ka dan karna shreyaskar hai. dvitiyesh ya saptamesh ki dasha athva dvitiya ya saptam bhav men sthit grah ki dasha men mahamrityunjay mantra ka jap, havan adi karen. saransh men bhagvan parashar dvara kahe gae dashanusar upay ka updesh hamne varnan kiya hai. mantrajap kabhi vifal nahin hote tatha grahdosh kam karne men purnarup se sahayak siddh hote hain. anttah koi bhi mahadsha ho, shivmantron ka v vishnusahastranam ka jap bhi hamesha karna chahie- ye sabhi manishiyon ka mat hai.