kal sarp dosh nivaran ke anek upay hain. is yog ki shanti vidhi vidhan ke sath yogya, vidvan evan anubhvi jyotishi, kul guru ya purohit ke paramarsh ke anusar kisi karmakandi brahman se yatha yogya samyanusar kara lene se dosh ka nivaran ho jata hai.
- is duryog se pirit jatak ko kal sarp yantra ki sthapna kar iska laeket ya anguthi pahnni chahie.
- rudraksh mala se mahamrityunjay mantra ka nitya 108 bar jap karna chahie. sath hi dashansh havan bhi karna chahie.
- mahashivratri, nag panchmi, grahan adi ke din shivalay men nag nagin ka chandi ya tanbe ka jora arpit karen.
- sarp pakre hue mor ya garur ka chitra apne puja ghar men lagakar darshan karte hue nav nag stotra ka jap karen.
stotra: anant vasukin sheshan padmanabhan ch kanbal. shankhpalan dhartarashtran takshakan kaliyan tatha. etani navnamani naganan ch mahatmanan sayankalepthennityan pratah kale visheshtah..
- rahu-ketu ke bij mantra ka 21-21 hajar ki sankhya men jap karaen, havan karaen, kanbal dan karaen v vipra puja karen.
- chandi ka charra, jo pola n ho arthat thos ho, kapur ki dali ke sath pas men rakhne se din bhar sarp bhay nahin rahta.
- bhagvan ganesh ketu ki pira shant karte hain aur devi sarasvati pujan archan karne valane ki rahu se raksha karti hain.
- bhairvashtak ka nitya path karne se kal sarp dosh se pirit logon ko shanti milti hai.
- mahakal shiv ke samaksh ghrit dip jalakar sarp sukt ka nitya path karna chahie.
- nitya un ke asan par baithakar rudraksh ki mala se nag mantra gayatri ka jap karna chahie. ‘‘¬ navkulay vidmahe vishdantay dhimhi tanno sarpah prachodyat’’
- kal sarp yog ki shanti ka mukhya sanbandh bhagvan shiv se hai. kyonki kal sarp bhagvan shiv ke gale ka har hai, islie kisi bhi shiv mandir men kal sarp yog ki shanti ka vidhan karna chahie. sath hi panchakshariya mantra ‘‘¬ namah shivay’’ ka jap karna chahie.
- 500 gram, sava kilo gram ya dhai kilo gram ke parad shiv ling ki panch sau pran pratishtha karakar vidhivat rudrabhishek karna chahie.
- ¬ gan ganptye namah, ¬ namo bhagvte vasudevay, ¬ ran rahve namah, ¬ bhran bhrin bhraun sah rahve namah, ardhakayan mahaviryan chandraditya vimardanam. sinhika garbhasanbhutan tan rahun pranmamyaham.. hanuman chalisa, sundar kand ityadi ka path, mata sarasvati ki upasna, shri batuk bhairav mantra ka jap, rudrashtadhyayi aur navnag stotra ka path karna chahie.
- nag pash yantra athva kal sarp yantra, parad shiv ling, chandi ke asht nagon, ashtadhatu ke nag, tanbe ke nag, rudraksh, ekakshi nariyal aur navagrahon ka pujan karna chahie ya navagrahon ka dan dena chahie.
- nariyal ka fal bahte pani men bahana chahie.
- bahte pani men masur ki dal dalni chahie.
- pakshiyon ko jau ke dane khilane chahie.
- mor ya garur ka chitra banakar us par nag vish haran mantra likhen aur us mantra ke das hajar jap kar dashansh hom ke sath brahmanon ko khir ka bhojan karaen.
- nag ki patthar ki pratima banvakar uski mandir hetu pratishtha kar nag mandir banaen.
- kartik ya chaitra mas men sarp bali karane se bhi kal sarp dosh ka nivaran hota hai.
- apni lanbai ka mara hua sarp kahin mil jae to uska shuddh ghi se agni sanskar kar tin din tak sutak palen aur bad men sarp bali karaen athva jivit sarp ki puja kar use jangal men churva den.
- nag panchmi ke din sarpakar sabjiyan khud n khakar, n katakar unka dan karen.
apne vajan ke hisab se gayon ko ghas khilakar jivit nag ki puja karen. apne ghar men divar par nau nagon ka sachitra nagmandal banakar anant chaturdashi se pitri shraddh tak nitya dhup, dip, khir naivedya ke sath puja ke bad apni anukulta ke anusar nag bali karaen. acharyon evan vidvanon dvara sujhae gae upay bhairvashtak prayog kar kal sarp yog ke bhay se bacha ja sakta hai.
yog men ae sarp ko devta man kar nag puja karni chahie. mahamrityunjay ka jap evan sarparaj bhagvan ashutosh shiv ki aradhna sarvashreshth evan karagar upay hai.
- surya-chandra grahan ke din grahan ke samay rudrabhishek karaen. abhishek ke pahle chandi se nirmit nag-nagin ka jora bhagvan shankar ko charha den aur abhishek ki samapti par use pahle se jal bhare tanbe ke patra men visarjit kar den aur us patra ko abhishek karane vale pandit ko dan kar den. ise kal sarp yog shanti ka ram ban prayog bataya gaya hai.
- 500 gram ka parad shiv ling (parivar men ek se adhik vyaktiyon ko hone par dhai kilogram ka) banva kar vidhi-vidhan se puja karne se dosh se mukti milti hai.
- hanuman ji ki nitya puja se bhi is yog ki shanti hoti hai, kyonki hanuman ji ne hi lakshman ji ko nag pash se mukt karaya tha.
û shiv upasna evan rudra sukt se abhimantrit jal se snan karne se yah yog shithil ho jata hai.
- surya athva chandra grahan ke din sat anaj se tula dan karen. - shiv ling par charhane yogya tanbe ka ek bara sarp banaen. sath hi sarpa-sarpini ka chandi ka jora banvaen. tanbe ke sarp ko pran pratishthit kar brahm muhurt men shivalay par charha aen tatha sarpa-sarpini ke chandi ke jore ko bahte pani men chor den.
- palash ka ful gau mutra men kut kar chanv men sukhaen. iska churn bana kar nitya snan ke jal men mila kar snan karen. 72 budhvar tak aisa karne se kal sarp yog nasht hota hai.
- 72000 rahu mantra ‘¬ ran rahve namah’ ka jap karne se kal sarp yog shant hota hai.
- pratyek budhvar ko kale vastra men ek mutthi urad ya mung dal kar, rahu mantra ka jap kar, bhikhmange ko dene ya bahte pani men dalne se avashya labh hota hai. aisa 72 budhvar ko karna chahie.
- kal sarp yog ki vishisht anguthi ko pran pratishthit kar budhvar ko kanishtha men dharan kar, us din rahu ki samagri ka anshik dan karne se chamatkarik labh milta hai.
- nag panchmi ka vrat evan nav nag stotra ka path karna chahie.
- mor ya garur ka chitra bana kar, us par nag vish haran mantra likh kar, us mantra ke 10,000 jap kar, dashansh havan kar brahmanon ko khir ka bhojan karaen.
- kartik ya chaitra mas men sarp bali karane se kal sarp yog dosh ka nivaran hota hai.
- gehun ya urad ke ate ki sarp murti bana kar ek sal tak pujan karne aur bad men nadi men chor dene tatha tatpashchat nag bali karane se kal sarp yog shant hota hai.
- rahu evan ketu ke nitya 108 bar jap karne se bhi yah yog shithil hota hai. rahu mata sarasvati evan ketu shri ganesh ki puja se bhi prasann hota hai.
- har pushya nakshatra ko mahadev par jal evan dugdh charhaen tatha rudra ka jap evan abhishek karen.
- har somvar ko dahi se mahadev ka ¬ har-har mahadev kahte hue abhishek karna chahie.
- rahu-ketu ki vastuon ka dan karen.
- rahu ka ratn gomed pahnen.
- kul devta ki puja karen.
- chandi ka nag bana kar ungli men dharan karen.
- shiv ling par tanbe ka sarp anushthanpurvak charhaen.
- rahu ke mantra ka hamesha jap karna chahie.
- kisi stri ko yah yog hai aur santti ka abhav hai, to kisi ashvatth (vat) vriksh ki nitya 108 bar pradakshina karane, 2800 pradakshinaen puri hone par dosh dur hoga aur santan ki prapti hogi.
lal kitab ke upay lal kitab men kal sarp yog ka nam nahin ata hai, kintu lal kitab ke niyamon ko dhyan men rakhte hue kal sarp ke sahi upay kie ja sakte hain.
pratham bhav men rahu aur saptam bhav men ketu: yahan rahu ka upay hoga. chandi ki thos goli pas rakhen. dvitiya bhav men rahu aur ashtam bhav men ketu: yahan ketu ka upay hoga. ketu dorangi ya bahurangi vastuon ka karak hai, atah aisa kanbal jo doranga ya bahurangi ho, mandir men den. tritiya bhav men rahu aur navam bhav men ketu: yahan ketu ka upay hoga. yahan ketu brihaspati ke pakke bhav men hai, islie sona, jo brihaspati ka karak hai, dharan karne se ketu ka prabhav shubh ho jaega.
chaturth bhav men rahu aur dasham bhav men ketu: is sthiti men rahu ka upay nahin, balki dasham bhav ke ketu ka upay karen. chandi ki dibbi men shahad bhar kar usmen lal kitab ko dalakar ghar se bahar jamin men dabaen. pancham bhav men rahu aur ekadash bhav men ketu: yahan rahu ka upay hoga. ghar men chandi ka thos hathi rakhna chahie. andar se agar khokhla ho, to us andhere men bhi rahu ka prabhav rah jata hai.
chathe bhav men rahu aur barhven bhav men ketu: beshak chathe bhav men rahu har musibat ko katne vala chuha hai, kintu fir bhi usmen kuch bure prabhav dene ki pravritti hoti hai. rahu ke bure prabhav ko dur karne ke lie budh ko shaktishali karna chahie. iske lie bahan ki seva karen ya koi ful apne pas rakhen. budh ko islie shaktishali kiya jata hai ki yahan par kal purush kundli ke hisab se budh ki kanya rashi ati hai aur budh rahu se mitrata rakhta hai.
saptam bhav men rahu aur pratham bhav men ketu: is sthiti ke kal sarp yog men donon grahon ke upay karne honge. pratham bhav, kal purush kundli ke hisab se, mangal ka ghar hai. islie ketu ko shant karne ke lie lohe ki goli par lal rang kar ke apne pas rakhna chahie kyonki lal rang mangal ka karak hai, jiske dvara ketu ko dabaya ja sakta hai.
saptam bhav men rahu hone par brihaspati aur chandra ke asar ko mila kar rahu ke ashubh prabhav ko kam karna hoga. iske lie chandi ki ek dibbi men ganga jal ya bahti nadi ya nahar ka pani dal kar, jo guru ka karak hai, usmen chandi ka ek chaikor tukra dal kar, dhakkan laga kar ghar men rakhna chahie. dhyan rahe ki dibbi ka pani sukhe nahin; arthat dibbi men pani dalte rahen.
ashtam bhav men rahu aur dvitiya bhav men ketu: yahan rahu ka upay karna hoga. rahu ke ashubh prabhav ko dur karne ke lie 800 gram sikke ke ath tukre kar ke ek sath bahte pani men dalne chahie. navam bhav men rahu aur tritiya bhav men ketu: yahan ketu ka upay hoga. ketu ke mitra guru ki sahayta se ket ko shant karne ke lie tin din, lagatar, chane ki dal bahte pani men dalni chahie. dasham bhav men rahu aur chaturth bhav men ketu: yahan ketu ke ashubh asar ko dur karne ke lie chaturth bhav ki buniyad ko majbut karna hoga.
iske lie pital ke baratan men bahti nadi ya nahar ka pani bhar kar ghar men rakhna chahie. upar pital ka dhakkan hona chahie kyonki kal purush kundli ke hisab se yahan par guru ki uchch ki rashi kark ati hai. pital ka baratan tatha bahta pani donon hi guru ke karak hain. ketu guru ka mitra hai, atah is upay se shubhta a jaegi.
ekadash bhav men rahu aur pancham bhav men ketu: yahan rahu ke ashubh prabhav ko dur karna hoga, jiske lie 400 gram sikke ke das tukre kara kar ek sath bahte pani men dalne chahie. dvadash bhav men rahu aur chathe bhav men ketu: yahan donon ki sthiti ashubh hone ke karan donon grahon ka upay karna chahie. rahu ke dosh ko dur karne ke lie bori ke akar ki lal rang ki ek thaili bana kar usmen saunf ya khand bhar kar jatak ko apne sone vale kamre men rakhni chahie.
dhyan rahe ki kapra chamkila n ho kyonki lal rang mangal ka karak hai aur saunf tatha khand ki madad se rahu ke ashubh prabhav ko dabaya jata hai. ketu ko shubh karne ke lie guru ko shaktishali karna chahie. guru ki karak dhatu sona pahnne se ketu ke fal men shubhta a jaegi.
- bahte pani mane koyla bahana chahie.
- nariyal ke fal bahte pani men bahaen. - rasoi ghar men baith kar hi bhojan karen.
- mukhya dvar par chandi ka svastik lagana chahie.
- shraddh paksh men pitron ka shraddh shraddhapurvak karna chahie.
- shravan mas men 30 din tak mahadev ka abhishek karen.
- nag panchmi ko chandi ke nag ki puja karni chahie, pitron ko yad karna chahie tatha bahte pani ya samudra men nag devta ka shraddhapurvak visarjan karna chahie.
- guru seva evan kul devta ki puja-archana nitya karni chahie.
- shayan kaksh men lal rang ke parde, chadar tatha takiyon ka upyog karen. - bahte pani men masur ki dal dalni chahie.
- harijan ko masur ki dal tatha paise dan karen.
- pakshiyon ko jau ke dane khilaen. kal sarp yogon ke nam evan unke nidan - anant kal sarp yog ki shanti ke lie chandi ki thos goli apne pas rakhen.
- kulik kal sarp yog ki shanti ke lie aisa kanbal jo doranga ya jyada rangon ka ho, mandir men dena chahie.
- vasuki kal sarp yog ki shanti ke lie sona dharan karna chahie.
- shankh pal kal sarp yog ki shanti ke lie chandi ki dibbi men shahad bhar kar, ghar se bahar jamin men dabana chahie.
- padm kal sarp yog ki shanti ke lie ghar men chandi ka thos hathi kal sarp yogon ke nam evan unke nidan rakhna chahie.
- mahapadm kal sarp yog ki shanti ke lie apni bahan ki seva karni chahie, ya kisi ful ko apne pas rakhna chahie.
- takshak kal sarp yog ki shanti ke lie lohe ki goli par lal rang kar apne pas rakhna chahie.
- karkotak kal sarp yog ki shanti ke lie 800 gram sikke ke ath tukre kar ke ek sath bahte pani men dalne chahie.
- shankhchur kal sarp yog ki shanti ke lie tin din lagatar chane ki dal bahte pani men dalni chahie.
- ghatak kal sarp yog ki shanti ke lie pital ke baratan men bahti nadi ya nahar ka pani bhar kar ghar men rakhna chahie.
- vishadhar kal sarp yog ki shanti ke lie 400 gram sikke ke das tukre kar ek sath bahte pani men dalne chahie.
- sheshnag kal sarp yog ki shanti ke lie bori ke akar ki ek lal rang ki thaili bana kar usmen saunf ya khand bhar kar pirit vyakti ko apne shayan kaksh men rakhna chahie.