1. chay, tambaku dalda, jo nahin kare prayog. fir us vyakti se dare, bhanti-bhanti ke rog ..
2. gajar bathua amla, jo khaye man layen. kshudha badhe kabji mite, khun saf ho jayen..
3. harar bahera amla, chaithi nim giloy. jo vyakti sevan kare, kaya hoy nirog..
4. thanda jal sevan karo, uthakar pratahkal udar rog mit jayenge, khatm kabj janjal ..
5. gar kamjor dimag hai, to kar itna kam. sath shahad ke khaiye, bhige hue badam..
6. jo chahe nirog tan, rakhiye itna dhyan. sair pratahkal ki, tel male par nahan..
7. manr chavlon ka piye, namak mila prabhat. motapa kam hoyega, halka rahega gat..
8. ninbu ras men gholakar, gandhak suhaga ral. malte rahiye dad par, jar se khatm baval..
9. bhindi ki jar kutakar, kariye khub mahin. shvet pradar jar se mite, kariye ap yakin..
10. lahsun ki do tukriyan, kariye khub mahin. shvet pradar jar se mite, kariye ap yakin..
11. dudh ak ka laga lo, khub ragar ke bad. char-panch din men khatm, hoy purana dad..
12. dudh gadhi ka chupriye, muhanson par roj. khatm hamesha ke lie, rahe n bilkul khaj..
13. sarson tel pakaiye, dudh ak ka dal. malish kariye chanakar, samajh khaj ka kal..
14. muli ras men dalakar, leo jalebi khay. ek saptah tak khaiye, bavasir mit jay.
15. chana chun bin nun ke, jo chaisath din khae. dad, khaj aur sehua, jara mul se jaye..
16. gajar ka piyo svaras, ninbu adarak laye. bhukh barhe alas bhage, badhjmi mit jaye..
17. jab bhi lagti hai tumhen bhukh karakedar. bhojan khane ke lie ho jao taiyar..
18. sada nak se shvans lo, piyo n kaefi chay. pachan shakti bigarakar, bhukh vida ho jay..
19. tyag dijiye hriday se, chinta shok tamam. bhojan karne par turant, karo nahin vyayam..
20. pratahkal jo niyam se, bhraman kare har roj. bal-buddhi donon barhe, mite kabj ka khoj..
21. satya path par arurh ho, taj ishrya abhiman. hathadharmi tyagakar, karo satya ka man..
22. ishvar dharm samaj par, karo ap vishvas. yash paoge jagat men, vyasan n fatke pas..
23. pagal, vriddh, garib ki, ninda karo n ap. karo sahayta jo bane, haro sakal santap..
24. mata-pita acharya se, karo prem se bat. ashirvad se sada, sukhi rahega gat..
25. chori aur vyabhichar se, raho hamesha dur. prabhu chintan karte raho, sukh pao bharpur..
26. ek ishvar aur maut ko, kabhi n man se bhul. satya vachan vinamrata, hote sukh ke mul..
27. dhan sanpda ko pakar, karo nahin abhiman. yahin rakha rah jayega, yah sara saman ..
28. ek kanchan ek kamini, man ko ley lubhay. tyag tapasya se manuj, deta hai thukray..
29. dip gyan ka jalakar, kar hriday prakash. ek kshan men ho jayega, andhkar ka nash..
30. kaya-maya par kabhi, karo nahin abhiman. tan aur man se tum rakho, desh dharm ka dhyan..
31. vidyarthi, bhukha, pathik, dvarpal bhaybhit. inhen jagna chahie, garmi ho ya shit..
32. sanp, sher, kutta, suar aur murkh insan. inhen n sote jagao, kahte chatur sujan..