yadi kisi vyakti ko santan prapti men samasya a rahi ho, to aise vyakti is lekh men likhe gaye saral upayon ko apna kar santan ki prapti ati hi sahjta ke sath kar sakte hain. kintu upayon ko ati savdhani se v shraddha ke sath karna ati avashyak hota hai. upay nimnavat hain:
1. santan prapti ke lie pati-patni donon ko rameshvaram ki yatra karni chahie tatha vahan sarpa-pujan karvana chahie. is karya ko karne se santan-dosh samapt hota hai.
2. stri men kami ke karan santan hone men badha a rahi ho, to lal gay v bachre ki seva karni chahie. lal ya bhura kutta palna bhi shubh rahta hai.
3. yadi vivah ke das ya barah varsh bad bhi santan n ho, to madar ki jar ko shukravar ko ukhar len. use kamar men bandhne se stri avashya hi garbhavati ho jaegi.
4. jab garbh dharan ho gaya ho, to chandi ki ek bansuri banakar radha-krishn ke mandir men pati-patni donon guruvar ke din charhayen to garbhapat ka bhay/khtra nahin hota.
5. yadi bar-bar garbhapat hota hai, to shukravar ke din ek gomti chakra lal vastra men silakar garbhavati mahila ke kamar par bandh den. garbhapat nahin hoga.
6. jin striyon ke sirf kanya hi hoti hai, unhen shukra mukta pahna di jaye, to ek varsh ke andar hi putra-ratn ki prapti hogi.
7. yadi bachche n hote hon ya hote hi mar jate hon, to manglvar ke din mitti ki handi men shahad bharakar shmashan men dabayen.
8. pipal ki jata shukravar ko kat kar sukha len, sukhne ke bad churn bana len. usko pradar rog vali stri pratidin ek chammach dahi ke sath sevan karen. satven din tak masik dharm, shvet pradar tatha kamar dard thik ho jaega.
9. santan prapti ke lie inmen se kisi bhi mantra ka niyamit rup se ek mala pratidin path karen.
1. o'm namo bhagvte jagatprasutye namah.
2. o'm klin gopal veshghatay vasudevay hun fat svaha.
3. o'm namah shaktirupay mam grihe putran kuru kuru svaha.
4. o'm hin shrin klin glaun.
5. devki sut govind vasudevay jagatpate. dehin ye tanyan kribaj tyamhan sharnangat.
inmen se ap jis mantra ka bhi chayan karen us par purn shraddha v astha rakhen. vishvaspurvak kiye gaye karyon se saflta shighra milti hai. mantra path niyamit rup se karen.
krishn ke bal rup ka chitra lagaen. laddu gopal ka chitra ya murti lagana labhdayak hota hai. kram sankhya 4 v 5 par die gaye mantra shighra faldayak hain. inhen santan gopal mantra bhi kaha jata hai.
santan raksha hetu mantra-tantra-yantra evan upasna
1. yadi pancham bhav men surya sthit ho to:
- kabhi jhuth mat bolo aur dusron ke prati durbhavna mat rakhen.
- yadi ap kisi ko keai vachan den to use har hal men pura karen.
- prachin paranpraon v rasm rivajon ki kabhi avhelna n karen.
- damad, nati (natiyon) tatha sale ke prati kabhi vimukh n hon n hi unke prati durbhavna rakhen.
- pakshi, murga aur shishuon ke paln-poshan ka hamesha dhyan rakhen.
2. yadi pancham bhav men chandra ho to:
- kabhi lobh ki bhavna mat rakhen tatha sangrah karne ki manovritti mat rakhen.
- dharm ka palan karen, dusron ki pira nivarnarth prayas karte rahen aur apne kutunb ke prati dhyan rakhen.
- chandra sanbandhi koi bhi anushthan karne se purva kuch mitha rakhakar, pani pikar ghar se bahar jaen.
- somvar ko shvet vastra men chavl-mishri bandh kar bahte jal men pravahit karen.
3. yadi pancham bhav men mangal baitha ho to:
- rat men lote men jal ko sirhane rakhakar soen.
- parayi stri se ghanishth sanbandh n rakhen tatha apna charitra sanymit rakhen.
- apne bare-burhon ka samman karen aur yathasanbhav unki seva karen tatha sukh suvidha ka dhyan rakhen.
- apne mrit bujurgon ityadi ka purn vidhi-vidhan se shraddh karen. yadi apka suhrid santan mar gaya ho to uska bhi shraddh karen.
- nim ka vriksh ropane tatha manglvar ko thora sa dudh dan karen.
4. yadi pancham bhav men budh ho to:
- gale men tanbe ka paisa dharan karen.
- yadi go-palan kiya jae to santan, stri aur bhagya ka purn sukh prapt hoga.
5. yadi pancham bhav men brihaspati virajman ho to:
- sir par choti rakhen aur janeu dharan karen.
- apne yadi dharm ke nam par dhan sangrah kiya ya dan liya to santan ko nishchit kasht hoga. dharm ka karya yadi ap niahsvarth bhav se karenge to santan kafi sukhi-sanpann rahegi.
- ketu ke bhi upay nirantar karte rahen.
- mans, madira tatha parastri gaman se dur rahen.
- sant, mahatma tatha sannyasiyon ki seva karen tatha mandir ki kam se kam mahine men ekbar safai avashya karen.
6. yadi pancham bhav men shukra sthit ho to:
- gomata tatha shrimata ji ki purn nishtha ke sath seva karen.
- kisi ke lie hriday mane durbhavna n rakhen tatha shatruon ke prati bhi shatruta ki bhavna n rakhen.
- chandi ke bartan men rat men shuddh dudh piya karen.
7. yadi pancham bhav men shani sthit ho to:
(ka) paitrik bhavan ki andheri kothri men surya sanbandhi vastuen jaise gur-tanba, mangal sanbandhi vastuen jaise sauf, khand,shahad tatha lal munge v hathiyar, chandra sanbandhi vastuen jaise chaval, chandi tatha dub sthapit karen.
- apne bhar ke dashansh ke tulya badam bahte hue pani men dalen aur unke adhe ghar men lakar rakhen lekin khaen nahin.
- yadi santan ka janm ho to mithai n bant kar namkin banten. yadi mithai bantna jaruri ho, to anshmatra namak ka bhi samavesh kar den.
- kala kutta palen aur use nitya ek chupri roti den.
- budh sanbandhi upay karte rahen
8. yadi pancham bhav men rahu upasthit ho to:
- apni patni ke sath dubara fere lene se rahu ki ashubhta samapt ho jati hai.
- ek chota sa chandi ka hathi nirmit kara kar ghar ke puja sthal men rakhen.
- mans, madira v parastri gaman se dur rahen.
- jatak ki patni apne sirhane panch muliyan rakhakar soen aur agle din pratah unhen mandir men dan kar den.
- ghar ke pravesh dvar ki dahlij ke niche chandi ki ek choti si chadara/pattar dabaen.
9. yadi ketu pancham bhav men upasthit ho to:
- chandra v mangal ki vastuen dudh-khand ityadi ka dan karen.
- brihaspati sanbandhi sare upay karen.
- ghar men yadi koi shani sanbandhi vastu (kali vastuen) ho to use tale men hi rakhen.