kai bar gharelu upay itne prabhavshali hote hain ki ruke hue karya turant banne lag jate hain. yahan badha nivaran evan karya siddhi ke mahatvapurn totke die ja rahe hain...
vivah vilanb jinhen mangal dosh ho ya mangal ke karan jinke vivah men vilanb ho raha ho ya dampatya sukh men kami ho to shukla paksh ke manglvar se yah totka shuru karen. hanuman ji ko nau manglvar sindur charhaen, dhyan rakhen koi apko toke nahin.
bina bole chupchap ghar laut aen. aisa karne se ruka hua karya banta hai. ismen astha avashyak hai. yadi vivah men deri ho rahi ho ya koi aur badha a rahi ho, to anar ka vriksh shukla paksh ke shukravar ko lagaen v uski seva karen, jal arpan karen.
anar svayan n khayen. dhyan rahe, vriksh lagate vakt koi apko toke nahin, agar toke ap uttar n den v tok ko prabhavhin karne ke lie. man men shri ram shri ram, gyarah bar bolen. manpsand naukri pratibha hone ke bavjud yadi manpsand naukri nahin mil rahi ho, to shukla paksh ke shanivar se shuru kar har shanivar kachche dudh men thora gur milakar jamun ke per ki jar men charhaen.
dudh charhane jate samay se vapas ate tak kisi se bat n karen. manglvar ko suryast ke bad andhon, korhiyon, apangon ko halva banten. shighra hi labh anubhav hoga. naya ghar kai bar naya ghar kharidne men bahut avrodh v dikkaten ati hain aise men har shanivar ek katori sarson ka tel kisi bhi mandir men rakh den. murakar piche n dekhen. kisi fakir ya sadhu se tabij n len. fir bana banaya flait len, jamin lekar makan banana labhdayak nahin hoga.
uchch raktachap yadi uchch raktachap ki shikayat ho, to shukla paksh ke manglvar ko hanuman ji ko chola, sindur v anar charhaen. charha kar bina kisi se bat kie, hanuman ji ke bij mantra ka man hi man jap karte hue ghar aen. billi rasta kat jae billi rasta kat jae, thori der ruk jaen, ghar najdik ho to vapas jaen, jal pien v 21 bar shri ramay namah bolte hue vapas karya ke lie jaen, karya safal hoga.
karya siddhi kisi avashyak karya men rukavat ho, man men sanshay ho ki karya banega ya nahin, to safed kagaj ke ek tukre par lal syahi se tribhuj banaen, usmen shri likhen aur use lapet kar mastak se laga kar jeb men rakh kar le jaen. karya siddh ho jane par mandir men kisi bhi murti ke samaksh chupchap rakhakar bagair kisi se bole ghar a jaen .
badha nivaran yadi achanak labh ki sthitiyan ban rahi hon, par badhaen a rahi hon to ak ki rui ki batti aur til ke tel ka dipak shanivar ko sandhya ke samay kisi tirahe par bina bole, toke rakh aen. shanaishchari amavasya ho to aur bhi achcha, apratyashit labh milega.
shukla paksh men ya holi ke din safed kaner ghar men lagaen, vighn badhaen dur hongi, arthik paksh majbut hoga. vyatha nivaran kabhi behad pareshan hon, samasyaon ne gher rakha ho, kisi se kahne se behatar hai ki ap tulsi ke paudhe se ekant men apni vyatha suna den. dhyan rahe, koi toke nahin. man halka ho jaega aur bhagavat kripa se samadhan ho.
if you are facing any type of problems in your life you can consult with astrologer in delhi