vigyan ‘karya-karan ke siddhant’ par adharit hai. parantu asankhya ghatnaen aisi hain, jinka karan samjhne men choti ke vaigyanik apne apko sarvatha asamarth pa rahe hain. siddhanton ke vyabhichar matra se jyotish shastra ki vaigyanikta ka prativad nahin kiya ja sakta. jyotish chirantar satya siddhanton par adharit ek vigyan hai, jismen abhi atyadhik anusandhan ki avashyakta hai. jyotish - jo rahasya sadharntah indriyon ki pahunch se bahar hai athva bhut-bhavishya ke garbh men nihit hain, ve jyotishshastra dvara pratyaksh jan lie jate hain.
hamare rishiyon ne usi shastra ki rachna ki hai jo ki bharat ke lie gaurav ki bat hai - jyotisha maynan sakshad yatad gyan matindriyam. pranitan bhavta yen puman ved paravaram.. shrimad bhagavat puran grah gati janya prabhav se pratarit samast samaj vyakti kiva desh ki sthiti thik us tinke ki bhanti hi anubhav ki gai hai, jo vayu veg se pratarit hokar apne astitva ko khokar idhr-udhar bhagta firta hai. naishdhchrit men spasht likha hai-
”avashya bhavyeshva navagrah grahayva disha dhavti vedhsah spriha. trinen vatyen tayanu gamyate lokasya chitten bhrisha davshatmanah.. spasht hai ki us paroksha-agyat alaukik shakti ke parichayak annat koti taron evan grahon ke adrishya sanket se sanchalit brahmand men kabhi bhukanp samudri barfani tufan, jvalamukhi visfot evan jan jivan men ugra vinashak ghatnaen spasht anubhav ki gai hai. is prakar jagat pita ki adrishya alokik shakti hi brahmand ko prabhavit karti hai.
sanchalit karti hai. grah gati janya is parinam ko ham ‘bhavitavyata’ kivan ‘ishvarechcha’ kahakar svikar karte hain. strinashak -bahu stri prapti ke yog
1. shukra yadi pap grahon ke bich men ho ya shukra se chaturth, ashtam, dvadash men pap grah ho in tinon prakar ki sthiti ke grahon ka fal yah hai ki jis purush ki kundli men yah yog hoga uski stri ki mrityu ho jati hai. jitne duryog adhik honge utna hi dushprabhav adhik hoga.
2. saptam bhav ka svami pancham men ho to uski stri ki mrityu ho ya aputra (putra se hin) ho. yadi panchmesh ya ashtamesh saptam bhav men ho to bhi patni ka vinash ho jata hai. yadi kshin chandrama panchven bhav men ho aur pap grah lagn saptam aur barhven bhavon men ho to jatak patnihin putrahin hota hai.
3. yadi surya aur rahu saptam bhav men ho to stri sang se dhan nash ho. yadi vrishchik rashi gat shukra saptam men ho ya vrish rashigat budh saptam bhav men ho. makar rashi men brihaspati (guuru) sancharan karta hua saptam bhav men ho ya min rashi gat mangal saptam men ho. in yogon men se koi bhi yog ho to patni ki mrityu ho jati hai. yadi saptam men kark rashi ho aur usmen mangal tatha shani ho to us manushya ki sundar aur sachcharitra patni hogi.
4. yadi satven bhav ka svami ya satvan bhav pap grahon se drisht ya pap grahon ke madhya ho ya saptamesh nich ya shatru rashi (shatru grah ki rashi) men sthit ho, ya ast ho (surya ke samip hone ke karn) to stri nasht ho jati hai. ye sabhi stri nashak yog hai.
5. yadi shukra pap grah ke sath (surya, mangal, shani, rahu) panchven ya satven ya navam bhav men ho to us purush ki stri rogini (jiske sharir ka koi avayav thik tarah se kam n karta ho) hoti hai ya stri sukh ke abhav ke karan vikal rahta hai. yadi shukra mangal ya shani ke varg men ho ya unse dekha jata ho to apni patni ke atirikt anya stri men rat rahta hai.
6. yadi shukra aur chandrama se saptam sthan men mangal aur shani sthit ho to strihin ho, yadi saptam men napunshak (budh, shani) sthit ho aur gyarhven sthan men do grah sthit ho to jatak ke do stri ho, yadi shukra aur saptamesh donon dvandva rashi men ho to jatak ko do patni ho, shukra jitne grahon se yut aur saptamesh jitne grahon se yut (arthat saptamesh aur shukra jitne grahon se yukt ho) utni hi striyon ki prapti (yadi adhik grahon ki yuti arthat saptamesh aur shukra adhik grahon se yukt ho aur utne vivah ki sanbhavna kam ho to vivah ke atirikt stri samagam samjhna chahie) hoti hai.
7. jitne grah saptam men ho utni striyan hongi samjhna, inhin grahon men jitne pap grah ho utni striyan nasht hongi aur jitne shubh grahon ki sthiti hogi utni kayam (jivit) rahengi. ab kanun dvara hinduon men bahu (adhik) vivah pratha samapt ho chuki hai, atah bahu vivah vala jyotish niyam lagu nahin hoga. kyonki jyotish siddhant desh kal aur patra ke anusar hi lagu kiye jane par hi falit thik tarah se hoga, anyatha nahin.
8. yadi saptam bhav ka svami shubh grah ho, balvan bhi ho to sadhvi aur putravti stri prapt ho, yadi papagrah bhi saptam men ho aur yadi vah svagrihi ho to shubh fal hi karta hai. shubh grah (yadi vah chathe athven ya barhven bhav ka svami n ho) saptam bhav men ho to sukh barhata hai. arthat stri sukh pradan karta hai.
9. yadi dvitiya aur saptam men ashubh grah ho ya in sthanon par ashubh grah ki drishti ho to bharya ka nash (strinash) hota hai. inmen bhi (yutt ya vikshit) krur drishti vishesh ashubh fal dene vali hoti hai. is prakar mahila ki kundli men saptam ya ashtam donon bhav ashubh grahon se yut ya vikshit ho to pati ke lie anisht hogi, arthat dosh karak hota hai. kintu yadi (donon bhav se arth hai stri ki kundli men saptam aur ashtam sthan purush ki kundli men dvitiya aur saptam sthan) donon bhav shubh grahon se yutt ya vikshit ho to pati-patni bhagyavan hote hain.
10. yadi stri ki kundli men chandrama aur shani donon saptam bhav men ho to punarvivah hota hai. purush ki kundli men yah yog ho to vah strihin ya putrahin hota hai. yadi ashubh grah apni nich ya shatru ki rashi men dvitiya saptam aur ashtam men ho to yah yog stri janm kundli men ho to pati ka maran aur purush kundli men ho to patni ka maran ho.
11. yadi lagn se saptam bhav men sam (vrish, kark, kanya, vrishchik, makar aur min) rashi ho, saptamesh aur shukra bhi sam rashi men sthit ho aur panchmesh tatha saptamesh bali ho aur surya se ast bhi n ho to stri putra ka sukh hota hai.
12. yadi dvitiya saptam aur dvadash bhav ke svami trikon ya kendra men ho aur brihaspati se dekhe jate hon. saptamesh jahan sthit hon usse dusre satven aur gyarhven sthan men saumya grah hon to jatak sukhi, putravan, kalatra (stri) van hota hai.
13. purush ki kundli men yah dekhiye ki lagnesh aur saptamesh kis rashi aur kis navmansh men hai, aisi rashi ya navansh ki trikon rashi stri ki janm rashi hogi, ya purush ki kundli men lagnesh ya saptamesh ki uchch ya nich rashi stri ki janm rashi hogi ya purush ke chandrashtak varg men jis rashi men adhik bindu honge vah rashi stri ki janm rashi hogi.
14. purush ki kundli men yah dekhiye ki -
1. saptam bhav men kaun si rashi hai,
2. saptamesh kaun si rashi men sthit hai,
3. shukra kaun si rashi men sthit hai. in tinon ki rashiyon men se kisi ek rashi ki disha men janmi larki se vivah hoga.
15. lagnesh jis rashi navansh men hai usse trikon rashi men jab shukra ya saptamesh gochar men ata hai tab vivah hota hai.
1. jo grah lagn se saptam bhav men ho,
2. jo grah saptam bhav ko dekhta ho
3. saptamesh - saptamastha-saptam ko dekhne vala grah
4. saptam bhav men sthit rashi ka svami in tinon ki jab dasha antardasha ho aur lagnesh jab gocharavash jab saptam sthan men aye tab vivah hota hai.
16. jis rashi men saptamesh ho us rashi ka svami tatha jis navansh men saptamesh ho uska svami in donon men tatha shukra aur chandrama men se kaun balvan hai ? jab is balvan grah ki dasha antardasha ho, aur saptamesh jis rashi ya navansh men he, usse trikon rashi men gocharavash brihaspati ave tab vivah hota hai.
yadi saptam sthan ka svami nich rashi men, shatru rashi men, ast ya pap grah se drisht ho aur saptam bhav men pap grah ho, ya saptam bhav pap grahon se vikshit ho to kalatra (stri) ki hani hoti hai. aisa vidvanon ka mat hai.