jyotish shastra ki drishti se vivah men vilamb hone ke pramukh karan hain janm kundali ke saptam bhav men ashubh, akarak evan krur grahon ka sthit hona tatha saptamesh evan uske karak grah brihaspati/ shukra evan bhagyesh ka nirbal hona . yadi prithktavadi grah surya, shani, rahu, ketu saptam bhav ko prabhavit karte hain to vivah men vilamb ke sath-sath vaivahik jivan men kalah, tanav, algav, sanbandh vichched jaisi anek pareshaniyan utpann hoti hain . lagn kundali ke pratham, chaturth, saptam, ashtam evan dvadash men se kisi bhav men mangal sthit hone par mangli dosh nirmit hota hai. iske karan bhi vivah men vilamb ho sakta hai . jyotish vidvanon ke matanusar mangli dosh hone par vivah yog 28 varsh ke pashchat banta hai . mangli dosh men vivah ke purva kundali ka milan evam mangal grah ki shanti hetu dan, jap evan pujan karna avashyak hai . janm kundali men vaidhavya yog hone par vidvan pandit ke margadarshan mane bhagvan shaligram ya pipal ke vriksh ke sath kanya ka vivah karane par vaidhavya yog nasht ho jata hai .
shighra vivah ke lie nimnanusar upay karna chahie:-
1. kundali men brihaspati nirbal hone par uska vrat, jap,pujan evan svarn dhatu men sava 5 ratti ka pukhraj dharan karna chahie .
2. 101 sabut chaval ke dane chandan men dubokar un namah shivay mantra ke jap ke sath shivling par chadhaven .
3. guruvar ka vrat karen evan kele ke vriksh ka pujan karen .
4. kundali men saptamesh nirbal hone par uska nag dharan karen .
5. somvar ko shivling par dugdh mishrit jal se abhishek karen .
6. parvati mangal stotram ka path karen .
7. bhringraj ya kele ke vriksh ki jad ko abhimantrit kar dharan karen .
8. manovanchit jivan sathi ki prapti ke lie durga saptashati ke nimn mantra ka jap karen . ’’patni manorma dehi, manovritanusarinim. tarini durgasansar sagarasya kulodvavam’’. yadi stri jatak path karen to patni ki jagah pati padhane
. vivah men vilanb ke karan v nivaran pravin joshi purush jatak ke vivah men vilamb hone par shukla paksh men manglvar ko pratah hanuman ji ka dhyan karte hue 21 din tak nimn shlok ka 108 bar path karen evan hanuman ji ko chola chadhaen . ’’s devi nitya parityamanastvamev sitetyabhibhashman: ghritavrato rajsuto mahatma tavaiv labhay krit prayatnah’’ durga saptashati men varnit argala stotram evam kshama prarthana ka path pratidin karne se vivah men ane vali badhaen dur hokar sukh, samriddhi evan saubhagya ki prapti hoti hai . yadi uproktanusar upay shraddha evan vishvas ke sath yogya evan vidvan pandit ke margadarshan men vidhi vidhan se kiye jayan to prabhavi parinam prapt hokar shighra vivah ka yog banta hai .