vidya ko dhan kaha gaya hai. manav jivan ke vikas men shiksha ki bhumika aham hoti hai. iske bina manushya ka jivan pashuvat hota hai. mata-pita apne bachchon ko achchi se achchi shiksha dekar unke jivan ko sanvarne ka har sanbhav prayas karte hain. kintu aksar dekhne men ata hai ki sare prayason ke bavjud bachchon ki shiksha men tarh-tarah ki badhaen ati hain. pathkon ke labharth yahan badhaon ka vishad vivaran prastut hai. vidya ko chunki dhan mana gaya hai, islie jyotish shastra ke anusar iska vichar dhan bhav se bhi kiya jata hai. faldipika ke pratham adhyay ke dasven shlok men spasht rup se likha hai- viÿan vidya svannapanani bhuktin dakshakshyasthan patrika vakkutubanm.. arthat dhan, vidya, svayan ke adhikar ki vastu, vani adi ka vichar dvitiya bhav se karna chahie. vidya tatha dvitiya bhav aur grah yadi dvitiya bhav men koi shubh grah sthit ho, iska sanbandh svagrihi, uchchasth tatha mitra rashisth grah se ho, to shiksha prapti men kisi prakar ki badha nahin ati. shubh grahon ki drishti ke falasvarup bhi shiksha badhamukt hoti hai, aur chatra ek ke bad ek saflta ki sirhiyan charhta chala jata hai.
ashtam bhav men sithat nich grah bhi kai bar uchch shiksha ki prapti men sahayak hota hai. iske falasvarup chatra ke lie janmasthan se dur ya videsh men rahakar bhi vidya prapti ka yog banta hai. is bhav men sthit ashubh, papi ya krur grah chatra ke videsh athva hostal men rahakar vidyadhyayan ke yog bana sakte hain. dvitiya bhav par grahon ke ashubh prabhav vidya prapti men badha pahuncha sakte hain. surya, shani tatha rahu ki prithktakari drishti ke prabhavavash vidya prapti men bara sankat ata hai. dusri tafar, guru yadi dvitiya bhav men sthit ho, to prapt vidya ka sahi upyog nahin ho pata hai. shukra ki sthiti achchi vidya dilati hai, kintu ashtamasth shukra ki drishti yadi dvitiya bhav par ho, to shiksha prapti men apratyashit sankat ya badhaen a sakti hain. rahu yadi kisi rashi men chathe, athven ya dasven bhav men ho, to chatra ka adhyayan men man nahin lagta, jisse uski shiksha badhit hoti hai. shani ki panchven aur athven bhavon men sthiti bhi shiksha ki prapti men badhak hoti hai. yah badha dhan ke karan bhi sanbhav hai. shani ki is sthiti se prapt vidya ka sadupyog bhi nahin ho pata hai. isi prakar anya grah bhi vidya prapti men badhak ho sakte hain. badhaon se mukti ke kuch pramukh upayon ka ullekh prastut hai, jinhen apnane se chatron ko shiksha ke marg men ane vali badhaon se mukti mil sakti hai aur ve vanchit saflta prapt kar sakte hain. vahin prapt vidya ka sadupyog bhi ho sakta hai.
surya:
surya tatha shani ya rahu ki dvitiya bhav par drishti ashubh hoti hai. isse mukti hetu donon grahon ki shanti karani chahie. surya dvitiyesh ki sthiti men shubh n ho, to uski shanti avashya karani chahie. suryajnit anya badhaon se mukti evan bachav ke upay is prakar hain.
û surya ka yantra athva pendal dharan karen.
û sahaj dhyan yog karen.
û bhagvan surya dev ka aisa purn chitra, jismen surya, rath, ghoron aur sarthi arun ka spasht darshan ho, adhyayan kaksh men lagaen.
chandra:
man ke karak chandra ka vidyabhyas men vishesh mahatva hai. yah chatra ko adhyayan ke prati ekagra karta hai. iske ashubh prabhavon ke falasvarup utpann badhaon se mukti ke lie nimnalikhit upay karne chahie.
û shveta sarasvati ki aradhna karen.
û chandi ki thali men kesar se chandra rashi ke anusar panchdshi yantra banakar usmen khir khaen, man ekagra hoga aur vidya prapti ke achche avasar samne aenge.
û purnima ke din rishi muniyon, mathadhishon tatha gyanijnon ka ashirvad prapt karen.
mangl:
mangljnit badhaon se mukti evan bachav hetu nimnalikhit upay karne chahie.
û adha bhag chaval tatha adha bhag panchmeve ke mishran se khir banakar bhagvan shiv ko bhog lagaen. yah kriya chalisa dinon tak niyamit rup se karen.
û hanuman chalisa ka nitya nishthapurvak path karen.
û adhyayan ke lie agni kon men pith karke baitheen. yathasanbhav uÿarabhimukh hi baithen.
budh:
budh ki ashubh sthiti ke karan utpann badhaon se mukti hetu nimnalikhit upay karne chahie.
û bhagvan ganesh ko durva charhaen.
û parhai lakri ke tebul par hare rang ka kapra bicha kar karen.
û panna pahneen.
shukra:
shukrajnit badha se bachav ke upay is prakar hain.
û bhagvti kamla mahavidya ki nishthapurvak upasna karen.
û shivji ko niyamit rup se safed ak ka ful charhaen. iske abhav men anya safed ful charhaen.
û shukravar ko skul ke vidyarthiyon ko athva chote bachchon ko khir khilaen.
shani:
shani vidya prapti men vishesh badhak grah mana jata hai. iske viprit kuch mahatvapurn vidya shani ke karan hi prapt hoti hai. shani ke karan utpann badhaon se mukti hetu nimnalikhit upay karne chahie.
û mahavidya mahakali ki upasna karen.
û pratyek shanivar ko kale kuÿo ko shahad tatha roti khilaen.
û rin lekar parhai n karen.
û ghar men lohe ki bajay lakri ki kursi aur tebul ka upyog karen.
û mahamrityunjay mantra ka ‘pushtibardhanam’ vala prayog karen.
û adhyayan kaksh ke darvajon men lagi sankal, chatkhniyon, kabjon adi par shanivar ko sandhya ke samay tel lagaen.
rahu:
shani ki tarah rahu bhi shiksha men badhak hota hai. is grah ke karan utpann badhaon se mukti aur bachav hetu nimnalikhit upay karen.
û mishrit anaj se bani roti, berad ya biskut kale aur bhure kuÿo ko khilaen.
û bhagvti chinnamasta ka tantranushthan karen.
û taigar ai (vyaghramni) ka pendal pancham dhatu men pahnen.
û bheruji ko dipdan karen.
û roj pratahkal anvle ke murabbe ka sevan karen.
vishesha: grahon ki ashubh sthiti ke falasvarup ya anya karnon se vidya prapti men badha a rahi ho, ekagrata ki kami ho, smaran shakti kamjor ho gai ho, to mahavidya tara aur nil sarasvati ki upasna anushthanpurvak karni chahie aur unke yantra dharan karne chahie.