vrindavan men ek sthan aisa hai, jahan gyan hara aur bhakti jiti. is prasang ne lok manas men yah baithaya ki gyanarjan se adhik gyananubhav mahatvapurn hota hai. buddhi se jyada bhavnaen pramukh hoti hain. mastishk se adhik dil ki bat sunni chahie. is sthan ko gyan guddi kahte hain. lok men yah prasang uddhava-gopi sanvad ke rup men jana jata hai. bhaktikalin kaviyon ne is prasang se yah sthapit kiya ki bhagvan ko pane ka sabse sahaj aur saral marg bhakti ka hai. shastron-puranon men yah prasang nam matra hai. mahakvi surdas ne is prasang ko vistar diya. anek varshon bad jagadguru shankracharya ne bhi bhaj govind, bhaj govind mudhmte, gakar sthapit kiya ki bhagvan ko pane ka gyanmarg se jyada sahaj bhaktimarg hai. bat us samay ki hai jab- krishn guru sandipan ke yahan gyanarjan ke lie gaye the tab unhen braj ki yad satati thi.
vahan unka ek hi mitra tha uddhav, vah sadaiv gyan-niti ki, nirgun brahm aur yog ki baten karta tha. shrikrishn ka uddhav se parichay mathura men hua. uddhav har sandarbh men nitiyon ka sahara lete. parinamasvarup unse bat karne vala nirur rah jata. unke gahan adhyayan aur vid se prabhavit log unhen devtaon ke guru brihaspati ka shishya mante. pahle parichay men hi uddhav ne apni gyanpurn baton se shrikrishn ko prabhavit kiya. shrikrishn ko yah anubhuti thi ki uddhav ko gyan ka garva hai. shanka nivaran ke lie shrikrishn ne yukti nikali. ek din unhonne uddhav se bat karte hue kaha ki main manta hun ki gyan ka marg sarvom hai. gyan se vyakti ke mohpash khul jate hain. maya ke bandhnon se use mukti mil jati hai. is tarah moh-maya use dukh nahin pahunchate. uddhav ko apni bat ganbhirta se sunte dekh ganbhir lanbi sans lekar shrikrishn ne kaha- uddhav ji, kya yah sanbhav hai ki ap braj jakar gopiyon ko samjhaen. unhen bataen ki duniya ka sar gyan hai, peram nahin. gyan se prapti hoti hai, bhavnaon se nahin. gyan se shanti milti hai, jabki prem ashant karta hai.
gyan dukhon se upar uthata hai aur prem dukhon men dubota hai. gyan samasyaon ka ant hai aur prem dukhon ka aranbh. gyan aur nitiyon ke sahare ap gopiyon ko samjha sakte hain ki prem nira pagalapan hai. shrikrishn ki bat sunakar uddhav ke bhitar gyanajanya garva hiloren lene laga. unhonne braj jakar gopiyon ko samjhane ki bat man li. unhonne shrikrishn ko ashvasan diya ki ve gopiyon ko samjhakar kuch din men hi laut aenge. shrikrishn ka sandesh lekar uddhav vrindavan pahunche. uddhav ke agaman ka samachar pure braj men fail gaya. nand baba ke ghar kuch samay bitane ke bad uddhav gopiyon se milne pahunche. uddhav ne dekha gopiyan behal hain. uddhav ko yah sab vichitra laga. gopiyon ki dasha par ve man hi man muskura uthe. gyan garva pidit ho unhonne ankhen mund lin. age badhne par unhen sakhiyan se ghiri radha dikhin. apurva saundarya, saundarya se abhibhut uddhav ne apne ko krishn sakha batakar radha ko pranam kiya. uddhav ne bat age badhate hue kaha ki main apke lie unka sandesh laya hun. vah soch rahe the ki shrikrishn ka sandesh sunte hi gopiyan, man yashoda aur nandbaba ki tarah anand se bhar uthengi.
lekin radha to lagta hai mad men hain. unhen kisi ki chinta hi nahin. uddhav ke abhiman ne karavat li. unke man ne kaha-apne gyan se ve kitne murkhon ka jivan badal chuke hain. fir ye gopiyan kya hain? akhir hain to striyan hi. prem ne inka mastishk dushit kar diya hai. inse har manakar lautna uchit nahin. uddhav ne ek bar fir bat shuru karne ka prayas kiya. unhonne kaha ki apko shrikrishn ke pas mathura koi sandesh bhejna ho to bataie. is par radha bol padin- uddhav ji hamare hriday prem se bhare hain. islie hamen kisi sandesh ya sandeshvahak ki avashyakta nahin. prem sandesh to hriday sun leta hai.
ham to nitya apne manmohan ko apna sandesh sunati aur unka sunti hain. uddhav ko laga radha vikshipt ho chuki hain. isilie aisi nirarthak batan kar rahi hain. uddhav ki khijh badh gai. unhonne kaha jitna prem tum shrikrishn se karti ho, utna param brahm se kartin to tumhara kalyan ho jata. tumhen dukh nahin bhugtna padta. param brahm nirgun nirakar hain. vah apne bhakton ke sath sadaiv rahte hain. manviya prem dukh deta hai jabki ishvariya prem anand. vivek ki ankhen kholo. param brahm srishti ka niyanta hai. uska nirmata aur palak bhi. anand hi nahin, vah parmanand pradata hai. vah sthan par upasthit hai. yahan tak ki hamare aur tumhare bhitar bhi vah upasthit hai. use pane ke lie bas shantchi ankh mundakar baithne, dhyan lagane ki jarurat hai. uddhav ne gopiyon ko samjhane ki drishti se kaha-tumhara man chanchal aur sansarik hai. maya ke adhin hai, islie tum apne ko krishn se alag man rahi ho. chanchal man sharirik aur mansik vikar utpann karta hai. man ki chanchlta tanav ka karan hoti hai. tan evan man ko durbal karti hai. man ko ekagra karo. use nirgun nirakar brahm men lagao. isse manahsthiti thik hogi.
rishi muni ise yog kahte hain. yog mansik shanti deta hai. isi se dhyan lagta hai. yogijan dhyan ke madhyam se hi ishvar ki prapti karke parmanand pate hain. moksh aur svarg pate hain. uddhav age kuch kahte tabhi ek gopi bol padi uddh v ji, ham samajh nahin pa rahe hain ki ap hamen kya samjha rahe hain. pyare shrikrishn ke darshan ke lie ham apni ankhen rat din khole rahte hain aur tum hamen ankh mundakar dhyan lagane ki sikh de rahe ho. hamen mansik shanti ka path padha rahe ho. uddhav nirur ho gaye. gopiyon ke age vah thage se khade rahe. jivan men ab tak unse is tarah ki baten kisi ne nahin ki thin. ve sochne lage shrikrishn ke prem men gopiyan is tarah bandhi hain jaise kante men machli. gopiyon ko shrikrishn ke prem se nikalna kathin hai. samjhane ki drishti se unhonne antim prayas karte hue kaha-ishvar ki or man lagane se dhan, rup, ishvar aur mukti, tum jo chahogi, tumhen mil jayega. uddhav age kuch bolte ki gopiyan bol padin-uddhav ji, hamen na to dhan sanpda chahie aur na hi mukti. ham svarg bhi nahin chahte aur na hi hamen bhog vilas chahie.
ham to chahte hain ki janm janmantar tak manmohan ke prati hamara prem isi tarah bana rahe. ham to bar-bar janm lekar bhi unke prem men hi dubna chahte hain. uddhav ko laga ki gopiyon ki prem bayar men unka gyan tinke ki tarah ud raha hai. tark shakti javab dene lagi hai. uddhav ne socha- shrikrishn ke prem men gopiyan is tarah dubi hain ki inhen sansar ka gyan hi nahin rah gaya. sansarik acharan se yah upar ho gai hain. gopiyon ke prem ke prati uddhav ke man men adrbhav panap utha. gyan se banjar hue mastishk men prem ka ankur fut pada. gyan ki guddi men unhen prem ka hira mil gaya. uddhav shant ho gaye. unhen laga ki unhonne gyanarjan to bahut kiya, lekin gyananubhav aj hi hua. unka man shraddha se bhar utha. mastak vrindavan ki prem bhumi par nat ho gaya. shraddhavanat uddhav ke hath radha ke pairane par ja tike. radha ke pairon par uddhav ke hath dekh gopiyan hataprabh rah gain.
gopiyan ashcharya se bhar uthin. uddhav prem men dube the. unka hriday premsagar men gote laga raha tha. unhen apni dasha ka gyan nahin rah gaya. budbudate hue uddhav ne kaha janma-janmantar vrindavan men hi mera janm ho. krishn ke prati mera prem bhi gopiyon jaisa hi rahe. manav rup men janm n mile to bhi vrindavan ke pashu-pakshi, lata-vrikshake rup men janm leta rahun. mujhe mukti nahin chahie. radha ne unhen uthaya. uddhav ki ankhon se prem ke ashru bah rahe the. ve vanridavan ki dhul men laut gaye. udhaun man na bhaye das-bis ek huto so gayau syam sang, kau aradhe is.