hamari bhartiya sabhyata evan sanskriti men prachin kal se hi ratn dharan ki paranpra rahi hai. nana prakar ke karyon ki siddhi ke lie ratna-uparatn dharan karne se labh prapt hota hai. kanya ke shighra vivah hetu: yadi kisi kanya ke vivah men pareshaniyan a rahi hon, to janmakundli dikhakar pukhraj dharan karne se ve pareshaniyan dur hoti hain. sarkari naukri men unnati ke lieah sarkari vibhag men naukri men padonnati men bar-bar badhaen a rahi hon athva pareshaniyan adhik hane to janmapatri ki janch karakar achchi gunavatta vala manikya dharan karne se labh hota hai.
korta-kachahari ki badhaon ke nivaran hetu: yadi kort kachhri ki samasyaen bar-bar ati hon, to achchi gunavatta vala munga dharan karne se samasya ke nivaran men kathinaiyan kam hoti hain aur karya shighrata se sanpann hota hai. pati-patni ke bich kalah se mukti ke lie: pati-patni ke bich yadi paraspar prem akarshan men kami ho, anaban bani rahti ho, to firoja ratn dharan karne se manomalinya dur hota hai tatha prem akarshan men vriddhi hoti hai.
tantra-mantra najar dosh adi se raksha ke lie: yadi tantra-mantra, jadu-tone, najar lagne adi ka bhay bana rahta ho to panna ratn dharan karne se bhay se mukti milti hai tatha in doshon se raksha hoti hai. mansik shanti ke lie: yadi mansik tanav bana rahta ho, sab sukh suvidhaen hote hue bhi mansik santushti n rahti ho, to moti aur rudrakshayukt mala dharan karne se labh hota hai. sanpurn badhaon se raksha ke lie: jivan men anek prakar ki badhaon se bachne tatha sabhi prakar ki khushhali ke lie achchi gunavatta vali navaratn mala athva navaratn anguthi dharan karne se labh prapt hota hai.
larke ke shighra vivah ke lie: yadi larke ka vivah n ho raha ho, bar-bar badhaen a rahi hon, to achchi gunavatta vala opal anguthi men dharan karne se badhaen dur hoti hanai. pet sanbandhi bimari tatha karyon men rukavat ke nivaran ke lie: yadi pet se sanbandhit koi samasya ho bar-bar aushdhi ke upyog se bhi labh n ho raha ho aisi sthiti men bayen hath ki madhyama men panch dhatu ki anguthi men shanivar ko surya ast hone ke bad gomed dharan karne se labh hone ki sanbhavna hoti hai. sath hi yadi karyon men rukavten adhik a rahi hane to aisi paristhiti men bhi gomed dharan karne se labh hota hai.
bhut pretadi badha nivaran ke lieah yadi bhut pretadi badha ke karan parivarik ashanti bani rahti hai. bure svapn dikhai dete hon aisi sthiti men lahsuniya ratn ko panchdhatu ki anguthi men budhvar ke din kanishthika men dharan karne se labh hota hai. jin bimariyon ki janch karne par bhi pata n chalta ho davai asar n kar rahi ho aisi paristhitiyon men bhi yah ratn dharan karne se labh hone ki sanbhavna hoti hai. davai asar karne lagti hai.
agar yadi koi bhi in asli ratnon ko dharan karne men asamarth ho to inke sthan par inke uparatn jaise panna ke uparatn anaesk, pukhraj ka sunela, nilam ka nili adi ratnon ke uparatn dharan karne se bhi samanyatah labh hota hai. yadi anguthi men inko dharan karne men asuvidha ho rahi ho to in ratnon ko laeket rup men gale men dharan karne se bhi labh prapt hota hai vishesh jankari ke lie kisi yogya jyotishi se paramarsh lekar ratn dharan kar sakte hain.