15 agast 1947 ko bharat jab ajad hua to us ghatna ko bharat ka punarjanm mante hue jo kundli banai gai, vah is prakar hai: kisi desh vishesh men hone vali ghatnaon ka vivechan karne ke lie mediniya jyotish ka sahara liya jata hai. mediniya jyotish men kundli ke vibhinn bhavon se kin-kin vishyon ka vichar kiya jata hai, vah is prakar hai: prastut lekh men ham pradhanmantriyon ka vichar karenge. pradhanmantriyon ka vichar ekadash bhav se kiya jata hai.
bharat ki kundli men ekadash bhav ka svami dev guru brihaspati hai. yahi karan hai ki sabhi pradhanmantriyon ki lagn kundli ya chandra kundli men guru trikonesh hokar shubhkari hai. ajadi se lekar ab tak ke 14 pradhanmantriyon ki kundliyon ka vivechan karne par ham is niyam ko satya pate hain.
- guru lagn kundli se trikonesh paya gaya -14 men se 12
- guru chandra kundli se trikonesh paya gaya -14 men se 8
- guru lagn ya chandra kundli se trikonesh paya gaya -14 men se 14
javahar lal nehru janm vivrn: 14.11.1889, 23.06, ilahabad pradhanmantri karyakal: 15.8.1947 se 27.5.1964 tak svargavas: 27.5.1964 (karyakal ke dauran) javahar lal nehru ji ki kundli men guru lagn kundli v chandra kundli donon se trikonesh hai. lagnesh chandra lagn men rajyog banata hai. (kendra ka svami trikon men ya trikon ka svami kendra men labhesh sukh bhav men sukhon ki vriddhi kar raha hai. guru shashthesh hokar chathe men harsh yog bana raha hai.
guljari lal nanda janm vivrn: 4.7.1898, 00.30, syalkot karyakal: 27.5.1964 se 9.6.1964 tak v 11.1.1966 se 24.1.1966 tak svargavas: 15.1.1998 guru lagn kundli v chandra kundli donon men trikonesh hai. lagnesh mangal lagn men rajyog banata hai. (kendra ka svami trikon men ya trikon ka svami kendra men) dvadshesh guru chathe men viprit rajyog banata hai. do bar karyakari pradhanmantri bane. labhesh shani ke vakri hone ke karan jyada din tik nahin pae.
lal bahadur shastri janm vivrn: 2.10.1904, 12.00, mugal saray karyakal: 9.6.1964 se 11.1.1966 tak svargavas: 11.1.1966 (karyakal ke dauran) guru lagn kundli men trikonesh hai. guru lagnesh hokar pancham men rajyog bana raha hai. panchmesh mangal navam men rajyog bana raha hai. labhesh labh sthan men labh ki vriddhi kar raha hai.
indira gandhi janm vivrn: 19.11.1917, 23.11, ilahabad karyakal: 24.1.1966 se 24.3.1977 tak v 14.1.1980 se 31.10.1984 tak svargavas: 31.10.1984 (karyakal ke dauran) guru lagn kundli se trikonesh hai. shani kendra ka svami hokar trikon men rajyog bana raha hai. bhagyesh guru labh sthan men bhagya ka labh de raha hai. parantu guru ke vakri hone ke falasvarup 1977 se 1980 tak pad se vanchit rahna para.
morarji desai janm vivrn: 29.2.1896. 14.00, gujrat karyakal: 24.3.1977 se 28.7.1979 tak svargavas: 10.4.1995 guru chandra kundli se trikonesh hai. shani bhagyesh hokar pancham men rajyog bana raha hai. shashthesh ashtam men uchch ka hokar viprit rajyog bana raha hai. dvadshesh ashtam men bhi viprit rajyog bana raha hai. labhesh mangal uchch ka hai, lekin iske ashtam men hone ke karan jyada din tak pad par tik nahin pae.
chaidhri charan sinh janm vivrn: 23.12.1902. 07.00, merath karyakal: 28.7.1979 se 14.1.1980 tak svargavas: 29.5.1987 guru lagn kundli se trikonesh hai. surya bhagyesh hokar lagn men rajyog bana raha hai. mangal panchmesh hokar dasham men rajyog bana raha hai. labhesh lagn men labh ki vriddhi kar raha hai. parantu labhesh shukra ke ast hone ke falasvarup pad par jyada din tik nahin pae.
rajiv gandhi janm vivrn: 20.08.1944. 08.50, munbai karyakal: 31.10.1984 se 1.12.1989 tak svargavas: 21.5.1991 guru lagn kundli v chandra kundli se trikonesh hai. panchmesh guru lagn men rajyog bana raha hai. lagnesh surya lagn men rajyog bana raha hai. labhesh budh lagn men labh ki vriddhi kar raha hai.
shri vi pi sinh janm vivrn: 25.6.1931. 07.00, ilahabad karyakal: 2.12.1989 se 10.11.1990 tak svargavas: 27.11.2008 guru lagn se trikonesh hai. bhagyesh guru lagn men uchch ka rajyog bana raha hai. labhesh labh sthan men labh ki vriddhi kar raha hai. ashtamesh shani shashth men viprit rajyog bana hai. dvadshesh budh dvadash men vimal yog bana raha hai.
shri chandrashekhar janm vivrn: 17.4.1927. 06.00, baliya karyakal: 10.11.1990 se 21.6.1991 tak svargavas: 8.7.2007 guru janm kundli se trikonesh hai. panchmesh surya uchch ka hokar lagn men rajyog bana raha hai. shashthesh budh dvadash men viprit rajyog bana raha hai. guru lagn kundli se trikonesh hokar labh bhav men baitha hai. labhesh ke ashtam men hone ke karan jyada din tak tik nahin pae.
shri pi. vi. narsinh rav janm vivrn: 28.6.1921. 11.30, karimanagar karyakal: 21.6.1991 se 15.5.1996 tak svargavas: 23.12.2004 guru chandra kundli se trikonesh hai. budh (vakri) lagnesh hokar dasham men baitha hai. trikon ka svami hokar kendra men rajyog banata hai lekin kendradhipti dosh se dushit bhi ho jata hai. shani shashthesh hokar dvadash men viprit rajyog banata hai.
atal bihari vajpeyi janm vivrn: 25.12.1924, 05.45, gvaliyar karyakal: 15.5.1996 se 1.6.1996 tak, 19.3.1998 se 22.5.2004 tak guru lagn kundli v chandra kundli se trikonesh hai. lagnesh mangal pancham men rajyog bana raha hai. bhagyesh chandra lagn men rajyog bana raha hai. budh labhesh hokar dhan bhav men baitha hai. labhesh budh ke vakri hone ke falasvarup pahli bar kuch dinon ke lie hi pad par rah pae. dusri bar pradhanmantri banne par karyakal pura kiya.
shri ech. di. devegora janm vivrn: 18.5.1933, 10.09, hasan karyakal: 1.6.1996 se 21.4.1997 tak guru lagn kundli se trikonesh hai. inki chandra kundli lagn kundli se balvan hai. labhesh shukra labh sthan men labh ki vriddhi kar raha hai parantu iske ast hone ke karan jyada din tik nahin pae. chandra kundli men bhagyesh shukra sukh sthan men rajyog bana raha hai, parantu ast hai. labhesh labh sthan ko dekh raha hai jisse labh ki vriddhi ho rahi hai. dvadshesh shani dvadash men vimal yog bana raha hai.
shri ai. ke. gujral (indra kumar gujral) janm vivrn: 4.12.1919, 10.00, jhelam karyakal: 21.4.1997 se 19.3.1998 tak guru lagn kundli v chandra kundli se trikonesh hai. panchmesh mangal kendra men raj yog bana raha hai. labhesh labh sthan men labh ki vriddhi kar raha hai. parantu iske shani se drisht hone ke karan jyada din tik nahin pae.
shri manmohan sinh janm vivrn: 26.9.1932, 14.00 geh (pakistan) karyakal: 22.5.2004 se aj tak guru lagn kundli v chandra kundli se trikonesh hai. lagnesh guru bhagya sthan men rajyog bana raha hai. bhagyesh surya dasham bhav men rajyog bana raha hai. ashtamesh ashtam men saral yog bana raha hai. shashthesh ashtam men viprit rajyog bana raha hai. dvadshesh ashtam men viprit rajyog bana raha hai. nishkarsh is prakar hamne dekha ki vibhinn rajyogon v viprit rajyogon ke sath-sath guru ke trikonesh hone se ukt vishisht vyaktiyon ko pradhanmantri ka pad mila.