rahu-ketu ka falit siddhant pan. anjni upadhyay rahu aur ketu donon chaya- grah hain. inka apna koi astitva nahin hai. ye donon jis bhav men sthit hon ya jis bhavesh ke sath hon unka fal prabal rup se karte hain. parashri ke anusar rahu ya ketu jis bhav men jis grah ke sath hoga usi ke anurup fal dega. rahu aur ketu ke grahon ke sath sahayak sanbandh ko hi sabhi vidvanon ne ekamat se svikar kiya hai. lekin ye donon grah surya aur chandra ke sath hone par unke falon men matra arachan paida karte hain, unmen vriddhi nahin hoti. jab ye bhav 3,6 ya 12 men hote hain, tabhi falon ki vriddhi karte hain. rahu aur ketu ke yogkarakatva ka vichar yadi rahu athva ketu kanedra men trikonesh ke sath ho athva trikon men kendresh ke sath ho to yogkarak hota hai. yadi rahu athva ketu kendra men kendresh athva trikon men trikonesh ke sath ho to yogkarak hota hai. yadi rahu athva ketu shubh sthan men sthit ho tatha kisi yogkarak grah se drisht athva yut hane to yogkarak hote hain. yadi rahu athva ketu kanedra men hi shubhrashi men akele ho to bhi yogkarak hota hai. rahu-ketu ke marakatva ka vichar rahu ya ketu ki yuti yadi markesh ke sath ho to marak ho jata hai. yadi mithun lagn ho v guru aur rahu ki saptam bhav men yuti ho to rahu prabal marak hota hai. rahu aur ketu ke dashafal ka vichar rahu ya ketu chayagrah hai jo jis bhav men ya jis bhavesh ke sath sthit hota hai usi bhav ya bhavesh ke anurup fal deta hai. rahu aur ketu yadi trikon men hon to yogkarak grah ki mahadsha men apni antardasha men yogafal dete hain. jab rahu ki mahadsha men shubh grah ki antardasha ati hai to ve utkrisht aur ashubh grah ki antardasha ho to hin fal dete hain. jab rahu athva ketu trikon men kanya ya mithun rashi men ho aur kisi bhi grah se uska sanbandh hon to antardasha ke shubh athva ashubh gunon ke anusar rajyog dene vala hota hai. rahu ya ketu yadi lagn, pancham athva navam bhav men ho to apni mahadsha men trikon ki antardasha men athva trikonesh ki mahadsha men apni antardasha men shubhafal deta hai. rahu athva ketu yadi trishdayasth ho aur uske sath koi grah nahin ho to aisi paristhati men papi grahon ki antardasha men papafal, shubh grahon ki antardasha men pap aur karak grahon ki antardasha men atipap fal milta hai. yadi rahu athva ketu dvitiyasth, saptamasth, ashtamasth, dvadashasth athva trishdayasth hokar markesh ke sath ho to svayan markesh hota hai. yadi rahu athva ketu kendra ya trikon ke atirikt pap sthanagat ho tatha usmen sanbandhit shubh grahon ki antardasha n ae to pap fal milta hai. yadi rahu kendra sthan men mesh, vrishchik, mithun, kanya, kark ya makar rashi men sthit ho to parashar muni ke anusar vah svayan rajyog karak hota hai. samanyatah rahu ki dasha ke praranbh men duahkh, madhya men sukh tatha ant men padachyuti, sthan parivartan v mata-pita ko kasht hota hai. rahu kendra ya trikon men sthit ho athva uska navmesh ya dashmesh se sanbandh ho to rahu ki dasha dhan, man, pad, pratishtha, bhagya v sukh barhati hai. rahu yadi ashtam athva vyay sthan men ho to uski dasha kashtaprad hoti hai. uska pap grah se sanbandh ya marak grah se yuti ho athva vah nich rashisth ho to jatak ko stri-putra ka shok, vyatha, kumti, pira tatha dhan-sanpatti ka kshay hota hai. rahu ka shubh bhav men shubh grah se drishti yuti sanbandh dhan, man v sukh-saflta deta hai. rahu ka rashigat fal yadi rahu kark, vrish ya mesh men ho to uski dasha men dhan aur dhanya ka labh hota hai. iske atirikt vidya, raja se samman aur stri-putra ka purn sukh milta hai. yadi rahu kanya, min ya dhanu rashi men ho to putra aur stri ka sukh milta hai, lekin mahadsha ke ant men sukh-vaibhav ka nash ho jata hai. yadi rahu vrish, kark, sinh athva kanya rashi ka ho to jatak ko raja ke sadrish vaibhav prapt hota hai. vah sabhi ka upkar karta hai aur bahut dhani hota hai.
Kya aapko lekh pasand aaya?
Subscribe