rahu ki mahadsha men navagrahon ki antardashaon ka fal evan upay ashok sharma rahu multah chaya grah hai, fir bhi use ek purn grah ke saman hi mana jata hai. yah adrra, svati evan shatbhisha nakshatra ka svami hai. rahu ki drishti kundli ke pancham, saptam aur navam bhav par parti hai. jin bhavon par rahu ki drishti ka prabhav parta hai, ve rahu ki mahadsha men avashya prabhavit hote hain. rahu ki mahadsha 18 varsh ki hoti hai. rahu men rahu ki antardasha ka kal 2 varsh 8 mah aur 12 din ka hota hai. is avdhi men rahu se prabhavit jatak ko apman aur badnami ka samna karna par sakta hai. vish aur jal ke karan pira ho sakti hai. vishakt bhojan, se svasthya prabhavit ho sakta hai. iske atirikt apach, sarpadansh, parastri ya par purush gaman ki ashanka bhi is avdhi men bani rahti hai. ashubh rahu ki is avdhi men jatak ke kisi priya se viyog, samaj men apayash, ninda adi ki sanbhavna bhi rahti hai. kisi dusht vyakti ke karan us pareshaniyon ka bhi samna karna par sakta hai. upay: bhagvan shiv ke raudra avtar bhagvan bhairav ke mandir men ravivar ko sharab charhaen aur tel ka dipak jalaen. sharab ka sevan katai n karen. lavaris shav ke dah-sanskar ke lie shamshan men lakriya dan karen. apriya vachnon ka prayog n karen. rahu men brihaspati: rahu ki mahadsha men guru ki antardasha ki yah avdhi do varsh char mah aur 24 din ki hoti hai. rakshas pravritti ke grah rahu aur devtaon ke guru brihaspati ka yah sanyog sukhdayi hota hai. jatak ke man men shreshth vicharon ka sanchar hota hai aur uska sharir svasth rahta hai. dharmik karyon men uska man lagta hai. yadi kundli men guru ashubh prabhav men ho, rahu ke sath ya uski drishti men ho to ukt fal ka abhav rahta hai. aisi sthiti men nimnankit upay karne chahie. kisi apang chatra ki parhai ya ilaj men sahayta karen. shaikshanik sanstha ke shauchalyon ki safai ki vyavastha karaen. shiv mandir men nitya jharu lagaen. pile rang ke fulon se shiv pujan karen. rahu men shani: rahu men shani ki antadarsha ka kal 2 varsh 10 mah aur 6 din ka hota hai. is avdhi men parivar men kalah ki sthiti banti hai. talak bhai, bahan aur santan se anaban, naukri men ya adhinasth naukar se sankat ki sanbhavna rahti hai. sharir men achanak chot ya durghatana ke duryog, kusangti adi ki sanbhavna bhi rahti hai. sath hi vat aur pitt janit rog bhi ho sakta hai. do ashubh grahon ki dasha-antardasha kasht karak ho sakti hai. isse bachne ke lie nimn upay avashya karne chahie. bhagvan shiv ki shami ke patron se puja aur shiv sahasranam ka path karna chahie. mahamrityunjay mantra ke jap svayan, athva kisi yogya vidvan brahman se karaen. jap ke pashchat dashansh havan karaen jismen jayafal ki ahutiyan avashya den. navchandi ka purn anushthan karte hue path evan havan karaen. kale til se shiv ka pujan karen. rahu men budh: rahu ki mahadsha men budh ki antardasha ki avdhi 2 varsh 3 mah aur 6 din ki hoti hai. is samay dhan aur putra ki prapti ke yog bante hain. rahu aur budh ki mitrata ke karan mitron ka sahyog prapt hota hai. sath hi karya kaushal aur chaturai men vriddhi hoti hai. vyapar ka vistar hota hai aur man, samman yash aur sukh-samriddhi ki prapti hoti hai. upay: bhagvan ganesh ko shatnam sahit durvakunr charhate rahen. hathi ko hare patte, nariyal gole ya gur khilaen. korhi, rogi aur apang ko khana khilaen. pakshi ko hari mung khilaen. rahu men ketu: rahu ki mahadsha men ketu ki yah avdhi shubh fal nahin deti hai. ek varsh aur 18 din ki is avdhi ke dauran jatak ko sir men rog, jvar, shatruon se pareshani, shastron se ghat, agni se hani, sharirik pira adi ka samna karna parta hai. rishtedaron aur mitron se pareshaniyan v parivar men klesh bhi ho sakta hai. upay: bhairvji ke mandir men dhvaja charhaen. kutton ko roti, bred ya biskut khilaen. kauon ko khir-puri khilaen. ghar ya mandir men guggul ka dhup karen. rahu men shukra: rahu ki mahadsha men shukra ki pratyantar dasha pure tin varsh chalti hai. is avdhi men shubh sthiti men dampatya jivan men sukh milta hai. vahan aur bhumi ki prapti tatha bhog-vilas ke yog bante hain. yadi shukra aur rahu shubh nahin hon to shit sanbandhit rog, badnami aur virodh ka samna karna par sakta hai. is avdhi men anukulta aur shubhatva ki prapti ke lie nimn upay karen- sand ko gur ya ghas khilaen. shiv mandir men sthit nandi ki puja karen aur vastra adi den. ekakshi shrifal ki sthapna kar puja karen. sfatik ki mala dharan karen. rahu men surya: rahu ki mahadsha men surya ki antardasha ki avdhi 10 mah aur 24 din ki hoti hai, jo anya grahon ki tulna men sarvadhik kam hai. is avdhi men shatruon se sankat, shastra se ghat, agni aur vish se hani, ankhon men rog, rajya ya shasan se bhay, parivar men kalah adi ho sakte hain. samanyatah yah samay ashubh prabhav dene vala hi hota hai. upay: is avdhi men surya ko aghrya den. unka pujan evan unke mantra ka nitya jap karen. harivansh puran ka path ya shravan karte rahen. chakshushopnishad ka path karen. suar ko masur ki dal khilaen. rahu men chandra: ek varsh 6 mah ki is avdhi men jatak ko asim mansik kasht hota hai. is avdhi men jivan sathi se anaban, talak ya mrityu bhi ho sakti hai. logon se matantar, akasmik sankat evan jal janit pira ki sanbhavna bhi rahti hai. iske atirikt pashu ya krishi ki hani, dhan ka nash, santan ko kasht aur mrityutulya pira bhi ho sakti hai. upay: rahu aur chandra ki dasha men utpann hone vali visham paristhitiyon se bachne ke lie mata ki seva karen. mata ki umra vali mahilaon ka samman aur seva karen. pratyek somvar ko bhagvan shiv ka shuddh dudh se abhishek karen. chandi ki pratima ya koi anya vastu mausi, bua ya bari bahan ko bhent karen. rahu men mangl: rahu ki mahadsha men mangal ki antardasha ka yah samay ek varsh 18 din ka hota hai. is kal men shasan v agni se bhay, chori, astra shastra se chot, sharirik pira, ganbhir rog, netron ko pira adi ho sakte hanai. is avdhi men pad evan sthan parivartan tatha bhai ko ya bhai se pira ki sanbhavna bhi rahti hai.
Kya aapko lekh pasand aaya?
Subscribe