manav ke sharir par, uske vyaktitva par aur uske jivan par grahon ka pura asar parta hai. prachin rishi maharshiyon ne keval sat grahon ki parikalpana ki hai, unhonne rahu aur ketu ko grah nahin manakar chaya grah ki sangya di hai. is vakya ko samjhne ke lie hamen nimn panktiyon ko samjhna parega.
suryatmajagatashchakshuah surya sanpurn jagat ki atma ka karak grah hai. vah sanpurn charachar jagat ko avashyak urja pradan karta hai. isilie kaha jata hai ki surya se hi srishti hai. atah bina surya ke jivan ki kalpana karna asanbhav hai. chandramamnsojat: chandrama prithvi ka prakriti pradatt upagrah hai. yah svayan surya ke prakash se prakashit hokar bhi prithvi ko apna shital prakash se shitlta pradan karta hai.
yah manav ke man mastishk ka karak v niyantranakarta bhi hai. saransh men kaha ja sakta hai ki surya urja ka aur chandrama man ka karak hai. rahu aur ketu inhin surya v chandra margon ke katan ke pratichchedan bindu hain jinke karan surya aur chandrama ki mul prakriti, gun, svabhav men parivartan a jata hai.
yahi karan hai ki rahu aur ketu ko hamare kai pauranik shastron men vishesh sthan pradan kiya gaya hai. kaha gaya hai ki-
rahuchchaya smritah keturyatra rashau bhavedayam.
tasmatsattaman ketuah rahuah syadyatra chansh ke..
tasmadanshe saptame syatketoransho navanshkah.
trishansho bhagashabden parabhparyamidan gurauah..
arthat rahu ki chaya ko hi ketu ki sangya di gai hai. rahu jis rashi men hota hai uske thik satvin rashi men usi anshatmak sthiti par ketu hota hai. multah rahu aur ketu surya aur chandrama ki kakshaon ke sanpat bindu hanai jinhen khagolshastra men chandrapat kaha jata hai.
in donon ka koi binb n hone ke karan hi inhen chaya grah kaha jata hai. ye rahu aur ketu chaya grah ke rup men hote hue bhi manav jivan ko bahut adhik prabhavit karte hain. yahan rahu aur ketu nirmit yogon ka jyotishiya tathya prastut hai. rahu aur ketu ke madhya kundli men jab samast grah a jate hain tab kalasarp yog ki utpatti hoti hai.
vidvanon ke anusar yah 144 prakar ka hota hai. kalasarp yog ke pramukh dushprabhavon ka vivaran is prakar hai: mansik v sharirik kshamata men nyunta. jatak ka gyan v shiksha ajivika v arthoparjan men sahayak nahin hoti. santanhinta, aur yadi ho to bhi santan se dukhi.
jivnsathi manonukul n milna. svasthya ka dagmgana ya kai rogon se pirit hona. akasmik dhanhani, akal mrityu, bhaiyon se jhagre, grih klesh, jel ki saja adi. nimnalikhit grah sthitiyon men kalasarp yog ka prabhav kam ho jata hai. jab guru kendra men sthit ho. jab shukra dusre ya barhven bhav men sthit ho.
kendra men mangal mesh, vrishchik ya makar rashi men sthit hokar ruchak yog bana raha ho. jab kundli men bhadra yog ban raha ho. jab kundli men hans yog ban raha ho jab kundli men malavya yog ban raha ho. jab kundli men shash yog ban raha ho. jab kundli men saptam bhav se lagn tak pratyek bhav men koi n koi grah sthit hokar bina kisi bhav ke khali rahe chatra yog bana raha ho.
jab kundli men lagn se saptam bhav tak pratyek bhav men koi n koi grah sthit hokar nauka yog bana raha ho. aiye ab un jyotishiya yogon ke bare men jante hain jo kalasarp yog ke prabhav ko barha dete hain. jab kundli men rahu v guru kisi bhi bhav men yuti karke chandal yog bana rahe hon. jab kundli men surya aur chandrama ke sath rahu ya ketu ki yuti ke falasvarup grahan yog ban raha ho.
jab kundli men chandra ke sath rahu ya ketu ko chorakar koi bhi grah sthit n ho aur is tarah kemadrum yog ban raha ho aur vah nasht n hua ho, kyonki jab chandra se kendra men koi shubh grah ho aur chandra ko dekhta ho to kemadrum yog nasht ho jata hai. jab kundli men shukra v rahu ki yuti hone se abhotvak yog ban raha ho. jab kundli men budh v rahu ki yuti hone se jaratva yog ban raha ho.
jab kundli men mangal v rahu ki yuti hone se angarak yog ban raha ho. jab kundli men shani v rahu ki yuti hone se nandi yog ban raha ho. yadi yahi nandi yog jatak ke lagn men ban raha ho to use lailaj rog hone ki sanbhavna rahti hai. shani v rahu janya yog (yuti/ drishti) shani v rahu jab lagnasth hote hain tab jatak lailaj rog se grast hota hai. kundli men chaturth bhav men shani v rahu ki yuti ho to jatak ki mata ko kasht hota hai.
jab shani v rahu pancham bhav men sthit hon to santan se mahan kasht milta hai. jab shani v rahu saptam bhav men sthit hon to jivan sathi se kasht milta hai. jab shani v rahu navam bhav men sthit hon to pita ko kasht hota hai. jab shani v rahu dasham bhav men sthit hon to vyavsay ya karya men sthirta nahin rahti. yah yog vyavsay men hani karata hai.
not: yadi uparyukt antim donon yogon men rahu ke sthan par ketu ho to shubhatva yog hota hai kyonki rahu aur ketu naisargik maitri chakra men apas men shatru hote hain. jab guru lagnasth ho aur dvitiya bhav men shani tatha tisre men rahu ho to janm ke pashchat jald hi balak mata se bichar jata hai. ya to mata balak ko chor deti hai ya balak ke janm ke pashchat mar jati hai. chandra v mangal ke sath rahu ya ketu chaturth ghar men sthit ho to jatak ki 40 varsh ki ayu men uski mata ka dehant hota hai aisa ek rishi ka mat hai.
yadi kisi stri ki kundli men ashtam bhav men mangal v rahu ki yuti se gandarbh yog ho to vaidhavya yog hota hai. jatka vivah ke ek nishchit samay bad vidhva ho jati hai. atah jatka ki shadi vilanb se karni chahie. jitne vilanb se uski shadi ki jaegi, vaidhavya yog utna hi talta jaega. mesh, vrish ya kark lagn men pahle, dusre, tisre, chaithe, panchven, chathe, satvane ya barhven ghar men rahu ho to parmsukh yog hota hai aur yadi koi anya lagn ho to mahan kashtadayak yog hota hai.
mesh, vrish ya kark lagn men barhven ghar men rahu ho to dusron se samman dilata hai aur videsh yatra yog banata hai. mesh, kark ya vrishchik lagn men rahu navam, dasham ya ekadash bhav men ho to parmsukh yog hota hai. is yog ke falasvarup jatak ko yash, samman, dhan, kirti aur samriddhi prapt hoti hai.
rahu janya vishesh sukh yog: rahu chathe bhav men aur shukra kendra men sthit ho to prabal dhan yog hota hai. rahu lagn, tisre, chathe ya gyarhven ghar men ho aur chandra, budh, guru aur shukra men se koi bhi grah rahu ko dekh raha ho to dhan yog hota hai. dasham bhav men rahu aur lagnesh sthit hon to bhagyavan yog hota hai. atah jatak jis chij ki kamna karta hai vah use mil jati hai aur jo nahin chahta vah nahin milti.
yadi kundli men kisi bhi bhav men rahu shani se yut ho to sarvasukhshali yog hota hai. jatak dhan, yash, sukh v samriddhi ka svami hota hai. jab sthir lagn (vrish, sinh, vrishchik, kunbh) men surya aur rahu trikon, pancham ya navam men sthit hon to grahan yog hota hai. is yog ke falasvarup yash, man samman, prasiddhi v dhan ki prapti hoti hai.
rahu nirmit kuch kuyog: rahu nirmit nimnalikhit kuyog jatak ki vichardhara badal dete hain. chaturth bhav men shani v dva adash bhav men rahu ho to us bhav men nandi yog banta hai. is yog ke falasvarup jatak kapti, dhurt, chalbaj v dushcharitra hota hai. chandra v shani ka kundli men sanbandh vish yog banata hai. chandra v rahu lagn men hane to jatak ko bhut-pret badhaon ka samna karna hota hai.
if you are facing any type of problems in your life you can consult with astrologer in delhi