brahmand men sthit nav-grahon men se pramukh sat grahon (surya, chandra, mangal, budh, guru, shukra, tatha shani) ko chorakar shesh do chaya grahon (rahu-ketu) men rahu ka vishesh sthan hai. halanki in chaya grahon ka kahin bhautik astitva nahin hai keval abhas matra hai lekin anya pramukh grahon ki bhanti inka bhi bhutal nivasi manvon par sidha prabhav drishtigochar hota hai, jiske karan rahu namak chaya grah bhi jyotish jagat men apna vishesh sthan rakhta hai.
rahu evan iski vakri gati: jab chandrama apni kaksha men dakshin se uttar ko gati karta hua krantivritt ko katta hai to vah pat bindu rahu tatha jab chandrama apni kaksha men uttar se dakshin ko gati karta hua punah krantivritt ko 180 digri par katta hai to vah pat bindu ketu kahlata hai. chandra kaksha kranti-vritt par 05 digri jhuki hui hai atah yah pat bindu pratyek bar thora piche ki taraf banta hai, yahi vakri gati kahlati hai.
rahu ka vibhinn bhavon men prabhav pratham bhav - pratham bhav men rahu hone se jatak rogi, krodhi, dukhi, duvryasni, shatrunashak, alpa-santti, mastishk rogi, svarthi tatha sevak vritti vala hota hai. lagn men rahu ho to ghar men sarp avashya ate hanai. rahu lagn men ho to vah jatak apni bat manvane vala hota hai, maik hath men le le to chorta nahin hai. dvitiya bhav - dvitiya bhav men rahu hone se jatak svabhimani prakriti, parijnon evan mitron ke lie sadaiv chintit, kutunb-nashak, alpa-santti, mithyabhashi, kripan, shatruhanta tatha parishram ke pashchat hi dhan pradan karne vala hota hai.
tritiya bhav - tritiya bhav ke rahu se jatak viveki, balishth, vidvan, vyavsayi bhaiyon ke lie hanikarak hota hai, nich ka rahu sadaiv nirdhanata deta hai. svagrihi rahu sabhi sukhon ki prapti karata hai tatha jatak stri, putra, sanbandhi tatha mitron se yukt rahta hai. chandra rahu tritiya bhav men ho to sarpa-dansh avashya hota hai. shani$rahu hon to unke dvara bhi hani ati hai. tritiya bhav men rahu/ketu hone se bhai-bahnon men man-mutav rahta hai. tritiya bhav men rahu raj bal se yukt, yashasvi, pratishthit, dhani, dani, vijyi parantu bhaiyon se vair karvata hai.
chaturth bhav - chaturth bhav ke rahu se jatak rogi, bandhu hin, nimn varg ke logon se prem adhik rakhne vala, svabhav se krur, alpa-bhashi, asantoshi, mata ko kashtakarak hota hai.
pancham bhav - pancham bhav men rahu hone se jatak ka koi karya purn nahi ho pata, arthik sthiti asantoshajanak rahne ke karan sadaiv chintit, bhagyavan, karmath, kulnashak, patni sadaiv rogi rahti hai. rahu pancham men sarpa-shap darshata hai. atah sarp puja shreshth hoti hai. pancham men rahu/ ketu vivahettar sanbandh deta hai. chatha bhav -chathe bhav men rahu hone se jatak ke shatru svatah hi nasht ho jate hain, dhan, putra evan sabhi sukhon ki prapti, svasthya ke lie hanikarak, apsi vivad men nyayalay men saflta, balvan, dhairyavan, dirghayu, anishtakarak, shatruhanta hota hai.
saptam bhav - saptam bhav men rahu hone se jatak aghik kharchila, vyavsay men asafal, adhik shram se karya men saflta, chatur, lobhi, vatrogi, dushkarm pravritt, ekadhik vivah vala hota hai. rahu saptam men tatha saptamesh shukra ke sath ho to shadi deta hai. saptam men rahu ho tatha saptamesh dvadash bhav men ho to 32 varsh ki umra men shadi hoti hai.
ashtam bhav - ashtam bhav ke rahu se jatak rogi ke sath-sath pap karm vala hota hai. asadhya rogon ki utpatti (kainsar, dama, pathri, bavasir, ekjima adi) hoti hai. jatak kathor, parishrami, buddhiman, kami, gupt rogi hota hai. rahu ashtam men tantra-vidya v jyotish ke lie achcha hota hai. ashtamasth rahu ki dasha mahakashtakari hoti hai kyonki yah navam (bhagya, pita, dharma) ka dvadash (hani) bhav hai. rahu ashtam men shukra ke ghar men ho tatha guru ki drishti n ho to rahu/shukra ki dasha men jatak ko jel jana parta hai. yadi ashtamesh athva anya papi grah ke sath rahu/ketu ashtam men ho to mrityu athva mrityu-tulya kasht hota hai. mesh rashi ka ashtamasth rahu arthik drishti ke sath-sath svasthya ke lie bhi hanikarak hota hai. ashtam bhav men rahu, ketu ki svarashi men dharmik disha deta hai.
navam bhav - navam bhav ke rahu se jatak dharmik pravritti vala, nindit karya karne vala, achche karyon men badha se dhan-hin hota hai, shatru utpann karna tatha unse bhaybhit karvana bhi rahu ka karya hai. jatak sadguni, parishrami lekin bhagyarhit hota hai.
dasham bhav - dasham bhav men rahu hone se jatak vyavsay evan naukri men safal, kami pravritti, dusre ki dhan-sanpatti harpne vala, ichcha apurn, parivarik vyaktiyon se tanav tatha asvasth rahna, vyasni, shaukin, sundriyon par asakt, nich karm pravritt hota hai.
ekadash bhav- ekadash bhav ke rahu se jatak vyavsayi, nastik evan kalhkari, mandmti, parishrami, anishta-nashak, satark hota hai. dvadash bhav = dvadash bhav ke rahu se jatak dharma-karm vala, shatruon se bhaybhit, duahkhi, vighna-grast, kharchila, pravasi, strihin, mandmti, vivekhin, durjanon ki sangti vala hota hai.
rahu sambandhi vishisht baten
- rahu chandal jati ka grah hai.
- rahu shanivat fal deta hai.
- rahu bahirmukhi tatha ketu antarmukhi grah hota hai.
- rahu ka mukh dakshin ki or hai.
- rahu rahasyamyi vidyaon ka karak grah hai.
- rahu ki dasha men uchchatan kriya hoti hai.
- rahu sandeh, sanshay adi deta hai.
- rahu sandhya samay men bali hota hai.
- rahu yash, man, tatha raj
- vaibhav ka karak grah hai.
- rahu ke nakshatra adrra, svati tatha shatbhisha hain.
- rahu se mlechch, muslman v videshi adi ka vichar kiya jata hai.
- rahu dasham bhav men bali hota hai tatha tritiya bhav men atishreshth hota hai.
- rahu ki gati hamesha vakra hai tatha yah ek rashi mane lagabhag 18 mah rahta hai.
- rahu ki uchch sthiti vrishabh (2), svarashi kunbh (11) tatha mul trikon rashi mithun (3) hai. kalidas.
- mangal, shani tatha shukra iske mitra rashi, sinh, kark shatru rashi hain. 1, 8,11,6,2,4 rashi men, dasham bhav men rahu balvan hota hai.
- rahu hamesha apni dasha men shadi deta hai.
- rahu, shukra, panchmesh v navmesh apni dasha men shadi dete hain.
- shukra/rahu ki dasha men jatak anek sanbandh banata hai.
- shukra v rahu ka trikon sanbandh prem vivah ka yog deta hai.
- rahu v shukra panchmesh v navmesh hone par apni dasha men shadi dete hain.
- 95ah sthiti men rahu shadi deta hai, yadi vah saptam se bhi sanbandhit ho (rahu = byahu).
- vrishabh (2) ka rahu ek putra avashya deta hai.
- panchmesh nich ka 6, 8, 12 men ho to jatak ke putra nahin hota hai (putra-hin yog), yadi pancham men rahu ho to sarpa-dosh ke karan putra ka abhav rahta hai .
- rahu/ketu takniki shiksha dete hain.
- rahu ki dasha men jatak uchch shiksha prapt karne men prayah asamarth rahta hai.
- shani-rahu athva chandra-mangal ki yuti vale jatak sharab pite hain.
- rahu chandra ek sath hone se jatak ko akelapan achcha lagta hai.
- chandra rahu athva chandra ketu kahin bhi hon jatak ko anchaha bhay (dar) dete hain.
- mangal uchch ka (10) rahu ke sath ho to jatak krodhvala v yuva dikhne vala hota hai.
- surya se dvitiya bhav men rahu ki sthiti surya ke anisht prabhav ko nasht karti hai .
- shani v mangal ka rahu/ketu par gochar hone se us bhav ki hani hoti hai.
- rahu 3,6,11 (3 = kamnaon par vijay, 6 = rogon par niyantran parantu shatru honge, 11 = dhan ka agmn) men achcha hota hai.
- rahu tatha mangal itthasal athva yuti men ho to gurde, pathri, apendiks adi ka aepreshan hota hai.
- chathe men mangal, saptam men rahu tatha ashtam men shani ho to pati ke lie lakhpti banne tatha patni ke lie patinashak mana jata hai.
- ashtam men rahu ho to uski dasha maha kashtakari hoti hai yah navam (bhagya-pita-dharma) ka dvadash bhav (hani) hai.
- rahu gochar men janma-rashi par mansik pareshaniyan paida karta hai
- virodhi shadyantra karte hain.
- rahu se ashtam bhav men sthit surya bhi kalasarp yog jaisa parinam deta hai.
- janm rashi se 1,3,6,9,10 tatha 11 bhav men rahu hone se putron ki prapti, dhan ki vriddhi tatha nyayalay ke karya men vijay hoti hai. janm rashi se 2,4,5,7,8 tatha 12 bhav men rahu hone par apsi kalah, arthik sthiti kamjor hona tatha achanak shok samacharon ki prapti hoti hai.
- rahu svabhavtah manav ko kasht dene vala hai. chechak, nasur, bhut-pret badha, pishach badha, aruchi, kaid, korh rahu ke rog hain. anidra, udr-rog, mansik rog, pagalapan adi rog bhi rahu ke karan hote hain.
- rahu surya se adhik balshali, gahre nile rang ka tatha sarpakar hota hai. rahu chatra se sushobhit hai tatha iske charon or shaktiyan aradhna karti rahti hain.
- jatak ke adhyatmik vikas ke lie rahu pichle janm ke rahu janit kashton ko (devta saman) nasht karta rahta hai. rahu daitya, rakshas, yaksh ya vishadhar hai. dhar nag ya sarp ki punch ki bhanti hai.
- rahu manushya ko jarta tatha agyan men dubo deta hai parantu usmen santosh nahin dilata hai. yahi manav ke lie dharmik sangharsh ka karan tatha mukti ka dvar banta hai.
- rahu men surya tatha chandra ke shubhatva ko nasht karne ki shakti hai. rahu manav ke andar jar vrittiyon ka nash karta hai, jisse use purva janm ke karmon se mukti mil sake.
- rahu tamsik grah ke sath-sath krur papi prithktavadi grah hai. jin rashiyon par iska prabhav hota hai yahi jatak ki mansik pravritti dushit kar deta hai.
- rahu bali hone par vyavsay - ganja, afim, bhang, rabar ka vyapar, laetri, kamishan ejent, sarkas ki naukri, prachar vibhag ki naukri, nagrpalika, jila parishad, vidhan sabha, lok sabha adi kshetron mane labh hota hai. rahu sanbandhi upay
- rahu (bahirmukhi) ki antardasha men tirtha-yatra, satsang, bhajan adi avashya karna chahie. rahu ki mahadsha men pakshiyon ko jvar khilana chahie tatha pratyek shanivar ko apne upar se ek nariyal utarakar dariya/ sagar men bahana chahie.
- rahu ratn gomed budhvar ya shanivar ki madhya ratri ko adrra nakshatra men chandi/sone ki anguthi me dharan karna chahie, safed chandan ki mala dharan karane. budh v shani ko bhure kutte ko motichur ke laddu tatha bhuri gay ko gur, chana, ghas adi khilana chahie. rahu hetu gehun, ratn, ashva, nile vastra, kanbal, til, tel, loha, abhrak, sarson, kale pushp, nariyal, koyla, khote sikke, chabi vale khilaune adrra, svati, shatbhisha nakshatra mane dan karna chahie
- santanhin manav, ek ankh se kane, chechak ke dag vale, makan ki chat, achanak kam ane vale ka sanbandh rahu se hota hai.