raghunandan ka kritagyata gyapan shriram ne jab yah jana ki yadi hanuman anuny-vinay karke sanjivni ko n late, to lakshman ka sachet hona kathin tha, tab vishesh kritagyata ka bhav darshate hue unhonne hanumanji se kaha, ‘‘he anjney! tumhare kis-kis upkar ka main smaran karun. tumne mujhapar jitne upkar kie hain. un par dhyan jata hai, to man yahi kahta hai ki main jivan paryant tumse urin nahin ho sakta’’, achanak shriram ko aisa kahte sunakar hanuman ji vismit ho gae. kanth avruddh ho jane se ve kuch bol nahin sake. bas, apalak netron se shriram ke mukh-kamal ki or dekhte rah gae. unke netron se yahi bhav jhalak raha tha ki prabho! ap yah kya kah rahe hain? hanuman ji ki us arthapurn drishti par dhyan n dekar shriram kahte rahe, ‘‘abhi tumhare upkar samapt kahan hue hain pavan kumar. tumhari sahayta ki avashyakta mujhe pag-pag par paregi. yah to sabhi jante hain ki maharshi valmiki trikalagya hain. unhonne rishi-samuday ke samaksh yah bat kahi hai ki shrihnumatsahasranam stotra ka path karne par hi ram sita ko prapt kar sake aur vibhishan ko lanka ka nishkantak rajya dene men samarth hue. unka vachan asatya nahin ho sakta. atah he sarva aradhya, param dev, hanuman! main tumhare sahasra namon ka path avashya karunga.’’ ab anuman ji se adhik nahin suna gaya. ve hath jorakar shriram ke sammukh khare ho gae aur atyant katar bhav se bole, ‘‘bas kijie prabho. mera gun-gan band kar dijie. mujhe mansik vedna ho rahi hai dinanath! apne mujh vanar ko hriday se lagakar alaukik anand pradan kiya hai. is kripa-parvat ke samne mere kie hue sare karya ek raj-kan ke saman bhi nahin hain.’’ ‘‘to kya mainne jo kaha, vah asatya hai?’’ ‘‘mujh men itni yogyata kahan svami, jo main ap jaise sarvagun-nidhan se tark kar sanku. apne maharshi valmiki ke kathan ki charcha ki thi. atah main bhi unki kahi hui ek bat ko dohrane ki dhrishtata karunga. chitrakut-nivas ke purva jab ap tinon unke darshanarth gae the aur apne rahne ke lie kisi uchit sthan ki bat puchi thi, tab unhonne jo kaha tha, vahi satya hai. maharshi ke vachan the ki he ram! chidanandamay hote hue bhi santon aur devtaon ka hit karne ke lie manushya sharir dharan kiya hai. atah apni bhagvÿaa bhulakar ek sansari manushya ki bhanti bat kahte aur karm karte hain. ap is niti ka palan karte hain ki jo vyakti natak men jo rup dharan kare, use us rup ke anurup hi abhinay karna chahie. bhagvan valmiki ne yahi kaha tha?’’ kuch muskarate hue shriram bole, ‘‘achcha kesrinandan. ab main tumhare gunon ka gan nahin karunga. unhen man men hi rakhunga. han tumhen kai karya karne hain.’’ ‘‘adesh dijie, sevak agya-palan ke lie udyat hai.’’ ‘‘to pahla karya yah ho ki is sanjivni parvat-khand ko jahan se lae hain, vahin ise le jakar fir sthapit kar do dusra karya yah karna hai ki vaidyaraj sushen ko ghar sahit sukhpurvak lanka pahunchana hai. inhen tanik bhi asuvidha ya kasht nahin hona chahie.’’ hath ke sanket se shriram ne kuch dakshina dene ki bat bhi hanuman ji ko samjha di. ‘‘aur tisra karya?’’ hanuman ji ne pucha. ‘‘tisra yah ki pahle vale donon karya ek sath karte hue sadaiv tum mere nikat rahoge. ab ek kshan ke lie bhi tum mujhse dur nahin rahoge.’’ ‘‘ye sabhi karya ek hi samay men?’’ hanuman ji kuch vismit hue. ‘‘ashcharya men kyon par gae hanuman. apne ‘ekoham bahusyamah, sankalp ko smaran karo. uske prabhav men tin kya, tin koti karya ek hi samay men ho sakte hain. tum ek hokar bhi anek ho.’ ‘‘apke adesh ka palan to aksharashah ho jaega bhagvan, kintu apne fir mera gun-gan aranbh kar diya.’’ ‘‘oho, bhul ho gayi. achcha, fir aisa nahin hoga.’’ sahsa hanuman ji ‘jay shriram’ kahakar vahan se lupt ho gaye aur antriksh men panhuchakar tin rupon men prakat hue. ek ne sanjivni parvat-khand uthakar akash men gaman kiya. dusre ne sushen se ghar ki shaiyya par let jane ki prarthana ki. sushen vaidya sabak yathochit abhivadan karke ghar ki shaiyya par sukhpurva let gaye. tab hanuman ji ka dusra rup bari savdhani se ghar ko uthakar lanka men unke nivas ki or chala aur tisre rup se hanuman hi shri ram ke sammukh das ki bhanti hath jorakar khare rahe. jab hanuman ji ne lanka jakar sushen ka ghar yathasthan par sthapit kar diya, tab vaidyaraj apni shaiyya se uthakar dvar par ae. hanuman ji ko bahar khara dekhakar unhonne namratapurvak vinay ki, ‘‘bhitar padharie kapishvar! apke padarpan se mera ghar pavan ho jaega.’’ hanuman ji ne kaha, ‘‘vaidya pravr! apne apne kush upchar se shri lakshman ji ko navjivan pradan kiya hai. iske lie keval prabhu shriram hi nahin, varan ham sabhi sevak apke kritagya tatha rini hain. svami ne apke prati kritagyata prakat karte hue mujhe adesh diya hai ki iske lie main apko munh mangi dakshina dun. atah bataie, apko kya chahie?’’ sushen prasann man se bale, ‘‘dakshina to mujhe usi samay mil gayi, jab lakshman ji uth khare hue aur bolne lage. ek vaidya ek ki vastavik dakshina yahi hai ki uska rogi svasth ho jae. ab rahi bat kritagyata ki, so yah bhi uchit nahin hai, kyonki main svayan shriram ke darshan karke dhanya ho gaya aur mera jivan safal evan sarthak ho gaya.’’ ‘‘yah apki sajjanata aur udar bhakti-bhavna hai. kintu mera anuman hai ki ap islie dakshina nahin mang rahe hain, kyonki ap mere donon hath khali dekh rahe hain aur mere pas koi gathri bhi nahin hai. vishvas rakhie sushen ji, ap jo mangenge, main vahi dunga. ‘‘apki sarva samarthata par mujhe pura vishvas hai bhaktaraj! apki siddhiyon ka parichay to mujhe tabhi mil gaya tha, jab mainne dekha ki sanjivni ki apeksha ap vishal parvat-khand hi ukharakar le ae.’’ ‘‘to fir sankoch kyon? mang lijie dakshina vaidyaraj.’’ ‘‘achchi bat hai, ap agrah karte hain, to main mang raha hun. mere man men kuch jigyasae hain. yadi ap kripa karke mere prashnon ka uÿar de denge, to main samajh lunga ki mujhe amulya dakshina mil gayi.’’ ‘‘achcha, yahi sahi, puchie.’’ kuch ganbhir hokar hanuman ji ne kaha. ‘‘mera pahla prashn yah hai ki sandhya ho jane ke bad ap yahan se mujhe ram-dal men le gaye. vahan mainne lakshman ji ki pariksha ki aur drongiri se sanjivni lane ko kaha. ap tatkal chal pare. fir jaisa mujhe gyat hua hai ki ravan ki agya se mayavi rakshas kalnemi ne muni rup se maya-nirmit ashram men apko rat bhar roke rakhne ka prayatn kiya. kintu sarovar ki makri ne apko sara bhed bata diya. tab dusht kalnemi ko marakar ap barhe. drongiri par sanjivni ke sath apka kuch vad vivad hua. ve ane ko taiyar hui, to ravan ke adesh se dusre mayavi rakshas ne us sthal ki sabhi vanaspatiyon ko prakashit kar diya. tab ap us pure parvat-khand ko hi ukhar kar le chale. ayodhya ke upar pahanuchne par bharat ji ne ban marakar apko niche gira liya. vahan apka kafi samay bita. fir ap lanka ae. mainne sanjivni ka prayog karke lakshman ji ki muchrcha dur ki. ant men ap mujhe yahan le ae. main dekh raha hun ki abhi ratri ka tisra pahar bhi samapt nahin hua. mere man men yah bhav uthl-puthal machae hue hai ki itne kam samay men itne sare karya kaise pure ho gaye? is rahasya ko ap mujhe samjha dijie. ram-dal se jane aur ane ke bich ki ghatnaen. apne hi apne mitron ko sunayi thin, mainne bhi sun lin.’’ hanuman ji ne prasannata purvak kahna aranbh kiya, ‘‘sushen ji pahle main apko yah bata dun ki sanjivni divya oshdhiyan hain. inki ichcha aur agya ke bina koi inhen prapt nahin kar sakta. prabhu shriram ka darshan karne ki utkat ichcha sanjivni ke man men jagah hui, isilie ve ane ko udyat huin. unki agya milne ke bad hi main unhen lanka men la saka. ab samay sanbandhi apki shanka ki bat bata dun. main kahan-kahan kis karya vishesh men uljha raha, is sanbandh men apko keval laukik ghatnaon ki jankari hai. kuch alaukik ghatnaen bhi ghatit hui, jinko ap nahin jante, kyonki unka varnan mainne shriramadal men apne sakhaon ke sammukh nahin kiya.’’ sushen bich men hi bol pare, ‘‘mahatman! apne to mere man men bahut bara kutuhal utpann kar diya. pahle un alaukik ghatnaon ko hi sunane ki kripa karen, samay ka rahasya bad men samjhaen.’’ ‘‘achchi bat hai, sunie. ap sunne ke adhikari hain, isilie suna raha hun. sanjivni ke sath mera sanvad, fir shabri ke ashram se ber ki paÿiayan lakar unhen sinchit karna aur isse bhi pahle ka kalnemi-prasang-yah sab to ap jante hain. iske bad alaukik ghatnaen ghatti hain. parvat-khand uthane ke purva mainne shraddha-bhakti ke sath dron giri ki parikrama ki aur divya vadyon ki madhur dhvani sabhi or gunj gayi. mainne shish uthakar upar drishti ki, to antriksh men sita mata ke darshan hue. ve varad mudra men thin. main ashcharya kar hi raha tha ki man sita ji jagah mere prabhu shriram vanvasi rup men dikhai dene lage. fir unki jagah shri lakshman ji prakat ho gaye. main vismay men duba hua tha, tabhi mainne dekha ki vahan bhagvan shankar arddhanarishvar rup men virajman hain. main chakit ho gaya. kuch sanyat hone par mainne sabhakti unhen pranam kiya. tab unhonne mujhe adhyatmik gyan ka updesh diya. tatpashchat shivji ki mahashakti, mul prakriti, jagajjani, adi shankri, bhuvneshvari, bhagvti parvati ji ne mujhe anek durlabh vardan die tatha apne mastak par lage sindur men se thora sindur lekar vijayashri ke rup men mere mastak par tilak laga diya. main kritarth ho gaya. unhonne sindur ko sada ke lie mere jivan se sanbanddh kar diya. main kritarth ho gaya. unhonne sindur ko sada ke lie mere jivan se sanbanddh kar yia fir mujhe samay ka dhyan hua. vilanb ho jane ki ashanka se kuch bhaybhit hokar, samay janne ke lie mainne nakshatron par drishti jamayi to pata chala ki samay to abhi vahi hai, jo lanka se chalne par tha. tab ap hi ki bhanti mere manmen ri prashn utha ki itne karya ho jane par samay abhi vahi ka vahi kaise hai? sarvagya adyashakti ne mere man ka bhav janakar mujhe kal (samy) ka rahasya samjhaya. vah main apko bad men samjhaunga, abhi kuch aur alaukik ghatnaen batani hain.’’ ‘‘he divya vibhuti! ap param bhagyashali hain, jo aisi-aisi mahashaktiyon kripa karke apko darshan diye. apke sampark men kuch samay rahakar main bhi dhanya ho gaya. ab ap shesh alaukik ghatnaen bhi mujhe sunaie.’’ ‘‘avashya sunaunga. han, to samy-rahasya samjha kar sarveshvari adyashakti ne age ka karya sampann karne ka adesh mujhe diya aur bhagvan shankar sahit anrtadhyan ho gayin. tab jaise hi mainne parvat-khand uthane ka upakram kiya, vaise hi meri maturi anjni ki vatyalyamyi dhvani mujhe sunai pari. mujhe ashirvad deti hui ve prakat ho gayin. dirgh antral ke pashchat man ko dekhne ke karan main bhav-vihnal ho gaya. unhonne baithakar donon hath pasare, to main shishu ki bhanti uchalakar unki god men ja baitha. man bare pyar-dular se, mere sir par hath fer rahi thi. kuch der bad mujhe apne kartavya ka dhyan aya, to main uthakar khara ho gaya. mere man men ichcha hui ki main man ko kuch arpan karun. ichcha hote hi charon or se bahurangi, sugandhit, divya pushp jhar-jhar kar meri dahini or ekatra hone lage. kshan bhar men pushpon ka dher khara ho gaya. mainne ek-ek karke man ko tin pushpanjli arpit ki, jinhen age barhakar unhonne anchal men le liya aur bolin ki ve unhen tin sthanon par (shri salasar balaji, shri menhdipur balaji, shri vadala balaji) men sthapit karengi, jinka prachar-prasar kaliyug men kuch age chalakar adhik hoga. sanyog se tinon pushpanjliyon men mera ek-ek kesh bhi tutakar mil gaya tha. fir unhonne mujhe yah adesh diya ki men sampurn vishva ko pushpanjli dun aur sabke rin se mukt ho jaun. jin-jin ko pushpanjli deni thi, unke nam sunie. sarvapratham apne pujya pita pavan dev ke 49 svarupon ko, tridevon ko adyashakti ko, sabhi mahashaktiyon ko, mul prakriti ko, panch mahabhuton ko, daitya danv-rakshason ko, nagon ko, rishi-muniyon ko, ved-shastron ko, kala-vidhaon ko tatha samagra rup men sab jivnon ko evan samast vriksha-vanaspatiyon ko pushpanjli pradan karne ki agya man ne mujhe di. mere svikar karne par man adrishya ho gayi.’’ ‘‘param pujniya mata anjni ap-jaisi divyatma ko putra rup men pakar yatharthatah putravat ho gayin unhen mera koti-koti pranam hai.’’1 ‘‘fir kya hua?’’ ‘‘fir main sab kuch bhulakar ek-ek ko pushpanjli dene laga. sabhi devi- devta-grah adi pratyaksh prakat hokar pushp grahan karte the. ek vichitra bat yah thi ki bina mere bole, pratyek devi-devta ka pushp arpan mantra, bij sahit, akash men uchcharit hone lagta tha. sab ne mujhe saharsh ashirvad aur vardan diye. bad men sab devtaon ne apne-apne pushp pavndev ko dekhakar prarthana ki ki inhen sarvatra bikher dijie. unhonne vaisa hi kiya. jis desh-prant men ve divya pushp gire, vahan kya chamatkar hua, yah tathya kalantar men sabko vidit ho jaega. sab grahon ne apne pushp grah raj surya dev ko de diye. ve divya pushpon ki gandh se unmadit hokar kuch der tak jhumte rahe. fir ek sarovar men snan ke lie utre. unke sved-kanon se sarovar men anek prakar ke mani manikadi ratn utpann ho gaye. isse vah sarovar men anek prakar ke mani manikadi ratn utpann ho gaye. isse vah sarovar utnakar kaha jane laga. bahut samay bad jab vah sagar men mila, to sagar ko ratnakar ki sangya prapt ho gayi. urvashi-ranbh ne divya pushp kisi ko n dekar apne hi pas rakhe. urvashi to umang men jhumti hi rahi, kintu ranbha ne kuch der bad ek dusre sarovar men snan kiya. uske sved-kanon se vahan munga-moti adi utpann ho gaye.’’ ‘‘yah sara chamatkar apke dvara pradÿa divya pushpon ka hai, prabho! iske bad?’’ ‘‘iske bad parvat-khand uthakar main aksh-marg se chala. bich men bharat dvara vyavdhan utpann karne ka prasang to ap jante hain. unse agya pakar jab main fir lanka ki or ura to akash men suryadev sahit sabhi grah samne upasthit ho gaye. ve meri archana-vandna karna chahte the. mainne bachne ka bahut prayas kiya, kintu unki hath ke age meri ek nahin chali. vivash hokar mujhe kuch samay ke eil vahan bhi rukna para. ab ap samajh sakte hain. sushen ji ke itne kamon men kitna samay bita hoga.’’ ‘‘samajh gaya bhagvan! is hisab se apko do din bad ana chahie tha. achcha, ab ap mujhe vah kal-rahasya samjhaie, jo bhagvti adyashakti ne apko samjhaya tha. ‘‘dekhie vaidyaraj, jahan tak samay ki paribhasha, sima tatha ayam ka prashn hai, ye baten panch bhautik vishva ke lie to anivarya hain, kintu jab kalatit mahashakti mahakal (paramatatva) se kuch vinod krira karne lagti hai, tab desh-kal-vastu ki paribhasha adi ka astitva hi vilin ho jata hai aur unki sima asimta ki koti men ja pahanuchti hai. is mahashakti ko adyashakti ke nam se bhi jana jata hai. is mul shakti ke samajh pahunchakar brahma-vishnu-shankar tridev bhi apna svarup tyag ka adyashakti men samahit ho jate hain.1 fir prakriti ke tatvon ki bat kya karni us adyashakti ke divya sthan par surya, chandra, nakshatra, agni, pavan, jal kisi ki bhi gati nahin hain upnishad men ata hai. ‘‘yatra lare vayurvati nagnirdahati n ch suryah tapti n ch nakshatrani bhanti.’’ ‘‘sab (karm bhi) apna-apna gun-dharm vahan tyag dete hain. surya-chandra ke bina hi vahan karoron suryon ka prakash nirantar rahta hai. ‘‘ab ap hi bataie sushen ji, jahan mahashakti ka kheal chal raha ho, vahan bechare samay ki kya samathrya jo bich men badha dal sake. ap sanbhvvt‘ nahin jante, main batata hun. shriram ke janm ka utsav param ullas ke sath ayodhyavasi mana rahe the. tab ek din pure ek mahine ka ho gaya tha. suryadev ek mas tak ayodhya ke akash men date rahe. kisi ko iska pata nahin chala, atah ashcharya nahin hua. apko bhi is sanbandh men ashcharya nahin karna chahie. ‘‘ab mere man ka ashcharya dur ho gaya gyanshiromni. apne tark purn, gyanmyi, sanudar vyakhya tatha ek udaharan ke dvara meri shanka ka samuchit samadhan kar diya. mera dusra prashn yah hai ki vichar karne par shriram aur rakshasaraj ravan ki paristhitiyon men mahan antar hai, fir bhi parinam vaisa nahin ho raha hai, jaisa hona chahie.’’ ‘‘ap apni bat ko kuch aur spasht karen baidyabhushan.’’ ‘‘ap apni bat ka tatparya yah hai ki ek or shriram ji hain, jo rajkul ke hote hue bhi lagabhag 14 varshon se raj-lakshmi-vihin hain, kai varshon se patni-viyog ka dukh jhel rahe hain, manushyon ki sushikshit sena bhi unke pas nahin hai aur apne rajya se bahut hi dur hain, to bhi ek mahashaktishali, trilok vijyi, shatru ka samna ve dhairya purvak kar rahe hain. dusri or ravan hai, jo sarva-sadhna-sampann hai, sampurn tantra-mantra ka gyata hai, atulit svarna-bhandar ka svami hai, vah tantrik prakriya ke dvara svarn ka nirman bhi karta hai. vah itna shaktishali hai ki indra, surya, chandra, varun adi samast devagan aur siddhiyan uske adhin hain aur uski sahayta ke lie rakshason ki vishal chaturangini sena tatha advitiya vir sadasyon ka bahut hi bara parivar hai, to bhi vah shriram par vijay nahin pa raha hai. safal samjhi jane vali uski har chal vifal ho jati hai. iska kya rahasya hai? ap samjhane ki kri pa karen.’’ vaidyaraj k bat sunakar hanuman ji tanik muskaraye, fir bole, ‘‘iska uÿar dhyan se sunie sushen ji. mere prabhu shriramji ki adhyatmik sthiti parmochch star tak pahunchi hui hai. unhonne anant srishti ki svamini, parmaradhya, bhagvti adyashakti ke sath tadatmya sthapit kar liya hai. kintu ravan sabhi ved-shastron evan tantra-mantron ka gyata hone par bhi apne ko us star tak nahin pahuncha saka. uske man men aisi abhilasha bhi nahin hai. shriram aur ravan men yah pramukh antar hai. dusri bat yah hai ki svarn, sena aur sharirik shakti, ye sab laukik sadhan hain, jo sthayi nahin hote. in sabse kahin adhik shreshth atmabal hota hai, jo satya aur dharm ka marg apnane se prapat hota hai. shriram atmabal ke dhani hain, jabki ravan men atmabal ki bahut kami hai, kyonki usne asatya aur adharm ka marg apna rakha hai shriram aur ravan men yah dusra antar hai. ab rahi bat tantrik prakriya dvara svarna-nirman ki. so sushen ji! mere prabhu ki ruchi ismen nahin hai, kyonki unke raj-kosh men svarn ka abhav nahin hai. ek kshan ke lie man lijie ki unki ruchi hai aur unhonne svarn ka nirman kiya, to us svarn ka upyog ve apne vyaktigat labh ke lie kadapi nahin karenge. vah svarn paropkar tatha praja ke hit men vyay hoga. kintu ravan svarn ka nirman apne labh ke lie tatha apne ahan ki tushti ke lie karta hai. shriram aur ravan ka yah tisra antar hai. sanbhvtah av ap samajh gaye honge ki sarvasadhna-sampann hone par bhi ravan shriram par prabhavi kyon nahin ho raha hai.’’ gadagad kanth se sushen ne kaha, ‘‘jay ho gyanmurti prabho! apne mere prashnon ka satik uÿar dekar mere man ka agyan-andhkar dur kar diya.’’ sahsa hanumanji ka rup vaidyon ke parmaradhya, bhagvan dhanvantari ke rup men parivartit ho gaya. fir to sushen ne bhav-vihnal hokar unke charnon men sashtang dandavat pranam kiya aur unki vandna ki. shridhanvantari ji ne kaha, ‘‘sushen! tumne raj-bhay tyag kar ravan ke shatru ki chikitsa ki aur rogi ko svasth kar diya. atah main tumse prasann hokar tumhen yah vardan deta hun ki tumhare ahnan karne par sanjivniyan a jaengi aur tumhen pura sahyog dengi. sath hi mera yah ghoshna hai ki jo bhi vaidyay bhay tatha lobh tyag kar sachche man se rogi ki chikitsa karega, uska rogi avashya svasth ho jaega.’’ itna kahne ke bad dhanvantariji fir hanuman ji ke rup men badal gaye. ab hanuman ji bole, ‘‘sushenji! main apko svarn nirman ki saral riti batata hun, jo dhvani-shakti par adharit hai. ‘‘fir hanumanji ne sushen ko samne baithakar samjhaya ki koi ghatak kisi anya ghatak men badla ja sakta hai ya koi bhi dhatu anya abhilashit dhatu men parivartit ki ja sakti hai. iske lie avashyak yah hai ki amuk vidhi se amuk rag-svar men adesh diya jae.’’1 hanumanji aur dhanvantari ji ko ek hi rup men dekhakar harshatirek ke karan sushen ji kuch bol nahin pa rahe the. tab hanuman ji ne kaha, ‘‘vaidyaraj! ravan kaisa bhi ho, kintu uska pitrikul atyant pav tatha shreshth hai. meri ichcha hai ki main jakar uske pita vishrava muni aur pitamah maharshi pulastya ke darshan karun. is sanbandh men apki kya sampati hai?’’ sushen bole, ‘‘bhagvn! apne kya janakar mujhse pucha? main to samjhta hun ki ap jo sochenge, jo kahenge aur jo karenge, vah uchit aur param mangkari hoga.’’ hanuman ji ne‘’ jay shriram’ ka udghosh kiya or maharshi pulastya ke ashram men jane ke lie vahan se vilupt ho gaye.