prashn shastra vivah men godhuli muhurt ka apna mahatva hai. dharmik manyataon men yah pujniya hai. jyotish ke anusar ise shukra ka pratik bhi mana gaya hai. jo dampatya sukh ka karak grah hai. sandhyasamay chara charakar lautti gayon ke khuron se urti dhul pradushit vayu mandal ko svachch karti hai ise godhul kahte hain. is samay ki sayankal vela ko godhulikal kahte hain. evan ise goraj bhi kahte hain. jyotishshastra men goraj ya godhulik lagn ko paribhashit karte hue kaha hai. ‘ardhastatyaprpurshato'rdhagharitan godhulikam’ suryast ke purva 15 pal (6 mint) se suryast hone ke bad 30 pal (12 mint) kul 24 minat ka godhulik kal hai. ‘muhurtaghantikadayam’ do ghanton arthat 48 minat ka muhurt hota hai. godhulik muhurt bhi 48 minat ka hi hota hai arthat 24 minat suryast ke purva tatha 24 minat suryast ke bad kul 48 minat ka godhulik muhurt mana jata hai. godhulik samay ke vishay men mat-matantar prachlit hai. iske atirikt kuch var vishesh men bhi godhulik samay ke sanbandh men vishesh niyam hai. astan yate guru divse saur sarke, lagnanmritau ripuyavne lagne chendau. kanya nashastanumad mrityusthe bhaume, ke durlabhe dhan sahje chandre saukhyam.. guruvar men suryast hone par aur shanivar men surya rahte godhuli shubh hai. lagn se ashtam, shashtham ya lagn men hi chandrama ho to kanya ka nash hota hai. lagn athak saptam ya ashtam men mangal ho to var ka nash hota hai. 2re, 3re athva 11ven chandrama ho to sukhdayak hota hai. shuddh lagn aur godhulik lagna: godhulik lagn kis sthiti men grahan karni chahie tatha kis sthiti men asvikarya hota hai iska vivechan karte hue jyotishshastra men kaha gaya hai ki yadi dusra lagn mil raha hai to godhulik lagn ko chorakar anya lagn men vivah kiya jana uchit hai. ‘lagne vishuddhe sati viryamukte godhulikan naiv falan vidhte’ - jab koi bhi lagn shuddh lagn nahin mil raha ho to us sthiti men hi godhulik lagn ko svikarya mana hai. ‘lagn yada nasti vishuddhamanyat godhulikan sadhu tada vadanti’ -muhurtaprakash ke anusar ratri men yadi shuddh lagn nahin ho to hi godhulik samay men vivah kiya jae. ratrau lagn yada nasti tada godhulik shubham - muhurtamartand ne to spasht shabdon men kaha hai ki larki yauvan avastha men ho aur shuddh lagn nahin mil raha ho to godhulik lagn grahan hai. isi prakar ki bat muhurt prakash men bhi kahi gai hai. lagn shuddhiryada nasti kanya yauvan shalini. tada nai sarvavarnanan lagne godhulik shubham.. jyotish nibandh ke anusar yatha sanbhav shuddh lagn par vichar karke shuddh lagn men hi vivah karna uttam hai. kintu shuddh lagn nahin milne par godhulik lagn vivah sanskar ke lie grahan karen. uparyukt vivaran se aisa lagta hai ki godhulik lagn bhi abujh saya (sarvabhaumik vivah lagna) ke saman hai. jaise akshay tritiya, devotthapini ekadshi, basant panchmi, fulera doj par bina tribal shuddhi (surya brihaspati evan chandra ki rashi sthiti) ka vichar kie vivah kiya jata hai. usi prakar godhulik lagn bhi samanyatah svikar kiya jata hai. godhuli lagn ko dusrei tarah se is rup men bhi paribhashit kiya ja sakta hai ki surya ki rashi se saptam rashi ko godhuli lagn ya godhuli bela kaha jayega. aisi saptam lagn se dusre, tisre athva gyarhven sthan par chandrama hone se godhuli lagn kahenge. iske pashchat godhulimukh lagn kahi javegi. sath hi yah bat bhi dhyan men rakhna hogi ki godhuli athva godhuli mukh lagn se chathen aur athven sthan par chandrama n ho tabhi godhuli lagn ko vivah sanskar hetu prashast mana javega anyatha nahin. godhuli lagn se athven athva dasven sthan par mangal ho to aisi sthiti men godhuli bhang hone ka dosh lagta hai aur vivah karne par var ko nuksan pahunchta hai yani var ki hani hoti hai. lagn se kendra men guru hone par ashubh grah kuch bhi bigar nahin sakte. parantu guruvar ko suryast hone ke bad aur shanivar ko suryast ke pahle kulik dosh hone se godhuli lagn tyajniya mani jati hai. aisa shastron ka mat hai. rituon ke anusar godhuli lagn ka samay nimnanusar hota hai aisa jyotish ke manishiyon ka mat haiah- hemant ritu men jab sanjh ke vakt surya lalima liye hue pashchim men dubne vala hota hai tab godhuli lagn mani jati hai. grishm ritu men jab sanjh ke vakt surya ka adha bimb ast ho jata hai tab godhuli lagn hoti hai. varsha ritu ke dinon men jab sanjh ke vakt pure ka pura arthat sanpurn rup men surya bimb ast ho jata hai tab godhuli bela kahi jati hai. jab vibhinn karnon se jaise sinhasth vrihaspati, guru aur shukra taron ke udyast ke falasvarup muhutrt n nikal pana, lagn shuddhi n ban pana aur kanya ka purn yauvan ko prapt ho jana, vali sthiti men yadi sahi varn ke log godhuli lagn men var-kanya ki shadi karte hain to koi dosh nahin rahta. surya ke udit hone se purva ke 2 ghante 24 minat artha 6 ghati purva ke samay ko prabhat kal kahte hain. surya ke ast hone ke bad ke 1 ghante 12 minat tak ka samay arthat 3 ghati ka aisa samay pradosh kal kahlata hai. surya ke ast hone ke bad ka 1 ghante 36 minat ka samay arthat 4 ghati ka samay bhagvan shankar ke vicharan ka kal arthat raudrakal kahlata hai jismen kisi bhi shubh karya ko karna varjit rahta hai. shubh mani jane vali godhuli bela raudrakal men nihit hoti hai. chandra bal se hin godhuli bela men vivah karne valon ko pratikul fal ki prapti hoti hai aur ve sankton se ghir jate hain. kahte hai. ki raudrakal men maharshi kashyap ki patni diti ne garbhadhan kiya tha jiski parinti daityotpatti men hui. ataev godhuli bela chandra bal prapt hone par hi shubh mani jati hai. yaitra chaikadashashchandro dvitiyo va tritiyakah. godhulikah sah vigyaey sheshaah dhulimukhaah smrita.. yadi gyarhven sthan men chandrama ho athva dusre tisre ho to uttam godhuli hai baki sthan men chandrama hone se dhulimukh kahte hain. yada nastagato bhanurgodhulyan puritan namah. sarva mangal kayeshu godhulinch nushsyate.. jab surya ast n hua ho aur gayon ke khuron ki dhuli akash men chai ho tab yah godhuli muhutrt sab karyon men manglkari hota hai. nasyamrigyan n tithikrnan naiv laganasya chinta. na va varo n ch lav vidhirno muhutrtasya charcha.. no va yogo n mritibhvnan naiv jamitra dosho. godhuliah sa munithirudita sarvakaryeshu shasta.. rishi muniyon ke anusar nakshatra, tithi, karan, lagn, din, navansh, muhurt, yog, ashtam sthan, jamitra dosh in sabon ka vichar godhuli lagn men nahin kiya jata hai. godhuli sabhi karya men prashast hai. godhuli dosh kulik: krantisamyan ch lagne shashthashthame shashi. tada godhulikastyajyah panchdoshashch dushitah.. kulik yog aur krantisamya aur lagn men 6 aur 8 chandrama ho to godhuli lagn men vivah nahin karna chahie, lagn 5 ke dosh se dushit ho aur yadi lagn men 7ven, 8ven, mangal ho to godhuli bhang ho jata hai ismen var ko hani hoti hai. anshasya patiranshe ch tanmitran va shubho'pi va. pashyatova shubho gyaeyah sarve doshashch nishfalaah.. ansh ka pati arthat navansh ka svami apne navansh men ho athva svami ka mitra aur shubh grah ho athva inki drishti lagn par ho to aur doshon se nishfal karta hai. kin kurvanti grahah sarve yasya kendra brihaspatiah. mattamatangyuthanan shatan hanti ch kesri.. yadi kendra sthan (1/4/7/10 in sthanon) men vrihaspati akele hon aur sab grah anishtakarak ho to kya kar sakte hain jaise akela sinh saikron hathiyon ke samuh ko dara deta hai aise hi vrihaspati sab doshon ko hanan kar dete hain. vaise to godhulik shuddh lagn nahin milne ki sthiti men sarvatra svikarya hai. kintu kuch sthitiyan aisi bhi hai jinmen yah lagn bhi grahya nahin hai. panch prakar ke dosh aise hain jinke rahte hue godhulik lagn bhi jyotish shastra ki drishti se vivah sanskar ke lie grahan karne yogya nahin hai. ashtame jiv bhaumau ch budhauvabhargavoshtamen. lagnon thanthashtamen chandrastava godhulinashkah.. jo lagn se athve guru mangal, budh aur shukra ho to yah godhulinashak dosh hai. atah is muhurt men sab karya varjit hai. vivah lagn nirdharan men das doshon par vichar kiya jata hai. in das doshon men se jitne dosh hote hain unko das men se kam karke shesh ko vivah lagn ki rekha bataya jata hai. jaise kisi vivah lagn vishesh men do dosh hai to das men se do ghatane par ath shesh rahe arthat vah vivah lagn ath rekha vala hai. in das doshon men ek kranti samya dosh hota hai tatha ek kulik dosh vivah lagn men athva chathe bhav men athva ashtam bhav men chandrama ho to godhulik lagn bhi grahan nahin karna chahie. godhuli ke prakar hemant ritu men sandhya samay surya jab golakar ho jate hain. garmi men jab adhe ast ho jate hain tatha varsha bahut men sanpurn ast hone par godhuli hoti hai. ye tinon prakar ke godhuli samay sab shubh karya men dekhe jate hain. lagn ke anusar fal dhastre tulali badhirau mrigashvau ratrau ch sinhajvrisha divandhaah . kanya nriyukkarkataka nishanndha dine ghato'ntyo nishi pa'gusangyah. tula, vrishchik lagn din men bahre hote hain. makar aur dhanu ratri men bahre hote hain. mesh, vrish aur sinh lagn din men andhe aur kanya, mithun aur kark ratri men andhe hote hain. ratri men min aur din men kunbh lagn pangu hote hain. lagn badhir, andh aur pangu ka samay badhira dhanvi tulalyo'prahne mithunan karkatako'tgana nishandhaah.. divsandha harigokriyastu kubja mrigkumbhantim yani sandhyayorhi.. dhanu, tula, vrishchik dopahar ke bad badhir hote hain. mithun, kark, kanya ratri men andhe hote hain. din men sinh, vrish, mesh andhe hote hain. makar, kunbh, min donon sandhaon men pangu hote hain. lagnon ka fal daridyan badhirtnau divandh lagne, vaidhavyan shishubharan nishandh lagne. pangvadge nikhildhnani nashmiyah sarvatradhip guru drishti rbhirn doshah .. vivah samay men badhir lagn ho to daridray, divandh lagn (din ke andhe lagna) ho to vaidhavya, nishandh (ratri ke andhe) lagn ho to santan maran, pangu lagn ho to sanpurn dhan ka nash hota hai. parantu ye lagn apne-apne svami aur guru se drisht ho to ukt dosh nahin hota hai. din tatha ratri men andhe, bahre tatha pangu lagn ka ikjai vivaran tatha fal is prakar haiah lagn se 11ven sthan men sab grah shubh ho, surya tritiya, shani ashtam, chandrama dvitiya. tritiya, mangl-tritiya, chathe, budh v guru dvitiya, chaturth, pancham, shashtham, navam, dasham sthanon men shukra 2/3/4/5/9/10/11 sthanon men shubh faldayak hai. aur rahu 3/5/6/8/9/10/12 sthanon men shubh faldayak hota hai. shukro dashasahastrani budho dashshtani ch. lanbhekan tu doshanan guru lagne vyapohanti.. lagn men shukra ho to das hajar doshon ka, budh ho to hajar doshon ka aur guru ho to lakh doshon ka nash karta hai. vivah men vihit navansh dhanu, tula, mithun, kanya, min in rashiyon ke kisi bhi rashi ke navansh men vivah ho to kanya sati (pativrata) hoti hai. lagn ke antim navansh men kisi ka vivah karna varjit hai. kintu navansh yadi vargottam ho to shreshth hai. tula, makar men chandrama ke hone par lagn men, char navansh ka yog nahin kiya jata hai. vivah lagn se 12ven shani, 10ven mangal, 3re shukra aur lagn men chandrama tatha pap grah ho to vivah shubh nahin hota. lagnesh, shukra aur chandrama chathe bhav men ashubh hota hai. saptam men sabhi grah tyajya hai. uprokt vivechan ko madhya najar rakhte hue vivah din men athva godhuli men karna asanbhav hone ke karan ratri men hi karna uchit samjha gaya. vivah karya sthayi. sthir lagn men karna dampatya jivan ko chirasthayi banaye rakhne ke lie vihit samay hota hai. nishakal men vivah karna ek vaigyanik drishtikon se bhi uchit mana gaya hai. iska karan ratrikal ka shant vatavaran, grahon ki shanti puja ke lie, agni hotra ke ke lie shubh samay hota hai. var-vadhu ko agni fere ke sath ratri men agni, evan dhruv tare ko sakshi manakar saptapari (shapth) karya shubh hota hai. vivahadi shubh karyon men sarvashreshth hai lagn shuddhi vichar evan muhurt men shraddhabhav avashyak aj kal sarvatra dekhne men ata hai log vivah muhurt men vivah nahin karte. falasvarup durbhagyavash kai bar janm patri milan ke bad vivah sanbandh asafal hote dekhe gaye hain. yahan tak ki talak ki naubat bhi a jati hai. faishan ke is yug men vivah men dikhava mehnbaji gana nachna men bahut paisa kharch (barbad) ho raha hai. vivah men pandit ji ki bhumika ek apchairikta hai. vahan mantrocharan muhurt ka koi mahatva nahin keval do ghanton men vivah ho jata hai. n pandit ji ka samman n uchit dakshina, vivah men shubh muhurt tabhi sarthak aur falibhut hote hain. jabki muhurt grahan karne vale vyakti ko unke prati puri shraddha evan vishvas ho bina shraddha ke bina kiya hua havan kanya dan aur tap bekar hai. aisa karm n to is lok men aur parlok men bhi labhaprad evan kalyankari nahin hota islie shubh lagn ko sabhi muhurton ko atma kaha gaya hai. vivahadi shubh karyon men shuddh balvan vivah lagn sabhi shubh karyon men lagn shuddhi ka vishesh mahatva hai. inmen mas tithi nakshatra ka bhi vishesh mahatva hai. tithi ko sharir chandrama ko man yog nakshatron ko sharir ke ang tatha lagn ko atma mana gaya hai. vivah ke liye isi shuddhakal men vivah lagn dekha jata hai. iske lie vivah kalik kundli banai jati hai. aur uske bhinna-bhinn bhavon men sthit grahon ke adhar par lagnashuddhi ka vichar kiya jata hai. tribal shuddhi hone ke pashchat jo shubh lagn banta ho usmen surya, chandrama balvan (svarashi mitra rashi uchch rashi) men ho to lata pat ekargal upagrah aur ya mitra dosh samapt ho jate hain. aisa muhurt shastriyon ka mat hai. ashtam lagn dosh janm lagn v janm rashi se ashtam lagn men vivah ashubh hota hai. agar donon ka svami ek hi grah ya donon men mitrata ho to shubh hota hai. ashtam grih dosh parihar min, vrish, kark, vrishchik makar kanya in chah rashiyon ka janm lagn se ya janm rashi se ashtam lagn doshkari nahin hota kyonki lagnesh evan ashtamesh ka mitrata hone se vaisa nahin hota aise lagnon men vivah hone se dhansukh santan sukh evan saubhagya prapt hota hai. jaise sinh se min ashtam hai. surya aur guru mitra hai. tula se vrish ashtam donon ka svami shukra hai. dhanu se kark ashtam (guru aur chandrama mitra) mesh se vrishchik ashtam donon ka svami mangal hai. mithun se makar ashtam budh aur shani mitra hai. kunbh se ashtam kanya ashtam shani aur budh mitra hai. janm lagn rashi se ashtam bhav men jo navansh ho us navansh ka svami ya ashtamesh yadi lagn men sthit ho to vivah lagn men vah ashtam rashi shubh nahin hoti. lagn ya chandra lagn se 12ven ya dvadash bhav ka navansh vivah lagn men ho to pati-patni men kalah rahti hai. vivah lagn se dvitiya bhav men koi krur vakri grah ya dvadash bhav men koi krur margi grah ho to use krur kartari dosh kaha jata hai. is dosh ke hone ke karan vivah lagn dushit ho jata hai. yah yog chandra kundli se bhi dekhna chahiye. vivah lagn men chandra aur sabhi pap grah varjit hain. dusre bhav men koi bhi grah varjit nahin hai. tisre bhav men shukra samanya doshkarak hota hai. par is grah ko puja aur dan se iska dosh khatm ho jata hai. chaithe bhav men rahu doshkarak hota hai. is grah ka bhi dosh bhi dan evan puja se shant ho jata hai. chathe bhav men chandrama shukra evan lagnesh varjit hain. chandrama shukra yadi nich rashi ya navansh men niv ho to iska yahan dosh nahin mana jata hai. saptam bhav men guru aur chandrama ko chorakar sabhi grah varjit hain. fir bhi in grahon ko shant karne ke lie in grahon ko dan aur puja anivarya hai. ashtam men lagnesh chandra, mangal aur anya shubh grah varjit hai. navam evan gyarhven bhav men koi bhi grah varjit nahin hai. dasham men mangal aur barhven men shani grah varjit hai. guru kendra trikon men surya gyarhven lagn evan chandrama vargottam ho to sab dosh nash ho jate hain. aur chandrama 11 ve ho to dusht muhurt anya dosh nash ho jata hai. sarva samanya doshon ka parihar vivah lagn men trikon (5, 9) kendra (1, 4, 10) men yadi balvan budh ho to 100 doshon ka nash karta hai. inhi sthanon men balvan shukra ho to 200 doshon ko shant kar sakta hai. aur guru ho to ek lakh doshon ka daman kar deta hai. aur isi tarah 1, 4, 10 aur gyarhven men lagnesh ya lagan navanshesh ho to vah bhi dosh samuh ko shant karta hai. jaise agni rui ko jala deti hai. dhyan rahe vivah lagn men kendra hamesha saptam hin liya jata hai. atah godhuli lagn men do lagn hon to lagn shuddhi par vishesh dhyan dena chahie. lagn fal din men andh lagn mesh, vrish, sinh vaidhavya ratri men andh lagn kanya, mithun, kark santan bharan din men bahre lagn tula, vrishchik daridra, duahkh ratri men bahre lagn makar, dhanu daridra duahkh din men pangu lagn makar, kunbh (dono sandhya mane) dhan ka nash ratri men pangu lagn min dhan ka nash