yah jatak ek praivet kanpni men naukri karte hain kuch samay se inke karyalay men naukri chantni shuru hui aise men inka pareshan hona svabhavik tha. kyonki inki naukri par bhi khatra ho sakta tha. isi pareshani ke daur men inhonne prashn kiya ”kya inki naukri ko khatra ho sakta hai? kya naukri men badlav ka vakt hai aur nai naukri kaisi v kahan ho sakti hai ?“ aie inke prashn ko prashn kundli ke madhyam se dekhen. shirshoday, char lagn v char navansh sthiti men parivartan darshata hai. kendra v trikon men shubh, ashubh grahon ka mishrit prabhav hai. lagn chandra ke nakshatra men hai jo dashmesh hai atah prashn naukri se sanbandhit hai. lagn par keval shani ki drishti hai
jo chaturthesh v panchmesh hai, lagnesh ka dasham men sthit hona bhi vyavsay se sanbandhit prashn darshata hai. lagnesh dasham men rahu ketu aksh men sthit hai jo kisi pareshani ka sanket hai. dashmesh chandra dasham bhav se ashtam men badhaen darshata hai. dasham bhav men ashtamesh ki sthiti, shashtesh guru ka chaturth bhav se dasham ki drishti dena v lagnesh ka dvadshesh se itthashal naukri men badhaen darsha rahe hain. sath hi kisi prakar ke tanav ko bhi vyakt karte hain. lagnesh ka pap grahon se sanbandh atyadhik tanav deta hai.
lagnesh ka dasven bhav men baithakar mandgti grah jo chaithe bhav men baitha ho se sanbandh ho to naukri se nilanban hota hai (shukra v guru ka itthashal). dashmesh ka apni nich rashi ke svami se purn itthashal (chandra/mangl) bhi naukri se nilanban darshata hai. (not - agar is itthashal men dvitiyesh v ekadshesh ka sanbandh ho to bhrashtachar ka arop lag sakta hai. surya ka ekadash bhav se apni rashi ka hona v dashmesh chandra se kanbul yog men lipt hona achchi naukri milne ka sanket hai. lagnesh ka dvadash men baithe dvadshesh se itthashal naukri ka sanbandh bahar se darshate hain. dvitiyesh ka navam men sthit hokar pancham men baithe dashmesh se purn itthashal v dvadshesh se bhi purn itthashal videsh ya ghar se dur paise ka fayda darshate hain.
in sabhi yogon ke adhar par jatak se kaha gaya ki unki naukri men achche badlav ka sanket hai islie vartaman naukri ja sakti hai nai naukri ka sanbandh bahar se ho sakta hai. 7 sitanbar 2009 ko jab budh vakri hua to jatak ko chantni ke karan apni achchi naukri se istifa dena para. aie ab inki janm kundli men is ghatna ki pushti ka prayas karen. yah sinh lagn ki kundli hai jiske dasham bhav men shani(v) jo ki saptamesh v shashtesh hai sthit hai. dasham bhav anya 4 grahon guru (panchmesh, ashtamesh), surya (lagnesh) budh(v) (dvitiyesh, ekadshesh) v mangal (chaturthesh v navmesh) se prabhavit hai. dasham bhav ka sanbandh 2 trik bhav ke svamiyon shashtesh shani v ashtamesh guru se hai. lagna/lagnesh, dashm/dshmesh ka sanbandh yadi trik bhav ke svamiyon ya pancham, panchmesh se ho to ajivika sanbandhi kasht a sakta hai.
prashn puche jate vakt dasha guru, shukra, rahu ki thi. mahadsha nath guru jo kundli ka ashtamesh hai chaturth men baithakar dasham bhav ko prabhavit kar raha hai. guru dasham bhav se bhi ashtamesh hai. atah guru ki dasha naukri men kisi prakar ki badha dene men saksham hai. antardashanath shukra jo svayan dashmesh hai apne se ashtam bhav (lagn se panchm) men sthit hai. shashtesh, ashtamesh panchmesh ki dasha ya unmen sthit grahon ki dasha men vyavsay men kasht a sakta hai. is prakar panchmesh, ashtamesh guru v pancham men sthit dashmesh shukra ki dasha jatak ki naukri ke sanbandh men ghatak siddh hui v jatak ko apni naukri se istifa dena para. dashanath v antardashanath mansik pareshani ko vyakt karta hai.
û gochar men bhi mahadshanath guru rahu se pirit hokar lagn se chathven bhav (trik bhav) men gochar kar rahe the.
û amatyakarak mangal bhi ab nich hokar trik lagn men 12ven bhav men (trik) gochar kar rahe hain sath hi rahu, ketu ke aksh men hai.
û prashn puche jate vakt dashmesh shukra bhi dvadash bhav men rahu, ketu se pirit the. mahadshanath, antardashanath, pratyantardashanath tinon hi janm kundli ke trik sthanon (6, 8, 12) men gochar kar rahe the yah bhi vyavsay sanbandhi pareshani ko vyakt karta hai. kaha ja sakta hai
ki kundli men grah yogon ke karan bani sanbhavnaen uchit dasha v gochar ane par falibhut hoti hai. isi prakar ek pratikul dasha v pratikul gochar ne jatak ko naukri sanbandhi pareshani di v mansik rup se vichlit kiya. yahi hamari prashn kundli bhi darsha rahi thi. unke prashn men yahi spasht tha. ab jatak ke pas bahar se naukri ke kai achche avasar hain. divali ki sham jab log divali pujan ki taiyari kar rahe the tab yah mahila apni bahu v uske garbhasth shishu ki svasthya ke bare men chintit thi. bahu ko achanak hi pareshani shuru hui thi atah mahila janna chahti thi ki kya bahu ka garbhasth shishu thik hai ya uska kuch anisht hone vala hai
uski prashn kundli lagai gai jo is prakar thi. dvisvabhav lagn, dvisvabhav navansh jo kai grahon se prabhavit hai asthirta darshate hain. lagn ke navansh ka svami guru kisi aur ke navansh men baith kar pancham bhav ko dekhta hai jo jiv chinta darshati hai. ismen lagn ka satvan navansh jiv chinta bata raha hai. chandra panchmesh hokar apne hi nakshatra men hai jo santan prashn ki pushti kar raha hai. surya ne abhi-2 rashi parivartan kiya hai. santan prashn men ashtam bhav men nich ka surya pareshani ka pura sanket hai. sath hi yah surya nich ke mangal se drisht hai jo anishtakari hai.
lagnesh guru ka panchmesh chandra se itthashal bhi santan chinta vyakt karta hai. lagnesh guru nich ke hain jo rahu ketu aksh men sthit hai sath hi mangal ke drishti prabhav men hai. santan ke sanbandh men yah sthiti ashubh hai. dvadash bhav jo ki garbhasth shishu ka mana gaya hai mangal (nich) se drisht hai jo garbhapat ka sanket deta hai. pancham bhav men 2 krur (agni tatva) grah, (mangal, ketu) upasthit hokar pira ko atyadhik barha rahe hain. nich ke mangal pancham men sthit hokar garbh nash ka sanket de rahe hain. lagn v chandra saptamesh budh, ashtamesh shukra v dvadshesh shani ka prabhav hai jo thik nahin hai. santan karak guru svayan nich ke hain v rahu se pirit hai jo garbh nash ka yog banate hain.
is prakar pancham bhav v panchmesh par guru ki drishti bhi garbhasth shishu ki raksha nahin kar paegi aisa kaha gaya. agle din hi ukt mahila ki putravdhu ka garbhapat ho gaya. ab ise inki janm kundli se dekhte hain. tula lagn ki is kundli men panchmesh shani jo yogkarak bhi hai lagn men uchch ke hokar sthit hai jo darshate hain ki mahila ko apni santan ka sukh avashya hi prapt hoga. pancham bhav par kisi grah ka prabhav nahin hai. saptansh men pancham bhav men 5 grahon ka prabhav hai. prashn puche jate vakt jatika ki dasha chandra, shukra, shukra thi. dashanath chandra lagn kundli ka dashmesh hai jo pancham bhav se shashtesh hai atah santan ke sanbandh men thik nahin hai. yah chandra lagn se tritiya bhav men ashtamesh shukra ke sath nikat anshon men hai sath hi yah tritiyesh v shashtesh guru ke sath grih yriddh men shamil hai. iski dasha ashubhta de sakti hai. saptansh men bhi chandra ashtamesh hokar pancham bhav men sthit hai jo santan ke lie thik nahin hai. antardashanath, pratyandarshanath shukra lagn kundli ke ashtamesh hain
v saptansh kundli ke shashtesh v ekadshesh hokar pancham bhav men sthit hai. saptansh men chatha bhav pancham se dvitiya v ekadash bhav pancham se saptam hone ke karan pancham bhav ke lie prabal karak bhav hai. atah chandra men shukra ki dasha santan ke lie anishtakari rahi aur garbhasth shishu ka garbhapat ho gaya. ab gochar par najar dalte hain -
û gochar men panchmesh shani lagn se barhven bhav yani pancham bhav se ashtam men gochar kar rahe the. trik bhav hone ke karan yah ashubh hai.
û prashn ke vakt panchmesh shani ashtamesh shukra dvadshesh budh se bhi pirit the.
û santan karak guru nich ke rahu se pirit the.
û mahadsha nath chandra antardasha nath v pratyantrdsha nath shukra donon hi trik bhav (12ven) men gochar men the jo pancham se ashtam bhav hai
atah yah dasha santan janm ke sanbandh men ashubh siddh hui. is prakar jo bat prashn kundli se dikhai di thi vahi janmakundli men bhi spasht hui. jo prashn v lagn kundli ki samyata ko vyakt karta hai. ek sham landan men rahne vali meri saheli ka fon aya vo bahut hi pareshan thi. usne bataya ki uski bahan ka larka kuch dinon se lapta hai jiski koi khabar nahin hai. vah injiniyaring kalej ka chatra hai.
usne janna chaha ki vah larka kahan hai, surakshit hai ya nahin v kab tak uske vapas ane ki sanbhavna hai? kya pulis is kes men madad karegi. mainne usi vakt uski prashn kundli lagai. samay bharat ka hi liya gaya kyonki jyotishi jahan hota hai prashn kundli men samay vahin ka liya jana uchit hai. sthir shirshoday lagn v sthir navansh prashn ki saflta ko prabhavit karte hain jo sthiti men parivartan nahin darshate. sam lagn ka dusra navansh mul chinta batata hai. lagn ke navansh ka svami surya kisi aur ke navansh men baithakar lagn ko dekhta hai jo jivan chinta batata hai.
ashtamesh budh saptam bhav men baithakar lagn ko nikatatam anshon men dekhta hai jo gupt vivah ka sanket ho sakta hai. lagnesh mangal ka saptamesh v dvadshesh shukra se itthashal shadi ke sath-2 ghar se dur jane ka sanket deta hai. chandra ka is yuti men ishraf bite samay men hui ghatna darsha raha hai. saptam bhav men krur grah marg men pareshani v chathe men mangal shatru bhay darshate hain. lagn shani ke nakshatra men hai jo dasham men baithakar saptam bhav ko dekhta hai karya kshetra v vivah sanbandhi prashn ki or sanket deta hai. chaithe bhav men shubh grah batata hai ki vyakti surakshit hai. chaithe bhav men guru bina vilanb turant vapsi ki suchna bhi deta hai
lagn ki digri rahu/ketu ki digri ke bilkul karib mansik pareshani vyakt karti hai. 10ven men pap grah jald vapsi ka suchak hai sath hi yah bhi batata hai ki pulis sahayta nahin karegi. (dasven bhav men pap prabhav) chandra par bhi rahu/ketu ka prabhav hai v chandra ki rashi kark men ketu sthit hai jo mansik pareshani batata hai. 6, 7 bhav men koi grah ho aur guru kendra men ho to bhi vyakti (lapta) turant vapas ata hai. kundli men yah yog upasthit hai. lagnesh, saptamesh ka chathe bhav men itthashal ghar se bhag kar kie gae prem vivah ko suchit karta hai. inhen bataya gaya ki apki bahan ke larke ne ghar se jakar prem vivah kar liya hai. vah surakshit hai parantu bhaybhit hai v mansik pareshani men hai. jab chandra chaturth bhav men gochar men aega to vah ghar a sakta hai ya uski suchna a sakti hai.
15 jun ko jab chandra kunbh rashi men the to larke ke kisi mitra ne fon par suchna di ki larke ne apni sahpathi se kort men shadi kar li hai vah surakshit hai parantu larki valon ke dar se mansik rup se bahut pareshan hai. aie janmakundli ki sthiti dekhen. vrishabh lagn ki is kundli men dekhen to lagnesh shukra saptamesh mangal ke sath ashtam bhav men sthit hai. sath-sath shani bhi is yog men shamil hai. ashtamesh vakri guru bhi dvitiya bhav se is yog ko drishti de rahe hain. yah yog gupt tarike se vivah hoga is bat ki pushti karta hai kyonki iska sanbandh ashtam bhav se hai. prashn puche jane ke vakt jatak ki dasha shukra/shni/shukra thi. mahadsha nath shukra lagnesh v shashtesh hokar ashtam bhav men shani se grih yuddh men hara hua hai. atah aise lagnesh se jo shashtesh ho, grih yuddh men hara ho sath hi ashtam bhav men ho shubh fal ki asha nahin ki ja sakti. (grih yuddh men hare grah ki dasha ashubhta deti hai) navansh men bhi shukra vakri panchmesh v ashtamesh guru ke sath pancham bhav men hai. antardashanath shani yog karak hai
parantu yah bhi ashtam bhav se sanbandh bana rahe hain sath hi grih yuddh men hai. ye markesh (saptamesh, dvadshesh) mangal ke prabhav men bhi hai. ashubh grah ki mahadsha men yogkarak grah ki antardasha atyant hi ashubh hoti hai. navansh men bhi shani uchch ke dvadshesh chandra v mangal se drisht hai. pratyantardasha nath ki charcha ki ja chuki hai. gochar ne mahadsha nath shukra jo lagnesh hai saptamesh se yukt ho barhven bhav (trik) men gochar kar rahe the. tritiya bhav rahu/ketu aksh se prabhavit hokar jatak ke parakram ko barha raha tha. rahu/ketu lagn chart ke rahu/ketu par hi gochar kar rahe the. in sabhi pratikul dashaon aur gochar men jatak ki buddhi ko bhramit kiya uska parakram barhaya jiske falasvarup jatak ne apni sahpathi ke sath ghar se bhagakar kort men shadi kar li.
larki valon ne jatak ko jan se marne ki dhamki di hai jiske karan vah bhaybhit hai. is prakar hamne dekha jo prashn kundli bata rahi thi vo janm kundli men bhi spasht tha. janm v prashn kundli ki ekrupta siddh hoti hai. shartakat se paisa kamana, nam kamana aj ke manav ki fitarat hai aise men chahe use kuch bhi karna pare. paise aur nam ke lie bhala rajniti se achchi kaun si jagah ho sakti hai. kuch aisi hi soch lie ek sham ek yuvak mere pas aya. usne bataya ki uske pita ke bare-bare rajnitigyaon se sanbandh hai vah ilekshan larna chahte hain. paisa bhi vo kitna hi kharch karne ko taiyar hai. lekin fir bhi tikat ko lekar chintit hain usne janna chaha ki kya uske pita ko ilekshan larne ke lie tikat milega ya nahin? ek dusre ummidvar ko lekar bhi chintit tha. usne pucha ki kya vo mere pita se jyada achchi sthiti men hai ? kyonki sirf usi se mere pita ko khatra ho sakta hai.
mainne usi vakt prashn kundli ka sahara liya. is prakar ke prashn men prashn kundli chamatkarik rup se karya karti hai. aie dekhen prashn kundli ne kya sanket die. ubhyoday, dvisvabhav lagn, dvisvabhav navansh prashn ki saflta men sandeh utpann karta hai. lagn shani ke nakshatra men hai jo labhesh hokar saptam men sthit hai atah prashn pad prapti se sanbandhit hai. lagn ko chaturthesh v saptamesh budh nikatatam anshon se dekhta hai jo punah pad prapti ke prashn ko batata hai. chandra bhi budh ke nakshatra men sthit hokar isi bat ki pushti karta hai. lagn men koi grah upasthit nahin hai lagn par shubh v pap donon prakar ka drishti prabhav hai lagn bali nahin hai.
û satvan bhav jo pratidvandvi ka hai usmen uchch ka saptamesh sthit hai sath hi pap grah shani bhi hai jo guru se drisht hai atah satven bhav lagn ki apeksha adhik bali hai. parantu yah bhi mangal se drisht hai. niyam hai ki lagnesh v saptamesh men jo bali hoga vahi vijyi hoga.
û yahan lagnesh jo karmesh bhi hai guru nich ke hanai v vakri hai sath hi rahu/ketu aksh men sthit hai. ye mangal ki drishti se pirit bhi hai atah bahut hi nirbal hai.
û saptamesh uchch ke hokar apne bhav men sthit hai guru se drisht hai lekin vakri hone v mangal se drisht hone ke karan ye bhi purn bali nahin hai. ye shani se yukt hai jo saptam bhav ke lie panchmesha/shashtesh hai. atah panchmesh ke karan kuch achche ki sanbhavna ho sakti hai.
û navansh men bhi lagnesh v dashmesh budh nich ke ho gae hain sath hi shani/mangal se prabhavit hokar nirbal hai atah prashn ki saflta men sandeh hai.
û chaithe bhav men baitha ashubh grah bhi thik nahin hai. vakri saptamesh ke karan inse kaha gaya ki ho sakta hai apka pratidvandvi apna nam vapas le len. hua bhi yahi tikat milne ke kuch din pahle us ummidvar ne apna nam vapas le liya. lekin kyonki prashn inke bhi paksh men nahin tha atah ilekshan ka tikat inhen bhi hasil nahin hua v inke sare prayas asafal rahe. in sajjan ki kundli men janm samay puri tarah thik na hone ke karan ham inke putra ki kundli se is ghatna ki pushti ka prayas karenge.
kunlagn ki is kundli men pita ke karm sthan ka vichar is kundli ke navam se dasham arthat shashth bhav se kiya jaega. ismen surya ki upasthiti uchch pad darshati hai. prashn puche jate vakt jatak ki dasha shukra/ketu ki thi. jo dasha chidra bhi hai. shukra navmesh hai v sath hi navam bhav se ashtam ke svami hokar navam se dvadash men nich ke hain jo pita ko kisi prakar ka kasht bhi batate hain. sath hi shukra 64ven navansh ke svami hai jo mansik pareshani dene men saksham hai. antardasha nath ketu navam bhav se dvitiyesh v saptamesh marak mangal ke sath sthit hai. sath hi dvadshesh budh se bhi yukt hai. dashaon men 2/12 aksh hai
jo pareshani bata rahi hai. gochar dekhen to gochar men pita ka karm bhav yani lagn se chatha bhav pirit hai. yahan rahu/ketu aksh hai sath hi nich ke vakri guru ki drishti hai jo kisi prakar ki rahat nahin dete. atah ham kah sakte hain ki yah samay jatak ke pita ke lie mansik pareshani lekar aya v koi upalabdhi nahin prapt hui.
apni har sanbhav koshish ke bad bhi ye chunav ka tikat pane men nakam rahe. is prakar ek bar fir prashn v janm kundli ki samyata prakat hui. is sthiti men main ek bat aur kahna chahungi ki jatak ki ane vali dasha surya ki hai jo navam bhav se labhesh hokar navam se dasham men sthit hai kark rashi jo svayan rajsik rashi hai usmen rajsik grah v grah surya ki upasthiti sath hi surya ki dasha batati hai ki jald hi jatak ke pita kisi n kisi bare pad par asin honge.