baelivud ke sitaron ki koi bhi khabar ho, log bahut dilachaspi lekar parhte hain lekin hal hi men ek khabar ko jise sabhi akhbaron aur telivijan chainals ne bhi puri kavrej di vah thi kangna aur ritik ka vivad. baelivud men bhi is siriyas larai ke khub jor shor se charche ho rahe hain aur in donon e gred sitaron ki tu tu main main se inke fains ko bhi kafi nirasha hui hai. baelivud men ek dusre par chinta-kashi karna, kisi n kisi ka apsi vivad hona ya fir ek dusre ke rol ko jhatkna adi khabrane am bat hanai.
baelivud men kvin ke nam se prasiddhi pa chuki kangna ranaut ne apna mukam nishchay hi apni mehanat ke dam par hasil kiya hai. himachal pradesh ke maknala ganv men janmi kangna ka baelivud tak ka safar asan nahin tha. saflta ke is mukam tak pahunchne ke lie nishchit rup se unhen bahut musibton aur kathinaiyon ka samna karna para hai. kangna ke dada ji ai. e. esaefisar the aur pita amrdip ek bijnes main hain aur man, asha ek skul tichar hain. uski ek bari bahan hai rangoli aur chota bhai akshit.
uska bachapan dehradun men bita jahan usne apni skuli shiksha di e. vi. hai skul se ki. vahan par vah bahut achchi basket bael ki khilari thi tatha dibet adi men bhi bhag lene ki bahut shaukin rahi. skul ke bad kangna ne shimla men kaelej ke sath-sath maedling, thiyetar aur katthak dans ki kakshaen bhi lin. uske mata-pita use daektar banana chahte the par kangna ke sapne kuch aur hi the.
unhen pura karne ke lie 16 sal ki umra men usne dilli ka rukh kiya aur apni mehanat aur lagan se vah maedling karne lagi aur tabhi kaefi haus men ‘gaingastara’ film ke nirmata ki najar men ai aur 2006 men uski pahli film gaingastar rilij hui aur is film men pareshan yuvti ki bhumika nibhane par kangna ki kafi sarahna hui tatha kangna ne iske lie film feyar avard bhi jita. iske bad ai vo lamhe, laif in e metro aur faishan. faishan men kangna ne bahut hi bhavnatmak aur damdar abhinay kiya jiske liye unhen rashtriya film avard aur film feyar avard se navaja gaya.
halanki bich men kuch flaep filmen ane ke bad kangna kuch piche chali gai thi lekin 2011 men romantik kaemedi ‘tanu veds manu’ ke sath unhonne dhamakedar vapsi ki aur fir ai kangna ke kariyar ki sabse bari film ‘kvin’. ise n sirf jam kar kamyabi mili, balki kangna ko filmi duniya ne naya mukam bhi diya. sabhi diggaj kalakaron ne kangna ki jam kar tarif ki aur kangna baelivud ki ek safal abhinetri ban gai.
fir ai ritik roshan ke sath krish-3 jismen apne nigetiv kirdar ke lie bhi kangna ne bahut vahvahi batori aur yahin se shuru huye kangna aur ritik ke afeyar ke kisse. halanki, donon is rishte se lagatar inkar karte rahe magar kaha jata hai ki ‘ishk aur mushk chupae nahin chupte’ isi bich ritik aur uski patni sujain ke bich anaban kafi barh gayi aur donon ne apne shadi ke 17 sal tak chale safar ko khatm kar diya aur donon apni-apni rah par chal diye. kangna aur ritik bhi shayad kuch samay bad alag ho gaye par pura vivad tab shuru hua jab kangna ne ek pres kaenfrens men ritik ko ‘eksa’ kah dala.
halanki kangna ko yah sarvajnik rup se kahne se bachna chahie tha lekin ekshan star ritik ne kangna ko apni chavi kharab karne ke iljam men kanuni notis bhej diya. fir kya tha, kangna kaun sa chup baithne vali thi. usne bhi notis ka javab notis se diya aur is tarah donon taraf se kanuni notis ka jaise daur hi shuru ho gaya aur is vivad men naya mor tab aya jab jane mane hasya abhineta shekhar suman ke bete adhyayan suman ne bhi kangna ke khilaf midiya men apna bayan jari kar diya aur mauke ka fayda uthate hue adhyayan ne kaha ki ‘‘kangna n keval ajibogrib svabhav ki hai balki vo apne partanar ka utpiran bhi karti hai aur usne us par jadu tona bhi kiya hai.’’
adhyayan ke is bayan se film aur midiya jagat men kafi khalbli mach gai aur sare tivi chainlon par yahi khabar chai rahi. lekin kangna jinhen hal hi men ‘tanu emke manu ritarna’ men apne behtrin abhinay ke lie fir se rashtriya puraskar diya gaya, ne apne ek sakshatkar men kaha ki jab ek mahila ek purush se jyada safal ho jati hai to vah use badnam karne lagta hai lekin vah apni mehanat aur saflta se hi sabko javab degi.
kangna ke anusar mujhe garibi se amiri tak ki apni kahani par bahut garva hai aur yadi ap apni pratibha ko pahchante hain aur apni mushkilon se dosti kar lete hain to mis fit hona majedar ho jata hai. kuch log jindgi men safal nahin ho pate aur uska badla dusron ko nuksan pahuncha kar lete hain. kangna aur ritik ke mamle men sachchai kya hai is par abhi parda hi hai halanki baelivud jaisi jaghon par tamam tarah ke afeyar koi ajuba nahin hain. lekin behatar hota ki apni past rileshnship ko lekar ye donon kisi vivad men n parte. donon ke bich ki sarvajnik larai ki bat kort tak pahunch jana unki apripakvata ko dikhata hai.
aiye dekhte hain kya kahte hain kangna ke sitare- kangna ki janm kundli ke anusar lagn svami shukra apni uchch rashi min men sthit hai jisne unhen itna akarshak vyaktitva ki malika banaya. tritiyesh chandrama chaturth bhav men hai jo ki janta tatha samaj ka pratinidhitva bhi karta hai. is bhav men parakramesh chandrama ki sthiti hone se kangna apni mehanat aur lagan se baelivud ke uchch shikhar tak pahunchi aur unhen janta ka bharpur pyar bhi prapt hua.
rashish surya aur lagnesh uchch shukra ka labh sthan ekadash bhav men yuti bahut shubh hai jiske karan kangna ne apne kariyar men shighra saflta prapt ki aur unhen apne prabhavshali abhinay par tin-tin rashtriya film puraskar prapt hue. panchmesh budh ki guru ke sath dasham bhav men yuti hone se apni sujh-bujh tatha buddhi ke karan kangna ne apni shiksha ko purn kiya tatha filmi jagat men apne balbute par jagah banai.
pancham sthan par uchch shukra ki drishti hone se kangna ki maedling, kala, nritya, abhinay adi ke prati abhiruchi barhi. vastav men kangna ke janm ke 6 varsh bad hi shukra ki mahadsha praranbh ho gai thi islie unki shiksha, filmi kariyar ki shuruat shukra grah ki dasha men hi hui aur is dasha avdhi men unhen kai avard bhi prapt hue. lagnesh shukra ki dasha kangna ke jivan ki bahut hi utkrisht dasha thi jo sahi vakt par ai. saptam bhav men shani ki sthiti tatha saptamesh mangal ki ashtam bhav men sthiti ke karan vaivahik drishti se inka jivan bahut safal hone men sandeh hai. saptam bhav aur saptamesh par kisi bhi shubh grah ki drishti nahin hai.
saptamesh mangal par rahu ki drishti hai tatha saptam bhav papakatrtari yog men bhi hone se vaivahik jivan men sthirta ki kami hogi. dasham bhav men do shubh grah budh aur guru ke panchmesh aur labhesh hokar baithne se dasham bhav shubh tatha balvan hai. dashmesh shani bhi kendra men sthit hai isilie kangna ko apne karya kshetra men vishesh man-samman, dhan, yash pratishtha ki prapti ho rahi hai. prithvi tatva ke vrishabh lagn hone ke karan kangna ka shant vyaktitva hai parantu agni tatva sinh rashi hone se kangna kisi se bhi dab kar nahin rah sakti aur kisi ke galat arop ko bhi kabhi bardasht nahin karegi balki badla lene ke lie tatpar rahegi.
isilie unka ritik se vivad is sima tak pahunch gaya hai. saptamesh mangal ki shukra par drishti hone se tatha shukra evan surya ki pancham bhav par drishti hone se kangna ke prem sanbandhon men khatas ati rahti hai. vartaman samay men inki surya ki mahadsha men shani ki antardasha chal rahi hai aur rashi se shani ki dhaiyya bhi chal rahi hai. shani is samay vakri hokar saptam sthan men vakri mangal ke sath janmasth shani par gochar kar rahe hain jiske karan kangna pichle do mahine se ritik roshan ke sath vivadon men ghiri rahi aur abhi bhi kes kort ke adhin hai.
13 agast ko shani ke margi hone ke bad paristhiti anukul ho jaegi. surya men shatru shani ki antardasha bhi anukul nahin hai. kangna yadyapi vartaman samay men vakri shani mangal ke gochar ke karan vivadon ke ghere men hai parantu inki kundli men dasham bhav men guru grah ki shreshthatam sthiti ke karan antatah sabhi vivadon se bahar nikal kar punah pratishtha ko prapt karengi parantu janvri 2017 se 2020 tak ashtam bhav men mangal ke upar se shani ka gochar svasthya, suraksha, man-samman adi ke mamlon ke atirikt prem sanbandhon men kuch taklif de sakta hai parantu guru ki shreshth sthiti v niyamit rup se kiya gaya puja path inhen suraksha pradan karta rahega.
lekin surya ki dasha kariyar men saflta ki drishti se bahut anukul rahegi aur ane vali chandrama ki dasha men bhi kangna apni saflta ke naye ayam sthapit karanegi aur inki lokapriyata men bhi char chand lag jaenge. kangna ki kundli men nirmit kuch yog amal kirti yog: yadi chandrama se athva lagn se dasham bhav men keval shubh grah baithe hon to ‘amlkirti yog’ banta hai.
inke lagn se dasham bhav men brihaspati aur budh donon shubh grah baithe hain jisse inki kundli men yah yog purnarup se ghatit ho raha hai. iske karan inhen yash, man, pratishtha ki prapti ho rahi hai tatha bhavishya men lanbe samay tak inki kala ki vajah se inhen yad kiya jayega. gajkesri yog: lagn ya chandrama se guru yadi kendra men shubh grah yukt drisht ho tatha shatru rashi men n ho to yah yog purn rup se ghatit hota hai.
inki kundli men lagn tatha chandrama se guru shubh yukt hokar kendra men sam rashi men baithe hanai jisse yah yog purn rup se ban raha hai jiske karan kangna dhan-sanpatti, vidya-buddhi adi gunon se paripurn hai. vina yog: yadi sabhi grah kundli men sat rashi men vidyaman hon to yah yog banta hai. inki kundli men sabhi grah sat rashi men baithe hain tatha kundli men yah yog purnarup se ban raha hai jiske karan kangna sangit, nritya, abhinay adi kala men nipun hai.