ank jyotish ki is prashikshan shrinkhla men hamne pahle path men 1 se lekar 4 ank tak ke sakaratmak evan nakaratmak pahluon, unki visheshataon evan gun-dharm ki charcha ki thi. ab is path men ham ank 5 se 9 tak ki charcha karenge. agle ank men karmik ankon ki charcha ki jaegi.
ank 5 sakaratmaka: - sahsi, uttejnapurn, urjavan, sahityik, kalakar, akarshak, kamuk, bhavuk, utsahi anveshak, chaturmukhi pratibha, srijnshil. yadyapi ank 5 vale kisi karya ka sutrapat svayan nahin karte kintu tej buddhi evan dimag tatha yogyata ke karan kisi bhi kam ko saflta purvak karne men saksham hote hain tatha samanyatah achchi jindgi jite hain. inki har vaise kam men dilachaspi hoti hai.
buy detail numerology report
jismen nayapan ho tatha jise kiya nahin gaya ho. inhen achchi tarah se pata hota hai ki logon se kaise pesh aya jay tatha kaise kam ko anjam diya jay. inhen kisi prakar ka hastakshep pasand nahin hai tatha ye hamesha puri svatantrata se sochte aur karte hain. inhen amod-pramod evan ayyashi kafi pasand hota hai tatha samanyatah sura evan sundri inki sahchri hoti hai. ank 5 ke jatak jyotish evan anya rahasyavadi vigyanon, dharm, manovigyan evan darshan men bhi abhiruchi lete hain tatha inka prachar-prasar karte hain. nakaratmaka: avishvasniya, ishryalu, chanchal, asthir, udas, avsad grast, lobhi, apavyayi, ahankari, vyangyatmak, alochak, chalak, chatur, dhutrt, kutil. 5 ank vale chunki har karya men dilachaspi lete hain
atah kisi men ye apna dhyan kendrit nahin kar pate jis karan inhen asflta ka munh dekhna padta hai. bechaini, ghabrahat, evan asantosh inhen purnata prapt nahin karne deta. parivartan evan bhinnata se lagav ke karan ye apna beshkimti samay vyarth ganva dete hain tatha prem, vivah tatha apne sathi ke sath kabhi vafa nahin kar pate. ye aksar apni in adton ke karan logon ka bharosa kho dete hain tatha alokapriya ho jate hain.
ye prem evan vasna men atyadhik dilachaspi rakhte hain tatha ghar men bandhakar apni ichcha ka parityag nahin kar sakte. ank 5 vale kabhi bhi achche mairej maitiriyal nahin hote.
ank 6 sakaratmaka: - kalatmak, srijnshil, prabhavpurn, shantisthapak, niahsvarthi, akarshak, dayalu, grihapremi, adhyatmik, buddhiman, satyavadi, shant, manvtavadi, svamibhakt, imandar. 6 ek purn ank hai kyonki ismen ank 1, 2 evan 3, tinon ke gun samahit hain kyonki 1$2$3 = 6 . ismen 1 ki kisi karya ko praranbh karne ki pravritti, 2 ka sahyog evan 3 ki kriyashilta evan srijnatmakata sannihit hai. ye urja ke asim srot hain, jimmevar hain tatha sabon ko prem dene vale evan unka khyal rakhne vale hote hain. har prakar ki yogyata evan gyan se otaprot, 6 ank vale hamesha apna balidan dekar, dusron ka bhala karte hain. ye jahan kahin bhi hote hain vahan ka vatavaran premamay ho jata hai. ye dusron ka dayitva apne upar lekar use sahi anjam tak pahunchate hain.
vaishvik man ki tarah 6 ank vale sabki seva evan manoranjan karte hain. chunki ye paropkari evan dusron ki sahayta karne vale hote hain atah inhen asani se naukri prapt ho jati hai. ye uttaradhikar men parivar athva vivah ke dvara sanpatti prapt karne ke mamle men kafi bhagyashali hote hain. nakaratmaka: chanchal, asthir, apavyayi, dakhlandaji, hastakshep, nakhrebaj, kapti, dhurt, shahakharch. kartavyapraynta evan apna balidan dekar dusron ka bhala karne ki pravritti 6 ank valon ke lie svayan ki jindgi men nirasha ka karan banti hai. atm balidan, dusron ki samasyaen tatha parivarik bandhan inki jindgi ko bekar evan akela bana deti hai.
6 ank valon se vivah karne vale bade hi saubhagyashali hote hain kintu yah bhi dhyan rakhna avashyak hai ki prem donon taraf se kiya jata hai. atyadhik kartavyapraynta tatha uttaradayitva ke karan kai bar 6 ank vale avivahit bhi rah jate hain, kintu aisa hona durbhayshali sabit hota hai kyonki 6 ank vale bina pyar aur jivan sathi ke safal nahin ho sakte.
ank 7 sakaratmaka: anveshi, vishleshak, prithak, savdhan, nyaysangat, dayalu, vicharamagn, adhyatmik, rahasyavadi, gudh, shant, darshanik, avishkari, antajrnyani, buddhiman, atmik, kalatmak, sanymi . yah ek ati shaktishali tatha bhagyashali ank hai. vishva ke sabhi dharmon ke dvara yah ek sarvamanya rahasyavadi ank hai kyonki-saptah ke sat din, spektram ke sat rang, svarg ki sat sidhiyan, prithvi par sabhi ghatnaon ko prabhavit karne vale sat grah, sangit ke sat svar, grik aksharon ke sat svar, manav sharir ke sat chakra, baibil men varnit srishtirchna ke uprant ishvar ka satven din vishram adi.
7 ank vale samanya jivan vyatit nahin karte. sat ank vale hamesha gyan ki khoj men lage rahte hain. apni tikshn buddhi evan dimagi shakti ke karan ye kisi n kisi rup men jivan ke kuch anshon men shiksha pradan karte hue dekhe jate hain. prem evan vaivahik sanbandhon ke lie 7 ank valon ko aise sathi ka chayan karna chahie jo saman svabhav evan ruchi vale hon anyatha unka sanbandh asani se tut sakta hai. samanyatah sat ank vale adhyayan tatha chintan ke lie ekant pasand karte hain. nakaratmaka: amilnsar, udas, akela, antarmukhi, alochak, sharmila, sust, thanda, nirdayi, nirlipt, dugrrahya, kutil, chalak, chatur, dhutrt, matlbi, shadyantrakari. atyadhik paranmukhta evan ganbhirta tatha dusron par vishvas ka abhav inhen bilkul akela, digbhramit, udasin tatha khinnachitt bana deta hai.
garva, ahan, chipe uddeshya tatha bahut adhik sakaratmak soch kai bar inhen galat paristhitiyon men la deti hai. kai bar atyadhik uttejit hokar ye bura bartav karne lagte hain. atyadhik svatantrata, tark tatha sahridyta ki kami inhen alokapriya bana sakta hai.
ank 8 sakaratmaka: yash, shakti, satta, saubhagya, danshilta, paropkari, buddhiman, netritva, adhyatmik, sahsi, maddgar, anubodhak, ati mahatvakankshi, samjhdar, safal, imandar, nishkapat. 8 ank vale ati bhautikvadi tatha prabandh evan prashasan men mahir hote hain. ye bade projekt ka sanchalan safltapurvak karne ki yogyata rakhte hain. 8 ank vale sadaiv ativadi hote hain- ya to ye saflta ke uchch shikhar par hote hain ya atyadhik asflta ke shikar hote hain.
yah is bat par nirbhar karta hai ki inhonne avsron evan logon ko pahchanne men apni nirnay kshamata ka kis prakar upyog kiya hai. yadyapi ye prem evan vivah men vishvaspatra hote hain kintu jivan ka anand lene ke lie inke pas samay ka abhav hota hai kyonki ye karya men atyadhik vyast hote hain.
ye ek sath kai prakar ke kriyaklapon men sanlagn hote hain tatha atyadhik karya karte hain atah apne lie inke pas samay nahin hota. nakaratmaka: ahankari, danbhi, khokhla, abhimani, dabang, tanashah, adhinayak, dhan lolup, satta-lolup, avsadagrast. atyadhik mahatvakanksha evan bhautikvadi soch inke lie tanav evan avsad ka karan banti hai tatha kai bar inhen puri tarah se tod deti hai. pahchan ki chah evan ichcha, shakti pradarshan ki utkantha, manviyata ka abhav tatha dhairya ki kami 8 ank ke nakaratmak paksh hain. inhen apne durbhagya ko jhelna padta hai jo prakriti samy-samay par inhen deti hai.
ye hamesha kada parishram karne ke bavjud bure parinam pate hain. kai bar lagatar koshish karne par inhen saflta milti hai. 8 ank valon ke pas paisa asani se nahin ate aur jab ye ate hain to inka bada ansh akaran kharch ho jate hain.
ank 9 sakaratmaka: adhyatmik, atmabodh, darshanik, buddhiman, paropkari, manvtavadi, sahsi, uttejak, prerak, dayalu, nishthavan, antajrnyani, samjhdar, shant, prabuddh, rumani, bhavuk ank 9 men sabhi ankon ke gun samahit hain. money (4+6+5+5+7=27=9) evan fortune (6+6+9+2+3+5+5=36=9) svayan hi 9 ank valon ki or akarshit hote hain tatha ye desh athva videsh men kisi bhi kam men puri tarah se saflta prapt karte hain jab ye svartharahit hokar karya karte hain. travel (2+9+1+4+5+3=24=6) bhi 9 ank ka akarshan hai aur ye hamesha charon or ghumte najar ate hain. 9 ank vale vishvasi, sachche, anuragi, romantik evan akarshak vyaktitva ke hote hain. nakaratmaka: ekantik, avsadagrast, apavyayi, atma-daya, atisanvedanagrahi, bekhabar, nishchint.
9 ank vale apni marji ke malik hote hain tatha kai bar asamanya vyavhar pradarshit karte hain. yadi ye sahi rup men shikshit tatha atmaniyantrit nahin hote to ye jaldibaji men kam karte hain jisse bad men inhen pachtana padta hai. apne pranay sanbandhon men parivartan, rupye-paise ke mamle men najrandaji tatha uchch jivan jine ki lalsa-achcha bhojan, pey evan anand-inke lie kafi nuksandeh hota hai. kai samay par ye svarthi, ahankari, ashniya evan dhokhebaj bhi ho jate hain. yadi ye yogyata ka sahi upyog paropkar ke lie nahin karte to asflta hi inke hath lagti hai. -kramshah