har bachche ka hak hai ki use apne mata-pita ka nam mile taki vah samaj men apna sar uncha kar chal sake par yadi koi pita iske lie anakani kare to putra ko apna hak chinna parta hai jaisa ki rohit shekhar ne kiya. bhartiya rajniti ki jani mani hasti shri narayan daÿa tivari hal hi men 87 varsh ki ayu men kort dvara pita banae gaye. sunne men yah ajib lagta hai parantu yah bilkul sach hai. rohit shekhar nam ke shakhsh ne kort ke samaksh yah dava kiya tha ki shri narayan daÿa tivari unke pita hain aur use yah hak milna chahie ki vah apne ko najayaj santan kahlane ki bajay garva se apne pita ka nam apne nam ke sath likh sake.
vaise to yah har bachche ka adhikar hota hai ki vah apne man-bap ka nam jane aur sosayti men kisi ke age sharminda n ho, par rohit shekhar ko janm se hi is apman ko sahna para yah jante hue bhi ki narayan daÿa tivari uske janmadata hain. vah chup raha kyonki tivari ji use jhuthe ashvasan dete rahe, ki ve shighra use apna lenge aur puri duniya ke age use apna putra ghoshit kar denge lekin rohit ke javan ho jane par bhi jab unhonne use koi ghas nahin dali, to peshe se vakil rohit ne un par kes kar diya aur kafi lanbi larai ke bad dilli haikort ne tivari ji aur rohit shekhar ke rakt ka di.en.e test karane ke adesh diye tivari ji ne apna di.en.e test rokne ke lie kafi kanuni danv pench ajmae lekin unka har paintra kort ke samne nakam sabit ho gaya aur dilli uchch nyayalay ne 27 aprail ko apne adesh men tivari ko pitritva ke mamle men di.en.e janch karane ko kaha aur un par 25000/- rupye ka jurmana bhi lagaya.
ant men di.en.e riport se yah sabit ho gaya ki rohit ke pita en.di. tivari tatha man ujjavala tivari hain aur putra rohit ko apna hak mil gaya. en. di. tivari ke jivan par roshni dalen, to inka janm 1925 men nainital ke chote se ganv men hua unhonne apni shiksha nainital men li. svatantrata sangram ke dauran hi ve rajniti men aye, 1942 men pratham bar jel gaye. unhonne apni uchch shiksha ilahabad se li tatha vahan ke vidyarthi parishad ke adhyaksh bhi bane. 1954 men unhonne sushila ji se vivah kiya lekin unki unse koi santan nahin hui. 1957 men vah pahli bar vidhayak bane. uske bad vah rajniti ke kshetra men lagatar naye sopan par charhte rahe.
tin bar vah uÿar pradesh ke mukhya mantri rahe tatha kendra sarkar men bhi anek shirsh mantralyon men mantri rahe, 1990 men unke pradhanmantri banne ke bhi asar dikh rahe the lekin pi.vi.nrsinhrav ke sitare adhik buland the. 1994 men ve matra 800 boton se loksbha ka chunav har gaye. uske bad unhonne apni khud ki parti bana li. lekin soniya gandhi ke rajniti men ane se ve dobara kangeras men aye tatha 2002 se 2007 tak uÿarakhand ke mukhyamantri pad ka karyabhar sanbhala. 2007 se disanbar 2009 tak yah andhrapradesh ke rajyapal rahe.
lekin 2009 ke ant men inke charitra par bahut bara akshep lagne ke karan inhen apne pad se tyag patra dena para. inke jivnkal men inke anek striyon se sanbandh rahe jiski charcha anek bar samachar patron men hoti rahi. ujjavala sharma se bhi unke sanbandh 1990 ke bad bane tatha unhen apne putra rohit shekhar ko ant men sarvochch nyayalay ke samaksh svikar karna para. tivari ji ki kundli ka vishleshn: narayan daÿa tivari ji ki kundli men chandrama se dvitiya evan barhven bhav men grah hone se sunfa, anfa aur durdhra namak yog ban rahe hain, in yogon men janm lene vala vyakti rajpurush, raja, vaibhvshali, anek naukr-chakron se yukt prabhavshali vyakti hota hai, is yog ke karan yah choti avastha se rajniti men kud pare tatha anek uchchasth padon par sushobhit hue.
brihaspati grah ka kendra men apni svarashi men hone se ati uÿam shubh panchmhapurush yog men hans namak mahapurush yog ban raha hai jiske falasvarup yah choti avastha men hi svatantrata sangram jaise deshhit ke karya men jut gaye. uske lie unhen jel jane men bhi pareshani nahin hui. is yog ke karan inhen uchch man-samman pratishtha tatha sundar sharir, uchchashiksha tatha dirghayu prapt hui. kundli men lagnesh brihaspati se bhagyesh mangal kendra sthan men hone se inhonne apne vyavhar, buddhi, chaturya evan bhagya ke dvara karya kshetra men shighra saflta prapt ki tatha kushal rajnaitigya bhi bane. vishesh rup se inki kudli men saptam bhav saptamesh, saptam karak grah sabhi pap grahon se pirit hai, saptam bhav men mangal, saptamesh budh ashtam sthan men surya, shani jaise pap grahon se pirit hai evan saptam karak grah shukra bhi pap grah rahu se drisht hone se pap pirit ho gaya jiske karan inko apni patni ki or se purn sukh prapt nahin hua.
saptamesh budh ka ashtam sthan men tin grahon ke sath hone se tatha pancham sthan men sthit rahu ki shukra par drishti hone se inke apne jivan kal men anek striyon se prem-sanbandh bane rahe tatha kai bar inko in sanbandhon ke karan samaj men badnami bhi sahni pari. tivari ji ke jivan ki ek bat gaur karne layak yah bhi hai ki inki apni patni se koi santan nahin hai aur ujjavala se bhi jo santan hui use inhonne manyata nahin di arthat santan sukh bilkul nahin hai balki santan dvara jaghansai hi hui tatha jivan ki sandhya vela men apman hi jhelna para. tivari ji ki kundli men pancham bhav men rahu baitha hai jo shani ki purn drishti men hai v kisi bhi shubh grah se drisht nahin hai tatha panchmesh chandra ashtam bhav men pap grah surya v shani ke sath ashtam bhav men chandrama mangal aur rahu drisht shukra ke bich pap katrtari yog men hai.
arthat pancham bhav v panchmesh donon hi pap grahon se pirit hanai islie burhape men santan se koi sukh prapt nahin hua aur vayovriddh avastha men santan se pratarna hi mili. inki kundli men kalasarp namak yog bhi ban raha hai, jiske karan inko jivan men anek bar utar-charhav ka samna bhi karna para. vartaman men inki ashtamesh shukra ki mahadsha chal rahi hai jiske karan inko anek kathinaiyon jaise kort kachhri adi mamlon se gujrna par raha hai tatha inka danv inhin ke upar bhari par raha hai.
vartaman men inki rashi tula par shani ki sarhesati bhi chal rahi hai, is samay inke sabhi grah gochar inke pratikul chal rahe hain jiske karan yah samaj tatha apni hi parti kangres men bhi alag thalag par gaye hain, koi inak sath dene vala nahin hai. age bhavishya men shukra men budh ki antardasha arthat 01 navanbar 2013 se 01 sitanbar 2016 tak ka samay bhi inke niji svasthya aur ayu ki drishti se adhik pratikul rahega.