dash ke sarvochch pad ke chunav ka samay najdik ata ja raha hai. atklon ka bajar garm hai. chunav maidan men do sashakt ummidvar hain shrimti pratibha patil tatha vartaman uprashtrapti shri bhairon sinh shekhavat. 19 julai ko hone vale is chunav men vijayashri kise milegi prastut hai is vishay par ek vistrit jyotishiya vishleshan.
shrimti pratibha patil vartaman paristhiti men dusron ke bhagya se adhik balvan hain kyonki yu. pi. e. sarkar ki taraf se rashtrapti ka chunav lar rahi hain. 19 julai 2007 ko unki budh ki mahadsha, mangal ki antardasha, guru ki pratyantrdsha aur budh ki sukshm dasha aranbh hogi. us din gochar men chandra lagn se saptam men guru aur budh lagn men mangal lagn se ekadash sthan men shubh sthiti men chalan karenge. mithun lagn ke lie shukra v budh yogkarak grah hain.
us din ke gochar ki sthiti ke alava lagn kundli men bhi grah achchi sthiti men hain aur paristhiti ke mutabik unke paksh men bahumat bhi hai. yadi bahumat ko chor diya jae, to shekhavat ji ki kundli inse adhik balvan hai. islie donon men kara sangharsh hoga. kiske paksh men kaun hai, kahna kathin hai. fir bhi pratibha ki jit ki sanbhavna adhik hai.
bharat ki janm kundli men vartaman samay men shukra ki mahadsha chal rahi hai jo unke lie shubh hai. soniya gandhi ka samarthan bhi unhen prapt hai. unki kundli men bhagyesh shani bhagya sthan men dashmesh guru ki drishti men hai aur chandra se guru chathe men, budh saptam men, shukra ashtam men chandra lagnadhi rajyog bana rahe hain.
chandra lagn se bhagya evan karmesh shani par guru ki tatha uchch rashi men chandra par lagnesh budh ki drishti ke falasvarup bhi rajyog ban raha hai. budh ki mahadsha chal rahi hai jo 14.10.2015 tak chalegi. gochar men shani lagn se parakram sthan men chalan karega aur bhagya sthan ko dekhega. in sab prabhavon ke karan pratibha bharat ke sarvochch pad tak pahunch sakti hanai.
dusri taraf manniya uprashtrapti shri shekhavat ji ki vartaman samay men budh ki mahadsha, chandra ki antardasha, shani ki pratyantar dasha aur rahu ki sukshm dasha 17.7.2007 se 19.7.2007 tak chalegi. budh ki mahadsha, chandra ki antardasha aur shani ki pratyantar dasha unke lie shubh rahegi parantu chunav ke din arthat 19 julai 2007 ko rahu ki sukshm dasha shubh fal nahin de sakti kyonki janm kundli men rahu dvitiya bhav men hai. navansh men bhi sahi sthan men hai parantu gochar men rahu lagn se ashtam bhav men shani ki drishti men rahega, kisi shubh grah ki drishti men nahin. islie unhen vijay milne men k.i thanai a sakti hai.
parantu gochar men kundli ka yogkarak grah mangal lagn se dasham bhav men aur lagnesh chandra lagn se tisre bhav men hoga. surya lagn men hoga aur shani, shukra v ketu sinh rashi men honge. rahu par shani, shukra v ketu ki drishti rahegi kintu guru ki drishti n rahu par paregi n dasham bhav par. papi grah ka prabhav kundli par rahega. islie 19 julai 2007 ka din unhen shubh fal dene men asamarth rahega. is pad ke lie navmesh v dashmesh ka sanbandh 19 julai ke din hona chahie.
dashmesh mangal us din bhagyesh guru ko aur guru bhagya sthan ko bhagyesh hokar dekh raha hai kintu karmesh mangal par bhagyesh ki drishti nahin hai. islie unhane balvan karne ke lie yadi yagya anushthan karvaya jae, to vijay sanbhav hai anyatha mushkil. bharat ki janmapatri men shukra ki mahadsha chal rahi hai, jo ek stri achangrah hai, islie bharat ke sarvochch pad ke lie ek stri ko saflta milna svabhavik hai.
dekha jae to satta ki bagdor shrimti soniya gandhi ke hathon men hai. isse spasht hai ki shrimti pratibha patil, soniya gandhi ke samarthan se lar rahi hain. fir bhi shakhe aavat ji ka e harana itna asan nahin hoga kyonki unki dashmansh kundli men grah sthiti bahut balvan hai. mangal, chandra aur budh kendra men aur ekadash sthan men hain.
shukra uchch ka dvadash sthan men virajman hai. keval rahu ko chorakar baki grah unhen bharat ke sarvochch pad par le ja sakte hain. parantu rajnitik drishti se shrimti pratibha patil ki sthiti majbut hai. soniya gandhi ka prabhutva evan unki majbut gathbandhan sarkar ka bahumat unke paksh men hai. is tarah jyotishiya vishleshan ke anusar pratibha patil ka paksh bhari par raha hai.
if you are facing any type of problems in your life you can consult with astrologer in delhi