pichle ank men sarvashtakavarg par kie gae shodh ki charcha ki gai thi, is ank men prastut hai suryashtak varg par kie gae shodh ka vishleshan. bhartiya jyotish men falakathan hetu ashtakavarg vidya ki achukta v satikta ka pratishat sabse adhik hai. ashtakavarg men lagn aur sat grahon (surya, chandra, mangal, budh, guru, shukra aur shani) ko sammilit kiya jata hai. surya grah dvara vibhinn bhavon v rashiyon ko die gae shubh bindu tatha surya ka ‘shodhyapind’ suryashtakavarg se kie jane vale falakathan ka adhar hote hain.
(suryashtakavarg jaise anek varg v shodhyapind ki ganna kanpyutar men ki madad se ja sakti hai). ashtakavarg vidya men niyam hain ki koi bhi grah, chahe vah svarashi ya uchch ka hi kyon n ho, tabhi achcha fal de sakta hai jab vah apne ashtakavarg men 5 ya adhik binduon ke sath ho. dusri taraf, yadi sarvashtak varg men 28 ya unse adhik bindu ke sath ho to jatak ko surya se sanbandhit bhavon ke shubh fal prapt hote hain. yadi sarvashtak varg men 28 se adhik aur suryashtavarg men 4 se kam bindu hon to fal sam ata hai.
yadi donon hi vargon men kam bindu hon to grah ke ashubh fal prapt hote hain. karakatva ke anusar surya se sva, atma, svabhav, shakti, pitri sukh adi ka vichar kiya jata hai. suryashtak varga: yadi kundliyon ka falakathan suryashtak varg ke nimn siddhanton ya niyamon ke anusar kiya jae to apekshakrit adhik satik parinam samne aenge. niyamon ko samjhne men sahayta ke lie kuch udaharan kundliyon ka vishleshan bhi yahan prastut hai.
1. pita ka anisht janna: niyam ka: suryashtak varg men shodhan se pahle surya se nauven sthan men jitne bindu hon, unka surya ke shodhya pind se guna karen aur gunanafal ko 27 se bhag den. sheshafal tulya nakshatra ya us nakshatra se trikon nakshatra men ya un nakshatron ke aspas jab bhi shani gochar karta hai to pita ke lie anishtakari ho sakta hai. surya ka shodhya pind = 205 surya se nauven sthan men bindu = 3 atah 3 guna 205 = 615»27 sheshafal = 21 nakshatra 21van arthat uÿarasharha hai aur uske trikon nakshatra hain uÿarafalguni v krittika. javahar lal nehru ke pita ki mrityu 6 farvri 1931 ko hui to jab shani purvasharha nakshatra ke charan 4 men tha arthat uska pravesh uÿarasharha nakshatra men hone vala tha.
niyam kha: suryashtak varg men surya ke shodhyapind men surya se nauven sthan ke binduon ko gunakar 12 se bhag dijie jo shesh ae us tulya rashi men ya usse trikon rashi men ya unke aspas ki rashi men bhi gocharavash jab surya, shani ya rahu ae to pita ka anisht ho sakta hai basharte dasha bhi sanbandhit chal rahi ho. jatak ki kanudli men surya dusre sthan men hai
aur usse nauven arthat dasham sthan men suryashtak varg men 3 shubh bindu hain aur surya shodhya pind 187 hai. atah 187 guna 3 = 561 » 12 shesh 9 arthat dhanu rashi dhanu rashi ki trikon rashi hain mesh v sinh harivanshray bachchan ke pita ki mrityu 10 aktubar 1942 ko hui jab shani vrish rashi par se gochar kar raha tha arthat mesh rashi ko abhi par hi kiya tha. surya ka gochar kanya rashi se tha
arthat usne abhi-abhi sinh rashi ko par kiya tha. vahin rahu ka gochar sinh rashi se tha jo pita ke lie anishtakari bana. niyam ga: surya ke ashtakavarg men guru se satven sthan men binduon ka surya ke shodhya pind se guna kar gunanafal ko 27 se bhag den. ashvini ya guru sthit nakshatra se sheshafal ki sankhya tak ginti karne par jo nakshatra ae, usse ya usse trikon nakshatra par jab bhi guru ka gochar hoga, vah samay pita ke lie mrityu tulya hoga. jatak ki kundli men guru dasven sthan men hai
aur usse satven sthan men suryashtak varg men 1 shubh bindu hai aur surya ka shodhya pind 187 hai. atah 187 guna 1 = 187 » 27 shesh 25 arthat 25van nakshatra purva bhadrapad aur iske trikon nakshatra hain punarvasu v vishakha jab harivanshray bachchan ke pita ki mrityu 10 aktubar 1942 ko hui to guru ka gochar punarvasu nakshatra se tha jo pita ke lie anishtakari bana. niyam gha: surya ke ashtakavarg men surya se satven sthan ke binduon ka surya ke shodhya pind se guna karne par jo gunanafal prapt ho, usse ya usse trikon nakshatra par ya uske aspas ke nakshatra se bhi jab surya ka gochar hoga, vah samay pita ke lie mrityu tulya hoga. surya ka shodhya pind = 205 surya se satven sthan men bindu = 6 6 guna 205 = 1230 » 27 sheshafal = 15 nakshatra 15van arthat svati hai aur uske trikon nakshatra hain shatbhisha v adrra. inke upar surya ka gochar anishtakari ho sakta hai.
javahar lal nehru ke pita ki mrityu 6 farvri 1931 ko hui jab surya dhanishtha se shatbhisha nakshatra men pravesh karne vala tha.
2. apna kasht janna:- niyam ka: surya ke ashtakavarg men lagn se athven sthan ke binduon ke surya ke shodhya pind se guna kar gunafal ko 27 se bhag den. ashvini nakshatra se praranbh kar sheshafal ki sankhya tak ginti karne par jo nakshatra prapt ho, usse ya usse trikon nakshatra par jab bhi shani, rahu ya surya ka gochar hoga, vah samay svayan ke lie mrityu tulya hoga. surya ka shodhya pind = 205 lagn ke athven bhav men bindu = 3 3 guna 205 =615 » 27 sheshafal = 21 nakshatra 21van arthat uÿarasharha hai aur uske trikon nakshatra hain
krittika v uÿara falguni. inke upar se rahu, surya ya shani ka gochar svayan ke lie anishtakari ho sakta tha. javahar lal nehru ki mrityu ke din 27.05.1964 ko shani shatbhisha nakshatra men, rahu adrra men v surya rohini nakshatra men tha arthat surya ne krittika nakshatra ko abhi-abhi par kiya tha. niyam kha: surya ke ashtakavarg men lagn se aranbh kar shani tak aur shani se aranbh kar lagn tak, ae sabhi binduon ke yog ke barabar varshon men (donon varsha) svayan kasht ki prapti hoti hai.
udahrn: arti (26.03.1969, 11ah30, dilli) ki kundli men lagn mithun hai aur shani mesh rashi men hai. surya ke ashtakavarg men mesh rashi men 5, vrish men 4 aur mithun arthat lagn men 3 bindu hain, atah shani sthit rashi se lagn tak ke binduon ka yog hua 12. jatka disanbar 1980 men jab 12ven varsh men thi to sirhiyon se gir gai aur uski kohni ki haddi tut gai. niyam ga: suryashtak varg men lagn se surya tak ke binduon ka yog tatha surya se lagn tak ke binduon ka yog karke dekh lena chahie. in donon yogflon ke barabar ayu varshon men jatak ke rog, shokadi ka falakathan karna chahie.
udahrn: jatka (26.03.1969, 11ah34, dilli) ke suryashtak varg men lagn se surya rashi tak ke binduon ka yog 16 aur in donane yogon ka yog 55 ata hai. julai 1985 men jab jatka 16 varsh ki hui hi thi, to use gardan men fora hone ke karan lanbe samay tak rog se grast rahna para tha aur isi karan se kaksha 10 men achche ankon se uÿairn n hone ke shok ke karan, ghar chorakar chali gai thi. panch din ke athak prayas ke bad use samjha bujhakar vapis laya gaya tha. 3. shubh disha janna: jyotish ke anusar rashi 1,5,9 purva disha rashi 2,6,10 dakshin disha rashi 3,7,11 pashchim disha aur rashi 4,8,12 uÿar disha se sanbandhit hoti hain.
atah surya ke ashtak varg men jis disha ki rashiyon ko adhik bindu mile hon, us disha ko svayan ke lie bhagyashali manna chahie.
4. surya ke ashtakavarg men jis rashi men koi bindu n ho, us rashi men surya ke gochar ke samay vivahadi shubh karya nahin karne chahie. udaharan ke lie yahan ek kundli prastut hai jiske suryashtak varg men makar rashi men shunya bindu hai. atah jis samay surya ka gochar makar rashi se hoga us samay vivahadi karna shubh nahin hoga.
5.surya ke ashtakavarg men yadi kisi rashi men 5 ya adhik bindu hon, aur us rashi se surya ka gochar ho, to us mas ko shubh mas janna chahie. us mas nimn karya kie ja sakte hain - vivah, danpunya, tirthayatra, paryatan, naya kam, dev sthapna adi. upar di gai kundli men kanya, dhanu, mesh, vrish v mithun rashiyon men 5 ya adhik bindu hain. in rashiyon men jab-jab surya ka gochar hoga to ukt karya karna shubh hoga.