devadhidev mahadev! dev ek rup anek! lakshya fir bhi ek - dharmishthon ka kalyan papishthon ka sanhar! unka ek aisa hi rup hai maharashtra ka bhimshankar jyotirling. maharashtra ke is manoram sthal par prakat hokar bhagvan ne rakshas bhim ka sanhar kiya aur fir yahin bas gae. prastut hai shiv ki is katha par prakash dalta aur vahan ki chata ko ukerta alekh....
bhgavan bholenath ki m i. hama apranpar hai. kisi bhi bhakt ki nishchal bhakti par prasann hokar shighra vardan dene vale ekmatra dev devadhidev bhagvan shiv hi hain. unki isi bhaktavatsalata ka labh ravan sahit anekanek asuron ne uthaya aur vardan men atul bal prapt kiya. vah bhakton par shighra prasann hote hain, to dushton ka sanhar karne ke lie prakat hone men bhi der nahin karte.
bhimshankar jyotirling men shiv ka prakatya isi rup men hua. bhimshankar jyotirling maharashtra ke pune jile men bhima nadi ke tat par avasthit hai. charon or hariyali aur parvat ki unchi pahariyon ke bich yah pavitra jyotirling sthit hai. mukt pavan yahan ane valon ke antaratam ko chu leti hai.
shiv ke anya gyarah jyotirlingon ki apeksha yahan pahunchna thora durgam hai. yah sthal ghane jangal ke bich sthit hai. in janglon men durlabh vanaspatiyan bhi pai jati hain aur sher bhi ghumte hue dekhe jate hain. aisi manyata hai ki ye sher pratyek ratri ko bhagvan bhim shankar ke darshan ko mandir men ate hain. shivratri ke avasar par yahan ek vishal mele ka ayojan hota hai, aur ane vale shraddhaluon ke lie yatayat ki vishesh vyavastha hoti hai. is avasar par aspas ka kshetra saji dhaji sundar dulhan sa dikhai deta hai.
is samay is sthal ki prakritik chata dekhte hi banti hai. bhimshankar jyotirling ki sthapna ke vishay men puranon men kai prakar ki kathaon ka ullekh milta hai. parantu adhikansh men bhim namak rakshas ke vadh ke lie bhagvan ke avtrit hone ki hi charcha hai. katha is prakar hai. kamrup desh men ‘kamrupeshvar’ namak ek mahapratapi raja mahan shiv bhakt the. ve nitya shiv ki parthiv puja men tallin rahte the.
raja kamrupashe var ki shiv bhakti ki khyati ko sunakar bhim namak ek maharakshas vahan prakat hua aur shiv ke dhyan men lin raja ko lalkarne laga. jab usne lalkar ka asar hote nahin dekha, to apni talvar nikal kar bola- ‘shighra batao, tum kar kya rahe ho?’ raja nirbhikta se bhagvan ki bhakti men lage rahe. raja par apna prabhav fika parte dekh asur ne khub shiv ninda ki aur shiv puja rok dene ke lie raja par bal prayog karne laga.
raja ke kisi bhi prakar n manne par usne apni tej dhar vali talvar se un par prahar kiya, parantu talvar raja par nahin parthiv ling par pari. us parthiv ling se usi samay bhagvan shankar prakat hue aur us asur ka sanhar kar diya. shankar ke prakat hote hi charon or anand ka vatavaran cha gaya.
svarg se pushp varsha hone lagi aur sabhi devtaon ne achche logon ke kalyan k e lie bhagvan shakan r s e hamashe aa usi sthal par nivas karne ka anurodh kiya. tabhi se is jyotirling ka nam bhimshankar para. shiv puran ki katha ke anusar yah jyotirling asam prant ke kamrup jile men purvaeÿar relve par avasthit hai. dusri katha ke anusar tripurasur ko marakar bhagvan shankar ne isi sthal par vishram kiya tha.
us samay yahan avadh ka bhimak namak ek suryavanshiya shiv bhakt raja ghor tapasya kar raha tha. shankar ji ne prasann hokar use darshan diya aur uski prath.r na par yahan lingmurti ke rup men sthit ho gae. is jyotirling ke udbhav ki ek anya rochak katha bhi prachlit hai. kaha jata hai ki bahut pahle is kshetra men ek lakrhara raha karta tha. ek din vah lakri katne nikla to usne jyon hi per par kulhari ka var kiya, vahan ki bhumi se rakt ki dhara fut pari.
yah drishya dekh kar lakrhara bahut ghabra gaya aur vahan se bhag gaya. thori der bad hi vahan logon ki bhir ekatrit ho gai. itne men ek vyakti vahan ek dudharu gay ko le aya. gay ko us sthan par khara kiya gaya. jab gay ke thanon se dudh nikal kar us sthan par gira to rakt niklna band ho gaya aur vahan ek chamkta hua jyotirling dikhai diya. sab log is drishya ko dekhakar chaink gae.
bad men logon ne yahan par ek mandir ka nirman karva diya aur usmen is jyotirling ki vidhivat sthapna kar di. tab se yah jyotirling bhimshankar ke nam se prasiddh hua. yah mandir sahyadri parvat par avasthit hai aur bhima nadi vahin se niklti hai. mukhya murti se thora-thora jal jharta rahta hai. mandir ke pas hi do kund hain. in kundon ka nirman aur is mandir ka jirnoddhar jane mane rajnitigya nana farnvis ne kiya.
mandir ke aspas ek chota sa ganv hai. aspas ke anya pramukh darshaniya sthal bhimshankar ke aspas kai darshaniya sthal hain, jinmen mokshakund, gyankund, gupt bhumeshvar, sarvatirth, papnashini, akshay tirth, sakshi vinayak, gorkhnath ashram, hanuman jhil adi pramukh hain.
kaise jaen/khan thahren? bhimshankar jane ke lie pahle rasta sugam nahin tha, par aj puna se vahan jane ke lie sidhi basen upalabdh hain. nikatatam havai adda aur relve steshan bhi puna hai. yatriyon ke thahrne ke lie yahan kai dharmashalaen hain.
if you are facing any type of problems in your life you can consult with astrologer in delhi