kundli san. 1 ki jatka vivah ke lagabhag 4 varsh bit jane par bhi santan sukh se vanchit rahi. vah ek bar garbhavati hui lekin uska garbhapat ho gaya. daektar ne usse kaha ki vah ab kabhi man nahin ban paegi-chahe to ti.vi.ef. karva le. ti.vi.ef. lakhon ka kharcha tha aur ummid sirf 30-40 pratishat thi. jatka ki prashn kundli ka vishleshan is prakar hai.
kundli (1): char lagn v char navansh paristhiti men parivartan darsha rahe hain. lagn shirshoday hai jo achcha hai parantu pap drisht bhi hai. lagn ko panchmesh shani nikatatam anshon se dekh raha hai jo santan prashn batata hai. chandra ka panchmesh shani se kanbul yog men lipt hona santan prashn ke sath hi shighra santan prapti dikha raha hai. lagnesh v saptamesh (shukra v mangl) purn itthashal yukt hain. yah santan prapti ka shubh sanket hai. shukra v mangal, jo kramshah rakt v virya ka pratinidhitva karte hain, ek shubh rashi men gochar kar rahe hain. is tarah sabhi yog kuch pareshaniyon ke sath hi sahi parantu shighra santan prapti darsha rahe hain. jatka ne janna chaha ki vah kis mahine men garbhavati hogi. shukra v mangal men 20 ka antar hai atah jatka se pure 2 mahine bad usne tarikh janni chahi. shukra v mangal 21 jun ko ek hi ansh par ane the atah 21 jun ki tarikh kahi. 22 jun ko jatka ne apne garbhavati hone ki shubh suchna di. prashn ke bad jatika ki kundli dekhakar prashn bhi vahi darshata hai jo janm kundli darsha rahi hai.
kundli (2): yah kundli mithun lagn ki hai. ismen lagn v lagnesh shubh prabhav men hain. pancham bhav men rahu ketu ka prabhav hai lekin panchmesh do shubh grahon budh v guru ke sath shubh bhav (navm) men sthit hai. budh lagnesh v guru svayan santan ka karak hai. pancham bhav v panchmesh donon ka guru se sanbandh hone ke karan jatka ko santan prapti ki sanbhavna prabal. navansh men lagn kundli ka panchmesh shukra svarashi ka hai. navansh ka panchmesh surya pancham men hai v ashtam men baithe shani se drisht hai jo thora vilanb darshata hai. saptamansh men pancham bhav men tin shubh grah hain v pancham bhav svayan apne svami se drisht hai. lekin saptamansh ke lagn v pancham donon par shani mangal ke sanyukt prabhav ke karan kuch pareshaniyan avashya hai. prashn puche jane ke vakt jatka par rahu/shukra/shukra ki dasha prabhavi thi jo santan janm ke sanbandh men shubh hai. lagn kundli men rahu putrakarak hone ke sath hi ekadash bhav se pancham par drishti dal raha hai. shukra panchmesh hokar navam men sthit hai. saptamansh men rahu navam bhav men v uska rashish budh pancham bhav men sthit hai. shukra saptamansh ka lagnesh hai tatha pancham bhav men sthit hai. yah dasha santan utpatti hetu upyukt thi . gochr: gochar men shani sinh rashi se pancham bhav v panchmesh donon par drishti dal raha hai. guru ne mai se julai tak kunbh men gochar karke pancham bhav v panchmesh ko prabhavit kiya. 22 jun ko jatka ke garbh ki pushti hui. santan janm ke vakt guru kunbh men honge. guru ke ashirvad ke falasvarup ek naummid man ko asha ki kiran dikhai di. vyakti ko janm samay jo grahon ka prabhav milta hai ya jis prakar ki dashaen chalti hain unhin ke anurup uska prashn bhi hota hai.
(3): is kundli men char lagn, char navansh rahu v ketu par ashtamesh surya v shashthesh budh ki drishti hai jo jatak ke ganbhir rup se pirit hone ki suchak hai. saptam bhav men surya, budh, ketu v rahu aur ashtam men shani lanbi bimari darsha raha hai. shani lagnesh bhi hai. dasham bhav par shani ki drishti rog ka jald thik n hona darsha rahi hai. chandra ashtam men baithe shani se itthashal kar raha hai. pancham par shani ki drishti hai. ye sabhi ashubh prabhav bimari ke asadhya hone evan lanbe chalne ke suchak hain. kuch dinon bad pata chala ke unhen kainsar hai jo livar ko kharab kar chuka hai.
kundli (4): kundli 4 men lagn men shashthesh, saptamesh, ashtamesh tatha dvadshesh ka sthit hona bimari ka suchak hai. dashanath shukra saptamesh dvadshesh hai aur vakri hai. yah yog bimari se larne ki pratirodhak kshamata men kami ka suchak hai. rahu aur ketu yahan bhi lagn sthan men hain jo lanbi bimari darsha rahe hain aur ilaj ka vyakti par asar n hona bhi bata rahe hain. pratyantardashanath dvadash men sthit guru aspatal men kharch ka karan bana. is prakar prashn kundli men jo prashn hai uska sanbandh janm kundli men bhi spasht dikhai de raha hai.
kundli (5): yah ek aisi vidyarthi ki kundli hai jisne yah janna chaha ki kya uska namankan faishan dijaining ke instityut men hoga jo puna men hai. vah parhai ke lie bahar jana chahti thi. iski prashn kundli men dvisvabhav lagn v dvisvabhav navansh parantu shirshoday lagn v shubh drisht hai. kendra men shubh uchch ke shukra ke alava mangal bhi sthit hai. lagn chandra ke nakshatra men hai. chandra pancham men sthit hai jo shiksha ka prashn bata raha hai. chandra svayan apne nakshatra men pancham men hai jo shubh hai. panchmesh ka dvadash men jana parhai ka bahar se sanbandh dikhata hai. lagn ko dvitiyesh v bhagyesh shukra usi ansh se dekh raha hai jo faishan dijaining adi ke vishay men bahut hi shubh hai. navansh men bhi lagn par shukra ka prabhav hai. atah yah puri ummid jatai gai ki jatka namankan pane men safal rahegi. parantu dvisvabhav lagn ka hona tatha tritiyesh, ashtamesh mangal ka lagn ko prabhavit karna ashubh hai. chandra bhi rahu, ketu ke ansh ke karib hai v lagnesh vakri hai v vakri shani se drisht hai. atah arachan ati hai. 18 mai 2009 ko jatka ka rijalt aya aur vah namankan pane men safal rahi. lekin jis din use puna jana tha usse agle din kisi anya pariksha ki duvidha ke karan jatka ne apna vichar badla aur is kors ke lie bahar nahin gai. namankan hone ke bad bhi chor dena yah ashtamesh mangal ka prabhav tha.
kundli (6): is kundli ka panchmesh dvadash men hai jo pariksha ka bahar se sanbandh darshata hai. prashn ke vakt dasha budh, shukra v rahu ki thi. budh dvadshesh hai v dasham men sthit hai. shukra yogkarak hone ke sath dasham men hai. rahu saptam bhav men ashtamesh v saptamesh shani se yukt hokar lagn ko prabhavit kar raha hai. yogkarak shukra v dvadshesh budh ki dasha ne jatka ka bahar ke instityut men namankan karaya, vahin saptam men baithe rahu ne use bhramit kiya aur usne kors men namankan nahin liya. gochar - gochar men rahu aur ketu lagn v saptam men hi gochar kar rahe the. guru ashtam men nirbal tha v shani lagn ko vakri prabhav de raha tha. atah jatka ne bhramavash ek sunhra avasar ganva diya.
kundli (7): is kundli ki jatka peshe se shikshika hai. use ek larki bhi hai. jab vah dusri bar garbhavati hui to bahut khush thi, lekin achanak piliya ki shikar ho gai aur garbhasth bachche ke svasthya ko lekar bahut hi pareshan hui. us vakt jatka ki us vakt ki prashn kundli ka vishleshan is prakar hai. prishthoday char lagn v char navansh, jo rahu v ketu ke sath hai, ashubh hai. kendra men koi shubh prabhav nahin hai v chandra, jo lagnesh bhi hai, svayan rahu ketu ke sath hai. navansh svami shukra kisi aur ke navansh men navam bhav men jiv chinta darshata hai. lagnesh chandra ka nikatatam itthashal panchmesh mangal se hai jo santan sanbandhit prashn ki pushti karta hai. lagn shani ke nakshatra men hai jo ashtamesh v saptamesh hokar ashubh hai. lagn par rahu v ketu ka nikatatam anshon se prabhav hai jo shubh nahin hai aur koi n koi pira darshata hain.
kundli (8): is kundli men panchmesh mangal budh ke nakshatra men hai. budh 11ven ghar men vakri hai v surya se ast hai. pancham bhav par surya v ketu ki drishti hai. prashn puchne ke vakt janm kundli men jatka par budh/budh/shukra ki dasha thi. budh lagn kundli ke navam men hai v saptamansh men ekadash bhav men hai. budh lagn kundli men ashtamesh v ekadshesh hokar navam men hai v panchmesh guru se dvitiya bhav men sthit hai. budh pancham bhav se bhi saptamesh hai. navansh men budh rahu aur ketu ke aksh men hai v saptamansh men dvitiyesh v ekadshesh hokar ekadash bhav men hai. yah saptamansh lagnesh surya se saptam men hai atah santan ke lie thik nahin hai. shukra lagn kundli ka prabal marak hai aur pancham bhav se ashtamesh hokar pancham se chathe men sthit hai. navansh men bhi marak hai v saptamansh men rahu v ketu ke aksh men hai. atah yah dasha garbhasth shishu ke lie ghatak siddh hui. shukra lagn kundli ke pancham se chathe bhav men pancham se dvadshesh shani v dvitiyesh mangal ke sath sthit hai.
gochr: gochar men guru, jo lagn kundli ka panchmesh hai, shani se drisht hai. mangal, jo shashthesh hai v rakt se sanbandhit hai, pancham bhav se dvadshesh v saptamesh shukra ke sath sthit hai. mahadsha v antardashanath budh par ketu v rahu ka prabhav hai aur pratyantar dashanath shukra aur shani gochar men pirit hain. yah yog bhi santan janm men shubh sanket nahin deta. kuch samay ke bad jatka ka garbhapat ho gaya aur use mansik pira uthani pari. janm kundli ke shani par gochar ke shani ka dusht prabhav bhi is ghatna ki pushti karta hai.