kisi bhi desh ki arthavyavastha uski rajnaitik sthirta par nirbhar karti hai, aj bharatavarsh men purn bahumat vali, sashakt netritva aur anushasit rajnaitik dal ki sarkar hai jiske falasvarup aj bharat varsh ke lagabhag vishva ke sabhi deshane ke sath maitripurn rishte hain jiska parinam hai ki sanpurn vishva ke sath hamare vyaparik sambandhane men bhi tivra vriddhi hui hai.
sabhi viksit desh hamare desh men nivesh karna chahte hain aur sarkar bhi udyogon ki sthapna ko saral banane ke sath lalfitashahi se mukt singal vindo seva ki or agrasar ho rahi hai. sone par suhaga 500 aur 1000 rupye ke noton ko band karke vimudrikaran karke pradhanmantri ji ne desh ki arthavyavastha se kale dhan rupi dimak ko jar se mitane ki disha men ek shaktishali prayas kiya hai jiske parinamasvarup, nakli noton ki samasya aur uska durupyog donon samapt ho jayenge.
desh ka paisa bainkane men jama ho jayega aur udyogon evan sevaon par nivesh men apratyashit vriddhi hogi aur hamara desh ek amir desh ho jayega, rojgar ke avasar upalabdh honge, svasthya suvidhaane aur navin taknik ka prasar dur-dur ganvon men jan-jan tak hoga.
‘aj sanpurn vishva ne is satya ko svikar kar liya hai ki ham bharat varsh apne sabhi arthik, rajnaitik, samajik aur kutnitik nirnay lene men purnatah saksham hain. yahan jyotish ke adhar par ham yah janne ka prayas karenge ki nav varsh men hamare desh ki rajnaitik, arthavyavastha aur sheyar bajar ki pragti ki rup-rekha kaisi rahegi. varsh 2017 men bharat varsh ki kundli men navagrahon ka gochar men sanchar hamare desh ki rajnaitik, arthavyavastha aur sheyar bajar ko kis prakar prabhavit karega aur ap ko labh kamane men kaise madad kar sakta hai uska jyotishiya purvanuman prastut kiya ja raha hai.
varsh 2017 men vyapar ka shubharanbh 02 janvri ko somvar ke din hoga. aranbh ke samay surya budh ke sath dhanu rashi men honge, chandrama, mangal, shukra, ketu ke sath kunbh men, guru kanya men, shani vrishchik men aur rahu sinh rashi men honge, shani 26 janvri sayan 17ah30 par vrishchik se dhanu rashi mane pravesh karenge aur 6 apairal ko vakri hokar 21 jun ko punah vrishchik rashi men pravesh karenge. taduprant 25 agast ko margi hokar 26 aktubar ko punah dhanu rashi men pravesh karenge.
guru 12 sitanbar ko pratah 06ah51 par tula rashi men pravesh karenge aur varshant tak tula rashi men hi virajman rahenge. rahu aur ketu 9 sitanbar pratah 4ah00 baje kramshah kark evan makar rashi men pravesh karenge aur varshant tak vidyaman rahenge. mangal kumbh rashi se yatra praranbh karke varshant men tula rashi men vidyaman rahenge. shukra kumbh rashi se yatra praranbh karke varshant men vrishchik rashi men vidyaman rahenge. surya evan budh sabhi 12 rashiyon men bhraman karenge.
chandrama har mah sabhi rashiyon se hokar gujrega. bharat varsh ki chandra kundli men guru purvarddh ke pashchat tak tritiya bhav men budh ki rashi men rahenge ,aur uske pashchat chaturth bhav men gochar karenge, shani purn varsh panchm-shashtham bhav men gochar karega jiske prabhavasvarup purvarddh men sone ki kimton men apratyashit giravat dekhne ko milegi.
dolar aur pands ke mukable rupye ke mulya men atyadhik sudhar ki asha rahegi, rupya ki svikarokti dolar ke saman hone ki asha rahegi. amerika ke sath rishton men bich-bich men karvahat ane se vyapar men kami aegi aur rupya kamjor ho sakta hai lekin yurop aur dakshin afrika aur eshiyai deshane ke sath vyapar men bharat varsh ka dabdba badhega aur anttah rupya majbut hokar ubhrega.
vartaman men kale dhan ke khulase honge lekin videshon men jama kale dhan ki vapsi prakriya shithil ho jaegi. desh ke andar vidyaman kale dhan ka khub khulasa hua. yahan ham use bhi kala dhan man kar chalte hanai jo grihiniyon ki niji bachat thi parantu ghar men anutpadak thi. ab bainkon men ane se utpadak ho jaegi kyonki lakshmi sadaiv gatishil hi shubh hoti hai.
videshon se kale dhan ki vapsi jo gat varsh shithil ho gai thi is varsh purn pragti ke sath safal parinam lekar arthavyavastha ko majbut karegi. nyaypalika aur vidhan palika men matbhed dekhne ko milenge, purane arthahin kanunon ko samapt kiya jayega, vyapar ke niyam kanunon men sarlta aur paradarshita aegi, rishvatkhori men kami aegi. kendra sarkar men purnatah sthirta bani rahegi, panjab aur uttar pradesh ke chunavane men bhartiya janta parti ko saflta milegi.
khane-pine ki vastuon men milavat aur nakli khadya padarthon ke nirman ke viruddh kare niyam aur kanun lagu honge. riyal aur infra sektar men varsh bhar giravat ka daur rahega, bhumi, makanon ki kimton ke sath-sath kiraye men bhi kami aegi. film aur manoranjan udyog ko bhi bhari mandi ka samna karna parega, aishvarya aur vilasita udyog, spa, byuti parlar, kaisino, klab ityadi bhi mayus najar aenge. elikaem, ai. ti. aur ef. emsi. ji. udyog men kisi vishesh teji athva mandi ki asha nahin rahegi.
sharab, sigret, hotal aur risaert udyog men bhi mandi ka daur rahega. motar vahan, medisin, haespital evan shiksha ke kshetra men nivesh se nishchit labh prapti ki asha rahegi. loha., kopar, alyuminiyam, nikel aur jink evan chandi men teji ka rukh bana rahega, sone ki chamak men kami aegi. sarkari bainkon aur vittiya sansthaane men en. pi. e. men kami aegi, byaj daron men tivra giravat aegi.
siment, shiping aur relve se jure udyogon men pragti ki jhalak saf dikhai degi, pavar aur khanan udyog men bhi vikas ke navin ayam banenge. ilektrikal evan ilektraeniks men bhi labh kamane ke upyukt avasar milenge. ayat ki tulna men niryat men vriddhi hogi. rashtriya utpad aur pratyaksh karon ki vasuli men apratyashit vriddhi hogi, mahangai men kami aegi. bharat varsh ki ginti vikasshil se viksit deshon men hone ke raste saf honge.
pratyaksh evan apratyaksh videshi nivesh men atyadhik vriddhi ki sambhavna rahegi jisse sheyar bajar men pichle rikard tutenge aur navin kirtiman banenge. gat varsh ke saman hi is varsh bhi indradev prasann najar ayenge islie santulit varsha rahegi, 2016 ki tulna men prakriti ka rukh adhik sakaratmak najar a raha hai, barish aur mausam sakaratmak sanket de rahe ain jisse krishi utpadon ka rashtriya sakal utpad men mahatvapurn yogdan rahega.
sheyar bajar ke apekshit masik utar-charhav janvri varsh ke arambh men bajar ke vartaman staron ke as-pas hi khulne ki prabal asha rahegi lekin dusre din se bajar men deshi sansthagat niveshkon ki or se kharidari ko bal milega aur hospital, medisin, ef. em. si. ji, siment aur stil udyog men teji ka rukh najar aega, lekin is teji men sthirta ka abhav rahega. islie aise men bikvali karke labh kamana ek uchit nirnay rahega.
dusre saptah men sigret, sharab aur hotal udyog men labh kamane ke avasar milenge, unka sadupyog karna thik rahega. siment aur infra evan riyalti ke sheyar niche ke mulyon par milne ki asha rahegi, unmen nivesh se isi mah labh prapti ki asha rahegi. mah ke uttararddh men motar, vahan, bhari mashinri, relve aur shiping kampaniyon ke sheyars men giravat par nivesh se agle mah labh ki purn asha rahegi.
aishvarya, vilasita, teksatail, faishan aur jvelri men bhi pratyek teji par labh kamana ek uchit avasar rahega, kyonki isi mah inmen tivra giravat ki asha rahegi. us samay inmane punah nivesh karna thik rahega. mah ke antim saptah men alyuminiyam, kaepar, jink, petrol evan gais udyog men nivesh kar sakte hain, yadi purva men labh kamaya hai to sone men bhi nivesh kar sakte hanai. mah ke ant men bajar ke sakaratmak rukh lekar band hone ki prabal asha ban rahi hai.
farvri farvri men vyapar ka arambh 1 tarikh ko budhvar ke din hoga. grahon ke prabhavasvarup bajar giravat ke sath khulne ki prabal asha ban rahi hai, timahi ke parinam bhi utsahajanak nahi rahenge jisse mandi bajar par havi rahegi. aise men sarkari bainkon, bima udyog evan vittiya sansthanon ke sheyars men nivesh ek uchit nirnay rahega. telikom aur ai. ti men bhi niche ke mulyon par nivesh ke avasar milenge.
unmane nivesh se isi mah labh prapti ki asha rahegi. dusre saptah men sarkar ki or se sheyar bajar men nivesh par taiks men riyayat sambandhi khabron ke chalte ritel niveshkon ka yogdan barhne se teji ki asha rahegi. aise men relve, bhari mashin, evieshan aur lojistiks kanpniyon ke sheyar men bikvali karna thik rahega. mah ke uttararddh men urvarak, khad, bij, krishi, rasayan aur fud prosesing udyog ki kampaniyon men bikvali karna thik rahega. dolar ki tulna men rupya majbut hone se telikom, ai. ti aur niryatak kanpniyon men mandi ki asha rahegi. aise men inmen nivesh ek uchit nirnay rahega, tur end traivals aur hotal udyog men teji ka rukh rahega.
inmen labh prapti ki asha rahegi. aise men inmen labh kamana thik rahega. antim saptah men pavar, koyla, minaral aur khanan udyog men nivesh kar sakte hain. videshi niyantran aur niyamon ke chalte medisin aur farma men ghabrahat se giravat ki asha rahegi. aise men blu chip medisin kanpniyon men dirghakalin nivesh ek uchit nirnay rahega. mah ke ant men jis bhi sektar men labh mile bikvali karke chalna thik rahega.
ant men bajar giravat ke sath band hone ki asha rahegi. march march men vyapar ka arambh 1 tarikh ko budhvar ke din hoga. grahon ke prabhavasvarup bajar teji ke sath khulne ki prabal asha rahegi. aise men teksatail, chini, chaval, deyri aur ef. em. si. ji udyog men bikvali karna thik rahega. pavar, jal sansadhan, transport aur usse jure udyog men bhi aranbh men labh kamane ke avasar milne ki purn sanbhavna rahegi unka sadupyog karke chalen. inmen shighra hi giravat par nivesh ke avasar milenge.
rang, rasayan aur rabar, plastik udyogon evan glas indastri pratyek giravat par nivesh ke lie ek achcha sauda rahega. petrol, tel evan gais udyog ke sheyars men bhi pratyek giravat par nivesh kar sakte hanai. mah ke madhya men motar vahan aur auto indastrij sheyars men teji ki asha rahegi. aise men inmen labh kamana thik rahega. stil evan metal udyog men bhi yadi labh mile to unmane bikvali karna ek uchit nirnay rahega. niji bainkane aur vittiya sansthanon evan sheyar brokrej kanpniyane men bhi pratyek teji par labh kamana thik rahega.
mah ke antim saptah men eshiyai bajaron men likviditi barhne se teji ki asha rahegi jiska sakaratmak prabhav bhartiya bajarane men bhi dekhne ko milega. us samay yadi labh mile to siment aur riyalti evan infrastrakchar ke sheyron men bikvali kar sakte hain. ant men bajar teji ke sath band hone ki prabal sambhavna rahegi. aprail aprail men vyapar ka aranbh 3 tarikh ko somvar ke din hoga. grahon ke prabhavasvarup bajar sakaratmak rukh ke sath khulne ki prabal sambhavna rahegi, kanpniyon ke achche varshik parinamon ki asha, krishi utpadan men adhikta ki sanbhavna aur khadya padarthon ki mahangai men giravat ki khabron se bajar men sakaratmak mahaul bane rahne ki purn sanbhavna rahegi.
ef. em. si. ji evan krishi adharit udyogon men apratyashit teji ki prabal sambhavna rahegi islie inmane yadi labh mile to bikvali karna thik rahega. midiya, prakashan, shiksha aur kagaj udyog men bhi labh kamane ke avasar milenge. unka sadupyog karke chalen. purvarddh tak teji ke bane rahne ki asha rahegi, is teji men kisi bhi navin nivesh se dur rahna hi thik rahega lekin yadi gat mah labh kamaya hai to siment aur riyalti evan infrastrakchar ke sheyron men niche ke mulyon par nivesh ke avasar mil sakte hain.
mah ke uttararddh men bajar men bikvali ke dabav se mandi ka vatavaran banega. us vakt telikom, ai. ti. aur i. kaemars men nivesh se agle mah labh prapti ki asha rahegi. hotal risaert evan tur aur traival udyog men bhi khariddari kar sakte hain. mah ke ant men bajar nuksan ke sath band hone ki prabal asha rahegi. mai mai men vyapar ka arambh 2 tarikh ko manglvar ke din hoga. grahon ke prabhavasvarup bajar sakaratmak rup se khulne ki prabal asha rahegi. sarkari kampaniyon men vinivesh ki khabron se inke sheyars men teji ka rukh banega, aise men inse labh kamana thik rahega.
dolar ki kimton men teji se telikom, ai. ti., ikaemars, jems end jvelri,jute aur ledar kanpniyon ke sheyars men teji ke asar najar ate hanai. aise men inmane bikvali karna thik rahega. sharab, sigret, medisin farma evan hospital udyog men bhi labh prapti ke avasar milenge, unka sadupyog karke chalen. petrol, dijal evan gais aur aeyal marketing kanpniyane ke sheyars men giravat ki asha rahegi. inmen pratyek giravat par nivesh kar sakte hain.
ilektrikal aur ilektraeniks kanpniyane ke sheyars men bhi giravat dekhne ko milegi. inmane bhi nivesh se isi mah labh prapti ki asha rahegi. mah ke antim saptah men bajar men susti ka mahaul rahega aur bajar ek simit dayre men karobar karega. aise men pratyek sektar ki blu chip kanpniyon men niche ke mulyon par nivesh ke mauke milenge. inmane dirghakalin nivesh kar sakte hanai.
bahumulya dhatuane, sone aur chandi men nivesh se dur hi rahna thik rahega. mah ke ant men bajar vartaman staron par hi band hone ki prabal asha rahegi. jun jun men vyapar ka arambh 1 tarikh ko guruvar ke din hoga. grahon ke prabhavasvarup bajar ke vartaman star ke as-pas hi khulne ki prabal sambhavna rahegi. mah ke arambh men metal, stil, loha aur pavar udyog ke sheyars men mandi ki asha rahegi. lekin mah ke madhya men teji ki asha rahegi islie aranbh men inmen khariddari karne se labh prapti ke yog banenge.
ilektrikal aur ilektraeniks kanpniyon ke sheyars men bhi giravat dekhne ko milegi. inmane bhi nivesh se isi mah labh prapti ki asha rahegi. baink aur vittiya sansthanon evan bima kanpniyane men teji ki asha rahegi parantu teji men sthirta ka abhav rahega islie yadi labh mil raha ho to bikvali karna thik rahega. mah ke uttararddh men bhartiya bajarane ki sakh par videshi ejensiyon dvara sakaratmak sanket dene ke pashchat videshi sansthagat niveshkon dvara khariddari men teji ane ki purn sambhavna rahegi jiske parinamasvarup siment, stil riyalti, infrastrakchar aur sarak nirman mane karyarat kanpniyon ke sheyars men apratyashit teji ki asha rahegi.
mah ke ant men deshi sansthaon aur ritel niveshkon dvara labh kamane ke yog banenge jisse bikvali ka dabav bajar par dikhai dega aur mah ke ant men bajar giravat ke sath band hone ki prabal asha rahegi. julai julai men vyapar ka arambh 3 tarikh ko somvar ke din hoga. grahon ke prabhavasvarup bajar sakaratmak rukh lekar khulenge lekin pratyek teji par jis bhi sektar men labh mile labh kamana thik rahega.
hospital, medisin, ef. em. si. ji, siment aur stil udyog men teji ka rukh najar aega,lekin is teji men bikvali ko prathmikta dena thik rahega, aishvarya vilasita aur ritel, faishan, hotal, restorent, fud chen adi men bhi labh kamana thik rahega kyonki maudrik niti men badlav ke chalte inmen giravat ki prabal sambhavna rahegi.
pahli timahi ke parinamane ke bhi nakaratmak rahne ke samacharane se bajar men niveshkon ka abhav rahega lekin auto indastrij, motar vahan, baitri ke achche parinamon evan eksaport men vriddhi ke chalte pratyek giravat par inke sheyars men nivesh kar sakte hain. uttararddh men inke sheyars men labh kamane ke avasar milne ki asha rahegi. antim saptah men antarrashtriya bajar men kachche tel ki kimton men uchal ki asha rahegi jiske parinamasvarup tel, petrol, gais aur evieshan sektar men mandi ka vatavaran rahega lekin unmen nivesh ke lie yah ek uchit avasar rahega.
mah ke ant men bajar giravat ke sath band hone ki prabal asha rahegi agast agast men vyapar ka arambh 01 tarikh ko manglvar ke din hoga. grahon ke prabhavasvarup bajar sakaratmak rukh lekar khulenge. rabar, tayar, lakri, plai, chay, tambaku ityadi ke sheyars men labh kamane ke avasar milenge, unka sadupyog karke chalen. riyalti, infra, stil, siment aur bhari mashin udyog men bhi bikvali karke chalna thik rahega kyonki paryavaran vibhag evan sarkari hastakshep aur niyamane ki sakhti ke chalte riyalti, infrastrakchar ke projekt men deri ki sanbhavna banegi jiske chalte siment aur stil ki mang men bhi kami rahne ki asha rahegi aur is kshetra men giravat par punah nivesh ke avasar milenge. ma
ke madhya men chin men mandi ka mahaul banega jisse eshiyai bajaron men giravat ki ashanka rahegi aur bharat varsh bhi isse achuta nahin rahega, islie kisi bhi navin nivesh se purva pahle kiye gaye nivesh par labh kamana uchit nirnay rahega, antim saptah men ilektrikal, ilektraeniks aur pavar vitaran ki kanpniyon ke sheyars men nivesh se shighra labh prapti ki asha rahegi. mah ke ant men bajar giravat ke sath band hone ki asha rahegi.
sitanbar sitanbar men vyapar ka arambh 1 tarikh ko shukravar ke din hoga. grahon ke prabhavasvarup bajar ke sakaratmak rukh lekar khulne ki prabal sanbhavna rahegi yadyapi ki bajar men ek simit dayre men hi karobar hone ki sthiti najar ati hai. islie kisi bhi nirnay men jaldabaji hanikarak sabit ho sakti hai. pratham saptah men keval jis sektar men bhi labh ki prapti ho rahi ho usmen hi bikvali karna thik rahega. dusre saptah men rahu-ketu ke rashi parivartan ka spasht prabhav bajar par dikhai dega.
achanak teji-mandi aur utha-patak ka vatavaran banega. aise men giravat par beche gae sheyars punah kharid sakte hain evan gold fand, bainkane aur vittiya sansthaon evan inshyorens kampaniyon ke sheyar men bhi nivesh ek uchit nirnay rahega. guru ke rashi parivartan se sone se sanbandhit udyogon men bhi teji ki lahar ane ki asha rahegi. madhyahn mane rijarva baink ke hastakshep se dolar ki tulna men rupye men majbuti ki asha rahegi jisse telikom, aiti.,i. kaemars, jems end jvelri, jute aur ledar kampaniyon ke sheyars men giravat ke asar najar ate hain, lekin giravat men sthirta ka abhav rahega islie pratyek giravat par nivesh ek uchit nirnay rahega.
tel, petrol, gais, aeyal marketing kampaniyon aur evieshan sektar men teji ka vatavaran rahega. unmane pratyek teji par labh kamana thik rahega kyonki isi mah punah niche mulyon par nivesh ke avasar milenge. antim saptah men ilektrikal aur ilektraeniks ke sheyars men niche ke mulyon par nivesh se agle mah labh prapti ki prabal asha rahegi.
ant men bajar teji ke sath band hone ki prabal asha rahegi. aktubar aktubar men vyapar ka arambh 3 tarikh ko manglvar ke din hoga. grahon ke prabhavasvarup bajar sakaratmak rukh ke sath khulne ki prabal sambhavna rahegi aur gat mah ki teji nirantar bani rahne ki purn sambhavna rahegi. arambh men motr-vahan udyog, baitri, ilektrikal, ilektraeniks evan kanjyumar dyuerebal nirman ki kampaniyon ke sheyars men labh kamane ke avasar milenge unka fayda uthana thik rahega, niji kshetra ke bainkane, vitt kanpniyane, sheyar brokrej haus evan bima kanpniyane men bhi bikvali karke chalna thik rahega.
uttararddh men haespital, medisin aur farma sektar men teji ki sanbhavna rahegi islie arambh men niche ke mulyon par nivesh ek uchit nirnay rahega. madhyahn men loha, mashin, bhari udyog, shiping, relve, nyaypalika se juri kanpniyane ityadi men bhi giravat par khariddari kar sakte hain. 26 tarikh ko shani ke vrishchik se dhanu rashi men pravesh se inmane apratyashit teji ki asha rahegi lekin sthirta ka abhav rahega islie teji ate hi inke sath-sath jis sektar men bhi labh mile bikvali karna thik rahega. mah ke ant men bajar giravat ke sath band hone ki prabal asha rahegi.
navanbar navanbar mah men vyapar ka arambh 01 tarikh ko budhvar ke din hoga. grahon ke prabhavasvarup bajar giravat ke sath khulne ki prabal sanbhavna rahegi. aise men chaval, chini, chay, deyri, fud restorent chen, hotal, risaert evan tur end traivals sheyars men nivesh kar sakte hain, inmen dusre saptah labh prapti ki asha rahegi. madhyahn tak bajar men kisi vishesh teji athva mandi ke asar najar nahin ate hanai.
bajar ek simit dayre men karobar karega, videshi bajarane se bhi kisi sakaratmak disha ke n milne se giravat barh sakti hai parantu ghabrane ki avashyakta nahin hai. dhairya se kam len aur jaldabaji men ghata buk karne ki galti n karen. sarkar ki or se byaj daron men kami aur taiks chut ityadi ki khabron se videshi niveshkon dvara bharpur khariddari ki asha rahegi jisse bajar men bahar ane ki purn sambhavna rahegi aur antim saptah men labh kamane ke upyukt avasar prapt honge.
aise mane sarkari kanpniyon, riyalti, infra aur rod nirman karyon men rat kampaniyane ko prathmikta se bechna ek uchit nirnay rahega. ant men bajar teji ke sath band hone ki asha rahegi. disambar disanbar men vyapar ka arambh 1 tarikh shukravar ko hoga. grahon ke prabhavasvarup bajar vartaman staron ke as-pas hi khulne ki sambhavna rahegi lekin shighra hi bikvali ke dabav men bajar giravat ka rukh le sakta hai.
pahle saptah men pratyek giravat par siment aur riyalti infrastrakchar aur stil evan pavar ke sheyars men kharidari karna thik rahega. plastik, rabar, rang rogan aur kemikal men bhi nivesh kar sakte hain. bainkon aur vittiya sansthaon evan inshyorens kampaniyon ke sheyar men dirghakalin nivesh ek uchit nirnay rahega, gold fand, vilasita, golda-daymand jvelri, hotal, sigret aur sharab ki kanpniyane men pratyek giravat par nivesh se isi mah labh prapti ki asha rahegi lekin unmen agle varsh ke lie nivesh kashtakari ho sakta hai.
uttararddh men amerika aur yurop ke deshane dvara bhartiya medisin, farma aur hospital kampaniyon ko niyamane men chut dene aur ayat karon ko kam karne ki sambhavna rahegi jisse inke sheyars men teji ka bolbala rahega islie purvarddh men is kshetra ki blu chip kampaniyon men nivesh se isi mah labh prapti ki asha rahegi. antim saptah men relve, shiping aur evieshan, laejistiks evan transport kanpniyon men nivesh se nav varsh men labh prapti ke shubh avasar prapt honge. mah ke ant men bajar sakaratmakata ke sath band hone ki asha rahegi. ‘‘fyuchar samachar’’ ke sabhi pathkon ko ishvar sheyar bajar men labh kamane ke anant avasar pradan karane.
inhin shubhkamnaon sahit ap sab ka nav varsh shubh, mangalamay, samriddhi evan labh se paripurn rahe. notah -uprokt faladesh grih sthiti par adharit hai, iska uddheshya pathkon ka margadarshan karna hai, koi bhi nirnay lene se pahle bajar ko prabhavit karne vale anya karnon par bhi dhyan den, satta khelne ki pravritrti, nirnay men galti evan niji bhagyahinta ke karan hone vale kisi bhi nuksan ke lie lekhak, sampadak evan samachar patra ki koi jimmedari nahin hogi.