nav sanvatsar ka praranbh chaitra shukla pratipda tadnusar 15 march 2010 ko ho raha hai. desh ki rajniti men ae din uthl-puthal hoti rahti hai. kaisa rahega is varsh rajnitik paridrishya, kya hoga vibhinn rajnitik dalon, netaon aur mantriyon ka bhavishya iska vistrit jyotishiya vishleshan yahan prastut hai. rashtriya kangres parti: kundli ke grah yog ke anusar 27/04/2010 se 20/08/2010 tak parti ka prabhutva barhega.
vibhinn pranton men parti ke sadasyon aur karyakartaon ka prabhutva bhi barhega. kangres ke samne bhajpa ke prabhav men kami aegi. nai sarkaron ke gathan men bhi kangres ka sahyog rahega. kintu 24/10/2010 se 10/01/2011 ke bich parti ke kisi varishth neta ko kisi bhayankar sankat ka samna karna par sakta hai, unki durghatana ho sakti hai ya yatra pravas ke dauran hatya ho kasti hai.
farvri 2011 men netritva parivartan ka yog banega. parti men yuva karyakartaon ka prabhutva barhega. agami chunavon men sthiti yathavat rahegi.
- bhajpa: is parti ke uday lagn men is varsh grahan yog ban raha hai. vipaksh ka netritva bhi yah parti achchi tarah nahin kar paegi. parti ka netritva kamjor hoga. vyaktivad ke karan evan apsi manmutav ke falasvarup parti ki chavi dhumil hogi. kintu 29/04/2010 se 13/08/2010 ke bich parti ki nari sadasyon ke prayas se iski sthiti men kuch sudhar hoga. is pratikul sthiti men bhi dilli, himachal pradesh, hariyana v madhya pradesh men iske prabhutva men vriddhi ho sakti hai.
- baspa: san 2010 se 13 tak parti ka vikas hoga. kendra sarkar men 2016 men iske sansdon ko mantrimandal men mantri pad ki prapti ho sakti hai. dakshini bharat tatha purvi bharat men iska prabhutva barhega. katrtari yog ke karan dal ki neta ko mrityu tulya kasht ho sakta hai. vishisht vyakti is parti men sammilit hone ka prayas karte rahenge. parti ka bhavishya ujjval pratit hota hai.
- sapa: is varsh mangal ke nichasth hone ke karan parti ki chavi dhumil ho sakti hai. padlolupta ke karan parti pramukh ki sakh ko bhi dhabba lag sakta hai. kintu madhya bharat, dilli tatha uttaranchal men iska prabhutva barhega. chunav men siton ke talmel ke lie anya partiyon ka sahyog lena parega.
- jad: is varsh shani ki dhaiya ke prabhavavash se parti netritva rinagrast hoga. use sankat se gujrna parega, lekin parti ke madhyam se satta paksh se labh milta rahega. bangal, jharkhand, chattisagarh aur bihar men iske prabhutva men vriddhi hogi. parti ki nari sadasya iske prachar prasar men barh-charh kar hissa lengi jiska labh parti ko milega.
- makpa: shani ke prabhav se parti anyay ke viruddh avaj buland karegi. sthaniya nikayon men varchasva barhega. kintu iske shirsh neta ko nyayalay ki sharan men bhi jana par sakat hai. nari sadasyon ki shakti ke bal par parti chamkegi.
- nirdaliya tatha anya partiyan: kshetriya partiyon tatha nirdaliya sadasyon ka apsi talmel barhega. sarkaron ke banne bigrne men inki bhukita aham hogi. partiyon se nishkasit netagan is samuh ki sharan men aenge. vahin kisi nae dal ke gathan men bhi ye aham bhumika nibhaenge. sarkaron men inki sahbhagita ka labh bhi inhen prapt hoga. samaj men inki sakh men vriddhi hogi. vyaktigat bhavishyafal kathn
- mahamhim rashtrapti mahodya shrimti pratibha devi sinh patil apni rashi men lagn men sthit shani apni dasha men hamare desh ki pahli mahila rashtrapti ki mahatvapurn muddon ke prati nirnay ki kshamata ko prabal karega. kintu unki havai yatra men ashubhta ka yog hai. uprashtrapti mahamhim shri hamid ansari up rashtrapti mahamhim hamid ansari ke lie yah varsh mangldayak rahega. kintu mangal kuch rakt vikar janya rog de sakta hai.
rahu aur ketu gupt shatruta se satark rahne ka sanket bhi karta hai. inke lie dinank 26/09/2010 se 20/10/2010 tak ka samay pratikul rahega. shri rahul gandhi (sansd) yuva neta rahul gandhi purva ki bhanti is varsh sakriya rahenge. vahan durghatana ki sanbhavna hai, atah unhen savdhan rahna chahie. ta. 20/5/2010 se 30/10/2010 tak ka samay parivarik, sharirik evan samajik drishti se kuch chintajanak evan ashubh ho sakta hai.
shri atal bihari vajpeyi (purva pradhan mantri) shani aur mangal ke karan purva pradhan mantri bhajpa ke varishthatam neta shri atal bihari vajpeyi ka svasthya kuch pratikul rahega. surya, budh, guru aur shukra ke karan vah rajniti men punah sakriya ho sakte hain. unhen lanbi yatraen nahin karna chahie. shri lal krishn advani (neta vipaksh ) is varsh shri advani ki ranniti karya nahin karegi. unhen 12/4/1010 se 30/6/2010 tak shatruon ke prati satark rahna chahie. unke pradhanmantri ki sanbhavan atyant kshin hai.
shrimti soniya gandhi (kangres, adhyaksha) janmakundli ke anusar shrimti gandhi rajnitik ranniti men safal rahengi. unke shatruon ki yojnaen vifal hongi. lekin 24/6/2010 se 10/10/2010 tak ka samay chunautipurn hoga. atah unhen savdhan rahna chahie aur parivar ka sath nahin chorna chahie. parti par unka prabhutva aur niyantran purva ki bhanti bana rahega. unki har yojna safal hogi. pradhanmantri dae. shri manmohan sinh is varsh rajniti men dae. sinh ka prabhutva bana rahega. vahan yog men kuch ashubhta banti hai.
jun 2010 se agast 2010 tak kafi parivartanakari yog banenge. videshon men unka prabhav barhega, lekin mahangai evan rammandir nirman jaisa muddon ko lekar sthiti pratikul ho sakti hai. navanbar 2010 men vishesh savdhani ki avashyakta hai. pakistan ki yatra men bhi svasthya par bura prabhav banne ke yog hain.
unke mantrimandal men parivartan ki sanbhavna hai. shrimti priyanka badhera rajnitik patal par shrimti priyanka badhera ka prabhutva unki man soniya gandhi ki tarah hi bana rahega. lekin unhen apne pratyaksh aur paroksh shatruon se savdhan rahna chahie. disanbar 2010 se janvri 2011 tak vishesh savdhani ki jarurat hai.
û purva rashtrapti mahamhim dae. e. pi. je. abdul kalam purva rashtrapti dae. kalam ke lie is varsh videsh yatraon ke yog prabal hain. inke mahti yogdan ke falasvarup bharat men praudyogiki ka ashatit vikas hoga. kintu jun 2010 se sitanbar 2010 ke dauran svasthya ke pratikul rahne ki sanbhavna hai. is varsh unhen vishva bhar men vishesh samman prapt hoga. kintu kisi durghatana ki sanbhavna hai, atah unhen savdhani bartni chahie.
shrimti vasundhra raje sindhiya rajasthan ki purva mukhyamantri ke lie varsh 2010-2011 ka samay ghatnaon se bhara rahega. kintu utthan-patan ke bavjud kanedra men unka prabhutva barhega. shani, mangal aur shukra ke karan parivarik vivad ka yog hai, lekin rajniti men unka sitara buland hoga. unhen bhajpa ke netritva ka dayitva bhi mil sakta hai.
is varsh agast se navanbar tak ka samay anukul rahega, halanki unke khilaf koi atankvadi ghatna ho sakti hai. ise dhyan men rakhte hue unhen yathasanbhav savdhan rahna chahie. shri rajnath sinh grah sthiti ke anusar bhajpa ke rashtriya adhyaksh rajnath sinh ke lie yah varsh pratikul rahega. unhen parti men ho rahi uthl-puthal se utpann badhaon ka samna karna parega. is varsh julai se aktubar ke madhya pad bhi chorna par sakta hai.
unke vyavhar se bhajpa men matbhed ubhrne ki sanbhavna hai, kintu vahin neta pratipaksh ka pad milne ka yog bhi banta hai. prantiya prabhariyon, adhyakshon ki niyukti men prabhav kam hoga. shri ghanashyam tivari shani ke prabhavavash ghanashyam tivari is varsh nyayik mamlon men sakriya rahenge. rajya men bhajpa tatha unke prabhutva ke karan kshetra ka vikas hoga.
varsh ka raja tatha mantri unke lie anukul siddh honge. kintu shani ke karan julai se sitanbar ke bich yatra pravas men chot ya durghatana ki sanbhavna hai. varsh men yatraen jyada hongi, atah unhen vishesh savdhani bartni chahie. shri ashok gahlot rajasthan ke vartaman mukhyamantri ashok gahlot apne chamatkarik vyaktitva ke karan is varsh rajya men vatavaran apne anukul rakhne men kamyab honge. rajya ki janta unka sath degi. kin
jun men yatra men ashubh ghatna ka yog hai. unke netritva men rajasthan men shiksha ka vikas hoga. parti men unki chavi ujjval bani rahegi. parti men unka khema prabhavshali rahega. unhen videsh yatra ke dauran savdhani bartni chahie. navanbar ka mahina unke lie ashubh hai. unki karya pranali se rajya ke kisan santusht rahenge. rajya men arakshan ko lekar chal rahe andolan ke samadhan men gahlot ki bhumika aham hogi. kintu unke grih jile men kuch ashobhniya ghatnaen ho sakti hain.
sushri mayavti uttar pradesh ki mukhyamantri sushri mayavti ke lie yah varsh shubh rahega, halanki unki karya pranali se log chintit rahenge. desh ke dakshini pashchimi bhagon men unka prabhutva aur parti ke karyakartaon ka utsah barhega. uttaranchal ke chunavon vipaksh ka dayitva unki parti ko prapt ho sakta hai. kintu aktubar se navanbar tak ka samay unke lie ashuubh hai, atah is dauran unhen vishesh savdhani bartni chahie. rajasthan men unki parti ke sadasya kuch dhokha de sakte hain.
shri mulayam sinh yadav uttar pradesh ke purva mukhyamantri mulayam sinh yadav ka svasthya is varsh shani ke karan pratikul rahega. is varsh unki parti ka prabhutva bhi ghatega. nich janon ka sang ho sakta hai, atah unhen savdhan rahna chahie. dakshin bharat men unhen kuch chot a sakti hai, ya koi anya ashubh ghatna ho sakti hai. unhen chipe shatruon ke prati satark rahna chahie. unke viruddh koi mukdma bhi ho sakta hai.
jun se sitanbar tak ka samay vishesh rup se pratikul rahega, islie is dauran unhen vishesh satark rahna chahie. sushri jayllita varsh 2010-11 men jayllita ke prabhutva men kami aegi. parti ke prabhutva men bhi kami aegi. unke virodhi unka apman kar sakte hain. svasthya ki drishti se bhi yah varsh unke lie pratikul rahega. kisi aurat vishesh se dhokhe ya kahasuni ke karan man vichlit rahega. kintu is pratikul paristhiti men bhi vah kendriya satta ki or agrasar ho sakti hai.
is varsh agast se agle varsh janvri tak ka samay unke lie vishesh rup se pratikul hai. is dauran vah bimar ya kisi durghatana ka shikar ho sakti hain. shri em. chandra babu naydu andhra pradesh ke purva mukhyamantri shri naydu ki mansik sthiti is varsh kamjor rahegi. mastishk janya bimari se pareshani tatha havai marg se durghatana ka yog banega. netritva men bhi shithilta aegi. samajik parivesh men ashobhniya ghatna ghategi. aktubar se navanbar tak sthiti sanktdayak rahegi.
yatraon ke dauran ashubh ghatnaen ho sakti hain. shri pranav mukharji pranav mukharji ke kandhon par is varsh dayitvon ka bojh barh sakta hai. kendriya satta paksh men bhi unka prabhutva barhega aur achcha sthan milega. kintu jun se sitanbar tak ka samay pratikul rahega. bhumi-bhavan ke vivad se sthiti bigregi. shri jyoti vasu is varsh sangathan ki kamjori ko lekar bangal ke purva mukhyamantri chintit rahenge. asamajik tatvon se hani ki sanbhavna hai.
rajniti men bhumika yathavat rahegi. shri sharad pavar parti ka prabhutva barhane men saflta ka yog najar nahin ata. parti men apsi larai ke karan ekta men kami aegi. dakshini pashchimi kshetra men prabhutva barhega. is varsh agast se aktubar tak ka samay unke lie ashubh hai, atah is dauran unhen yathasanbhav savdhan rahna chahie. shri pravin togriya rajnitik kshetra men yah varsh vifltadayak hoga. samajik mamle men saflta milegi.
mai se julai ke madhya ka samay ashubh hai, islie is dauran unhen savdhani bartni chahie. trishul diksha ke karyakram men gati aegi. jan seva men apni pahchan bana sakenge. gujrat, madhyapradesh aur andhra pradesh men unki lokapriyata barhegi, kintu shatruon ka prabhutva bhi barhega. dae. murli manohar joshi shani ke prabhav se purva manav sansadh vikas mantri murli manohar joshi ke lie yah varsh chintajanak hai. svasthya pratikul ho sakta hai.
kintu agast se julai ke bich prabhutva men vriddhi hogi. purvottar bharat ka kshetra unke lie shubh rahega. shri lalu prasad yadav rajad suprimo ke lie yah varsh kashtadayak siddh ho sakta hai. brihaspati, shani, aur budh ke karan parivarik sankat gahraega. rajniti men sthiti yathavat rahegi. havai yatra ke dauran koi ashubh ghatna ghat sakti hai, atah iske prati savdhani bartni chahie. shatru paksh ke prati bhi savdhan rahna chahie.
shri ti. em. karunanidhi karunanidhi ke lie yah varsh svasthya ki drishti se ashubh hai. is varsh unhen mrityu tulya kasht ho sakta hai. parti ke prachar-prasar ke kram men parti karyakartaon se dhokhe ki sanbhavna hai. shri ramvilas pasvan purva mantri ramvilas pasvan ke lie yah varsh mishrit faldayi rahega. kahin samman to kahin apman ki sanbhavna hai.
agami 30 jun se 28 navanbar tak ka samay ashubh hai, atah is dauran unhen savdhani bartni chahie. yatraen hoti rahengi. shri pi. chidanbaram kendriya mantri pi.chidanbaram ke lie yah varsh shani ki ashubh sthiti ke karan chintakarak hai. jun se pad parivartan ka sanket hai. desh-videsh ki yatraen to hanegi, lekin svasthya ke pratikul hone ki sanbhavna hai.
shri shivraj patil kshetra men prabhutva barhega kintu kendra men sankat ki sthiti rahegi. nyayalay sanbandhi vivad ka prakaran bhi ujagar hoga. unhen vahan svayan nahin chalana chahie. parti ke sadasyon ki sakriyata par khas jor dena hai. sushri uma bharti uma bharti ke lie yah varsh shubh hai. parti men unka punah svagat hoga. jun se sitanbar tak ka samay halachal bhara rahega. is dauran unhen kisi vishesh labh ki prapti ki sanbhavna hai.
unke vyaktitva aur karyapranali ke bal par parti ki garima barhegi. budh grah ke karan kuch sharton ki prastuti se unhen labh bhi milega. shrimti rabri devi bihar ki purva mukhyamantri ke lie yah varsh mansik ashanti ka suchak hai. purane rahasyon ke ujagar hone se vivadon men fans sakti hain. kintu agami upchunav men unke vijyi hone ki sanbhavna bhi hai.
rajniti men unka prabhav punah barh sakta hai. aprail se julai tak ka samay unke lie kafi uthl-puthal vala siddh ho sakta hai. is dauran unhen kisi sankat ka samna bhi karna par sakta hai. shrimti shila dikshit shila dikshit ke lie shani ki ashubh sthiti ke karan sharirik kamjori ka yog banta hai. kintu yah varsh unke lie pragtidayak siddh hoga.
janta men lokapriyata bani rahegi. shrimti menka gandhi purva mantri menka gandhi ke lie yah varsh samanya rahega, halanki kuch vivad ki sanbhavna hai. unke kandhon par nae dayitva ka bojh barhega. samajik dayitva bhi barhenge. julai se aktubar tak ka samay sankat ka sanket deta hai. kshetriya rajniti men prabhutva barhega. shrimti sushma svaraj is varsh yatraen adhik hongi. parti men apman ka samna karna par sakta hai.
bhitrghat ki sanbhavna bhi hai. jun se agast tak ka samay svasthya ke lie ashubh hai, atah is dauran unhen vishesh savdhani bartni chahie. durghatana ka yog bhi hai. dae. karn sinh dae. karn sinh ko is varsh vishesh yash ki prapti hogi. vah adhyatm jagat ki or agrasar honge. rajya sabha tatha lok sabha men bhi man-samman barhega.
kintu mangal grah ashubh sthiti ke kakaran kuch hani ki sanbhavna hai. unhen svasthya ke prati vishesh savdhani bartni chahie. netaon, mantriyon adi ki bhanti vibhinn rajnitik partiyon ke tane-bane men bhi is varsh kafi utar-charhav ane ki sanbhavna hai. niche desh ki pramukh rajnitik partiyon ke bhavishya ka jyotishiya vishleshan prastut hai. yu. pi. e. gathbandhan is varsh mangal grah ke prabhavavash men ekta bani rahegi.
samajik, rajnitik evan prashasnik star par gathbandhan safal rahega. lekin jun se sitanbar ke bich gathbandhan ke kisi vishisht neta ke dehavsan ya durghatanagrast hone ki sanbhavna hai. vipaksh ke sath-sath kuch sahyogi dal bhi jyotishiya bhramak sthiti paida kar sakete hain. fir bhi gathbandhan ke prati janta ka vishvas bana rahega.
bal thakre yadyapi mangal ke karan shiv sena ke astitva par to koi anch nahin aegi, kintu kalasarp yog ke karan uski chavi dhumil hogi aur uske andar kalah barhega. karni sena is varsh is kshetriya parti ka prabhutva barhega, kintu netritva kamjor hoga. agami aktubar se farvri ke bich parti men kuch parivartan ki sanbhavna hai.
is dauran karyakartaon men svarth ki bhavna balvti hogi. sanyukt morcha shani, ketu aur rahu ke prabhavavash sanyukt morcha men is varsh kuch uthl-puthal ho sakti hai. ise dhyan men rakhte hue morche ke karyakartaon ko savdhanipurvak karna chahie. morche men bhitrghat ki sanbhavna hai. akali dal akali dal ke lie yah varsh atyant shubh hai.
kendra sarkar men iska prabhutva barkrar rahega. rajya sarkar men bhi iska hastakshep chalta rahega. parti ka netritva majbut hoga. bajrang dal akali dal ki bhanti hi bajrang dal ke lie bhi yah varsh shubh hai. kintu chandra, shukra, mangal, rahu aur ketu ke karan dal ki mahila sadasyon ko hani ka yog hai. julai se disanbar tak ka samay dal ke lie ashubh suchak hai.
jharkhand mukti morcha is varsh is morche ki pragti men kisi vishesh vriddhi ki sanbhavna kam hai. fir kshetra ki anya partiyon ko sahyog pradan kar morcha apna prabhutva barhane men safal hoga. is varsh 27 jun se agast tak ka samay pratikul hai, is dauran kisi vishisht neta ka nidhan ho sakta hai.
is tarah, jyotishiya vishleshan se yah spasht ho jata hai ki yah varsh kisi rajneta ke lie shubh to kisi ke lie ashubh hai. vahin, kuch partiyan unnati karengi to kuch anya ko sangharsh karna parega.