24 agast 2006 ko prag antarrashtriya khagol sangh ;pdajamatadanjpvdans .ejtvdvaupbans nadapavadaddh ke 2500 se adhik khagolvidon ke punarvichar evan punahpribhasha ke karan pluto ko ab keval laghu grahon ki shreni men sthapit kar diya gaya hai.
pahle bhi 1801 men seres namak laghu grah(asteroid)ki khoj hui thi aur us samay ise athven grah ke rup men sthapit kiya gaya tha. bis varsh pashchat yurenas ki khoj hui aur uske bad anya anek nae grahon ki. lagabhag 1850 men seres ko bhi grah ki shreni se hatakar ulka pind ki shreni men dal diya gaya tha. jena ko bhi grah ka sthan diya jana chahie tha jo nahin diya gaya hai jabki vah bhi anya grahon ki bhanti surya ki parikrama karta hai.
pluto ko nayi laghu grah ki shreni men dalne ke nimnalikhit karan the:
- jaise-jaise teliskop ki shakti barhti ja rahi hai, vaise-vaise sukshm grahon ka pata chalta ja raha hai. sedna adi isi prakar ke grah hain. sabhi khagoliya pindon ko grah ki manyata dene se unka mahatva kshin ho jata hai.
- mangal evan guru ke bich men hajaron ulka (asteroids)hain. ve bhi surya ke charon or chakkar lagate rahte hain. sukshm akar hone ke karan unhen bhi grahon ki shreni se bahar rakha gaya hai.
- pluto ati durasth evan ati sukshm grah hai. iska vyas chandrama se bhi chota hai.
- iska parikrama chakra vrittakar n hokar ek vritt men terha merha hai.
- pluto prithvi ki satah par bhraman n kar ke uske ek kon par bhraman karta hai.
- pluto ka parikrama path itna dirgh vrittakar hai ki vah nepchyun ke parikrama path ko bhi par kar puchchal tare ka svarup prapt kar leta hai.
ye hi kuch mukhya karan hain ki pluto ko laghu grah (dwarf planet) ka darja diya gaya hai. is nirnay se am janta ke man men prashn uthna svabhavik hai ki kya ab jyotish ke niyamon ko bhi badlna parega aur pluto ko ab kis prakar se jyotish men samayojit kiya jaega? yahan par yah batana avashyak hai ki jyotish men grah ki paribhasha evan khagol shastra men grah (planet) ki paribhasha men antar hai. jyotish ke anusar grah brahmand men vah bindu hai, jiska asar prithvi mandal par evan manushya jivan par dekha ya mahsus kiya ja sakta hai jabki khagol shastra men grah (planet) saurmandal ka vah pind hai, jo surya ki parikrama karta rahta hai evan apni gurutvakarshan shakti ke karan gol hota hai.
grah ki jyotishiya paribhasha khagol shastra ke grah (planet) se bhinn hai. rahu-ketu, surya evan chandra ko jyotish men grah ka darja diya gaya hai jabki khagolshastra men inhen kramanusar chaya grah (node) tara (star) evan upagrah (satellite) ka sthan diya gaya hai. jyotish khagol par adharit hote hue bhi khagol ki grah ki paribhasha se vimukt hai.
jyotish ko isse koi antar nahin parta ki kitne aur nae grah khoj lie gae hain. kyonki ye sabhi grah to sada se hi maujud hain. khoj ke dvara keval jankari hi prapt ki gai hai. jyotish men asar keval tab par sakta hai jab koi grah nasht ho jae ya koi naya utpann ho jae. samudra jab mitha ho gaya: 18 agast ki rat ko achanak hi mahim khari men samudra ka mitha ho jana kisi ashcharya se kam nahin tha. hajaron shraddhalu umar pare aur mannaten mangne lage. vaigyanik janch men bhi pani ko mitha paya gaya.
vaigyanik drishtikon se aisa tab hota hai jab bahut varsha ho aur samudra men bhata ho jiske karan svachch jal samudra ki or ekatrit ho jae. us din bhi kuch aisa hi hua. mithi nadi ne, jo varsha ke karan labalab bhari thi, samudri bhata ke karan samudra ka kharapan kam kar diya ya kuch samay ke lie bilkul khatm kar diya.
jyotish ke paripeksh men adhik varsha ka yog tab banta hai jab mangal kark ya sinh rashi men ho evan surya uske sath ho. jvar ka yog chandrama ke chaithe evan dasham bhav men sthit hone se banta hai. yadi surya bhi chandrama ke sath ho ya sammukh ho arthat amavasya ya purnima ke din madhya ratri ko ya dopahar ko jab surya aur chandra donon hi chaithe ya dasham bhav men hote hain, to ve samudri jal ko apni or khinchte hain jisse adhikatam jvar utpann hota hai.
isi prakar jab lagn ya saptam men chandra sthit hota hai, to bhata utpann hota hai. lekin us din yah paristhiti adhik faldayi thi kyonki surya evan mangal donon sinh rashi men sthit the evan shani aur guru surya ke donon or sthit the. is karan varsha adhik hui aur madhyaratri ko jab chandra lagn bhav men aya to samudra men bhata utpann hua evan nadi ka jal samudra men ja mila. aisi sthiti anek varshon men ek bar utpann hoti hai lekin jyotish dvara iska purvanuman avashya hi sanbhav hai.