pandit ji ka pichle mah himachal ke ek prasiddh udyogpti ke faridabad men bane bangle men jana hua. unki pandit ji se unke dilli ke kaerporet aefis ki vijit ke dauran mulakat hui thi jisse prabhavit hokar unhonne apne bangle ki vijit ke lie amantrit kiya. unse milne par unhonne bataya ki unke vyavsay men kuch matbhed chal rahe hain aur kafi utar-charhav ate rahte hain. apni betiyon ke bhavishya ko lekar vah kafi chintit rahte hain tatha parivar men samanjasya ki kami hai. vastu parikshan karne par pae gae vastudosh
- unke ghar ka akar aniyamit tha. purva barh raha tha jo ki vikas ka suchak hai parantu dakshin-purva ka kona kat raha tha jisse ghar men susti, jivan men josh evan sakaratmak urja ki kami tatha striyon ki svasthya hani hoti hai. uttara-pashchim kona barha hua tha jo ki apayash, karyon men vilamb tatha ghar ki betiyon ka jivan sangharshamay hone ka karan hota hai.
- uttar, uttara-purva men rasoi thi jo ki bhari kharch v vaicharik matbhed ka karan hota hai. - sidhiyan niche se band thi jo ki sabhi or se vikas men avrodhak hoti hai aur betiyon ke lie hanikarak hoti hai.
- ghar ke mukhya dvar men pravesh karte hi samne shisha laga tha jo ki purva se a rahi sakaratmak urja ko ghar men ane se rokta hai.
sujhav - dakshin-purva men pargola banane ki salah di gai tatha uttara-pashchim men bani bahri sirhiyon ki chat jo ki mukhya bhavan se juri hui thi, use hatane ko kaha gaya jisse uttar pashchim ke barhne ka dosh khatm ho sake. rasoi men se ek darvaja invartar rum ki taraf banane ko kaha jisse vah kona mukhya bilding se jura rahe anyatha sirhiyon ko alag karte hi uttara-pashchim ka kona kat jaega.
- rasoi ki nakaratmak urja ko kam karne ke lie hamne unhen uttara-pashchim men rakhi gais ko hi istemal karne ke lie kaha aur anya bijli ke upakaran bhi isi disha men rakhen aisa kaha gaya.
- dono sirhiyon ko jitni jald ho sake niche se kholne ko kaha gaya.
- pravesh dvar men lage shishe ko hatakar uttar ki divar par lagane ki salah di gai. kuch anya sujhav - unhen kaha gaya ki ghar ki sabhi ghadiyan jo dakshin ki divar par lagi thin unhen purva ya uttar men lagaen jisse ki sab ka svasthya bhi thik rahega aur arthik unnati hogi.
- draing rum ke uttara-purva men chota pani ka favvara lagane ko kaha gaya jisse ghar men vansh vriddhi tatha sukh samriddhi bani rahe.
- draing rum ke darvaje ke niche chaikhat banane ko kaha gaya jisse vah kamra jyada istemal ho sake tatha shubh urja ka pravah bana rahe.
- rasoi men dakshin men bane sink ko kam se kam tatha uttar ke sink ko jyada istemal karne ko kaha jisse anchahe kharche kam ho saken aur apsi samanjasya bhi bana rahe.
jivan men jarurat hai jyotishiya margadarshan ki? abhi bat karen fyuchar point jyotishiyon se!