pichle mah jun men pandit ji ko fom ke gadde banane vali ek bahut bari antarrashtriya kampani ke nirmanadhin kaerporet aefis ka vastu nirikshan karne ke lie gretar noeda bulaya gaya. vastu nirikshan ke dauran unke projekt mainejar ne bataya ki kam ki raftar sust chal rahi hai. yah plaet uttar, uttara-purvi marg par sthit hai jo vastu anusar sarvottam hai. plaet ke samne khula sthan/ park iske gunon ko aur bhi barhata hai. isse nirman karya men dhan ki koi kami nahin hogi. parantu uttari kon men sthit transfaermar kai karyon ke punah nirman dvara anavashyak kharche barhata hai.
- mukhya sarak uttar disha men hai jo plaet ke ishan kon ki disha men hai. plaet ki yah sthiti kampani ki samriddhi aur unnati ke lie har prakar se sarvottam hai. plaet ke samne khule kshetra aur hariyali ka hona aur bhi shubh evan labhkari hai.
- plaet ka mukhya pravesh ishan kon se hai jo arthik unnati aur karyon ki vriddhi ke lie ati uttam hai. bhavan ka uttar v purvi hissa barha hua hai jo samriddhi ke liye sarvashreshth hai. bhavan ke samast bhutal ke niche parking ke lie besment bani hai jo vastu shastra se manya hai.
- agar sanbhav ho sake to gard rum ki divar ko baundri vael se hatakar banaen. nirman shighra hone lagega kyonki uttara-purvi divar par kisi bhi tarah ka vajan hona karya ko dhima karta hai.
- mitar aur bijli upakaran kaksh ki sthiti uttar evan uttara-purva men sthit hai jo ki achchi nahin hai, parantu dekhne se aisa pratit hota hai ki is kaksh ko purva athva vayavya kon men badlna atyant dushkar hai.
atah is kaksh aur baundri vael ke madhya kuch sthan chor dena chahie. uttar ke kon ko transfaermar kaksh dvara band karna bhi kampani ke arthik vikas ke lie hanikarak rahega, kyonki yah jal aur dhan ka sthan hai, jiska avagaman hote rahna hi achcha hai parantu vartaman sthiti men vyavharik rup se uttam yahi hoga ki is kaksh aur baundri vael ke madhya men adhik se adhik sthan chora jaye.
- dakshin evan dakshin-pashchim ke pichle hisse men sarvis eriya/grin eriya aur parking manya hai.
- purva, dakshin-purva men aur pashchim evan uttara-pashchim dishaon men jo sthan khula chora gaya hai vah thik hai.
- pani ka panp kaksh thik hai. yadi isko dakshin disha ki or jahan par tritment vatar evan varsha ke pani ka taink hai, vahan sthanantaran kar diya jay to besment ki pashchim disha men vriddhi hai vah samapt ho jayegi aur yah sthan karensi not ki tarah aytakar ho jayega.
- lift v iske lie jo gaddha pashchim kon men kiya gaya hai vah manya hai - pashchim ki sirhiyan bhi bahut achchi hain.
- tin miting rum gol hain jo achche hain. chaithe miting kaksh ko ya to chaikor, ya aytakar ya gol banana chahie. tabhi vahan labhdayak vichar vimarsh ho sakenge.
- sarvar rum ka sthan thik hai parantu rukavata/brek daun kam karne ke lie ise bhi aytakar hi banana labhdayak hoga.
- varsha ke jal bhandaran hetu jo gaddha dakshin-purva disha men banaya gaya hai, use purvi kshetra men sthanantrit kar den. aisa karne se dakshin men jo nichapan barhottari ho raha hai vah samapt ho jayega aur faltu kharchen evan karyon men anavashyak deri samapt ho jaegi.
- i.ti.pi. plant sahi disha men hai parantu iska koi bhi bhag jamin ke niche nahin hona chahie kyonki dakshin men niche pani/gaddha hone se sarkari samasyaen paida hoti rahti hain.
- tritment kiye hue pani ka taink, varsha ke pani ka taink aur ag bujhane vale pani ka taink nairritya kon se hata den. vastu ke siddhant ke anusar isse bhari arthik nuksan aur lailaj bimariyon ki sanbhavna barh jati hai. in tinon tainkane ko najdik ke pashchimi kshetra men sthanantrit kar den. agar sanbhav ho sake to inka sthanantaran purva athva ishan kon ke kshetra men kar den. aisa karne se kampani men apratyashit dhan vriddhi evan anavashyak kharchon se bachat hogi.
prashnah- pandit ji namaskar, main apni larki v damad ke lie yah ghar kharidna chahta hanu. yah bana hua makan bahut purana hai jise kuch samay bad ham tor kar dobara apke kahe anusar banana chahte hain. kripya sujhav den ? es. ke. malhotra, shikago
uttarah- priya malhotra ji yah plaet aniyamit akar ka hai. uttara-purva, purva men barhottari bahut barhiya hanai, parantu agney v dakshin, pashchim men barhottari tatha dakshin v nairritya men katna bahut gambhir vastu dosh hai. inse ag lagna, bimari v jhagrane ki sambhavna bani rahti hai. dhan v svasthya ki hani tatha malik ko kisi n kisi karan se bahar rahne ki sambhavnayen barh jati hain. ap bilding ko to thik kar sakte hain lekin plaet ka thik hona namumkin hai atah kripya ise kharidne ka vichar tyag den.
jivan men jarurat hai jyotishiya margadarshan ki? abhi bat karen fyuchar point jyotishiyon se!