lal dhage vale prakriti dvara pradatt sabhi vriksh aur paudhe manav ke kalyan ke lie hain. paryavaran santulan banae rakhne ke lie paudhon ka vishisht mahattva hai. vibhinn rogon ke upchar ke lie hamare ayurved men jari-butiyon, vrikshon ki chal, fal, ful v patton se nirmit aushdhiyon ka bahut mahattva hai. kuch paudhon ki jaron ka tantra men bhi prayog hota hai.
grih aur audyogik vastu men bagicha uttar, purva v ishan men banaya ja sakta hai. bagiche men fulon vale paudhon ko hi adhik lagana chahie. kaiktas v dudh vale vriksh grih ya vyavsayik vastu men nahin lagane chahie. bare-bare vriksh ghar se bahar pashchim ya dakshin men laga sakte hain. kuch vrikshon v paudhon ka yahan ullekh kar rahe hain-
baragad : yah ek virat vriksh hai jiska tana bahut mota aur shakhaen khub faili hoti hain. ghar se purva disha men vat vriksh hona shubh mana gaya hai. isse vyakti ki kamnaon ki purti hoti hai. agney disha men hone par pira v mrityu dene vala hai. pashchim men hone se rajpira, strinash v kulnash hota hai. ayurved men iski chal, dudh, jataon aur koplon ka vibhinn rogon ke ilaj ke lie prayog kiya jata hai.
anar : ye vriksh chote hote hain. anar ek svadisht evan paushtik fal hai. vitaminon aur khanijon ka bhandar yah fal hriday rog, sangrahni, vaman men labhkari v balviryavardhak hai. ghar se agney disha men lagana shubh mana gaya hai. banjar jati ke anar ka vriksh ghar men nahin hona chahie.
gular : yah madhyam akar ka vriksh hai. iska tana mota, lanba aur kuch terha hota hai. iski shakhaen sidhi upar ki or barhti hain. ghar se dakshin disha men ise shubh mana gaya hai. uttar disha men hone se netra rog hota hai.
jamun : iske paudhe sarak ke kinare v bag-bagichon men lagae jate hain. iske kale-mithe fal bahut hi svadisht v gunkari hote hain. ise ghar se dakshin v rnaitya ke bich men lagana shubh mana gaya hai.
kadanb : iske patte bare aur mote hote hain. isse gond bhi niklta hai. iske fal nibu ke saman hote hain. falon ke upar hi chote-mote sugandhyukt ful lagte hain. ise ghar se dakshin v naitya ke bich men lagana shubh mana gaya hai.
imli : imli khatti hoti hai. imli ke patton ka shak aur fulon ki chatni banai jati hai. imli ki lakriyan bahut majbut hoti hain. ghar se naitya disha men ise shubh mana jata hai.
pipal : hinduon ke lie pipal bahut hi pujniya vriksh hai. yah manyata hai ki shanivar ke din pipal ke per ko kachche dudh aur jal se sinchne par shani ke ashubh prabhavon men kami ati hai aur lakshmi ki prapti hoti hai. agni puran ke anusar ghar se pashchim men pipal ka vriksh hona atyant shubh mana gaya hai. purva disha men hone par bhay aur nirdhanata dene vala v agney men hone par pira v mrityu dene vala hai.
bel : bel ka fal kaith jaisa hota hai. iske vriksh ki chaya bahut hi shital aur gunkari hoti hai. bel ke patte shiv-puja men kam ate hain. shivratri ko in patton se shivling ki puja karne par shiv ji prasann hote hain. iske ful safed aur sugandhit hote hain. iski lakri chandan ke saman pavitra mani jati hai. is vriksh ka ghar se vayavya men hona shubh mana gaya hai.
pakar : is vriksh ko kaith v plaksh bhi kaha jata hai. yah vriksh bara hota hai. iske fal ko kaith kahte hain. yah bilva vriksh ke saman hota hai. ghar se uttar disha men ise shubh mana gaya hai.
if you are facing any type of problems in your life you can consult with astrologer in delhi