gochar grah parivartana: is masan grahon ka rashi parivartan is prakar hoga. surya 16 navanbar ko sham ke 4 bajakar 45 minat par vrishchik rashi men pravesh karega. mangal 27 navanbar ko sham 7 bajakar 45 minat par vrishchik rashi men pravesh karega. budh 1 navanbar ko ratri 10 bajakar 43 minat par tula rashi men pravesh karega tatha 3 navanbar ko pratah 00 bajakar 23 minat par ast hoga, 15 navanbar ko dopahar 12 bajakar 45 minat par uday hoga aur 18 navanbar ko pratah 5 bajakar 52 minat par margi gati men aega.
guru 7 navanbar ko dopahar 12 bajakar 51 minat par ast hoga. shukra grah 12 navanbar ko sham ke 5 bajakar 55 minat par vrishchik rashi men pravesh karega tatha 28 navanbar ko dopahar 11 bajakar 20 minat par uday hoga. shani grah 1 navanbar ko pratah 7 bajakar 12 minat par sinh rashi men pravesh kar jaega. shesh grah rahu, ketu, nepchyun aur yurenas ki sthiti purvat rahegi. gochar fal vichar: masaranbh vale din arthat 1 navanbar ko budhvar hai aur is mas panch budhvar aenge. yah sthiti janmanas ke lie sukh samriddhi subhiksh tatha dhan dhanya ki vriddhi ka karak hai.
yah yog buddhijiviyon ki pratishtha ko barhava aur chal rahe bauddhik karyon men vishesh unnati ke sanket deta hai. yah desh men nae-nae avishkaron aur anusandhanon men saflta ka suchak hai. yah antarrashtriya vyaparik sthitiyon tatha vyapar mandal men sudhar tatha vriddhi ke sanket bhi hain. ‘‘budhasya panchvarashche'yte ch nirantaram. prajanan sukhamatyantan subhikshan ch prajayte.’’ sath hi is mas panch brihaspativaron ka bhi ana pashchimi rashtron ke lie nesht faldayak hai. yah yog rog evan shok se janmanas ko pirit kar sakta hai.
jan sadharan ko jatil samasyaon se jujhna parega. ‘‘yatra mase panchvaraah jayante ch brihaspateah vigrahah pashchime deshe khadg yuddhan ch jayte.’’ masaranbh men hi shani ka 1 navanbar ko sinh rashi men pravesh kar jana aur tula rashi sthit surya, mangal, budh, shukra ko dekhna anek prakar ki vikat ghatnaon ke sanket deta hai. yah yog purva se chal rahi dainik upyogi vastuon ki mahangai ko aur barhaega. rajnitik uthl-puthal bhi laega. yah yog upadravkari ghatnaon men vriddhi karega. yah khari faslon ke lie hanikarak hoga.
7 navanbar ko guru ka ast ho jana anek prakar ke rog utpann kar janmanas ko pira pahunchaega. 12 navanbar ko vrishchik rashi men guru v shukra ka rashi sanbandh banna simaon par yuddhamay vatavaran utpann kar sakta hai. 16 navanbar ko surya ka bhi vrishchik rashi men pravesh kar guru v shukra ke sath yog banana purvaeÿar sthit deshon aur pradeshon ki rajnitik samasyaon men vriddhi karega. yah yog in deshon ke shaskon ke agni pariksha se gujrne ke sanket deta hai. 18 navanbar ko budh bhi uday ho jaega.
iska mangal ke sath rahna jan manas ke lie hanikarak hai. sona chandi: masaranbh vale din hi arthat 1 navanbar ko shani ka sinh rashi men pravesh kar ketu ke sath rashi sanbandh banana tatha magha nakshatra men akar bharni ko vedhna sona v chandi ke bajar men utar-charhav ka suchak hai. isi din budh ka bhi tula rashi men pravesh hona bajar ki asthirta ko mande ke mahaul men le jaega. 3 navanbar ko budh ka ast ho jana chandi men kuch teji ka mahaul utpann kar sakta hai.
4 navanbar ko shukra ka vishakha nakshatra men pravesh kar dhanishtha nakshatra ko vedhna bajar men mande ka hi yog darshata hai. 6 navanbar ko surya ka bhi vishakha men baithakar krittika, anuradha v ghanishtha nakshatron ko vedhna chandi men kuch teji ka rujhan banaega. 7 navanbar ko guru ka ast ho jana sone v chandi men mande ki hi lahar banae rakhega.
10 navanbar ko vakri gati ke budh ka svati nakshatra men akar shatbhisha nakshatra ko vedhna bajar men purva se chal rahi mande ki lahar ko aur barha sakta hai. 12 navanbar ko shukra ka vrishchik rashi men pravesh kar guru ke sath sanbandh banana mande ka hi suchak hai. 13 navanbar ko mangal bhi vishakha men akar dhanishtha nakshatra ko vedhne lagega. yah yog kuch teji ka suchak hai. 15 navanbar ko shukra ka anuradha nakshatra men pravesh hona tatha ashlesha nakshatra ko vedhna bajar men adhik asthirta ke sanket deta hai.
isi din budh ka bhi uday hona utar-charhav adhik laega. 16 navanbar ko surya vrishchik rashi men akar guru v shukra ke sath sanbandh banaega. yah yog bajar men badlav arthat kuch teji laega. isi din margashirsh mas ki sankranti 30 muhurti ban rahi hai. yah bhi teji ki suchak hai. 18 navanbar ko budh ka margi hona chandi men teji ka suchak hai.
19 navanbar ko surya ka anuradha men akar bharni, vishakha v ashlesha ko vedhna bajar men punah mande ka rujhan banaega. 25 navanbar ko shukra ka jyeshtha nakshatra men akar pushya nakshatra ko vedhne lagna purva ke mande ko aur barha sakta hai. 26 nanvabar ko budh ka vishakha nakshatra men akar dhanishtha nakshatra ko vedhne lagna sone men mande ka yog darshata hai. 27 navanbar ko mangal vrishchik rashi men akar surya, budh v shukra ke sath rashi sanbandh banakar chartugrahi yog banaega. yah yog bajar men thora badlav laega arthat uske purva mande ki lahar ko teji ki or le jaega.
28 navanbar ko shukra ka uday hona bhi bajar men kuch teji ka vatavaran banae rakhega. gur v khand: masaranbh vale din arthat 1 navanbar ko shani ka sinh rashi men ketu ke sath yuti karna tatha magha nakshatra men akar bharni nakshatra ko sarvatobhadrachakra men vedhna gur v khand men teji ka suchak hai. 3 navanbar ko budh ka ast hona bhi bajar men thahrav paida karega. 4 navanbar ko shukra ka vishakha nakshatra men pravesh kar dhanishtha nakshatra ko vedhne lagna bajaron men punah teji ki lahar banaega.
6 navanbar ko surya ka bhi vishakha nakshatra men pravesh kar dhanishtha nakshatra ko vedhna bajar ki teji ko aur barha sakta hai. 7 navanbar ko guru ke ast hone se bajaron men punah mande ki lahar aegi. 10 navanbar ko vakri gati ka budh svati nakshatra men pravesh kar shatbhisha nakshatra ko vedhega. yah yog bajar men utar-charhav adhik laega. 11 navanbar ko guru ka anuradha nakshatra men pravesh kar ashlesha nakshatra ko vedhna bhi bajar men mande ka hi mahaul utpann karega. 12 navanbar ko shukra ka vrishchik men akar guru ke sath rashi sanbandh banana gur men mande ka hi suchak hai.
13 navanbar ko mangal vishakha nakshatra men pravesh kar dhanishtha nakshatra ko vedhega. yah yog khand men teji laega. 15 navanbar ko budh ka uday hona tatha isi din shukra ka anuradha men akar ashlesha nakshatra ko vedhne lagna bajaron men mande ke sanket deta hai. 16 navanbar ko surya vrishchik rashi men akar guru v shukra ke sath rashi sanbandh banaega. yah yog bajar ko punah teji ki lahar men le jaega. 19 navanbar ko surya ka anuradha nakshatra men ana tatha guru ka margi hona bajar ki purva teji ko barkrar rakhega.
25 navanbar ko shukra ka jyeshtha nakshatra men pravesh kar pushya nakshatra ko vedhna khand men punah mande ka vatavaran utpann karega. 26 navanbar ko budh ka vishakha nakshatra men akar dhanishtha ko vedhna bhi bajar men mande ka suchak hai. 27 navanbar ko mangal vrishchik rashi men akar surya, guru v shukra ke sath rashi sanbandh banaega. yah yog bajar men kuch badlav la sakta hai arthat ismen teji a sakti hai. 28 navanbar ka shukra uday ho raha hai. iske prabhavavash khand men teji bani rahegi. anaj tatha dalvan: masaranbh men 1 navanbar ko shani ka sinh rashi men pravesh kar ketu ke sath milap karna tatha magha nakshatra men akar bharni nakshatra ko vedhne lagna gehun, jau, chana ityadi anajon men teji ka suchak hai.
isi din budh ka bhi tula rashi men akar punah surya, mangal v shukra ke sath rashi sanbandh banana mung, mauth, urad ityadi dalvan men teji utpann karega. 3 navanbar ko budh ka ast hona bhi dalvan men teji ka suchak hai. 4 navanbar ko shukra ka vishakha nakshatra men pravesh kar dhanishtha nakshatra ko vedhna gehun ityadi anajon ko mande men le jaega. 6 navanbar ko surya vishakha men pravesh kar krittika, dhanishtha v anuradha nakshatron ke vedhne lagega.
yah yog anaj v dalvan men teji ke sanket deta hai. 7 navanbar ko guru ka ast ho jana bajaron men punah badlav lakar mande ki or le jaega. 10 navanbar ko budh ka svati nakshatra men akar shatbhisha nakshatra ko punah vedhne lagna anajvan men manda hi banae rakhega. 11 navanbar ko guru anuradha nakshatra men akar ashlesha nakshatra ko vedhne lagega. yah yog bhi anajvan ke bajar men mande ke sanket deta hai.
12 navanbar ko shukra v guru ka apas men sanbandh banana anajon men kuch teji ki lahar chalaega kintu dalvan ko purvavat mande men hi rakhega. 13 navanbar ko mangal ka vishakha nakshatra men akar dhanishtha ko vedhne lagna anajon men teji ka suchak hai. lekin dalvan men manda bana rahega. 15 navanbar ko budh ka uday hona tatha shukra ka anuradha nakshatra men akar ashlesha nakshatra ko vedhne lagna gehun, jau, chana ityadi men purva se chal rahi teji ko aur barhaega. 16 navanbar ko surya ka vrishchik rashi men akar guru v shukra ke sath rashi sanbandh sthapit karna anajon men teji ka suchak hai.
18 navanbar ko budh ka margi gati men a jana bhi anajon men teji ka suchak hai. 19 navanbar ko surya ka anuradha nakshatra men akar bharni, vishakha v ashlesha nakshatron ko vedhne lagna dalvan men kuch teji ka mahaul bana sakta hai. 25 navanbar ko shukra ka jyeshtha nakshatra men akar pushya nakshatra ko vedhna anajon ki teji ko aur barha sakta hai. kintu dalvan men manda bana rahega. 26 navanbar ko budh vishakha nakshatra men pravesh kar dhanishtha nakshatra ko vedhega. yah sthiti bajaron men badlav laegi arthat anajon ki teji ko mande ke aur dalvan ke mande ko teji ke vatavaran men le jaegi.
27 navanbar ko mangal ka vrishchik rashi men pravesh kar surya, guru v shukra ke sath rashi sanbandh banana bajar men teji ka mahaul banae rakhega. telvan v ghi: masaranbh men 1 navanbar ko shani ka sinh rashi men pravesh kar ketu ke sath rashi sanbandh banana tatha magha nakshatra men pravesh kar bharni nakshatra ko vedhna tel v telvanon men teji ke sanket deta hai. isi din budh ka bhi tula rashi men pravesh kar surya, mangal v shukra ke sath rashi sanbandh banana ghi men teji ka suchak hai.
3 navanbar ko budh ast hoga jisse ghi men mande ka mahaul utpann ho sakta hai. 4 navanbar ko shukra vishakha nakshatra men akar dhanishtha nakshatra ko vedhne lagega. yah yog telon men teji ka suchak hai, lekin ghi men manda bana rahega. 6 navanbar ko surya ka vishakha nakshatra men pravesh kar krittika, anuradha v dhanishtha nakshatron ko vedhna ghi men mande ka suchak hai. 7 navanbar ko guru ka ast hona bhi ghi men mande ki lahar ko aur barhaega. 10 navanbar ko budh ka svati nakshatra men akar shatbhisha nakshatra ko vedhna tel men bhi mande ki lahar utpann karega.
11 navanbar ko guru anuradha nakshatra men akar ashlesha nakshatra ko vedhne lagega. yah bhi bajar ke purva rukh ko aur age le jaega. 12 navanbar ko shukra vrishchik rashi men pravesh kar guru ke sath rashi sanbandh banaega yah yog bajar men kuch badlav dega arthat purva se chal rahi mande ki lahar ko teji ke mahaul men le jaega. 13 navanbar ko mangal ka vishakha nakshatra men pravesh kar dhanishtha nakshatra ko vedhna, 15 navanbar ko shukra ka anuradha nakshatra men pravesh kar ashlesha nakshatra ko vedhne lagna bajar ki teji ko aur barha sakta hai.
18 navanbar ko budh margi gati men a raha hai, jo telon men teji hi darshata hai. 19 navanbar ko surya anuradha men akar ashlesha nakshatra ko vedhega. yah yog telon men punah manda laega. 27 navanbar ko mangal ka vrishchik rashi men pravesh kar surya, guru v shukra ke sath sanbandh banana yah chaturgrahi yog ghi v tel ke bajar men kuch badlav la sakta hai. uparyukt faladesh puri tarah grah sthiti par adharit hai.
pathkon ka behatar margadarshan hi iska mukhya uddeshya hai. koi nirnay lene se pahle niveshak ko un anya sanbhavit karnon par bhi dhyan dena chahie, jo bajar ko prabhavit karte hain. kripya yad rakhen ki vyapari ki satte ki pravritti aur nirnay lene ki shakti men kami tatha bhagyahinta ke karan hone vale nuksan ke lie lekhak, sanpadak evan prakashak jimmevar nahin hain.