gochar grah parivartana: is mas grahon ka rashi parivartan is prakar hoga. surya 17 aktubar ko sham 4 baj kar 58 minat par tula rashi men pravesh karega. mangal 14 aktubar ko rat 9 bajakar 49 minat par tula rashi men pravesh karega. budh 24 aktubar ko sham 5 bajakar 43 minat par vrishchik rashi men pravesh karega tatha 29 aktubar ko pratah 00 bajakar 48 minat par vakri gati men aega. guru grah 27 aktubar ko rat 10 bajakar 19 minat par vrishchik rashi men pravesh kar jaega.
shukra 5 aktubar ko pratah 10 baj kar 30 minat par ast hoga tatha 19 aktubar ko sham 7 bajakar 35 minat par tula rashi men pravesh karega. rahu 12 aktubar ko pratah 8 bajakar 05 minat par kunbh rashi men pravesh karega. ketu 12 aktubar ko pratah 8 bajakar 05 minat par sinh rashi men pravesh karega. shesh grah shani, nepchyun aur yurenas ki sthiti purvavat hi rahegi. gochar fal vichar: masaranbh vale din arthat 1 aktubar ko ravivar hai aur is mas men panch ravivar aenge. yah ashanti ka suchak hai.
rajnitigya paraspar matbhedon ko aur barhava denge. apsi vaimanasya tatha prakritik prakopon ityadi se aur kahin agnikand jaisi ghatnaon ke karan janmanas men bhay ka vatavaran vyapt rahega. kahin durbhiksh tatha kahin satta ka parivartan ho jana sanbhav hai. ‘‘yatra mase ravivara jayte panch santatam. durbhiksh chatrabhangah syatdaste ch madhyabhyam.’’ sath hi is mas men panch somvar bhi aenge jo upar varnit falon men kuch nyunta lakar sukh-shanti ke prayason men vriddhi karenge. iske falasvarup shasak varg tatha janta men sahyog bana rahega.
yah sthiti dhan dhanya ke lie samriddhidayak hai: ‘‘somasya panchvarastu yatra mase bhavantihi. dhan-dhanya samriddhi syat sukhan bhavti sarvada..’’ sath hi is mas men panch manglvar bhi aenge. inka fal ashubhta ka pratik hai. is sthiti ke falasvarup prakritik prakop, yan durghatana, agnikand ityadi ghatnaon men vriddhi hone ki sanbhavna hai. simaon par punah yuddh ke kale badal umar sakte hain. tanavpurn sthiti se niptne ke lie purva se chal rahi shanti vartaon aur prayason ko thes pahunch sakti hai.
‘‘yatra mase mahisuno jayte panch vasraah rakten purita prithvi chatrabhangastada bhavet.’’ masaranbh men hi rahu, surya tatha mangal ka samasaptak yog men bane rahna upadravkari ghatnaon men vriddhikarak hai. 12 aktubar ko rahu ka kunbh rashi men pravesh kar surya aur mangal se shadashtak yog men ana desh ke vishisht vyaktiyon tatha rajnitigyaon ke lie kashtakarak hai. sath hi yah kahin durbhiksh ki sthiti bhi paida kar sakta hai.
vahin desh ki sarhdon par punah yuddh ki sthiti utpann kar sakta hai. rahu par guru ki pancham drishti pradhan netaon ke hastakshep se bachav ka karya bhi karegi. 14 aktubar ko tula rashi men mangal grah ka pravesh purva se chal rahi shanti vartaon ko thes pahuncha sakta hai. 19 aktubar ko shukra ka bhi tula rashi men a jana tatha is rashi par panchagrahi yog banna antarrashtriya vyapar men vriddhidayak hai. 21 aktubar ko is varsh dipavli ka ana dainik upyog ki vastuon evan dhatuon men teji ka suchak hai.
27 aktubar ko guru ka vrishchik rashi men pravesh upadravkari v ugravadi ghatnaon men vriddhi kar sakta hai. sona v chandi: masaranbh men 2 aktubar ko budh ka svati nakshatra men pravesh kar shatbhisha nakshatra ko sarvatobhadrachakra dvara vedhna sone v chandi men teji ka suchak hai.
3 aktubar ko shukra ka hast nakshatra men pravesh kar u. bha. nakshatra ko vedhna chandi men mande ka yog banaega.
4 aktubar ko mangal ka chitra nakshatra men pravesh kar pu. bha. nakshatra ko vedhne lagna sone ki teji ko aur barha sakta hai.
5 aktubar ko shukra ka ast hona bhi bajar ki teji ko banae rakhega.
10 aktubar ko surya ka chitra nakshatra men pravesh kar mrigshira, mula aur pu. bhanakshatron ko vedhna bajaron ki purva ki teji ko aur barha sakta hai.
12 aktubar ko rahu kunbh rashi men pravesh karega aur mangal se shadashtak yog banaega. yah yog bajar ki teji rok kar mande ki lahar utpann kar sakta hai.
13 aktubar ko budh ka vishakha nakshatra men pravesh karke dhanishtha nakshatra ko vedhna bajar ke purva rukh ko aur age le jaega.
14 aktubar ko shukra ka chitra nakshatra men pravesh kar pu. bha. nakshatra ko vedhna tatha mangal ka tula rashi men pravesh kar budh v guru se rashi sanbandh banana bajar men utar-charhav adhik karega.
17 aktubar ko surya bhi tula rashi men pravesh kar mangal, budh v guru se rashi sanbandh banaega. is yog men sone v chandi men kuch teji ka rujhan banega.
19 aktubar ko shukra bhi isi rashi men pravesh kar mangal, surya, budh aur guru ke sath panchagrahi yog banaega. shukra ke sanbandh se bajar men badlav aega arthat bajar men mande ki lahar utpann ho sakti hai.
24 aktubar ko surya ka svati nakshatra men pravesh tatha isse purva mangal v shukra ka bhi isi rashi men rahna tatha shatbhisha nakshatra ko vedhna bhi bajar men manda hi darshata hai. isi din budh ka vrishchik rashi men ana tatha chandra darshan hona bhi mande ka suchak hai.
27 aktubar ko guru ka vrishchik rashi men pravesh kar budh ke sath rashi sanbandh banana bajaron men mande ka sanket deta hai.
29 aktubar ko budh ka vakri hona bajar men kuch badlav lakar teji ka vatavaran banaega. gur v khand: masaranbh vale din 2 aktubar ko budh ka svati nakshatra men pravesh kar shatbhisha nakshatra ko vedhna gur v khand men teji ka hi suchak hai.
3 aktubar ko shukra ka hast nakshatra men pravesh kar uttar bhadrapad nakshatra ko vedhna khand ke bajar men utar-charhav ki sthiti utpann kar sakta hai.
4 aktubar ko mangal ka chitra nakshatra men pravesh kar purva bhadrapad nakshatra ko vedhna gur men teji ka suchak hai.
5 aktubar ko shukra ke ast ho jane se khand men mande ka rukh a sakta hai.
10 aktubar ko surya ka chitra nakshatra men akar mrigshira, mula v purva bhadrapad ko vedhne lagna gur v khand ke bajar men teji ki lahar utpann karega.
12 aktubar ko rahu ka kunbh rashi men pravesh kar mangal ke sath shadashtak yog men ana bhi teji ka suchak hai.
13 aktubar ko budh ka vishakha nakshatra men pravesh kar dhanishtha nakshatra ko vedhna khand ke bajar men punah mande ki sthiti utpann kar sakta hai.
14 aktubar ko shukra ka bhi chitra nakshatra men pravesh kar purva bhadrapad nakshatra ko vedhna tatha isi din mangal ka tula rashi men pravesh kar guru ke sath sanbandh banana gur v khand men teji ki lahar ka suchak hai.
17 aktubar ko surya grah tula rashi men pravesh kar mangal v guru ke sath rashi sanbandh banaega. yah yog bhi bajar men teji ke aur upar jane ka sanket deta hai. tula ki sankranti ka manglvar ko 30 muharti hona bhi bajaron men teji ka hi yog darshata hai.
19 aktubar ko shukra ka tula rashi men pravesh kar surya, mangal, budh v guru ke sath milakar panchagrahi yog banana gur v khanr men teji ka vatavaran banae rakhega.
24 aktubar ko surya grah svati nakshatra men pravesh kar rohini, jyeshtha v shatbhisha nakshatron ko vedhne lagega. yah yog bajar men utar-charhav to laega lekin isi din budh ka vrishchik rashi men pravesh tatha manglvar ko chandra darshan hona bajar men teji ka suchak hai.
27 aktubar ko guru ka vrishchik rashi men pravesh kar budh ke sath rashi sanbandh banana bajar men badlav la sakta hai.
29 aktubar ko budh ka vakri hona gur v khand ke bajar men teji ka suchak hai.
anaj v dalvan: masaranbh men 2 aktubar ko budh ka svati nakshatra men pravesh kar shatbhisha nakshatra ko vedh men lena gehun, jvar, chana ityadi anajvan ke bajar men teji ka karak hai.
3 aktubar ko shukra ka hast nakshatra men pravesh kar uttar bhadapadra nakshatra ko vedhna mung, moth ityadi dalvan men asthirta arthat utar-charhav adhik karega.
4 aktubar ko mangal ka chitra nakshatra men pravesh kar purva bhadrapad nakshatra ko vedh men lena gehun, chana, jvar ityadi anajon men teji ki suchna de raha hai.
5 aktubar ko shukra ast ho jaega. isse mung, moth, urad, arahar ityadi dalon men mande ka hi yog bana rah sakta hai. kintu anajon ka bajar purvavat hi rahega.
10 aktubar ko surya grah chitra nakshatra men pravesh kar mrigshira, mula aur purva bhadrapad nakshatron ko vedhne lagega. yah yog gehun ityadi anajon men purva se chal rahi teji ke bane rahne ka sanket deta hai.
12 aktubar ko rahu ka kunbh rashi men pravesh kar mangal se shadashtak yog men ana dalvanon men to teji ka hi suchak hai. yah yog anajon ke bajar men bhi teji ka sanket deta hai.
13 aktubar ko budh ka vishakha nakshatra men akar dhanishtha nakshatra ko vedhne lagna anajon ke bajar men badlav laega arthat use mande ki taraf le jaega.
14 aktubar ko shukra ka chitra nakshatra men pravesh kar purva bhadrapad nakshatra ko vedhne lagna tatha isi din mangal ka bhi tula rashi men pravesh karna anajon tatha dalvan ke bajar men teji ka hi sanket deta hai.
17 aktubar ko surya ka bhi tula rashi men pravesh kar mangal v guru ke sath rashi sanbandh banana tatha isi din kartik ki sankranti ka 30 muhurti hona gehun, jau ityadi anajon men tatha mung, moth, ityadi dalvan men teji ka hi suchak hai.
19 aktubar ko shukra ka tula rashi men pravesh kar surya, mangal, budh v guru ke sath milakar panchagrahi yog banana purva se chal rahi teji ke aur age jane ka sanket deta hai.
21 aktubar shanivar ko dipavli ka ana bhi teji hi darshata hai.
24 aktubar ko surya ka svati nakshatra men akar rohini, jyeshtha, v shatbhisha nakshatron ko vedhna anajon ki purva se chal rahi lahar men badlav dekar mande ki taraf le jaega. isi din budh ka bhi vrishchik rashi men ana dalvan men bhi mande ka sanket deta hai.
27 aktubar ko guru ka vrishchik rashi men akar budh ke sath rashi sanbandh banana anajvan v dalvan men manda hi darshata hai.
29 aktubar ko budh ka vakri gati men ane se gehun, jau ityadi anajon men mande ki lahar bani rah sakti hai. isi din nepchyun grah ka margi gati men ana bhi dalvan men mande ka hi vatavaran banaega. ghi v telvan: masaranbh men 2 aktubar ko budh ka svati nakshatra men pravesh kar shatbhisha nakshatra ko vedhna ghi ke bajar men teji ka suchak hai.
3 aktubar ko shukra ka hast nakshatra men pravesh kar uttar bhadrapad nakshatra ko vedhna telon ke bajar men asthirta arthat utar-charhav paida kar sakta hai.
4 aktubar ko mangal ka chitra nakshatra men pravesh kar purva bhadrapad nakshatra ko vedhna telon ke bajar men teji laega.
5 aktur ko shukra ka ast hona ghi ke bajar men teji ka sanket deta hai.
10 aktubar ko surya ka chitra nakshatra men pravesh kar mrigshira, mula v purva bhadrapad nakshatron ko vedhna telon men teji ka mahaul punah paida karega.
12 aktubar ko rahu ka kunbh rashi men pravesh bhi tejidayak hai.
14 aktubar ko shukra ka chitra nakshatra men pravesh kar purva bhadrapad nakshatra ko vedhna ghi men teji ka sanket deta hai. isi din mangal grah tula rashi men pravesh kar budh v guru ke sath rashi sanbandh banaega. yah yog bhi telon men teji ke aur age jane ka sanket deta hai.
17 aktubar ko surya ka tula rashi men pravesh kar mangal, budh v guru ke sath rashi sanbandh banana tatha isi din tula ki sankranti ka manglvar ko 30 muhurti hona bajar men teji ki lahar ko aur barha sakta hai.
19 aktubar ko shukra tula rashi men pravesh kar surya, mangal, budh v guru ke sath panchagrahi yog banaega jo bajar ki purva se chal rahi teji ke aur upar jane ka suchak hai.
24 aktubar ko surya ka svati nakshatra men pravesh kar shatbhisha nakshatra ko vedhne lagna tatha isi din mangal ka bhi svati nakshatra men akar shatbhisha ko vedhna aur budh ka vrishchik rashi men pravesh karna ye sabhi yog ghi ke bajar men to mande ka mahaul utpann kar sakte hain lekin telon ke bajar ko purvavat rakhenge.
27 aktubar ko guru ka vrishchik rashi men pravesh kar budh ke sath rashi sanbandh banana ghi ke bajar men aur mande ka suchak hai. yah yog telon ke bajar men bhi mande ka vatavaran utpann karega.
29 aktubar ko budh grah vakri hoga. yah yog ghi ke bajar men kuch teji la sakta hai. isi din nepchyun grah ka margi hona telon men mande ki suchna de raha hai. uparyukt faladesh puri tarah grah sthiti par adharit hai. pathkon ka behatar margadarshan hi iska mukhya uddeshya hai.
koi nirnay lene se pahle niveshak ko un anya sanbhavit karnon par bhi dhyan dena chahie, jo bajar ko prabhavit karte hain. kripya yad rakhen ki vyapari ki satte ki pravritti aur nirnay lene ki shakti men kami tatha bhagyahinta ke karan hone vale nuksan ke lie lekhak, sanpadak evan prakashak jimmevar nahin hain.