gochar grah parivartana: is mas men grahon ka rashi parivartan is prakar hoga. surya 17 sitanbar ko pratah 5 baje kanya rashi men pravesh karega. budh 9 sitanbar ko 3 baj kar 45 minat par kanya rashi men pravesh karega, 17 sitanbar ko pratah 7 bajakar 15 minat par uday hoga tatha 28 sitanbar ko 4 bajakar 33 minat par tula rashi men pravesh karega. shukra 1 sitanbar ko dopahar 2 baj kar 10 minat par sinh rashi men tatha 25 sitanbar ko sham 7 bajakar 3 minat par kanya rashi men pravesh karega. shesh grah mangal, guru, shani, rahu, ketu, nepchyun, pluto aur yurenas ki sthiti purvavat hi rahegi. gochar fal vichar: masaranbh vale din shukravar hai aur is mas men panch shukravar aenge. yah sthiti sukh-shanti ki pratik hai. bauddhik sukh aur aishvarya men vriddhikarak hai.
yah sthiti jan manas ko vilasamay jivan ki taraf le jati hai. nari jati ke prabhutva men vriddhikarak hai. ‘‘shukrasya panchvaraah spupatra pravartate. praja vriddhi subhikshan ch sukhan tatra pravartate.’’ vahin is mas men panch shanivar bhi aenge. yah sthiti mahangai ko aur barhaegi. jan sadharan ko kasht hoga tatha unmen rosh ki bhavna panpegi. yah sthiti bharat ke purvottar kshetron v bharat se purvottar deshon tatha muslim deshon men prakritik prakop, bhuskhalan ityadi upadravkari ghatnaon ka sanket deti hai.
kahin rajnaitik matbhed aur kahin satta parivartan ki sthiti paida ho sakti hai. ‘‘shanivara yada panch patale kampate faniah ishan desh bhangashch vahin dahomaharghatan.’’ masaranbh men hi mangal aur rahu ke samasaptak yog men ane tatha mangal ke shani se purn drishtit hone ke karan kahin prakritik prakop se jan dhan ki hani ki sanbhavna hai. 1 sitanbar ko sinh rashi men shukra ka ana varsha ke lie badhak banta hai.
”sinhe shukra hoye bhavani, chale pavan n barse pani.’’ 9 sitanbar ko budh ka kanya rashi men akar ketu ke sath rashi sanbandh banana rajnitik uthl-puthal ka suchak hai. 17 sitanbar ko surya grah kanya rashi men pravesh karega tatha mangal, budh v ketu ke sath chatugrrahi yog bhi ban jaega. yah yog chal rahe rajnitik matbhedon ko aur adhik barha sakta hai.
apaharan ityadi kand adhik ho sakte hain tatha chal rahe shanti prayason men badha a sakti hai. 25 sitanbar ko shukra kanya rashi men pravesh kar surya, mangal, ketu v budh ke sath sanbandh men ana rogon men vriddhi karak hai. yah sthiti kisi bhayanak rog ke fail jane ka sanket deti hai. sona v chandi: masaranbh vale din 1 sitanbar ko shukra ka sinh rashi men pravesh kar budh ke sath rashi sanbandh banana chandi men manda hi darshata hai lekin magha nakshatra men akar bharni nakshatra ko vedhna sone v chandi ke bajar men utar-charhav adhik karega.
4 sitanbar ko guru vishakha nakshatra men pravesh karega tatha dhanishtha nakshatra ko vedhne lagega. yah yog sone men kuch teji ka suchak hai. lekin chandi purvavat hi rahegi. 7 sitanbar ko budh ka uttarafalguni nakshatra men pravesh kar revti ko vedhna chandi ke bajar men mande ki lahar ko aur age barhaega. yah yog sone men bhi age manda hi rakhega. 9 sitanbar ko budh grah mangal aur ketu ke sath kanya rashi men rashi sanbandh bana raha hai. in do krur grahon ke sath budh ka milap donon bajaron men mande ka rujhan hi rakhega.
12 sitanbar ko shukra ka purvafalguni nakshatra men pravesh kar ashvini nakshatra ko vedhna bajar men manda hi darshata hai. 13 sitanbar ko surya purvafalguni nakshatra men pravesh kar punarvasu, u. a. v revti nakshatron ke vedhega. isse bajaron men kuch badlav arthat teji ka mahaul paida hoga. 14 sitanbar ko shukra hast nakshatra men pravesh kar uttarabhadrapad nakshatra ko vedhega. yah yog sone men teji ka hi karak hai. 15 sitanbar ko budh ka bhi hast nakshatra men pravesh kar u. bha. nakshatra ko vedhna bajaron ko mande ki taraf le jaega.
17 sitanbar ko surya ka kanya rashi men pravesh kar mangal, budh v ketu ke sath milakar chartugrahi yog banana sone men teji ka hi suchak hai. isi din budh ka uday hona chandi ko mande ki lahar men hi rakhega. 22 sitanbar ko shukra ka uttarafalgun nakshatra men akar revti nakshatra ko vedhna bajar men utar-charhav adhik karega. atah vyapari varg bajar ki vartaman sthiti ko dhyan men rakhen. 23 sitanbar ko budh ka chitra nakshatra men akar pu. bhadrapad nakshatra ko vedhna chandi men kuch badlav laega.
isi din shani grah ka ashlesha nakshatra par charan badlna sone men bhi badlav la sakta hai. 25 sitanbar ko shukra kanya rashi men akar surya, mangal, ketu v budh ke sath rashi sanbandh banaega. yah yog bajaron ko punah teji ki lahar men le ja sakta hai. 27 sitanbar ko surya ka hast nakshatra men a jana tatha adrra, purvasharha aur ubhadrapad nakshatron ko bhi vedhna chandi men mande ka suchak hai. 28 sitanbar ko budh ka tula rashi men akar guru ke sath rashi sanbandh banana sone ko kuch teji ke vatavaran men le ja sakta hai.
gur v khand: masaranbh vale din 1 sitanbar ko shukra ka kanya rashi men akar budh ke sath rashi sanbandh banana gur ke bajar men tejidayak hai aur magha nakshatra men pravesh kar bharni nakshatra ko vedhna khand ko mande ki taraf le ja sakta hai. 4 sitanbar ko guru ka vishakha nakshatra men pravesh kar dhanishtha nakshatra ko vedhne lagna gur men teji ka karak hai.
7 sitanbar ko budh ka ufalguni nakshatra men pravesh kar revti nakshatra ko vedhna gur men chal rahi teji ko aur age barhaega. isi din chandra grahan bhi lag raha hai jiska prabhav khand ke bajar ke rukh ko badal sakta hai. 9 sitanbar ko budh ka mangal aur ketu ke sath kanya rashi men rashi sanbandh banana khand ko teji ki taraf le jaega. lekin gur men mande ka mahaul banaega. 12 sitanbar ko shukra pu. fa. nakshatra men pravesh kar ashvini nakshatra ko vedhega. yah yog khand ko teji ki taraf le jaega.
13 sitanbar ko surya purvafalguni nakshatra men pravesh kar punarvasu, uttarasharha aur revti nakshatron ko vedhne lagega. yah yog bhi khand men manda darsha raha hai kintu gur ko teji men le jaega. 14 sitanbar ko mangal ka hast nakshatra men pravesh kar u. bhadrapad nakshatra ko vedhne lagna khand ke bajar men badlav lakar use teji ki lahar men le jaega.
15 sitanbar ko budh hast nakshatra me npravesh kar uttarabhadrapad nakshatra ko bhi vedhega. yah yog gur ke bhav ko aur age barhaega. 17 sitanbar ko surya mangal, budh aur ketu ke sath kanya rashi men rashi sanbandh banaega tatha shani ki us par purn drishti hogi. yah yog gur v khand men teji ka suchak hai. isi din budh bhi uday ho raha hai jo purva se chal rahe rukh ko aur barhava dega. 22 sitanbar ko shukra ka u. falguni nakshatra men akar revti nakshatra ko vedhna bhi bajaron men teji ko aur barhaega.
23 sitanbar ko budh ka chitra nakshatra men akar pu. bhadrapad nakshatra ko vedhna khand ke bajar men thahrav paida karega. 25 sitanbar ko shukra ka kanya rashi men pravesh kar surya, mangal, budh v ketu ke sath rashi sanbandh banana bajaron men purva se chal rahi teji ko aur age le jaega kyonki yah yog shani dvara drishtit hai. 27 sitanbar ko surya ka hast nakshatra men a jana tatha mrigshira, mula v u. bhadrapad nakshatron ko vedhne lagna khand men badlav lakar mande ke vatavaran men le jane vala hai.
idan budh ka tula rashi men guru ke sath sanbandh men ana gur ko mande ke mahaul men rakhega. anaj v dalvan: masaranbh men 1 sitanbar ko shukra ka sinh rashi men akar budh ke sath rashi sanbandh banana gehun, jau, chana, jvar, bajra ityadi anajon men teji ka sanket deta hai. isi din shukra ka magha nakshatra men akar bharni nakshatra ko vedhna mung, mauth, arahar ityadi dalvanon men mande ka suchak hai. 4 sitanbar ko guru ka vishakha nakshatra men akar dhanishtha nakshatra ko vedhna bhi anajon ki teji ko age barhaega.
7 sitanbar ko budh ka u. fa. nakshatra men akar revti nakshatra ko vedhna manug, mauth, urad, arahar ityadi dalon men punah teji ka rukh laega. is din guruvar hai aur chandra grahan bhi lag raha hai. yah yog anajon men kuch mande ka sanket deta hai. 9 sitanbar ko budh ka kanya rashi men akar mangal aur ketu ke sath rashi sanbandh banana anajon men chal rahi mande ki lahar ko aur age barhaega. 12 sitanbar ko shukra ka pu. falguni nakshatra men pravesh kar ashvini nakshatra ko vedhna donon bajaron ko mande ki taraf le jaega.
13 sitanbar ko surya ka pufalguni nakshatra men pravesh kar punarvasu, u. asharha. aur revti nakshatron ko vedhna bajaron ko teji ki lahar men le jane vala yog hai. 14 sitanbar ko mangal ka hast nakshatra men pravesh kar u. bhanakshatra ko vedhna anajvan men mande ka suchak hai. lekin dalvan ka bajar purvavat hi rahega. 17 sitanbar ko surya ka kanya rashi men pravesh kar mangal, budh v ketu ke sath rashi sanbandh banane tatha shani dvara drishtit hone ke karan anajon men teji aegi. isi din budh ka uday hona dalvan men manda darshata hai.
22 sitanbar ko shukra ka u. fanakshatra men pravesh kar revti nakshatra ko vedhna anajon men teji ka sanket deta hai. kintu dalvan ko manda hi rakhega. 23 sitanbar ko budh ka chitra nakshatra men pravesh kar pu. bha. nakshatra ko vedhna dalvanon men teji ka suchak hai. 25 sitanbar ko shukra ka kanya rashi men pravesh kar surya, mangal, budh v ketu ke sath rashi sanbandh banane tatha shani se drishtit hone ke karan anajon ke bajar men teji ki lahar barhegi. yah yog dalvan men bhi teji ka suchak hai.
27 sitanbar ko surya hast nakshatra men pravesh kar adrra, pu. a. aur u. bha. nakshatron ko vedhega jo gehu, jau, chana, dakar ityadi anajvan ko aur bhi teji ki or le jaega. isi din budh ka guru grah ke sath tula rashi men rashi sanbandh banana dalon men mande ka suchak hai. ghi v telvan: masaranbh men 1 sitanbar ko shukra ka kanya rashi men pravesh kar budh ke sath rashi sanbandh banana ghi ke bajar men mande ka karak hai. magha nakshatra men akar bharni nakshatra ko vedhna telon men teji darshata hai. 4 sitanbar ko guru ka vishakha nakshatra men pravesh kar dhanishtha nakshatra ko vedhna telon men teji ka suchak hai.
7 sitanbar ko budh ka u. fa. nakshatra men akar revti nakshatra ko vedhna ghi men mande ka sanket deta hai. lekin isi din chandra grahan ka bhi lagna tel v telvanon men teji hi darshata hai. 9 sitanbar ko budh ke kanya rashi men pravesh kar mangal v ketu ke sath rashi sanbandh banane v shani se pun drishtit hone ke karan telon men teji purvavat bani rahegi. lekin yah yog ghi ko mande ke mahaul men hi rakhega. 12 sitanbar ko shukra ka pu.fa. nakshatra men pravesh kar ashvini nakshatra ko vedhna bhi ghi ke bajar ko manda hi rakhega.
13 sitanbar ko surya ka u. fa nakshatra men akar punarvasu, u. a. aur revti nakshatron ko vedhna ghi men badlav arthat teji ka vatavaran utpann karega. telon ko yah yog teji men hi rakhega. 14 sitanbar ko mangal ka hast nakshatra men pravesh kar u. bha. nakshatra ko vedhna ghi ke bajar men teji ko aur barhaega. 15 sitanbar ko budh ka bhi hast nakshatra men akar ubhadrapad nakshatra ko vedhna telon ke bajar men teji ko aur barhaega.
17 sitanbar ko surya ka kanya rashi men pravesh kar mangal, budh aur ketu ke sath rashi sanbandh banana telon v ghi ki chal rahi teji ki lahar men vriddhi karega. isi din budh ka uday hona bhi purva yog men vriddhi ka sanket deta hai. 22 sitanbar ko shukra ka u. fa. nakshatra men akar revti nakshatra ko vedhna ghi men thora bahut manda utpann karega. 23 sitanbar ko budh ka chitra nakshatra men ana aur u. bha. nakshatra ko vedhna ghi ki teji ko banae rakhega. isi din shani ka ashlesha nakshatra ke chaithe charan men ana telon ki teji ko aur age le jaega.
25 sitanbar ko shukra ke kanya rashi men pravesh kar surya, mangal, budh v ketu ke sath rashi sanbandh banane tatha shani se bhi drishtit hone ke karan telon men teji ki lahar aur barhegi. kintu yah yog ghi ke bajar men mande ka suchak hai. 27 sitanbar ko surya ka hast nakshatra men pravesh kar adrra, pu. a. aur u. anakshatron ko vedh men lena telon men mande ki lahar ka sanket deta hai.
isi din budh ka guru ke sath tula rashi men rashi sanbandh banana ghi ko bhi mande ki or le jaega. uparyukt faladesh puri tarah grah sthiti par adharit hai. pathkon ka behatar margadarshan hi iska mukhya uddeshya hai. koi nirnay lene se pahle niveshak ko un anya sanbhavit karnon par bhi dhyan dena chahie, jo bajar ko prabhavit karte hain.
kripya yad rakhen ki vyapari ki satte ki pravritti aur nirnay lene ki shakti men kami tatha bhagyahinta ke karan hone vale nuksan ke lie lekhak, sanpadak evan prakashak jimmevar nahin hain.