mai mas men gochar grah parivartanah is mas men grahon ka rashi parivartan is prakar hoga. surya 15 mai ko pratah 3 bajakar 10 minat par vrish rashi men pravesh karega. mangal grah 24 mai ko ratri 10 bajakar 28 minat par kark rashi men pravesh karega. budh grah 2 mai ko pratah 6 bajakar 22 minat par mesh rashi men pravesh karega, 7 mai ko pratah 10 bajakar 03 minat par ast hoga, 17 mai ko pratah 7 bajakar 48 minat par vrish rashi men pravesh karega, 30 mai ko pratah 4 bajakar 42 minat par uday hoga tatha 31 mai ko pratah 11 bajakar 19 minat par mithun rashi men pravesh kar jaega.
shukra grah 24 mai ko dopahar 1 bajakar 17 minat par mesh rashi men pravesh karega. shesh grah guru, shani, rahu, ketu, pluto, nepchyun aur yurenas ki sthiti purvavat hi rahegi. gochar fal vichar: masaranbh vale din arthat 1 mai ko somvar hai aur is mas men panch somvar aenge. fal ati uttam hai. jan manas ke lie aur desh ki sukh-samriddhi v dhan-dhanya ke lie vriddhikarak hai. shaskon tatha am janta men apsi sahyog men suvriddhi karta hai.
somasya panchmvarastu yatra mase bhavantihi.
dhan-dhanya samriddhiah syat sukhan bhavti sarvada..’’ lekin sath hi panch manglvaron ka bhi ana uprokt sab falon men badha dalta hai. kahin yuddhabhay se janmanas men ashanti ka karak hai aur kahin prakritik prakopon se jan-dhan ki hani karta hai. ashantipriya logon ko ashanti failane men apna ugra rup dharan karne ki prerna deta hai.
”yatra mase mahisunon jayante panch vasraah. rakten purita prithvi chatra bhangastada..“ is mas men panch budhvaron ka bhi a jana subhiksh ka sanchalan aur sukh-sumriddhidayak hai. vidvatavarg ke logon ko age lakar samaj men vidvatapurn karya karvata hai. ”budhasya panchvarashch jayante ch nirantaram. prajanan sukh matyant subhikshan ch prajayte..“ masaranbh se hi min rashi par shukra evan rahu ka rashi sanbandh tatha inka guru se shadashtak yog prakritik apdaon se jan-dhan ka hanikarak hai, hinsapriya logon ko hinsatmak karyon ke lie utsahit karta hai. ishan kon men basne vale desh v pradeshon men shaskon ke lie sangharsh karne ko vivash karta hai.
15 mai ko surya ka vrish rashi par akar shani se triekadash yog v guru se shadashtak yog men ana bhi khari faslon ke lie hanikarak hai. yah yog desh ke prashaskon men bhi uthlputhal karta hai. 24 mai ko mangal ka kark rashi men akar shani se rashi sanbandh banana tatha isidin shukra ka mesh rashi men akar inse kendra men a jana v shani dvara drishtit hona mahatvapurn hastiyon ke lie pareshani banaega. yah yog desh ki sarhdon par punah yuddhamay badlon ki kali ghataon ki garjana karta hai
sona v chandi: masaranbh men 1 mai ko shukra ka u.bha. nakshatra men akar sarvatobhadra chakra men hast nakshatra ko vedhna chandi men manda hi darshata hai. 2 mai ko budh ka mesh rashi men pravesh kar surya ke sath rashi sanbandh banana tatha budh ka hi ashvini nakshatra men atichari avastha men pravesh kar rohini nakshatra ko vedhna chandi men to mande ka karak hai lekin surya par guru ki drishti sone ko aur teji ki lahar men le jaegi.
4 mai ko vakri gati ke guru ka punah svati nakshatra men pravesh karna tatha dahini drishti se rohini nakshatra ko vedhna sone ki teji ke rukh ko aur barhava dega. 7 mai ko mangal ka punarvasu nakshatra men pravesh kar mul nakshatra ko vedh karna tatha isidin atishighragami budh ka ast hona chandi ke bajar men punah teji ka vatavaran paida karega, sone ke bajar men utar-charhav karta hua teji ke mahaul men hi rakhega.
9 mai ko atichari budh ka bharni nakshatra men akar krittika nakshatra ko vedh men lena sone v chandi ki teji men aur barhava deta hai. 11 mai ko surya ka krittika men pravesh hona tatha bharni, vishakha v shravan ko vedhna bhi bajar men teji ka hi karak hai.
12 mai ko shukra ka revti nakshatra men pravesh kar uttarafalguni nakshatra ko vedh karna chandi men punah manda hi banaega. 15 mai ko surya ka vrish rashi men pravesh karna v isidin atichari avastha ke budh ka krittika nakshatra men ana chandi men chal rahe mande ko aur barhava dene vala hai. 17 mai ko budh ka vrish rashi men akar surya se rashi sanbandh banana bajar mane thora badlav lane ki kshamata rakhta hai lekin utar-charhav bhi banae rakhega
21 mai ko budh rohini nakshatra men pravesh kar svati nakshatra aur is par sthit guru grah ko bhi vedhega jo sone v chandi ke bajar men badlav lakar teji ka yog banaega. 24 mai ko shukra ka ashvini nakshatra men pravesh kar u.fa. nakshatra ko vedh men lena tatha is par guru v shani ki drishti ka hona, yah yog bajar men halachal to adhik rakhta hai lekin manda hi banae rakhega. isidin mangal ka bhi shani ke sath rashi sanbandh banana bajar ko dotrfa bhi chala sakta hai, bajar par rajnaitik ankush ka bhi prabhav rahega, atah vyapari varg bajar ki vartaman sthiti ko vishesh dhyan men rakhen. 25 mai ko surya ka rohini nakshatra par pravesh bhi chandi men mande ka karak hai.
26 mai ko budh ka mrigshira nakshatra men pravesh bhi manda hi darshata hai. 29 mai ko budh ka uday hona tatha madhyagti men ana sone v chandi men punah badlav dekar teji ke rukh men le jaega. 30 mai ko mangal ka pushya nakshatra men pravesh tatha jyeshtha nakshatra ko vedhna sone men teji ka karak hai. gur v khand: masaranbh men 1 mai ko shukra ka uttarabhadrapad nakshatra men pravesh kar hast nakshatra ko vedhna khand men mande ka yog banata hai.
2 mai ko atichari avastha ke budh ka ashvini nakshatra tatha mesh rashi men pravesh kar rohini nakshatra ko vedh men lena tatha is par guru v shani ki drishti ka rahna khand men mande ka hi yog banaega lekin gur men teji banne ka yog hai. 4 mai ko vakri gati ke guru ka svati nakshatra men punah pravesh kar rohini nakshatra ko vedh men lena khand men aur bhi manda banaega. gur men badlav dekar mande ki lahar men le jaega.
7 mai ko mangal ka punarvasu nakshatra men pravesh kar mul nakshatra ko vedh men lena tatha isidin budh ka atichari avastha men ast ho jana khand men chal rahe mande ki lahar ko badlav dekar punah teji ke rujhan men le jaega. gur men bhi isi prakar teji hi darshata hai.
9 mai ko atichari avastha ka budh bharni nakshatra men pravesh kar krittika nakshatra ko vedh men lega, yah yog bajar men teji hi banae rakhta hai.
11 mai ko surya ka krittika nakshatra men pravesh kar bharni, vishakha v shravan ko vedh karna bajaron ko punah mande ke rujhan men le jaega.
15 mai ko budh ka atichari avastha men chalte hue krittika nakshatra men pravesh tatha isi din surya ka vrish rashi men ana bajaron men teji ka hi yog banaega.
17 mai ko budh grah surya ke sath vrish rashi men sanbandh banaega. yah yog bhi bajar ko teji ke rukh men rakhega.
21 mai ko budh ka atichari avastha men rohini nakshatra men pravesh tatha svati nakshatra v guru grah ko vedh men lena bajaron ki chal rahi teji ko aur barhava deta hai.
24 mai ko shukra ka ashvini nakshatra men pravesh kar pufa. nakshatra ko vedh men lena tatha is par shani v vakri guru ki drishti bhi rahna bajar men mande ka vatavaran paida karega. isidin mangal ka kark rashi men shani ke sath rashi sanbandh banana v sarkari kanun bhi bajar ko prabhavit karenge.
25 mai ko surya ka rohini nakshatra men pravesh karna bajar men teji ki lahar banata hai.
26 mai ka e budh ka mrigshira nakshatra men pravesh hona tatha chitra nakshatra ko vedhna khand men mande ka rukh banaega.
29 mai ko budh ka uday hona tatha madhya gati men ana bajar men mande ka hi suchak hai.
30 mai ko mangal ka pushya nakshatra men pravesh kar jyeshtha nakshatra ko vedhna gur men teji hi banane ka karya karta hai.
av dalvan: masaranbh men 1 mai ko shukra ka uttarabhadrapad nakshatra men pravesh kar hast nakshatra ko vedh men lena gehun, chaval ityadi anajvan ke bajar men mande ka yog banata hai.
2 mai ko atichari gati men chalta hua budh mesh rashi v ashvini nakshatra men pravesh kar rohini ko vedh karta hai, yah yog anajvanon men teji ka hi rujhan rakhega. budh par guru v shani ki drishti ka hona mung, mauth ityadi dalvanon men bhi teji lane ka yog banaega.
4 mai ko vakri gati ke guru ka punah svati nakshatra men pravesh kar rohini nakshatra ko vedhna anajon men aur bhi manda banaega tatha dalvan ke bajar men utar-charhav ka vatavaran rakhega.
7 mai ko mangal ka punarvasu nakshatra men pravesh kar mul nakshatra ko vedh men lena gehun, jau, chana, jvar ityadi anajon ke bajar men teji ka hi karak hai. isidin budh ka ast hona dalvan men kuch mande ka rujhan banaega.
9 mai ko budh ka atichari avastha men bharni nakshatra men ana tatha krittika nakshatra ko vedhna bajaron men tejidayak hai.
11 mai ko surya ka kritika nakshatra men pravesh kar bharni, vishakha tatha shravan nakshatra ko vedh men lena anaj v dalvanon men teji hi chalaega.
12 mai ko shukra ka revti nakshatra men pravesh kar u.fa. nakshatra ko vedh karna anajon men mande ka karak hai.
15 mai ko surya ka vrish rashi men pravesh tatha budh ka kritika men pravesh kar vishakha nakshatra ko vedh men lena yah yog jau, chana ityadi anajon tatha mung, mauth, arahar ityadi dalvan men manda banane ka suchak hai.
17 mai ko budh ka surya ke sath rashi sanbandh ban raha hai. yah yog bhi anajon ko teji men rakhta hai.
21 mai ko atichari avastha ke budh ka rohini nakshatra men pravesh kar svati nakshatra ko vedhna dalvan men punah manda lane ka yog banaega.
24 mai ko shukra ka mesh rashi tatha ashvini nakshatra men pravesh kar purvafalguni nakshatra ko vedhna bajaron men mande ka vatavaran paida karega. mausam evan kuch rajnaitik hastakshep bhi bajaron ko prabhavit karenge.
25 mai ko surya ka rohini nakshatra men pravesh anajvan men teji ka hi yog banata hai.
26 mai ko budh ka mrigshira nakshatra men pravesh kar chitra nakshatra ko vedhna anaj v dalvan ke bajaron men badlav lane ki lahar banaega.
29 mai ko budh ka uday hona tatha apni atichari avastha ko tyagna anaj v dalvan men mande ka hi vatavaran banata hai.
ghi v telvan: masaranbh men 1 mai ko shukra ka uttarabhadrapad nakshatra men pravesh kar hast nakshatra ko vedh men lena ghi ke bajar men mande ka yog banaega.
2 mai ko budh ka mesh rashi v ashvini nakshatra men pravesh kar rohini nakshatra ko vedhna tatha surya ke sath rashi sanbandh banana telon ke bajar men teji ki lahar chalata hai.
4 mai ko vakri gati ke guru ka punah svati nakshatra men pravesh hona tatha rohini nakshatra ko vedh men lena telon ke bajar men badlav lakar mande ki lahar men le jata hai. yah yog ghi men bhi manda hi chalaega.
7 mai ko budh ka ast hona ghi men to manda karta hai lekin isidin mangal ka punarvasu nakshatra men pravesh hokar mul ko vedhna telon men teji ka yog banaega.
9 mai ko budh bharni nakshatra men akar krittika nakshatra ko vedhega. yah yog bajar ke chal rahe purva rukh ko aur barhava dega.
11 mai ko surya ka krittika nakshatra men akar bharni, vishakha v shravan nakshatra ko vedh men lena ghi ke bajar ke chal rahe mande ke rukh ko badlav dekar teji ke rujhan men le jaega. telvan men bhi teji ka karak hai.
12 mai ko shukra ka revti nakshatra men pravesh hokar ufa. nakshatra ko vedhna bhi teji ko aur barhava deta hai.
15 mai ko budh ka krittika nakshatra men akar vishakha nakshatra ko vedhna telon men teji ka hi karak hai. isidin surya ka vrish rashi men ana ghi ke bajar men teji hi banaega.
17 mai ko budh ka rohini nakshatra men pravesh kar svati nakshatra v guru grah ko vedhna tatha surya ke sath rashi sanbandh banana ghi v telon men chal rahi purva teji ko aur barhaega.
21 mai ko atichari avastha ka budh rohini nakshatra men pravesh kar pufa. nakshatra ko vedhega. yah yog bhi tel v ghi ke bajar men teji hi chalata hai.
24 mai ko shukra ka ashvini nakshatra men pravesh kar pu.fa. nakshatra ko vedhna tatha guru se drishtit hona, isidin mangal ka shani ke sath sanbandh banana, yah yog tel v ghi ke bajar men badlav lane ki kshamata rakhta hai arthat bajar ki teji ki lahar ko mande ki taraf le jaega.
25 mai ko surya ka rohini nakshatra men pravesh telon v ghi men kuch tejidayak hai.
26 mai ko mrigshira nakshatra men budh ka pravesh hokar chitra nakshatra ko vedhna tel v ghi men mande ka yog banae rakhega.
29 mai ko budh grah uday hoga, yah yog bhi tel men teji tatha ghi men purvavat mande ko banae rakhna darsha raha hai.