aprail mas men gochar grah parivartanah is mas men grahon ka rashi parivartan is prakar hoga. surya grah 14 aprail ko pratah 6 bajakar 18 minat par mesh rashi men pravesh karega. mangal grah 3 aprail ko sham 4 bajakar 40 minat par mithun rashi men pravesh karega. budh grah 11 aprail ko sham 5 bajakar 17 minat par min rashi men pravesh karega. shukra grah 28 aprail ko pratah 6 bajakar 42 minat par min rashi men pravesh karega. shani grah 5 aprail ko sham 7 bajakar 05 minat par vakri gati ko tyag kar margi gati men aega.
shesh grah guru, rahu, ketu, pluto, nepchyun aur yurenas ki sthiti purvavat hi rahegi. gochar fal vichar: masaranbh vale din 1 aprail ko shanivar hai aur is mas men panch shanivar aenge, falasvarup ashubhta ka hi pratik hai. dainik upyogi vastuon men atyadhik manhgai ko barhava deta hai jis karan jansadharan men rosh ki bhavna jagrit hoti hai. kahin agnikand, bhu-skhalan ityadi prakritik prakopon se jan-dhan ko nasht karne ka sanket deta hai. yah adhikatar purvottar deshon v rajyon ke lie adhik kashtaprad hota hai.
‘‘shanivara yada panch patale kampatefniah. ishandesh bhangashch vahni dahomahardhata..’’ sath hi is mas men panch ravivaron ka bhi ana rajnaitik matbhedon, vaimanasya tatha kahin rajnaitik parivartan bhi hone ka yog banata hai, kahi durbhiksh ya prakritik prakop se hanikarak bhi hota hai. ‘‘yatramase ravivaraah jayante panch satatam. durbhikshan chatrabhang syat daste ch mahadbhayam..’’ is mas ke aranbh se purva vikari namak sanvat ka pravesh ho raha hai jo am janta men pitt, rakt rog ityadi rogon se duahkh deta hai.
rajshaskon men paraspar virodh ki bhavna adhik jagrit karta hai. hinsak ghatnaon men vriddhi hogi. sath hi is navavarsh ka raja, guru tatha mantri ka pad shukra ka hone se yah bharat ki pragti tatha naye-naye avishkaron men vriddhi hone ka bhi yog banata hai. 14 aprail ko surya grah mesh rashi men pravesh karega aur guru v shani donon grahon se drisht hoga. yah yog desh men rajnaitik utar-charhav adhik banaega. rajnaitik log ek-dusre par adhik lanchan lagane par tulenge. kahin yah yog rajnaitik parivartan ka bhi yog bana sakta hai.
surya par shani ki drishti bhu-skhalan ya agnikand ityadi durghatanaon ko adhik karti hai. sona v chandi: masaranbh ka 1 aprail ko shanivar tatha kshay tithi men aranbh hona sone ke bajar men teji ka suchak hai lekin isse purva budh aur shukra ka kunbh rashi men milap hona chandi ke bajar men manda hi darshata hai. 3 aprail ko mangal mithun rashi men pravesh karega aur brihaspati se drisht hoga. yah yog sone ki teji ko aur bhi barhava deta hai.
5 aprail ko shani ka margi gati men ana tatha pushya nakshatra par sthit hokar jyeshtha nakshatra ko vedh men lena bhi sone men chal rahi teji ko purvavat hi rakhta hai. 6 aprail ko guru ka vakri gati ki chal chalte hue vishakha nakshatra ke pratham charan men punah pravesh karna, yah yog bajar men kuch badlav arthat mande ka rujhan banaega. isi din ketu ka uttarafalgun nakshatra men pravesh hokar punarvasu, u.sha. v revti nakshatra ko vedh men lena bajar men utar-charhav adhik karega. isidin shukra ka shatbhisha nakshatra men pravesh kar svati nakshatra ko vedh men lena chandi men teji ka vatavaran banae rakhega.
11 aprail ko budh grah min rashi men pravesh kar surya v rahu ke sath rashi sanbandh banaega. yah yog bajar ki purva chal rahi teji ko aur bhi barhava deta hai lekin chandi men adhik utar-charhav rakhega. 14 aprail ko surya ka mesh rashi men pravesh kar shani v guru se drisht hona aur vaishakh ki sankranti ka 30 muhurti hona bhi teji ka karak hai. 15 aprail ko mangal ka adrra nakshatra men pravesh kar purvasharh nakshatra ko vedh men lena bhi sone v chandi men teji ka karak hai.
19 aprail ko shukra ka purvabhadrapad nakshatra par pravesh kar chitra nakshatra ko vedh men lena bajaron men kuch badlav laega arthat mande ka rukh apnaega. 24 aprail ko budh ka revti nakshatra men pravesh kar u.fa. nakshatra ko vedh men lena bhi chandi men aur manda laega. yah yog sone ko purvavat hi rakhta hai. 27 aprail ko surya ka bharni nakshatra men pravesh hona tatha magha nakshatra ko vedh men lena sone v chandi men teji ka hi suchak hai. 28 aprail ko shukra ka min rashi men pravesh hokar rahu ke sath rashi sanbandh banana bajar ko do tarfa le ja sakta hai.
vyapari varg bajar ki vartaman sthiti ko vishesh dhyan men rakhen. gur v khand: masaranbh men 1 aprail ko shanivar aur kshay tithi ka hona gur v khand ke bajar men teji ka hi sanket deta hai. 3 aprail ko mangal ka mithun rashi men pravesh hona gur men to teji hi chalata hai lekin guru dvara drishtit hone se khand men mande ki taraf sanket karta hai. 5 aprail ko shani grah margi gati men aega. yah yog bajaron men kuch badlav de sakta hai.
6 aprail ko vakri gati ke guru ka vishakha nakshatra ke pratham charan men punah pravesh karna gur ke bajar men punah mande ka rujhan banaega. isidin ketu ka ufa. nakshatra men akar punarvasu, u.sha. v revti nakshatron ke vedh men lena bajar men utar-charhav ki prakriya adhik karega. isidin shukra ka bhi shatbhisha nakshatra men akar svati nakshatra ko vedh men lena khand men manda hi banata hai. 11 aprail ko budh ka min rashi men pravesh kar rahu ke sath rashi sanbandh banana punah bajar men badlav lakar teji ke rukh men le jane vala yog hai.
14 aprail ko surya ka mesh rashi men pravesh kar shani dvara drisht hona bhi teji ka suchak hai. isidin mesh ki sankranti ka 30 muhurti hona bhi teji hi darshata hai. 15 aprail ko mangal ka adrra nakshatra men pravesh kar purvasharh nakshatra ko vedh men lena gur v khand men teji ki lahar banae rakhega. 19 aprail ko shukra purvabhadrapad nakshatra men pravesh kar chitra nakshatra ko vedh men lega. yah yog gur v khand men punah mande ka rujhan banaega.
24 aprail ko pratah budh ka revti nakshatra men ana tatha u.fa. nakshatra ko vedh men lena yah yog bajar men mande ke vatavaran men aur barhava dega. 27 aprail ko bharni nakshatra men surya ka pravesh karna tatha krittika, magha v anuradha nakshatron ko vedh karna yah yog gur v khand ke bajar men badlav dekar punah teji ke mahaul men le jaega.
28 aprail ko shukra ka min rashi men akar rahu v budh ke sath rashi sanbandh banana gur v khand ke bajar men utar-charhav adhik karta hua mande ki lahar men le jaega. anaj v dalvan: masaranbh men 1 aprail ko shanivar tatha kshay tithi ka hona gehun, jau, chana, jvar, bajra ityadi anajon tatha mung, mauth, urad, arahar ityadi dalvan ke bajar men mande ka karak hai.
3 aprail ko mangal ka mithun rashi men pravesh karna anajon men teji ka hi suchak hai tatha guru se bhi drishtit hona dalvanon men mande ka rujhan banata hai. 5 aprail ko shani ka margi gati men ana anajon tatha dalvanon men parivartan laega arthat bajar ko mande ke rukh men hi chalaega.
6 aprail ko guru ka vakri gati men chalte hue punah vishakha nakshatra ke pratham charan men a jana bajar men mande ka suchak hai. isidin ketu ka uttarafalgun nakshatra men pravesh hokar punarvasu, u.sha. v revti nakshatron ko vedh men lena anaj v dalvan ke bajar men asthirta adhik paida karega. isidin shukra ka bhi shatbhisha nakshatra men pravesh kar svati nakshatra ko vedh men lena anaj tatha kariyane ki vastuon men mande ka rukh paida karega.
11 aprail ko budh ka min rashi men pravesh kar rahu ke sath sanbandh banana bajar men utar-charhav adhik karta hua ant men mande ka hi vatavaran banaega. 14 aprail ko surya ka mesh rashi men pravesh hokar shani se drishtit hona tatha mesh sankranti ka 30 muhurti men ana bajar men asthirta ke sath-sath teji ki lahar ka mahaul banaega.
15 aprail ko mangal ka adrra nakshatra men pravesh hokar pu.sha. nakshatra ko vedh men lena gehun ityadi anajon men teji ka yog banaega lekin dalvan ke bajar men mande ka hi rukh banae rakhega. 19 aprail ko shukra ka pu.bha. nakshatra men pravesh kar chitra nakshatra ko vedh men lena dalvan men mande ka hi yog banaega. 24 aprail ko budh ka revti nakshatra men ana tatha u.fa. nakshatra ko vedh men lena mung, mauth ityadi dalvanon men utar-charhav adhik karta hua mande ka hi yog banaega, lekin anajon men punah teji ki lahar chalaega.
27 aprail ko surya ka bharni nakshatra men akar krittika, magha v anuradha nakshatra ko vedhna anaj v dalvanon men teji ka rujhan banaega. 28 aprail ko shukra ka min rashi men akar budh v rahu ke sath rashi sanbandh banana, yah yog gehun ityadi anajon tatha dalvan ko teji ki lahar men le jaega. ghi v telvan: masaranbh men 1 aprail ko shanivar tatha kshay tithi ka hona tel, telvan tatha ghi ke bajar men teji hi darshata hai.
3 aprail ko mangal ka mithun rashi men pravesh hona telon ke bajar men to teji ka suchak hai lekin ghi ke bajar men mande ka vatavaran paida karega. 5 aprail ko shani ka margi gati men ana tel, telvan v ghi men badlav lane ki kshamata vala hai lekin yah yog shani ke kark men hone se madhyam gati se chalega. 6 aprail ko guru ka vishakha nakshatra ke pratham charan men pravesh hona bhi ghi ke bajar men mande ka rukh banaega. isidin shukra ka shatbhisha nakshatra men pravesh hokar svati nakshatra ko vedh men lena bhi tel v ghi ke bajar men mande ka vatavaran banata hai.
11 aprail ko budh ka min rashi men pravesh hokar rahu ke sath rashi sanbandh banana bajar men asthirta adhik banaega. 14 aprail ko surya ka mesh rashi men pravesh kar shani v guru dvara drishtit hona telvan ke bajar men asthirta ke sath-sath bajar ko teji ki lahar men le jaega. 15 aprail ko mangal ka adrra nakshatra men pravesh hokar pu.sha. nakshatra ko vedh men lena ghi ke bajar men kuch badlav lakar teji ke vatavaran men le jaega.
19 aprail ko shukra ka pu.bha. nakshatra men pravesh kar chitra nakshatra ko vedh men lena bhi ghi ke bajar men manda hi chalata hai. 27 aprail ko surya ka bharni nakshatra men akar krittika, magha v anuradha ko vedh men lena tel ke bajar men punah badlav deta hai, bajar ko teji ke rujhan men le jaega. 28 aprail ko shukra ka min rashi men akar rahu v budh ke sath rashi sanbandh banana telvan padartho ki teji ko aur bhi barhava deta hai.