march mas men gochar grah parivartanah is mas men grahon ka rashi parivartan is prakar hoga: surya grah 14 march ko ratri 9 bajakar 50 minat par min rashi men pravesh karega. budh grah 3 march ko pratah 2 baje vakri gati men aega aur 4 march ko dopahar 4 bajakar 25 minat par ast hoga tatha vakri gati ki chal chalte hue 9 march ko dopahar ke 1 bajakar 19 minat par kanubh rashi men pravesh karega evan 19 march ko pratah 7 baje uday hoga, 25 march ko sham ke 7 bajakar 15 minat par margi gati men a jaega.
guru grah 4 march ko ratri 11 bajakar 18 minat par vakri gati men aega. pluto grah 29 march ki sham 6 bajakar 30 minat par vakri gati men aega. shesh grah mangal, shukra, shani, rahu, ketu, yurenas v nepchyun ki sthiti purvavat hi rahegi. gochar fal vichar: masaranbh vale din arthat 1 march ko budhvar hai aur is mas men panch budhvar aenge. falasvarup janta janardan ke lie sukh, samriddhi, subhiksh tatha dhan-dhanya men vriddhi karak samay hai.
yah mas buddhijiviyon ki pratishtha ko aur bhi barhava dega. chal rahe bauddhik karyon men vishesh unnati hogi. nae avishkaron aur anusandhanon men bhi uchchakoti ki saflta prapt hogi. antarrashtriya vyaparik sthitiyon men bhi sudhar aega. budhasya panchvarashchejjayte ch nirantaram. prajanan, sukh matyantan, subhikshan ch prajayte.’’ sath hi is mas men panch guruvaron ka bhi ana pashchimi rashtron ke lie kashtadayak hai. yah vahan rog aur shok ko punah prajjvalit karta hai.
in deshon men antrik kalah aur vidhvanskari karyon se janmanas ko piradayak hai. yatra mase panchvaraah jayte ch brihaspati. vigrah pashchime deshe khadg yuddhan ch jayte.’’ sath hi is mas men panch shukravar bhi aenge jo sukhdayak, sukh-sadhnon v bhog vilas ke karyon men vriddhi karte hain. yah yog am janta ko vilasamay jivan ki taraf akarshit karta hai tatha nari jati ke prabhutva ko aur barhava deta hai.
masaranbh men 3 march ko budh ka aur 4 march ko guru grah ka vakri gati men ana dainik upyogi vastuon men atyadhik manhgai lata hai tatha desh men kahin vishesh durghatana ityadi se jan, dhan ka nuksan karta hai. is mas k purva hi shani grah ka vakri gati men hona rog, shok tatha hinsak tatvon ki vriddhi lata hai. 14 march ko surya ka min rashi men akar rahu se rashi sanbandh banana rajnaitik uthl-puthal karta hai, kahin satta parivartan ka bhi yog banata hai.
is mas men min ki sankranati ka manglvar, purnima ke din ana, yah yog dainik jivan ki upyogi vastuon men atyadhik manhgai hone se janta ko sangharsh karne par majbur karta hai. vakri gati ke shani se surya, rahu ka navpancham yog men ana prakritik prakopon se bhi jan-dhan ka nuksan karega. 25 march ko budh ka margi gati men ana, 29 march ko pluto grah ka vakri gati men ana tatha isi din surya grahan bharat men drishya hona desh men rajnaitik samasyaon ko aur bhi barhava deta hai, parausi deshon se chal rahe shanti ke prayason men vishesh arachan ka yog banata hai.
sona evan chandi: masaranbh ke din arthat 1 march ko budhvar ke din dvitiya tithi ko chandra darshan 45 muhurti men hona sone v chandi men manda hi darshata hai. 3 march ko budh ka vakri gati men jana chandi men thori bahut teji to laega lekin sone ke bajar ko purva sthiti men hi rakhega. 4 march ko surya ka purvabhadrapad men pravesh kar uttarasharh, punarvasu v chitra nakshatron ko sarvatobhadra men vedh karna, yah yog sone v chandi ke bajar men teji ka karak hai. isi din budh grah ka ast ho jana tatha guru grah ka vakri gati men akar krittika nakshatra ko vedh men lena, yah yog chandi men adhik teji ka karak hai.
9 march ko budh ka vakri gati men kunbh rashi men pravesh kar surya ke sath punah rashisanbandh banana bhi chandi men teji ka karak hi rahega. 10 march ko shukra ka shravan nakshatra men pravesh kar krittika nakshatra ko sammukh vedh men lena chandi ke bajar men kuch badlav laega arthat bajar men mande ka vatavaran banaega. 14 march ko surya ka min rashi men pravesh kar rahu ke sath rashi sanbandh banana tatha manglvar ke din sankranti ka 45 muhurti hona sone men to teji ka karak hai lekin chandi ke bajar ko purvavat hi mande ke rujhan men rakhega.
18 march ko surya ka uttarabhadrapad nakshatra men pravesh kar adrra, hast aur purvasharh nakshatron ko vedh men lena bhi chandi men manda hi chalata hai. 19 march ko budh grah uday hoga. kyonki budh vakri gati men hai islie bajar men badlav dega arthat chandi men kuch teji aur sone men kuch mande ka yog banaega. 21 march ko budh ka shatbhisha nakshatra men punah pravesh hona tatha abhijit nakshatra ko fir vedhna chandi ke bajar ki teji ka e aur barhava dega. 22 march ko mangal ka mrigshira nakshatra men pravesh kar uttarasharh nakshatra ko vedh men lena bhi chandi men punah teji ka hi yog banata hai.
24 march ko shukra ka dhanishtha nakshatra men ana tatha vishakha nakshatra sthit guru ko vedhna sone men teji ka rujhan banaega. 25 march ko budh ka margi gati men ana, yah yog bajar men chal rahi lahar ko aur age dhakelega. 29 march ko budh ka purvabhadrapad nakshatra men pravesh bajar men kuch mande ka rukh banaega. isidin surya grahan aur pluto ka vakri gati men ana bhi bajar men asthirta lekin mande ka vatavaran banae rakhega.
gur v khand: masaranbh men 1 march ko budhvar ke din dvitiya tithi men chandra darshan hona gur v khand ke bajar men mande ka hi karak hai. 3 march ko budh ka vakri gati men ana gur v khand ko teji ke vatavaran men le jaega. 4 march ko surya dvara purvabhadrapad nakshatra men akar punarvasu, chitra, uttarasharh nakshatron ko vedh men lena bhi bajaron men teji ka hi karak hai. isidin guru grah ka bhi vakri gati men ana gur ko teji ki lahar men le jata hai. 5 march ko budh ke ast hone par bajar men kuch thahrav aega.
9 march ko vakri gati ke budh ka kunbh rashi men akar surya ke sath rashi sanbandh banana, yah yog gur v khand mane utar-charhav adhik karta hua bajar men mande ka hi vatavaran rakhega, fir bhi vyapari bajar ki sthiti ko vishesh dhyan men rakhen. 10 march ko shukra ka shravan nakshatra men pravesh kar krittika nakshatra ko vedh men lena khand ke bajar men manda hi banata hai. 14 march ko surya ka min rashi men akar rahu ke sath rashi sanbandh banana tatha min ki sankranti manglvar ko 45 muhurti hona, yah yog gur v khand ko teji ke rujhan men lekar jata hai. 18 march ko surya ka uttarabhadrapad nakshatra men akar adrra, hast v purvasharh nakshatron ko vedh men lena, yah yog gur v khand men teji hi lata hai.
19 march ko budh ka vakri gati men uday hona bajar men kuch badlav la sakta hai, fir bhi vyapari vartaman sthiti ko dhyan men adhik rakhen. 21 march ko budh ka punah shatbhisha nakshatra men ana bajar ke chal rahe vatavaran ko aur barhava dega. 22 march ko mangal ka mrigshira nakshatra men pravesh kar uttarasharh nakshatra ko vedhna bajar ki vartaman sthiti men badlav jarur dega. 24 march ko shukra ka dhanishtha men pravesh kar vishakha nakshatra sthit guru grah ko vedhna khand v gur ke bajar ko mande ki lahar men le jaega.
25 march ko budh ka margi gati men ana bhi bajar men kuch teji lakar fir mande ke rujhan men le jata hai. 29 march ko budh ka purvabhadrapad nakshatra men pravesh karna bhi bajar ki chal rahi lahar ko age barhata hai lekin isi din grahan ka drishya hona bajar men sthirta ke sath badlav bhi de sakta hai. atah vartaman sthiti ko vishesh dhyan men rakhen. anaj v dalvan: masaranbh vale din 1 march ko budhvar ko chandra darshan ka hona anajon v dalvan ke bajar men teji ka suchak hai.
3 march ko budh ka vakri gati men ana gehun, jau, chana, jvar, bajra ityadi anajon ko teji ki hi taraf le jaega, dalvan men sthiti purvavat hi rakhega. 4 march ko surya ka purvabhadrapad nakshatra par akar punarvasu, chitra v uttarasharh nakshatron ko vedh men lena tatha isi din budh ka ast hona v guru grah ka vakri gati men ana, sabhi yog gehun ityadi anajon men badlav dekar mande ki taraf le jane vale hanai, dalvan men bhi mande ka hi rujhan banaenge. 9 march ko budh ka vakri gati men punah kunbh rashi men pravesh kar surya ke sath rashi sanbandh banana, yah yog dalon men to kuch teji ka vatavaran banaega lekin anajon ki sthiti ko purvavat hi chalaega.
10 march ko shukra ka shravan nakshatra men akar krittika nakshatra ko vedh men lena mung, urad, mauth, arahar, masur ityadi dalvan men mande ki lahar chalaega. 14 march ko surya ka min rashi men akar rahu ke sath rashi sanbandh banana tatha isi din min ki sankranti ka 45 muhurti manglvar ke din hona, yah yog bhi anajon ke bajar men teji hi darshata hai. dalvan ko bhi purvavat teji ke rukh men hi rakhega. 18 march ko surya ka uttarabhadrapad nakshatra men akar adrra, hast aur purvasharh nakshatra ko vedh men lena, anajon men aur teji darshata hai. 19 march ko budh ka uday hona bajar men badlav laega arthat anajon men teji ke rukh ko mande ke mahaul men le jaega.
21 march ko budh ka shatbhisha nakshatra men pravesh kar shani sthit pushya nakshatra ko vedhna urad ityadi dalvanon men mande ka vatavaran banaega. 22 march ko mangal ka mrigshira nakshatra men pravesh kar chitra ko vedh men lena, yah yog anajon men to teji ka suchak hai par dalvan men manda hi banata hai. 24 march ko shukra ka dhanishtha nakshatra men akar vishakha nakshatra sthit guru ko vedhna mung, mauth, urad ityadi dalon tatha gehun, jau, chana ityadi anajon ko punah teji ke rujhan men le jaega.
25 march ko budh ka margi hona bhi donon bajaron men teji hi rakhta hai. 29 march ko budh ke purvabhadrapad nakshatra men ane par anajon ke bajar men purvavat mande ki lahar aegi. isidin surya grahan ka prabhav bhi dalvan v anajon men manda hi darshata hai. tel v ghi: masaranbh men 1 march ko chandradarshan ka hona telon tatha ghi ke bajar men teji ka hi rukh darshata hai. 2 march ko budh ka vakri gati men ana, yah yog bhi telvan v telon ke bajar men teji ka hi yog banae rakhega. 4 march ko surya ka purvabhadrapad nakshatra par akar punarvasu, chitra v uttarasharh nakshatron ko vedh men lena, yah yog tel tatha ghi ke bajar men purva chal rahi teji ke vatavaran ko aur barhava dega.
9 march ko vakri gati ka budh surya ke sath rashi sanbandh banaega, yah bajar ko asthirta men rakhte hue teji ke mahaul men le jata hai. 10 march ko shukra ka shravan nakshatra men akar krittika ko vedhna bhi telon ke bajar men teji hi rakhta hai lekin ghi ke bajar ko mande ki taraf dhakelta hai. 14 march ko surya ka min rashi men akar rahu ke sath rashi sanbandh banana tatha min ki sankranti ka 45 muhurti hona telon ke bajar men tejikarak hai. 18 march ko surya ka uttarabhadrapad nakshatra men ana aur adrra, hast v purvasharh nakshatron ko vedhna bhi telon ke bajar ki teji banae rakhte hain.
19 march ko budh ka uday hona ghi ke bajar ko teji ki lahar men le jata hai. 21 march ko budh ka shatbhisha nakshatra men pravesh kar pushya nakshatra sthit shani ko vedh men le lena telon ke bajar men badlav dekar mande ke vatavaran men le jaega. 22 march ko mangal ka mrigshira nakshatra men pravesh tatha uttarasharh nakshatra ko vedh karna bajar men manda hi darshata hai.
24 march ko shukra ka dhanishtha nakshatra men pravesh kar vishakha nakshatra sthit guru ko vedh men lena ghi men mande ka suchak hai. 25 march ko budh margi gati men akar telon men punah mande ki lahar banaega. yah ghi ke bajar ko aur mande men le jane ka yog hai. 29 march ko budh ka purvabhadrapad nakshatra men pravesh hona tatha isi din surya grahan ka bharat men drishya hona bajar men mande ka vatavaran banaega.