grahon se puch kar hi dharan karen ratn manushya ratnon evan maniyon ka prayog abhushnon, mukuton, raj sinhasnon, mahlon ki sajavat adi men prachin kal se karta aya hai. ayurved men in ratnon ki bhasmon adi ka upyog vibhinn rogon ki chikitsa men kiya jata hai. adhikanshtah ratn khanij hain. mukhyatah ratnon ki sankhya 84 batai gai hai. vibhinn ratnon ke uparatn bhi upalabdh hain. jyotish vigyan ke anusar ratn grahon se shubhatva pane ke lie dharan kie jate hain. akash men sthit grah evan nakshatra bhutal par rahne vale praniyon par prabhav dalte hain. ye prabhav kundli men grahon ki sthiti ke anusar shubh ya ashubh hote hain. ratn filtar ka karya karte hain. ve nakshatron evan grahon se prapt rashmiyon ko shaktibhut kar hamare sharir men pravisht karate hain. rashmiyan ghanibhut hokar grahon ko shakti pradan karti hain. janmakundli ke anusar lagnesh, panchmesh evan navmesh (bhagyesh) grahon ke ratn bina kisi shanka ke dharan kie ja sakte hain kyonki ye grah jatak ke lie karak hote hain. is tarah karak grahon ka bal barhne se janmakundli men kuyog janit ashubh fal dur hote hain. ratnon men chipe anek gunon ke karan manushya inka upyog prachin kal se hi karta aya hai. aj ke is vaigyanik yug men bhi inki sarthakata bani hui hai kyonki jin katipay samasyaon ke samadhan men koi anya madhyam asamarth hota hai unhen dur karne men ye ratn sahayak hote hain. kintu dharan ke purva inke gun doshon ka vishleshan avashyak hota hai kyonki bagair vishleshan ke dharan karna hanikarak ho sakta hai. jyotishiya siddhant ke anusar kisi jatak ko apni rashi, lagn, mulank/ bhagyank, vyavsay, anukul rang aur asvasthata ki avastha men rog nivaran ke anurup ratn dharan karna chahie. is hetu janmakundli hath tatha bhagyank aur mulank ka vishleshan bhi avashyak hota hai. kundli ke anusar jo grah anukul ho usi ka ratn dharan karen. kabhi bhi ashubh ya pratikul grah ka ratn dharan n karen, unhen mantra jap ya dan dvara shant karen. ratn bina vidhi-vidhan purvak, uchit muhurt men upyukt mantra ka jap kar dharan karna chahie. ratn ko nitya pratah mathe se lagakar uske mantra ka jap karne se uska labh shighra v kai guna milta hai. kis lagn ke jatak ko kaun se ratn dharan karne chahie iska sankshipt vivaran niche ki talika men diya gaya hai. sarni men nirdharit ratnon ke alava koi anya ratn kundli men sthit grahon tatha tatkalik samay ki vinshottari mahadsha ka vishleshan kara kar hi dharan karna chahie. chunki rahu aur ketu ka rashi svamitva vivadaspad hai atah gomed evan lahsuniya dharan karne ke lie kundli men in donon grahon ki sthiti ka vishleshan avashya kara lena chahie. ratn mukhyatah nau hain jinhen grahon ki sthiti ke anurup dharan kar labh liya ja sakta hai. yahan kis grah ke shubh fal ki prapti ke lie uski kis sthiti men kaun sa ratn dharan karna chahie iska sankshipt vivaran prastut hai. suryah lagnasth surya dampatya evan santan sukh ko kshin karta hai. dvitiyasth surya dhan hani ka karak, tritiyasth chote bhaiyon aur chaturthasth karmafal ke lie hanikarak hota hai. in ashubh falon se mukti ke lie manikya dharan karna chahie. surya apni rashi se ashtam, ekadash ya saptam bhav men ho ya dvitiyesh, navmesh athva karmesh hokar chathe ya athven bhav men ho, ya dvadash men ho athva ashtamesh ya shashthesh hokar pancham ya navam bhav men ho, to is sthiti men bhi manikya dharan karna chahie. manikya ke abhav men lalri dharan ki ja sakti hai. chandrah janm kundli men chandra pap grahon ke prabhav men ho ya balhin ho, apni rashi se shashth ya ashtam men, panchmesh hokar dvadash men, makar men saptamesh, dvitiya bhav men, navmesh hokar chaturth men, dashmesh hokar pancham men, ekadshesh hokar shashth men, mithun lagn men saptam men, mesh men navam men, mithun lagn men saptam men, mesh men dvadash men, vrishchik men dvitiya men, tula men tritiya men aur kanya men chaturth men sthit ho ya pap grahon se drisht ya yut ho athva uski mahadsha chal rahi ho to moti dharan karna chahie. manglah ashubh mangal bahut hanikarak hota hai. lagnasth mangal dampatya sukh men badha pahunchata hai tatha sharirik kasht ka karak hota hai. mangal kisi bhav men rahu ya shani ya kisi shatru grah ke sath sthit ho, vakri ya ast ho shashth ya ashtam bhav ke svami ke sath ho ya usse drisht ho athva chatrirth, shashth, ashtam ya dvadash bhav men sthit ho, uski drishti sukh, santan, saptam, bhagya, karm ya labh bhav par ho to munga dharan karna chahie. mesh ya vrishchik lagn men mangal shashth bhav men, min ya tula men saptam ya navam men, kanya ya kunbh men karm bhav men, makar ya sinh men labh bhav men, dhanu, kark ya sinh men labh bhav men, dhanu ya kark men vyay ya karm bhav men, tula ya vrish men dvadash men ya mithun athva makar lagn men chaturth ya shashth bhav men ho, to munga dharan karna chahie. budhah panna aur moti ke bare men prayah yah dharna hai ki ise har koi dharan kar sakta hai. lekin budh grah ki sthiti durbal ho to panna ya moti avashya dharan karna chahie. ayurved men bhi in ratnon ko vishshamak kaha gaya hai. ise dharan karne se jivan sukhamay hota hai. mithun evan kanya lagn men budh nich rashi min men sthit ho to panna dharan karna chahie. budh jis bhav ka svami ho usse shashth, ashtam ya dvadash bhav men sthit ho ya uski antardasha athva mahadsha chal rahi ho, to is sthiti men vyapar, ganit, jyotish ya kanpyutar ka karya karne valon ko yah ratn dharan karna chahie. vrish ya sinh lagn men budh navam bhav men, mesh ya kark men karm bhav men, chaturth bhav ka svami hokar labh bhav men ya saptam bhav ka svami hokar shashth bhav men ho to panna dharan karna chahie. guruah kark, dhanu, min ya sinh lagn aur punarvasu, pushya, vishakha ya purva bhadrapad nakshatra men janm lene vale, jinki kundli men guru apni rashi se shashth, ashtam ya dvadash men sthit ho, uski mahadsha ya antardasha chal rahi ho, vah dhan bhav ka svami hokar bhagya bhav men, sukh bhav ka svami hokar ay bhav men, saptam bhav ka svami hokar dhan bhav men, navmesh hokar sukh bhav men ya karmesh hokar pancham bhav men ho athva pancham, shashth, ashtam ya dvadash bhav men sthit ho, ya mesh, vrish, sinh, vrishchik, tula, kunbh athva makar rashi men ho ya uske sath koi bhi grah ho, to pukhraj dharan karna chahie. jin larkiyon ki shadi men vilanb ho raha ho ya jin vivahitaon ka dampatya jivan sukhamay n ho, unhen pukhraj avashya dharan karna chahie, kyonki guru striyon ke lie pati evan santan sukh karak hai. shukrah shukra grah aishvarya evan bhog vilas ka karak grah hai. yah purushon ke lie dampatya sukh karak bhi hai. janm lagn tula ya vrish ho, shukra ast, vakri, nichasth lagnasth ya ashtamasth ho athva kisi shubh bhav ka svami hokar us bhav se shashth ya ashtam men sthit ho, uski mahadsha ya antardasha chal rahi ho, to hira dharan karna chahie. sine kalakaron, premi-premikaon, gayn-vadan kalakaron, shringar prasadhan ka kam karne valon, virya dosh se yukt purushon, bhut pret badha se pirit logon adi ko hira dharan karna chahie. shaniah shani ki dhaiya, sarhesati, mahadsha ya antardasha chal rahi ho, janm lagn mesh, vrishchik, vrish ya tula ho, shani nich ya sinh rashi men sthit ho, ya surya se sam saptak ho, shashth ya ashtam bhav men lagn ratn mesh munga, manikya evan pukhraj vrish hira, panna evan nilam mithun panna, hira evan nilam kark moti, munga, pukhraj, sinh manikya, pukhraj evan munga, kanya nilam, panna evan hira tula hira, nilam evan panna, vrishchik munga, pukhraj evan moti, dhanu pukhraj, munga evan manikya, makar nilam, hira evan panna, kunbh nilam, pann evan hira min pukhraj, moti evan munga ho, shashthesh athva ashtamesh ke sath sthit ho, chaturth, pancham, dasham athva ekadash bhav men ho ya kundli men pradhan grah ho to nilam dharan karna chahien lekin dharan karne se purva parikshan avashya karva lena chahie. rahuah janmakundli men rahu dhanu ya vrishchik rashi men ho, janm lagn makar, kunbh, vrish ya tula ho, rahu ki yuti shukra aur budh ke sath ho, rahu kundli men bhav ek, char, sat ya das athva navam ya ekadshbhav men ho to gomed dharan karna chahie. rahu ki mahadsha ya antardasha chal rahi ho aur vah ashubh faldayak ho, to is sthiti men bhi gomed dharan karna chahie. nyayalay se jure karya karne valon, rajnitigyaon ya dussahsik kam karne valon ko gomed dharan karna chahie. gomed bhut pret badhaon se bhi raksha karta hai. ketuah ketu ka ashubh prabhav vibhinn sharirik kashton, bimariyon, pashuon evan jahrile jiv jantuon se khatron tatha bhut pret badhaon ka karak hota hai. in sabse bachne ke lie lahsuniya dharan karna chahie. ketu ki mahadsha ya antardasha ho, janmakundli men ketu mangal, guru ya shukra ke sath sthit ho ya dvitiya, tritiya, chaturth, navam, dasham ya pancham bhav men sthit ho ya panchmesh, navmesh, dhanesh, labhesh, karmesh athva chaturthesh ke sath sthit ho, ya us par drishti dalta ho to lahsuniya dharan karna chahie. is prakar sabhi nau grahon ki sthitiyon ke anurup ratn dharan kar unke ashubh prabhavon bacha ja sakta hai. kintu ratn dharan se purva grahon ki sthitiyon ka bhalibhanti vishleshan kara lena avashyak hai. ratn ki avashyakta anurup hi dharan karen. ratnon ko shubh muhurt men vidhi vidhanpurvak grahon ki nishchit dhatu ki anguthi athva laeket men jarvakar tatha unki pran pratishtha karva kar upyukt ungli men dharan karen.