gochar ki drishti se julai ka mahina ati mahatvapurn hai. 13 julai ko 21ah43 minat par rahu kanya rashi men pravesh kar rahe hain. mangal bhi kai mahinon se kanya rashi men sthit the jo 14 julai ko pratah 8ah45 par tula rashi men a rahe hain. shani bhi 21 julai ko pratah 2ah05 par vakri se margi ho jaenge. guru 19 jun ko 8ah47 par apni uchch rashi men pravesh kar hi rahe hain. is prakar se sabhi mahatvapurn grah mangal, guru, shani v rahu adi sabhi ki sthiti men parivartan ho raha hai.
sarvapratham bharat ki kundli men yadi grah sthiti ka avlokan karen to shani chandrama se chaturth the jo pancham bhav ki or agrasar ho jaenge aur rahu chaturth bhav se tritiya bhav men a jaenge. sath hi guru bhi dvadash se rashi ke upar a jaenge jahan bharat ki kundli men pahle se hi panch grah virajman hain. sabhi grahon ka yah grah gochar batata hai ki bharat ke lie achche din ane vale hain aur agla ek varsh shubh v prragtidayak rahega. uchchasth guru bharat ki man maryada barhaenge tatha tisre rahu ke karan bharat ka parosi deshon par dabdba barhega. pancham shani udyog jagat men vikas ko uchch star par le jaega. uchch rashisth guru sarvada riyal estet market ko niche girata hai
atah agla ek varsh chahunmukhi vikas hone par bhi riyal estet market ke lie kafi kathin rahne vala hai. guru ke shubh gochar ke falasvarup bharat ki sabhyata, sanskriti, dharm, gyan evan shiksha men tivra vikas hoga. dharmik shiksha, vaidik sanskriti, ved, vedant, darshan v jyotish ka bhi shreshth star par prachar prasar hoga. samaj men barhte apradh v atankvadi ghatnaon par ankush lagega. narendra modi ki janmapatri men rahu barhven se labh sthan men a jaenge jiske karan ve apne karya men apni pakar ko majbut karne men nishchit rup se safal honge aur bhartiya janta v vibhinn rashtradhyaksh unki bat manenge. guru bhi ashtam se navam men a rahe hain
jo unke lagn v pancham bhav ko dekhenge v is karan inki man pratishtha barhegi. dharmik krityon ki or inka jhukav barhega. dharmasthal v vaidik shiksha ke utthan ke lie vishesh karya karenge. buddhi dvara anek karya karne men saflta prapt karenge. shani margi hone ke pashchat chandrama ki or agrasar ho jaega . iske karan parti ke andar kuch rosh ka bhi samna karna par sakta hai. karyakal ka aranbh jitna shubh, saral v shreshth raha hai agami samay vishesh rup se aktubar, navanbar, disanbar v janvri inke lie atyant kathin siddh ho sakta hai. anek log inke virodh men khare honge tatha yah inke lie pariksha ki ghari hogi. ummid hai ki navanbar mah men dilli v kuch anya pranton men chunav honge. yah samay modi ji ke lie kafi kashtakarak hoga. bahut sanbhav hai ki siton ke avantan men kuch vivad gahra jae. in chunavon men bite loksbha chunavon jaise shreshth pradarshan ki apeksha karna uchit n hoga.
agle varsh ke madhya ke bad jab shani chandrama se age nikal jaega tab punah inki pakar apni parti v prashasnik karyon par majbut hogi v desh ko vikas ki rah dikhane men safal honge. apki rashi ke lie yah gochar kaisa rahega aie janen:
mesh: apke lie agami grah gochar kai khushiyan lekar aega. nae vahan ki prapti ho sakti hai. sukh suvidha ke sadhnon men abhivriddhi hogi. jamin jaydad tatha bhavan nirman adi shubh karya sanpann honge. shatru paksh, rog, mukdma adi sabhi kshetron men vijay v shubh parinam nishchit hai. navanbar ke bad shani ke ashtamasth ho jane par svasthya sanbandhi v mansik chintaen barh sakti hain.
vrish: apke samajik jivan men sudhar hoga. apke mitra v bhai bahan apse prasann rahenge tatha apke chote bhai bahnon ko anek karyon men saflta prapt hogi.
shani ka chathe bhav men gochar shatru, rog, rin adi se chutkara dega. shiksha men saflta prapti ke lie yah varsh samanya rahega. ay men vriddhi hogi tatha nae ay ke srot khulenge. santan paksh se chinta ho sakti hai.
mithun: apke lie yah gochar dhan labh to dega hi sath hi bhumi, makan adi ke vishay men bhi achanak labh hone ke shubh sanket hain. shiksha prapti, samman v rojgar adi men tarakki ke purn yog hain. parivarik sukh men vishesh vriddhi hogi. ap nae abhushan adi bhi banaenge. jama punji men vriddhi ke yog nishchit hain.
karka: apke lie yah grah gochar mil ka patthar siddh hoga. apko man-samman, sukhi vivahit jivan v santan ki tarakki tatha shatru paksh par vijay prapti v parakram ki vriddhi hogi. kul milakar gochar apke ane vale samay v sarvakaryasiddhi ke lie shreshthatam hai.
sinh: apke ghar men kisi manglik karya par vyay ho sakta hai. ap kuch nivesh bhi karenge jo age ane vale bhavishya ke lie labhkari rahega. lanbi yatraen hongi. amdni se vyay adhik rahega. bhumi, makan, vahan ityadi par bhi navanbar ke pashchat dhan vyay ho sakta hai.
kanya: apke lie agami grah gochar shreshthatam dhan prapti v ay men vistar ke yog lekar a raha hai. ap kisi nae karya men hath dalenge. apki arthik sthiti men sthirta aegi. ap apne vyaktitva ke bare mane adhik chintan manan karke kuch avashyak sudhar bhi karenge. yadi avivahit hain to apka vivah hone ki sanbhavnaen banengi. apko nae bijnes partanar bhi milenge. santan ki taraf se shubh samachar prapt honge.
tula: apki kirti ka vistar punya ke karyon se hoga. ap apne sath-sath dusron ki unnati men bhi sahayak honge. yatraen adhik rahengi. apki arthik sthiti v vyapar adi men nishchit rup se sudhar hoga. naukri men shreshth pad ki prapti hogi. apka man-samman barhega.
vrishchik: apke bhagya men vriddhi hogi. rogon se chutkara milega. karyon men saflta prapt hogi. ishvariya prerna, guru ka ashirvad, dharmik karyon jaise puja, path tirthatan men ruchi adi shubh fal prapt honge. navanbar tak yatraen adhik rahengi. tatpashchat atirikt karyabhar se chintaon ke barhne ki sanbhavnaen prabal rahengi. ay men apratyashit labh ke yog banenge.
dhanu: apke rojgar, rajyog v logon ko sath lekar chalne ki apki ranniti men saflta to prapt hogi parantu arthik sthiti v svasthya men giravat ke yog bane hue hain. islie nae prayog karne ki apeksha apne vartaman men chalte karyon men dhyan lagana hi shreshth rahega. svasthya ka dhyan rakhen, dhan ke vyay par niyantran rakhen. ma
apke vaivahik jivan men shubhta aegi, yadi avivahit hain to vivah ke yog banenge. karyon men saflta prapt hogi. adhik labh ke yog banenge. lanbi yatraen hongi. prabhavshali logon se sanpark barhenge. svasthya uttam rahega. ap apni karya kshamataon ko barhane men safal rahenge. ay men sthirta prapt karne ki apki yojnaen bhi safal hongi.
kunbh: apke karya vyavsay men shreshthatam unnati ke yog banenge. pramoshan tatha rojgar prapti ke apke prayas falibhut honge. apke svasthya, samman, parivarik jivan ke lie agami samay shreshth hai parantu yada kada kuch agyat svasthya sanbandhi kasht bhi uthane par sakte hain.
min: apko shreshthatam santan sukh, bhagya men vriddhi, shighra vivah ke yog hain. sath hi svasthya, karya kshamataon ki vriddhi v man samman ki prapti hogi. shreshthatam bat yah rahegi ki navanbar mah ke bad band pari karya yojnaon ke fir se aranbh hone ke yog bhi banenge. agami grah gochar apke jivan ke sabhi kshetron ke lie shubh hai.