vivah manav jivan ka atyant avashyak pahlu hai. lekin kisi bhi vyakti ka vivah kab hoga arthant kis dasha-anrtadasha men hoga? yah batane ke liye vibhinn jyotish visheshagyaon ki ray vibhinn rahi hai. janm kundli men vivah karak grahon ka kin-kin bhavon se sanbandh hai, is bare men bhi jyotishiyon ki ray alag alag rahi hai. aksar ye kaha jata hai ki janm kundli men vivah ke bhav saptam bhav se sanbandh rakhne vale grahon ki dasha kal men hi vivah ho sakta hai. jaise - dashanath saptam bhavasth ho ya saptamesh ho ya saptam bhav ko drishti de raha ho ya saptamesh ke sath ho ya saptamesh ko drishti de raha ho. jabki shodhon se yah nishkarsh nikala gaya hai ki kundli ke lagabhag sabhi bhavon se sanbandhit grahon ki dasha men vivah hote hain.
pratyaksh rup se saptam bhav se sanbandh n rakhne vale grahon ki dasha men bhi vivah ho sakte hain. lekin saptam bhav ke atirikt anya vibhinn bhavon se sanbandh rakhne vale ye sabhi grah kisi n kisi rup men saptam bhav se hi sanbandh rakhte hain jabki pratit aisa hota hai ki vivah karak grah ka saptam bhav se koi sanbandh nahin hai. ye kaise hota hai? aiye is vishay par nimn niyamon ke adhar par vichar karte hain -
1. lagn kundli ka saptamesh jis rashi men hai us rashi tatha usse saptam rashi ke svamiyon aur usmen sthit grahon ki dasha men vivah hota hai.
2. navansh kundli men bhi janmakundli ke saptamesh ki rashi v usse saptam rashi ke svamiyon aur usmen sthit grahon ki dasha men vivah hota hai.
3. lagn kundli ke saptam bhav men sthit grah, saptam bhav ki rashi ke navansh men sthit grah aur lagn kundli ke saptamesh ki dasha men vivah hota hai.
4. lagn kundli ke saptamesh ki uchch v nich rashi men sthit grah, uchch v nich rashi ke svami, uchch v nich rashiyon ke navansh men sthit grahon ki dasha men vivah hota hai.
udaharan 1 - purush 31 march 1912, 04ah40, gudganv kunbh lagn ke is jatak ka vivah 24 aprail 1932 ko hua tab jatak par chandra men budh men rahu ki dasha chal rahi thi. yahan mahadshanath chandrama saptam bhav men sthit hai, antardashanath budh saptamesh surya se saptamesh hai aur surya ki uchch rashi men bhi sthit hai. pratyantardashanath rahu to svayan hi saptamesh surya ke sath sthit hai. yahan dekh sakte hain ki vivah samay men dashanath grah vibhinn bhavon men sthit to hain parantu sabhi ka sanbandh kisi n kisi rup se saptam bhav se ban hi raha hai. jaise budh ka sidha sanbandh saptam bhav ya saptamesh se nahin hai aur vah tritiya bhav men bhi hai jo vivah ka bhav nahin kaha jata parantu vah saptamesh surya ki uchch rashi men sthit hone ke karan vivah dene men saksham hai.
udaharan 2 - purush 17 march 1959, 08ah15, dilli esh lagn ke is jatak ka vivah 13 julai 1984 ko hua. us samay jatak par guru men guru men rahu ki dasha chal rahi thi. yahan mahadshanath aur antardashanath guru hai jo ki lagnakundli ke saptamesh shukra ki uchch rashi min ka svami hai aur navansh men shukra ki nich rashi kanya men sthit hai. pratyantardashanath rahu saptamesh shukra ki nich rashi kanya men sthit hai. agar gaur se dekhen to ham pate hain ki yahan rahu ka sanbandh lagn kundli ke saptamesh shukra ya saptam bhav se nahin hai aur rahu baitha bhi chathe bhav men hai jise vivah bhav nahin kaha jata fir bhi rahu yahan vivah dene men safal hua hai.
udaharan 3 - purush 9 aprail 1945, 00ah40, dilli dhanu lagn ke is jatak ka vivah 7 jun 1971 ko guru men budh men guru ki dasha men hua tha. yahan mahadshanath v pratyantardashanath guru navam bhav men sinh rashi men sthit hai. guru ka saptam bhav se koi sidha sanbandh nahin hai parantu guru saptamesh budh ki nich rashi min ka svami hai tatha antardashanath budh to svayan hi saptamesh hai.
udaharan 4 - purush 21 march 1964, 10ah20, palaval vrish lagn ke is jatak ka vivah 10 disanbar 1993 ko hua jab jatak ki shani men shani men rahu ki dasha chal rahi thi. yahan mahadshanath v antardashanath shani saptamesh mangal ki uchch rashi makar ka svami hai aur navansh men mangal kark rashi men sthit hai jisse saptam bhav ka svami shani hi hai. antardashanath rahu hai jo saptamesh mangal ki nich rashi ke svami chandrama ke sath dvitiya bhav men nisthat hai.
udaharan 5 - mahila 29 mai 1968, 02ah35, faridabad min lagn ki is jatika ka vivah 30 apairal 1993 ko hua. us samay jatika par guru men shani men rahu ki dasha chal rahi thi. yahan mahadshanath guru saptamesh budh se saptam bhav ka svami hai aur navansh kundli men budh se saptam bhav men sthit hai. antardashanath shani saptamesh budh ki nich rashi min men sthit hai aur budh ki navansh rashi ka svami hai. pratyantardashanath rahu saptamesh budh ki nich rashi min men sthit hai. ant men nishkarsh yah niklta hai ki uprokt niyamon ke anrtagat vibhinn bhavon men sthit grahon ki dasha ke anusar vivah ka samykal nikala ja sakta hai. parantu iske atirikt gochriya grah, jatak ki ‘desh kal patra’ sthiti adi ka bhi avlokan kar lena chahie.