prashn : pitri-dosh kya hai evan iske kya prabhav hain? kundli men kaise janenge ki ismen pitri dosh hai. isko dur karne ke upay bataen evan vishesh sthal par dosh dur karne ka kya mahatva hai?
yadi hamare purvajon ne kisi prakar ke ashubh karya kiye hon evan anaitik rup se dhan ekatrit kiya hota hai, to uske dushparinam ane vali pirhiyon ko bhugtne parte hain, kyonki age ane vali pirhiyon ke bhi kuch aise ashubh karm hote hain ki ve unhin purvajon ke yahan paida hote hain. atah purvajon ke karmon ke falasvarup ane vali pirhiyon par parne vale ashubh prabhav ko paitrik dosh ya pitri-dosh kaha jata hai.
jatak dvara is janm ya purva janmon men kiye gaye galat, ashubh ya pap karm arthat adharm ka jatak ko is janm ya agle janm ya janmon men parinam bhogna parta hai. yah janmapatri men 'pitri dosh' ke rup men utpann hota hai. atah iski pahchan ati avashyak hai; taki jatak dvara kiye gaye adharm ka pata lag jaye tatha upay dvara ise sudhara ja sake.
pitri dosh ke prabhav : shapit pitron ke shesh bache kufal (yadi adhikansh fal ek pirhi purva bhoge ja chuke hain). sanpurn kufal (jatak ki kundli pratham drishtaya kitni bhi achchi pratit hoti ho) jatak ke v parivar janon ke jivn-kal men adhoankit lakshana/ fala/prabhav parilakshit/drishtavya hote hain :- akalpit, asamyik ghatna durghatana ka hona, jan-dhan ki hani hona. parivar men akaran larai-jhagra bana rahna. pati/ttha patni vansh vriddhi hetu saksham n hon.
amdni ke srot thik-thak hone tatha shikshit evam sundar hone ke bavjud vivah ka n ho pana. baranbar garbh ki hani (garbhapat) hona. bachchon ki bimari lagatar bana rahna, niyat samay ke purva bachchon ka hona, bachchon ka janm hone ke tin varsh ki avdhi ke andar hi kal ke gal men sama jana. dava-daru par dhan ka apavyay hona. jatak v anya parivar janon ko akaran krodh ka barh jana, chirchirapan hona.
pariksha men puri taiyari karne ke bavjud bhi asafal rahna, ya pariksha-hal men yad kie gae prashnon ke uttar bhul jana, dimag shunyavat ho jana, shiksha purn n kar pana. ghar men vastu dosh sahi karane, ganda-tabij bandhne, jhar-funk karane ka bhi koi asar n hona.
aisa pratit hona ki saflta v unnati ke marg avruddh ho gae hain. jatak v uske parivar janon ka kuch n kuch antral par rog grast rahna, kisi ko dirghakalik bimari ka samna karna, samuchit ilaj ke bavjud rog ka pakar men n ana.
jatak ya parivar janon ko apangta, murcha rog, mirgi rog mansik bimari ka hona (kuch sthanon par kushth rog ka hona) . surya aur pitri dosh karan, prabhav v upchar -
surya ke karan pitri rin ka dosh :
surya pape sanyukt : mansagri ke anusar - ''surya pap grah se yukt ho ya pap kartari yog men ho arthat pap grah ke madhya ho athva surya se saptam bhav men pap grah ho to uska pita asamyik mrityu prapt karta hai. yah ek pitri dosh ka karan hain.
''arthat is kathan ka vivechan yah spasht karta hai ki surya ke liye pap grah keval shani, rahu aur ketu hain. kyonki surya to svayan pap v krur grah hain tatha dusra anya pap grah mangal hain, jo surya ka mitra hain. isliye surya evan mangal ko papatva se mukt kiya gaya hai. isliye surya ke sath shani, rahu evan ketu ho to pitri dosh lagta hai ya pitri rin charh jata hai. yahi pitri dosh ki pahchan bhi hai.
suryashch pap madhyagat : surya, yadi shani, rahu aur ketu ke bich men ho arthat purva or rahu, ketu, shani ho. isse pitri dosh a jata hai.
surya saptagam pap : surya se saptam sthan par pap grah ho arthat surya pap grah se drisht ho to pitri dosh a jata hai. kyonki sabhi grah (yani rahu, ketu, shani) apne se saptam bhav ya drishti se dekhte hain. shani ki saptam ke alava anya aur do drishti -tritiya evan dasham hoti hai. atah surya se chaturth, saptam aur ekadash sthan par shani ke rahne se pitri dosh lagta hai jisse jatak ke upar pitri rin charh jata hai.
rahu, ketu ki drishti prachin granthon men nahin hai. lekin arvachin granthon ne mana hai ki rahu, ketu grah pancham evan navam bhav ko dekhte hain, kyonki ye donon drishtiyan hoti hain ye mana jata hai. inka fal bhi ghatta jata hai. atah surya se pancham aur navam sthan men rahu, ke rahne par pitri dosh lagta hai.
tat pitri badho bhavet : pita ka ghar pradhan mukhay hota hai. unke hone se parivar men unnati hoti hai, sukh-shanti milti hai kyonki pita, parivar ka mukhiya/svami hota hai yani parivar ki chat hain. iske alava, inke rahne se bahar ki sukh shanti men badha nahin rahti hain. sansar men aman chain rahta hai. pita ke nahin rahne par uprokt sabhi sukhon men kami ayegi. uprokt sabhi sukhon men kami pitri dosh ane par bhi a jati hai jisse ghar men ashanti rahegi. 'pita' (pitri) shabd ka vishesh 'artha' : jyotish men 'pita' ka karak 'surya' hai.
prachin kal men brahma, vishnu, mahesh drishya the lekin adhunik kal men manushyon men danavatva ke gun adhik a jane se ye tino shaktiyan adrishya rup men hain. lekin yahi surya (pita ka kark), srishti ki utpatti, vriddhi (sanchaln) tatha vinash karta hai. surya, bhagya, svasthya, haddi, netra, dhan, rajya v sarkar v netritva ka karak bhi hai. atah iske nirbal ho jane ya pitri dosh ke a jane ke karan uprokt sukhon men kami a jati hai.
karan (surya ke karan, pitri dosh lagne ka karn) : parmatma ke pas manushya ko milakar pratyek jiv ke prarabdh ka lekha-jokha hai. purva janmon ke pap evan punya janit fal bhogne ke liye hi manav evan anya jiv ka sharir (rup) milta hai. chunki surya, atma evan pita ka karak hai atah purva janm men apne pita (arthat pitri/purvaj) ko kisi bhi tarah se santusht nahin karne ke karan yah dosh charhta hai.
surya ke karan pitri dosh lagne ke nimn karan ho sakte hain. pita ki hatya kar dena. apne karya se pita ko santusht evan khush n rakhna. pita ki achchi tarah se seva n karna. viprit pratishtha ke karan pita ki pratishtha, man-samman men kami karna. vah pap/apradh, jiska prayashchit bari mushkil se ho ya n ho adi.
uprokt vivechan se spasht hai ki hindu sanskriti ke anusar uprokt karyon se manushya par pitri rin ka dosh a jata hai. chunki janmakundli, manushya ke prarabdh ka darpan hai atah yah kundli dekhne se jab surya grah, pap grahon se yukt hota hai to yah samjha jata hai ki manushya purva janm ke pitri dosh se mukt nahin ho paya hai. surya ke karan pitri dosh nivaran ke upay manikya dharan karen.
lagnanusar surya yantra ko sthapit kar, surya mantra - ''un ghrini suryay namah'' ke sath panchopchar puja karen. ravivar ke vrat aur udyapan karen. surya ka anauna vrat rakhen. surya ki vastuon ka dan kare. pratidin gurujnon ki seva karen. surya namaskar karen.
mangal ke karan pitri dosh : chunki mangal ka sanbandh rakt sanbandh se hota hai tatha rakt sanbandh ke antargat purvaj, pita adi sare sanbandh a jate hain. yadi hamare purvajon ne kuch galat karm kiye hain to unka parinam svayan ko is janm men ya agle janm men athva pirhi dar-pirhi kisi n kisi ko bhogna parta hai. jo pitri dosh ke rup men ubhar kar samne ata hai.
chunki mangal, hamare sharir men bahne vale khun ka karak hota hai atah is par rahu, ketu ka pap prabhav hone par pitri dosh ke rup men ubhar kar samne ata hai. to yah mangal sharir men khun ki kami kar apna prabhav jatak ko nimn raktachap ke rup men deta hai. jisse sharir men urja, kamashakti tatha santan paida karne ki shakti ki kami karta hai. chunki rahu evan ketu ke sath jab mangal grah a jata hain to pitri dosh ka nirman hota hai. arthat rahu evan ketu pitri dosh ki suchna dete hain.
iske sath hi ye donon hi grah kalasarp yog ki bhi rachna karte hain. iske karan jatak ki vansh vriddhi ruk jati hai. mangal ke karan uprokt ashuabhafal mukhay hain. kyonki mangal rakt ka karak grah hai. iske alava, anya ashubh parinam bhi dekhne ko milte hain. jaise - akal mrityu hona arthat samay se purva hi durghatana ya anya kisi karan se jatak ki mrityu hona, balhin ho jana adi hai.
is sthiti men mrit atma tab tak bhatkti rahti hai jab tak ki uski vastavik ayu puri nahin ho jaye. iske alava kai atmaen bhut, pret, nag, dayan (bhutni, pretni) adi banakar prithvi par vichrti (bhatkti) rahti hai. ye sabhi rahu, ketu ke hi rup hain jinhen upri badha ya hava kahte hain. iske alava aur bhi kai dharmik atmayen rahti hain ve kisi ko bhi pareshani nahin deti balki dusron ka sada bhala karti hain.
lekin buri (dushta) atmayen dusron ko dukh, kasht adi hi deti hain. yahi sthiti hamare purvajon par bhi saman rup se lagu hoti hai. hamare purvaj, mrit avastha men jo rup dharan karte hain, ve pitri dosh ke karan tarpte rahte hain tatha akash men vicharan karte rahte hain. unhen khane, pine ko kuch bhi milta hai. unki atmayen chahti hai, unke rakt sanbandh (rishtenate) (jaise- putra, pautra ya pautri, putri, patni adi. us atma ka uddhar karen.
yah uddhar iske upay ''shraddha'' karm karke kiya ja sakta hai. arthat akash men vicharan kar rahi un atmaon ko khane-pine ka kuch bhi nahien milne ki sthiti men tarpne par rakt sanbandh dvara shraddh karm karne par unhen khane-pine (tarpana) ko mil jata hai tatha unki atmaen tarpan se tript ho jati hai. tatha shraddh men khane ke bad pilane ka vishesh mahatva hai.
kyonki pilana (jal) 'tarpana' ko kahte hain tatha isse atmaen tript ho jati hain, fir bhatkti nahin hai tatha inka uddhar ho jata hai yadi uprokt rakt sanbandhi aisa nahin karte hain to ye atmayen, inke rakt sanbandhiyon ke jivan men ghor sankat ke rup men samne ati hain, jo ki pitri dosh ka karan ban jati hain.
parivar men ek ya adhik ko pitri dosh ho sakta hai. jo is atma ke jyada nikat hota hai vah uska patra banta hai. uprokt vivechan se spasht hota hai ki pitridosh ka karak mangal hota hai tatha mangal ka sanbandh rakt sanbandh se hota hai. jo ''shiv aradhna'' se dur hota hai. arthat upay ke rup men yah karna chahiye.
hath men pitri dosh ki pahchan yah hai ki guru parvat aur mastishk rekha ke bich men se ek rekha nikalakar ati hain, jo donon ko katti hain, yah hast rekha shastra men pitri dosh ki pahchan hai tatha pitri dosh ka mukhay karan bhi hai. inke prabhav evan upay 'mangal upay' ko chorakar saman hain. kuch upay ''mangal ke karan pitri dosh'' nimn hai. lagnanusar munga dharan karen tatha rahu, ketu ke vaidik mantron ka kramshah 18000, 17000 jap karaven. mangal yantra ko sthapit kar puja karen. mangal mantra ke 10000 jap karayen.
manglvar ko mangal ki vastuon ka dan karen. manglvar ko vrat karen. shiv aradhna karen. lal masur ki dal aur kuch paise pratah kal safai karne vale ko dan karen. kuch koyle pani men pravahit karen. apne shayan kaksh men lal rang ke takiye kavar, chaddar tatha parde ka prayog karen. masur ki dal pani men pravahit karen.
hanumanji, kartikey ji v nrisinh ki puja kare. suar (shrihri ka varahvtar) ko pratidin ya saptah men do bar-mangal evan shanivar ko masur ki dal khilayen. machli (matsya) (shri hari ka matsyavtar) ko pratidin ate ki goliyan khilayen. mangal bhagvan ka pujan, archan shiv svarup men hota hain. puja men panchamrit se snan karvate hain. pitri dosh dur karne ke upay : pratah surya namaskar karen evan suryadev ko tanbe ke lote se jal ka arghya den. .
purnima ko chandi ke lote se dudh ka arghya chandra dev ko den, vrat bhi karen. bujurgon ya varishthon ke charan chu kar ashirvad len. 'pitri dosh shanti' yantra ko apne pujan sthal par pran pratishtha dvara sthapit kar, pratidin iske stotra evan mantra ka jap karen. pitri gayatri mantra dvara sava lakh mantron ka anushthan arthat jap, havan, tarpan adi sankalp lekar vidhi vidhan sahit karayen.
amavasya ka vrat karen tatha brahman bhoj, dan adi karane se pitri shanti milti hai. apne ghar men pitron ke liye ek sthan avashya banayen tatha pratyek shubh karya ke samay apne pittaron ko smaran karen. unke sthan par dipak jalakar, bhog lagaven. aisa pratyek tyohar (utsava/parva) tatha purvajon ki mrityu tithi ke din karen.
uprokt puja sthal ghar ki dakshin disha ki taraf karen tatha vahan purvajon ki foto-tasvir lagayen. dakshin disha ki taraf pair karke kabhi n soyen. amavasya ko vibhinn vastuon jaise - safed vastra, muli, revri, dahi v dakshina adi ka dan karen. pratyek amavasya ko shri satyanarayan bhagvan ki katha karayen aur shravan karen.
vishnu mantron ka jap karen tatha shrimad bhagavat gita ka path karen. visheshakar ye shraddh paksh men karayen. ekadshi vrat tatha udyapan karen. pitron ke nam se mandir, dharmasthal, vidyalay, dharmashala, chikitsalay tatha niahshulk seva sansthan adi banayen. shraddha-paksh men gangaji ke kinare pitron ki shanti evan havn-yagya karayen. pinddan karayen.
'gaya' men jakar pinddan karvane se pitron ko turant shanti milti hain. arthat jo putra 'gaya' men jakar pinddan karta hain, usi putra se pita apne ko putravan samjhta hain aur gaya men pind dekar putra pitrin se mukt ho jata hai. sarvashrap v pitri dosh mukti ke liye narayan bali ka path, yagya tatha nagbli karayen. pavitra tirth sthanon men pinddan karen.
kanagat (shraddh paksha) men pitri moksh amavasya ke din yogya vidvan brahman se pitridosh shanti karayen. is din vrat/upvas karen tatha brahman bhoj karayen. ghar men havan, yagya adi bhi karayen. iske alava, pitron ke lie jal tarpan karen. shraddh paksh men purvajon ki punyatithi anusar brahmanon ko bhojan, vastra, fal, vastu adi dakshina sahit dan karen.
parivar men hone vale pratyek shubh evan dharmik, manglik ayojnon men purvajon ko yad karen tatha kshamatanusar bhojan, vastra adi ka dan karen. sarson ke tel ka dipak jalakar, pratidin sarpasukt evan navnag stotra ka path karen. surya evan chandra grahan ke samy/ din sat prakar ke anaj se tula dan karen. shivling par pratidin dudh charhayen. bilvapatra sahit panchopchar puja kare.
''un namah shivay'' ya mahamrityunjay mantra ka rudraksh mala se jap karen. bhagvan shiv ki adhik se adhik puja karen. varsh men ek bar shravan mah v iske somvar, mahashivratri par rudrabhishek karayen. shatru nash ke liye somvari amavasya ko sarson ke tel se rudrabhishek karayen. yadi yah somvari amavasya shravan mah men aye to ''sone par suhaga'' hoga.
nagpanchmi ka vrat karen tatha is din sarpapuja karayen. nag pratima ki anguthi dharan karen. pratyek mah panchmi tithi (shukla evan krishn paksh ki) ko chandi ke nag-nagin ke jore ko bandhakar shivling par charhayen. kalasarp yog ki shanti yantra ko pran-pratishtha dvara sthapit kar pratidin sarson ke tel ke dipak ke sath mantra -
''un navkul nagay vidmahe vishdantay dhimhi tanno sarp prachodyat - ''
ki ek rudraksh mala jap pratidin karen. ghar evan karyalay, dukan par mor pankh lagaven. ghar men puja sthal par parad shivling ko chandi ya tanbe ke panchmukhi nag par pran pratishtha dvara sthapit kar pratidin puja karen. taji muli ka dan karen. koyle, bahte jal men pravahit karen. mahamrityunjay mantra ka sankalp lekar sava lakh mantron ka anushthan karayen. pratah pakshiyon ko jau ke dane khilayen. jal pilayen.
iske alava urad evan bajra bhi khila sakte hain. pani vala nariyal har shanivar pratah ya sayan bahte jal men pravahit karen. shiv upasna evan rudra sukt se abhimantrit jal se snan karen. yadi sanbhav ho to rahu evan ketu ke mantron ka kramshah 72000 evan 68000 jap sankalp lekar karayen. sarasvati mata evan ganesh bhagvan ki puja karen. pratyek somvar ko shiv ji ka abhishek dahi se mantra - ''un har-har mahadev'' jap ke sath karen.
pratyek pushya nakshatra ko shivji evan ganeshji par dudh evan jal charhaven. rudra ka jap evan abhishek karen. bhang v bilvapatra charhayen. ganeshji ko laddu ka prasad, durva ka lal pushp charhayen. sarasvati mata ko nile pushp charhayen. gomed evan lahsuniya lagnanusar, yadi sut kare to dharan kare. kuldevta/devi ki pratidin puja kare. nag yoni men pare pitro ke uddhar tatha apne hit ke liye nagpanchmi ke din chandi ke nag ki puja kare.
hijron ko sal men kam se kam ek bar naye vastra, fal, mithai, sugandhit saundarya prasadhan samagri evan dakshina adi ka samarthyanusar dan karen. yadi danpatya jivan men badha a rahi hai to apne jivan sathi ke sath niyamit rup se arthat lagatar 7 shukravar kisi bhi devi ke mandir men 7 parikrama lagakar pan ke patte par mishri evan makkhan ka prasad rakhen. tatha sath hi pati evan patni donon hi alg-alag safed fulon ki mala charhayen tatha safed pushp charnon men charhayen. asht mukhi rudraksh dharan karen.
if you are facing any type of problems in your life you can consult with astrologer in delhi