bavasir  

bavasir ayurved men arsh tatha adhunik chikitsa vigyan men ‘pailsa’ ya haimoraids nam se jani jati hai. yah ek am rog hai. is rog ke lakshan 75 pratishat se bhi adhik logon men kisi n kisi rup men paye jate hain. is rog ke pramukh lakshan hain: mal tyagne ke samay guda dvar se rakt ana, shauch kriya men pida hona, masse banna, masson men pida, jalan evan khujli hona ityadi. guda dvar ke andar aur bahar jo nas hai, uske fulne aur sujne ka nam bavasir hai. guda dvar ke kuch andar shankh ki tarah avart hote hain, jinhane bali kaha jata hai. bhitar ki taraf dedh angul tak bali ko pravahini evan pratham bali ke niche rahne vali dusri bali ko visarjan kahte hain. uske niche vali sanvrni kahlati hai. ye tinon baliyan shankh ki baliyon ke saman bal khaye hue hoti hain. unhin ke sanyukt svarup ko guda kahte hain. adhik samay tak kabj rahne ke karan mal ke bhar se jab tinon baliyan rogakrant hoti hain, tab unmen vividh prakar ki akriti ke mans ke ankur utpann ho jate hain, jinhen ham bavasir ke masse kahte hain. rog purana hone par shiraon men adhik rakt ikattha ho jata hai tab masse fulakar bahar nikal ate hain, rogi ko mal tyag ke samay kafi kasht hota hai. kabj ki sthiti men shauch ke samay anton par jor dalne se raktasrav hone lagta hai jisse rogi ke sharir men khun ki kami hokar use thakan, susti aur kamjori gher leti hai. bavasir ke karn: pahle kabhi yah rog vriddhavastha ke vyaktiyon men paya jata tha. lekin ajakal yuvaon men bhi galat ahar-vihar ke karan paya jane laga hai. iske mukhya karan hain- - lagatar baithakar kam karna, jisse guda sthan ki shiraon men dabav padta hai. - purana kabj - shauch rokna. - adhik samay tak ghudsvari, saikil chalana, vahan chalana adi. - paryapt matra men pani n pina, garm, garishth, basi bhojan karna, mans, madira adi ka adhik sevan karna, vat vyadhi badhane vale padarthon se jaise baingan, achar, chatni, machli ande, mithai adi se yah rog bhayankar rup dharan kar leta hai. shakahariyon ki apeksha mansahari vyaktiyon men bavasir ki bimari adhik payi jati hai. bavasir ke prakar: bavasir do prakar ki hoti hai- badi aur khuni. badi bavasir men masse keval fulakar bade ho jate hain jabki khuni bavasir men in masson se rakt risne lagta hai. kabhi-kabhi kabj ke karan bhi anton ke bhitri sire se rakt ane lagta hai aur shauch ke samay mal ke sath kafi matra man rakt nikal jata hai. bavasir ke lakshana: bavasir ke lakshanon ko tin avasthaon men vibhajit kiya ja sakta hai. - pratham avastha men guda ke bhitar tatha bahar masse ban jate hain, jismen shauch ke samay pida aur jalan evan raktasara v ki shikayat hate h. - dusri avastha men masson ka akar aur bada ho jata hai tatha shauch ke samay mal ke sath masse guda marg se bahar a jate hain aur shauch ke bad punah apne sthan par baith jate hain. - tisri avastha men masse sujakar itne bade ho jate hain, ki guda marg ke andar nahin sama pate aur guda dvar ke bahar hi latke rahte hain tatha atyadhik raktasrav, vedna, jalan ke sath uthne-baithne men bhi taklif hone lagti hai. aise samay rogi ki halat najuk ho jati hai. ayurvedik upchar: ayurved sabse pahle khan-pan par niyantran rakhne ka nirdesh deta hai. ahar sada, supachya evan santulit hona chahie. mung ki dal chilke sahit, mote ate ki roti, hari padar sag sabjiyan, nishodh ki palash bans rohini ke imli ,gajar, dhaniya adi ke muli, bathua, palak, chijak ke jimikand, falon ka ras, ninbu, salad, dahi ki lassi adi ka upyog adhik matra men karen, jisse kabj n hone pae aur pachan kriya bhi thik rahe, in sabse bavasir ki chikitsa men sahyog milta hai. yadi kabj ki samasya ho to harad ka murabba, isbgol ka chilka, erandi ka tel, badam ka tel, gulkand, rasant, trifla adi ka sevan karte rahna chahie aur pani bhi paryapt matra men pite rahna chahie. hari aur taja sabjiyon, salad adi ki matra badha deni chahie. ayurvedik gharelu nuskhe: - nim ki guthli ka guda, kale til, nag kesar, chita jhauver ke sath kutakar adarak ke ras men milakar, goliyan bana len. ek goli roj chach ke sath sevan karne se bavasir thik hota hai. - nim ke tatha pipal ke ko kut-pisakar lep karne se bavasir ke masse nasht ho jate hain. - pratahkal khali pet do mah tak ek-ek pyaj khane se bavasir thik ho jata hai. - babul ki bina bij ki kachchi faliyan ko chaya men sukhakar aur kutakar chan len. subh-sham panch gram churn khakar taja pani pien. isse har tarah ka bavasir nasht ho jata hai. - muli ke bij, chaksu, rasaunt, safed kattha, kaml-keshar, nagkeshar, barabar bhag men lekar churn kar, do mashe shahad ke sath lene se bavasir nasht ho jate hain. - jimikand ke tukde karke chaya men sukha len. ninboli ka guda saman bhag men lekar kutkr-chan len. donon ke churn ko barabar matra men milakar gay ke dudh ki chach ya shital jal ke sath len. - ninbu katakar, usmen khane vala kattha milakar os men rakhen, fir subah ninbu chus len. isse pahli hi khurak ke bad khun ana band ho jayega. - gular ke dudh ki bis bunden adhe pyale pani men milakar, das din tak pratah pine se bavasir thik ho jata hai. - panch tola dudh men ek ninbu ka ras milakar ek saptah tak pine se bavasir nasht ho jata hai. - imli ke chilka rahit bij tave par bhun len, fir kut pisakar churn banakar, panch gram churn dahi men milakar roj subah khaen. yah bavasir ko nasht kar rog se rahat dega.