moti  

moti ko chandra ratn mana gaya hai. vibhann bhashaon men iske vibhinn nam milte hain yatha- moti, mukta, shashi ratn tatha angreji men ise parla kahte hain. yah mukhyatya safed rang ka hi hota hai kintu halka pilapan liye tatha halka gulabipan liye moti bhi milte hain. moti khanij ratn n hokar jaivik ratn hota hai. munge ki bhanti hi moti ka nirman bhi samudra ke garbh men ghonghon ke dvara kiya jata hai. moti ka janma: samudra men ek vishesh prakar ka kit hota hai. jise ghongha kahte hain. yah ghonghe namak jiv sip ke andar rahta hai. vastutah sip ek prakar se ghaneghe ka ghar hota hai. moti ke vishay men kaha jata hai ki svati nakshatra men tapkne vali bund jab ghonghe ke khule hue munh men parti hai tab moti ka janm hota hai. moti ke janm ke vishay men vaigyanik dharna yah hai ki jab koi vijatiya kan ghonghe ke bhitar pravisht ho jata hai tab vah us par apne sharir se niklne vale mukta padarth ka avaran charhana shuru kar deta hai aur is prakar kuch samay pashchat yah moti ka rup dharan kar leta hai. moti faras ki khari, shrilanka benejuela, maiksiko, astreliya tatha bangal ki khari men pae jate hain. bharat men moti dakshin bharat ke tamilnadu rajya ke tutikoran tatha bihar ke darbhanga jile men bhi prapt hote hain. vartaman samay men sabse adhik moti chin tatha japan men utpann hote hain. chin tatha japan men moti ko vishesh prakar se utpann kiya jata hai. faras ki khari men utpann hone vale moti ko hi ‘‘basre ka moti’’ kaha jata hai. yah sarvoÿam prakar ka moti hota hai. visheshta evan dharan karne se labh: moti ki pramukh visheshta hai ki yah hamen sarvatha apne prakritik rup men hi prapt hota hai. gol, andakar athva terha-merha jaisa bhi ghonghe ke pet men banta hai, apne usi rup men yah upalabdh hota hai. anya ratnon ki bhanti iski kating tatha paelis adi nahin ki jati aur n hi ise akar diya jata hai. adhik se adhik mala men piroe jane ke lie inmen chidra hi kiye jate hain. moti shitvirya hota hai. atah iske dharan karne se krodh shant rahta hai tatha mansik tanav bhi dur hota hai. moti ki pahchan: asli moti ki pahchan nimnalikhit hain- moti men vishesh prakar ki chamak athva prachya abha hoti hai. iski chamak sthai hoti hai. moti ke akar se bhi uski parakh ki ja sakti hai kyonki yah gol, bedaul tatha terha-merha bhi hota hai. iski koi kating adi nahin ki jati. atah yah apne prakritik rup men hi upalabdh hota hai. moti ko kisi kapre par ragrne se uski chamak men vriddhi hoti hai. û moti tare ke saman prakashman, svachch, shvet tatha chikna hota hai. moti dharan vidhi: moti sone ya chandi ki anguthi men jarvakar dharan karna chahie. inmen bhi chandi men dharan karna adhik shreshth hai. somvar ke din pratahkal nitya karm adi se nivriÿa hokar moti ki anguthi ko kachche dudh aur gangajal se dhokar nimnalikhit mantra ka uchcharan karte hue daen hath ki kanishtha ungli men dharan karna chahie- ‘‘shran shrin shraun sah chandramse namah’