aj ke daur men jab sanvad evan avagaman ke sadhan ati tivra ho gae hain, logon ke lie kahin ana-jana sugam evan saral ho gaya hai. yatayat ke nae-nae sadhnon ke karan hajaron milon ki duri kuch hi ghanton men tay karna sanbhav hai. yatra sadaiv kuch karnon se hoti hai. atah yatra ka uddeshya har hal men safal hona chahie. yatra ki saflta-asflta men bhi panchapakshi mahatvapurn bhumika nibhate hain. yadi ap apne janmapakshi ki pramukh gatividhiyon ke samay men yatra praranbh karte hain to nissandeh yatra safal hogi. kahne ka tatparya yah hai ki yadi ap apne janmapakshi ki mukhya gatividhi ‘shasan karna’ ki kuch upgtividhiyon ke dauran yatra karte hain to yatra safal hogi. mukhya gatividhi upgtividhi shasan karna shasan karna khana khana shasan karna khana udaharan ke taur par man lijie ki apka janmapakshi uparyukt mukhya gatividhi ke antargat shasan karna athva khana upgtividhi men sanlagn hai to aise samay men praranbh ki gai yatra ke purnarupen safal hone ki sanbhavna banti hai. dusri or in do mukhya gatividhiyon ko chorakar kisi anya mukhya gatividhi men praranbh ki gai yatra ke asafal hone ki sanbhavna atyadhik hai.
\aie dekhen ki vibhinn mukhya gatividhiyon ke dauran ki gai yatra ke kya fal hote hain:
1. ‘shasan karne’ ki mukhya gatividhi ke dauran yatra yadi ap apni yatra us samay praranbh karte hain jab apka janmapakshi ‘shasan karne’ ki gatividhi men sanlagn hai to apko yatra ke dauran kisi tarah ki koi pareshani nahin hogi. yadi us samay shatru pakshi ki bhi upgtividhi hogi tab bhi yatra men kisi prakar ka vyavdhan upasthit nahin hoga tatha yatra har hal men safal hogi. aisi yatra ke dauran apke rishtedar evan sanbandhi apki sahayta karenge. ap har prakar ka anand lete hue apni yatra puri karenge. yadi ap kort kes se sanbandhit mamlon ke lie yatra kar rahe hain to mukdme men ap apne shatru par vijay prapt karenge. yadi yatra vivah hetu hai to apka prayas safal hoga tatha vivahoprant apko har prakar ki khushi prapt hogi. apki arthik samriddhi barhegi tatha ap apne mitron evan uchch padasth adhikariyon ka sannidhya evan sahyog prapt karenge. log apki baton ka vajan samjhenge tatha koi bhi apse shatruta mol nahin lega. yadi koi apse vair mol leta hai to vah asafal hoga. apki mulakat kai prabhavshil shakhsiyaton se hogi aur sabse apko labh hoga. koi bhi apka nuksan kar pane men saksham nahin hoga. apki yatra ka jo koi bhi lakshya ho, sab safal honge.
2. ‘khana khane’ ki mukhya gatividhi ke dauran yatra yadi ap ‘khana khane’ ki mukhya gatividhi ke dauran yatra praranbh karte hain to yatra ke dauran ap bimar nahin honge tatha yatra ke dauran nae-nae logon se apka parichay hoga. apke yatra ke lakshya purn honge. apko dhan ki prapti hogi tatha kisi prakar ki mansik pareshani nahin hogi. kintu yadi yatra praranbh karne ke samay apke janmapakshi ki upgtividhi men sanlagn pakshi se shatruta ho to apka karya asafal hoga evan apko chinta evan dukh ka samna karna hoga chahe apka janmapakshi us dauran ‘shasan karne’ ki gatividhi men hi sanlagn kyon n ho. raste men apko bhojan prapt nahin hoga parinamtah apko bhukha hi rahna par sakta hai. raste men doston evan rishtedaron ke sath apka jhagra ho sakta hai. ap asahaj mahsus karenge tatha kisi prakar ki khushi apko nahin milegi.
3. ‘ghumne’ ki mukhya gatividhi ke dauran yatra yadi ap apni yatra ka praranbh apne janmapakshi ke ‘ghumne’ ki mukhya gatividhi ke dauran karte hain to apki yatra vyarth hogi tatha ap idhr-udhar faltu men ghumte rah jaenge tatha apki yatra asafal siddh hogi. yahan tak ki apke mitra bhi shatru ban jaenge. raste men apko kai bar bhojan bhi nasib nahin hoga tatha bhukhe rahne ko vivash hona parega. ap apne makasad se bhatak jaenge tatha jab dusron se salah mangenge to ve apko gumrah kar denge. yadi ap patni se milne ja rahe hain to unse bhi anaban ki sanbhavna ho sakti hai. yadi yatra praranbh karne ke samay apka janmapakshi ‘khane’ ki mukhya gatividhi men sanlagn hai kintu us samay upgtividhi men sanlagn pakshi ‘shasan karne’ ki kriya men sanlagn ho tatha vah pakshi apke janmapakshi ka mitra ho to apki yatra kafi had tak safal hone ki sanbhavna banegi. yadyapi ki apko idhr-udhar bhagdaur karni paregi kintu apko bhukha nahin rahna parega, bhojan apko mil jaega. jis vyakti se ap milne ja rahe hain, usse apki mulakat bhi ho jaegi. kisi bhi tarah ke larai-jhagre jisse ap ashankit hain, unki sanbhavna samapt ho jaegi. yatra ke dauran duahkh, chinta, pareshani adi bhi nahin hogi. thore samay ke lie ap bimar par sakte hain kintu ap jaldi svasth bhi ho jaenge. yadi yatra praranbh karne ke samay shasan karne ki upgtividhi men sanlagn pakshi ki apke janmapakshi se shatruta hai to apki yatra ka har prayojan vifal hone ki purn sanbhavna hai. patni, premi/premika athva mangetar se apki milne ki ichcha purn nahin hogi. atah aise samay men yatra ko tal den tatha upyukt samay ka intjar karen.
4. ‘sone’ ki mukhya gatividhi ke dauran yatra yadi apke yatra praranbh karne ke samay apka janmapakshi ‘sone’ ki mukhya gatividhi men sanlagn ho to yatra ke dauran apke purane rogon ke ubhar jane ki sanbhavna rahegi. apke dost evan sanbandhi hi apke virodhi ho jaenge tatha shatru ke saman vyavhar karenge. yadi apki yatra kes-mukdme se sanbandhit hai to apko nishchit taur par ismen asflta hath lagegi. yadi ap vivah-varta hetu ja rahe hain to varta asafal hogi tatha vahan vivah ki sanbhavna bilkul samapt ho jaegi. janmapakshi ke ‘sone’ ki gatividhi men sanlagn rahne par yadi ap yatra praranbh karenge to vapas lautne men bhi kafi der hogi tatha ap nirarthak idhr-udhar bhatkte rahenge. yadi uparyukt sthiti men yatra ke samay upgtividhi ‘shasan karne’ ki ho tatha usmane sanlagn pakshi ki apke janmapakshi se shatruta ho to sthiti aur bhi badatar hogi. bina karan ap idhr-udhar bhatkte rahenge. nirarthak evan vyarth ki chintaon se apka man ashant ho jaega. apke man men galat karya karne ki bhavna paida hogi. shatru apke sath shadyantra karke galat iljam lagakar fansa denge. apko vyarth ashniya yantrana jhelni paregi. atah is kalavdhi men bhulakar bhi yatra praranbh n karen.
5. ‘marne’ ki mukhya gatividhi ke dauran yatra yadi apke yatra praranbh karne ke samay apka janmapakshi ‘marne’ ki gatividhi men sanlagn hai tatha us samay ‘shasan karne’ men sanlagn pakshi ki upgtividhi chal rahi ho tatha yadi apke janmapakshi se us pakshi ki shatruta ho to yatra ke dauran durghatana hone athva apki mrityu hone ki purn sanbhavna ho sakti hai. apka saman chori ho sakta hai. koi bhi apki sahayta nahin karega tatha ap bebas mahsus karenge. kisi bhi paristhiti men, is kalavdhi men praranbh ki gai yatra purnatah asafal hogi tatha apko dukh evan pira jhelni hi paregi. yadi apki yatra ke dauran upgtividhi ‘shasan karne’ ki chal rahi ho tatha upgtividhi men sanlagn pakshi apke janmapakshi ka mitra bhi ho tab bhi apko koi labh nahin milega. apki yojna ke mutabik kuch bhi ghatit nahin hoga. apko har prakar ke mansik tanav evan yantrana se do-char hona parega. apke upar nirarthak iljam lagenge tatha apki badnami hogi. atah har hal men is kalavdhi men yatra sthagit karna apke lie shreyaskar hoga.