pratyek manushya ka janm ya to din athva ratri, krishn paksh athva shukla paksh evan saptah ke kisi ek var ko hota hai. panch pakshi panch tattvik spandan ke adhar par panch tarike se shukla paksh evan krishn paksh men chandra ke barhte evan ghatte kalaon ke prabhav ke anurup karya karte hain. in panchon tatvon ka spandan 5 staron men ek nishchit samyavdhi ke lie kriyashil rahta hai. pakshiyon ki kriyavidhi evan kriyashilta men paksh, tithi evan divas ke adhar par parivartan ata rahta hai. yadi inmen se koi ek apni uchch avastha men hota hai to dusre char anya bhinn avasthaon men ghatte hue kram men hote hain. hammen se pratyek kisi ek pakshi ke prabhav men rahte hain. panchapakshi shastra prachin tamil santon ki anmol dharohar hai. yah shastra itna prabhavshali hai ki iska upyog jivan ke har kshetra men karke saflta prapt ki ja sakti hai.
vigat ankon men vistar se is bat ki charcha ki gai ki kaise ap pata karenge ki apka janm pakshi kya hai? shukla paksh evan krishn paksh ke pratyek var ko kis samay apka janm pakshi atyadhik kriyashil hai? apke janm pakshi se kis pakshi ki mitrata athva shatruta hai? yadi ap in sabhi baton ka khyal rakhakar apni bhavi ranniti taiyar karenge to nishchay hi apko har karya men saflta milegi. panchapakshi shastra ka upyog vyapak taur par vaivahik milan, yatra, kisi se avashyak karya ke lie milna, ninv dalna, grih pravesh, kray-vikray, shatru par vijay adi yani har karya ko safltapurvak anjam dene ke lie kiya ja sakta hai. har vyakti jivan men asflta se dur rahna chahta hai tatha uski yah ichcha hoti hai ki vah saflta ki gagnchunbi unchaiyan chue. yah kafi had tak sanbhav hai yadi ap apne janmapakshi ke shasan karne ki gatividhi ke dauran sare karya ko anjam den. behatar to yah hoga ki pure mahine athva pure sal ka kailendar bana len tatha usi se samay dekhakar mahatvapurn karya karen.
dhyan dene yogya baten
û hamesha dhyan rakhen ki apko kisi avashyak karya ko tabhi anjam dena hai jab apka janm pakshi shasan karne athva khana khane ki gatividhi men sanlagn ho. yadi apka janmapakshi anya kisi gatividhi men sanlagn ho to aise samay men avashyak karya ko tal den.
û yadi apne avashyaktavash kisi karya ko tab praranbh kar diya jab apka janm pakshi ghumne ki gatividhi men sanlagn tha to apka karya n safal hoga aur n hi asafal balki ho sakta hai ki arachanavash vah karya kuch samay ke lie lanbit ho jay. yadi karya praranbh karne ke samay shukla paksh hai to karya ke safal hone ki sanbhavna hai. yadi is samay krishn paksh hai to karya ke asafal hone ki sanbhavna adhik hai.
û yadi apka janmapakshi sone athva marne ki gatividhi men sanlagn hai to nishchit taur par is samay kiya gaya har karya asafal hoga. atah nishchit saflta ke lie sadaiv us samay ka chayan karen jab apke janmapakshi ki gatividhi shasan karna tatha upgtividhi shasan karna/ khana ho athva gatividhi khana tatha upgtividhi shasan karna/khana ho. saflta ka pratishat hamesha isi kram men hoga. panch pakshi evan dishaen shukla paksh evan krishn paksh men panch pakshi ki disha nirdharit ki gai hai jismen ye sarvadhik shaktishali mane jate hain.
niche sarni men iska vivaran prastut hai:
panchapakshi shukla paksh krishn paksh giddh purva purva ullu dakshin uttar kaua pashchim,uttara-pashchim dakshin murga uttar evan uttara-purva madhya mayur madhya pashchim panch pakshi evan tatva panchapakshi shukla paksh krishn paksh giddh agni prithvi ullu vayu jal kaua prithvi agni murga jal vayu mayur akash akash upyog panch pakshi ki dishaon ko samajhakar iska labh uthaya ja sakta hai. man lijie ki ap kisi dil ke lie kisi se milne ja rahe hain. milne ka jo samay nishchit kiya gaya hai us samay apka aur milne vale vyakti ka janm pakshi ek saman uchch gatividhi men sanlagn hai. aisi sthiti men yadi ap vijeta sabit hona chahte hain to us pakshi ki disha men baithakar varta aranbh karen jiski us samay sarvadhik shaktishali gatividhi chal rahi ho. dusre udaharan ke rup men yah man len ki varta ke nirdharit kal khand men apka janmapakshi dusre vartakar ke janm pakshi ki tulna men kamjor gatividhi men sanlagn hai.
apke pas dusra koi vikalp nahin hai, varta usi samay honi hi hai to ap us samay sarvadhik shaktishali gatividhi men sanlagn pakshi ki disha men baithakar varta karen, apko isse avashya labh milega tatha varta safal hogi. isi prakar se ap apne janmapakshi ke anusar tatva ka bhi upyog kar sakte hain. jis samay apka janmapakshi sarvadhik shaktishali gatividhi men sanlagn hoga, us samay apke janmapakshi se sanbandhit vah tatva sarvadhik kriyashil hoga. panchapakshi evan unke rang panchapakshi shukla paksh krishn paksh giddh safed kala ullu sunhra lal kaua lal sunhra murga hara safede mayur kala hara apne janmapakshi ke rang ke anusar vastra pahnna labhdayak hota hai. varta ke dauran yadi ap us samay shaktishali gatividhi men sanlagn pakshi ke rang ke vastra pahnen to vah bhi labhdayak sabit hoga. kalar therepi men bhi janm pakshi ke anusar rang ka chayan labhkari sabit hota hai.
panchapakshi ke ling donon pakshon arthat shukla paksh evan krishn paksh men panch pakshiyon ke ling saman hote hain. panch pakshi ling giddh pulling ullu striling kaua pulling murga striling mayur pulling vyaparik sajhedari evan vaivahik milan men donon pakshon ke janm pakshi ke ling evan mitrata shatruta ka dhyan avashya rakhna chahie. udaharan svarup man lijie ki var ka janm pakshi pulling tatha kanya ka janm pakshi striling hai tatha donon apas men mitra hain to nishchit taur par vaivahik jivan kafi sukhi tatha sauhardapurn hoga. yadi kisi ke yahan chori ho jati hai aur vah apse chor ke sanbandh men puchta hai to panchapakshi shastra ki madad se ap yah bata pane men saksham hain ki chor purush hai athva stri, kis rang ke kapre usne pahne honge athva kis disha men chor gaya hoga? kisi ke bachcha hona hai to vah apse puch sakta hai ki bataen hone vala bachcha larka hoga ya larki? iska nirdharan karne hetu dekhen ki prashn puche jane ke samay kaun sa nakshatra chal raha hai arthat us samay chandrama kis nakshatra men hai. us nakshatra evan paksh ke hisab se pakshi ka nirdharan karen tatha dekhen ki vah pakshi pulling hai ya striling, tadnurup prashn ke uttar den.