giddh apka vyaktitva apka janm pakshi giddh hai atah apke vyavhar men sadaiv bachpna parilakshit hota hai. apke vyavhar se nishkapatata evan bholapan jhalkta hai tatha kabhi-kabhi ap bachchon ki tarah jiddi bhi ho jate hain tatha anavashyak hath karne lagte hain. ap natakhat svabhav ke hain tatha ap men hasya-vyangya ka put bhara hua hai. apko shararat evan majak karna achcha lagta hai. apko ghumna evan sair-sapate karna pasand hai khasakar hil steshan tatha parvatiya kshetron ki sair karna. apko mitha pasand hai. ap romantik svabhav ke hain tatha viprit ling ki taraf asani se akarshit ho jate hain. yadyapi ki ap thore laprvah hain kintu mata-pita, parivar tatha sanbandhon ke prati apna uttaradayitva bakhubi nibhate hain. apka dimag tej hai tatha ap parhne-likhne men hoshiyar hain. jis dae. manoj kumar vishay men apki ruchi hoti hai use sikhne men apko der nahin lagti. ap srijnshil hain tatha rachnatmakata ap men prakriti pradatt hai. sangit men apki kafi abhiruchi hai tatha iski apko achchi parakh hai. atah yadi ap is disha men prayas karen to apko jivan men achchi saflta prapt ho sakti hai. apka svasthya apko nason evan haddiyon se sanbandhit bimariyan ho sakti hain.
tvacha sanbandhi rog bhi apko kasht evan pira de sakte hain. ap apne svasthya ke prati hamesha sachet rahen tatha aisi laprvahi n barten jisse ki ap bimar ho jayen. apki bhagyashali disha apke lie sabse bhagyashali disha purva hai. is disha men apko shighra saflta prapt hogi. kisi mahatvapurn dastavej par hastakshar karne hetu bhi apke lie yah disha safltadayak hogi. apke vyavsay athva karya ki disha purva hi honi chahie. is disha men ki gai vyavsayik yatra ke purn safal hone ki sanbhavna hai. yadi purva disha men apki koi mahatvapurn chij kho gai ho to uske milne ki sanbhavna shat-pratishat hai. apka bhagyashali rang apka bhagyashali rang safed hai. atah ap yatha sanbhav safed vastra hi dharan karen to achcha rahe. is rang ke prayog se apki saflta men ane vali archnen dur hongi. mahatvapurn vyavsayik yatraon evan miting men is rang ka adhikadhik istemal karen, yah apko apne lakshya ki prapti men sahayak hoga. apke shubh devta apke lie bhagvan shiv ki aradhna karna ati shubh hai. inki aradhna se apki ichchashakti drirh hogi tatha ap men sahas tatha atmavishvas ka sanchar hoga jisse ap jivan men ane vali badhaon tatha samasyaon ka samna evan nibtara asani se kar paenge.
inki aradhna se apke kasht dur honge, samasyaon ka nidan hoga tatha apke prayason ka uchit paritoshik apko prapt hoga. sath hi bhagvan shiv ki aradhna se ap men sakaratmak urja ka sanchar hoga tatha jivan men tarakki evan samriddhi ka marg prashast hoga. ullu apka vyaktitva apka janm pakshi yah nirdisht karta hai ki ap ati urjavan evan atm vishvasi vyaktitva ke dhani hain. ap atyadhik mahattvakankshi hain. kathin parishram evan jivan ke prati purn samarpan apka dhyey hai tatha yahi apki sabse bari punji hai. apke vyaktitva ki sabse bari kami yah hai ki ap shighra hi krodhit ho jane vale hain, atah apke lie gusse par niyantran karna avashyak hai. yadyapi ki apka svabhav dusron ki sahayta karne vali hai kintu ap divasvapn bhi dekhte hain. ap naye-naye vicharon ka srijan evan unka prabhavotpadak anushilan karte hain aur yahi apki saflta ka raj hai. chahe jaisi bhi paristhiti ho ap dhairya evan asha nahin chorte, unka buddhimatta se datakar mukabla karte hain. apke vyavhar ki yah sakaratmakata kai bar apko ahankari bhi bana deta hai tatha ap svayan par garva mahsus karne lagte hain. apko apne man ko shant evan niyantrit karne ka abhyas karna chahie.
yadi ap aisa karne men safal ho pae to har prakar ki saflta apke kadam chumegi. apko apna ghar saja-sanvarakar rakhna achcha lagta hai. apko prakritik vatavaran evan abhyaranya khushi pradan karte hain. apko namkin khadya samagriyan ruchikar lagti hain. apka svasthya svasthya ke drishtikon se apko pet ke nichle hisse, munh tatha pairon men pareshani ho sakti hai tatha rakt evan rudhir men sankraman ho sakta hai. apka janm pakshi sharir ke in avyvon ko prabhavit karta hai atah apko is sanbandh men uchit savdhani bartne ki avashyakta hai. yadi apko sharir ke in hisson men kisi bhi tarah ki pareshani ka anubhav ho to turant chikitsakiya salah len. savdhani bartne se apka svasthya thik rahega tatha ap chusta-durust mahsus karenge. apki bhagyashali disha dakshin disha apke lie sarvadhik shubh hai. yadi ap is disha men karya karenge to apko saflta prapt hone ki ummid rahegi. mahatvapurn dastavejon par isi disha men abhimukh hokar hastakshar karen. aisa karne se parinam apke anukul rahega. dakshin disha men ki gai yatrayen apke lie labhdayak evan safal sabit hongi. atah ap saflta ke lie evan labh prapt karne ke lie apni vyavsayik gatividhiyan evan miting isi disha men sanchalit karen.
apka bhagyashali rang apke lie sarvadhik bhagyashali rang sunhla (golden) hai. is rang ka adhikatam upyog apke jivan men shubhatva laega tatha saflta ka marg prashast karega. yadi ap kisi mahatvapurn karya se ghar ke bahar ja rahe hain to avashya hi isi rang ke vastra pahnen tatha isi rang ka sarvadhik prayog karen, nishchay hi apko karya men saflta prapt hogi. apke shubh devta apke lie bhagvan vishnu ki aradhna karna ati shubh hai. atah apko samarpan bhav se bhagvan vishnu ka dhyan evan puja karni chahie. inki aradhna se apke jivan ki har samasyaon ka nidan hoga tatha har badhayen dur hongi. apke lie adhyatm ki or abhimukh hona shreyaskar hai, isse apke bhagya men vriddhi hogi tatha ap men sakaratmak urja ka samavesh hoga. kaua apka vyaktitva ap ati mahatvakankshi hain tatha jivan men har prakar ki bhautikvadi sukhon ki prapti evan unke upbhog ki apki akanksha hoti hai. ek ichcha purn hote hi apke man men dusri ichcha janm le leti hai tatha ap use pane ko udyat ho jate hain. apni mahattvakanksha ki purti ke lie ap kisi bhi had tak jane ke lie taiyar rahte hain. atah apke lie salah hai ki ap apni ichcha ko niyantrit evan simit karen anyatha sab kuch hote hue bhi ap jivan men asantusht rahenge.
halanki apke vyaktitva men ek bat achchi yah hai ki ap jivan men piche murakar nahin dekhte tatha samay ke sath age barhte rahte hain. apki ati mahatvakanksha apke vaivahik jivan men kathinai paida kar sakti hai. vaivahik jivan men samasya ka ek karan apka viprit ling ke prati akarshan tatha unke bich apka lokapriya hona hai. apko lokapriyata atyadhik pasand hai tatha ap sadaiv akarshan ka kendra bane rahte hain. apka sahyogatmak vyavhar bhi apke vyaktitva ka ek sakaratmak pahlu hai. jivan ki visham paristhitiyon evan kathin ghari men bhi ap shantchitt evan dhairyashil bane rahte hain. apne in antarnihit gunon ke karan ap alasya ka parityag karke jivan path par age barhte rahenge tatha kariyar men saflta ka daman chumte rahenge. apka svasthya apka janmapakshi yah nirdisht karta hai ki ap nana prakar ke vyanjnon ke shaukin hain tatha adhik sona pasand karte hain. apke lie yah avashyak hai ki ap apne svasthya ke prati savdhan rahen tatha bhojan men sanyam barten. ap nak tatha guptangon ki bimari se grast ho sakte hain kyonki apka janmapakshi in angon ka pratinidhitva karta hai. apki bhagyashali disha apke lie uttara-pashchim disha sarvadhik bhagyashali hai.
is disha men kiya gaya har karya apke lie anukul sabit hoga tatha iske safal hone ki purn sanbhavna hogi. apne avashyak kagjat bhi ap is disha men hi rakhen. yadi ap kisi mukdme ya kanuni vivad men fanse hain to ap nishchay hi isse jure kagjat is disha men rakhen, yah apke lie hitkari sabit hoga. apka bhagyashali rang apke lie sarvadhik bhagyashali rang lal hai. atah yathasanbhav ap lal rang ke hi vastra dharan karen. khastaur par vishesh avsron par athva vishesh karya ke lie yadi ja rahe hon to is rang ke vastra avashya pahnen tatha is rang ka adhikadhik upyog karen. apke shubh devta bhagvan surya ki aradhna apke lie sarvadhik shubh hai. yadi ap vishuddh man evan samarpit bhav se inki puja karen to apke andar sakaratmak urja ka sanchar hoga tatha apke atmavishvas evan manobal men vriddhi hogi. jivan men kabhi yadi kisi samasya evan avrodh ke karan atyadhik tanav evan pareshani mahsus karenge to is ghari men ap dvara ki gai aradhna in pareshaniyon evan avrodh se mukti dilane men sahayak hoga tatha apko jivan men gatishil rahne ki prerna dega.