prashna: bhavishya kathan paddhatiyon men hast rekha paddhati kitni satik hai?
uttara: hast rekha paddhati anya paddh tiyon ki tarah purn hai jisse har prakar ka bhavishya kathan kiya ja sakta hai. yah samudrik shastra ka ek bhag hai.
prashna: yah samudrik shastra kya hai?
uttara: samudrik shastra vah shastra hai, jo sharir ke angon ke lakshanon ke adhar par bhavishya kathan karta hai. is shastra ko sarvapratham maharshi samudra ne taiyar kiya tha, islie ise samudrik shastra kahte hain.
prashna: hast rekha paddhati kya vigyan hai?
uttara: hatheli ki rekhaen manav mastishk men uthne vali vidyut tarangon ki naliyan hain aur us par ubhre hue sthan parvat kahlate hain. ye parvat chunbkiya kendra hain jinka sanbandh mastishk ke un kendron se hai jo hamari bhavnaon aur sanvednaon par niyantran rakhte hain. mastishk ki kriyashilta ka naksha rekhaon ke rup men hatheli par banta hai. is nakshe ko samjhne ya parhne ki vidya ko hastarekha vigyan kahte hain. is tarah se hast rekha paddhati vigyan hi hai.
prashna: hast se bhavishya kathan karte samay rekhaon ke atirikt aur kis ka dhyan rakhna chahie?
uttara: rekhaon ke atirikt hast ka akar, hatheli ke parvon, ungliyon, anguthe nakhunon adi sabhi par dhyan dena chahie kyonki inhin ke adhar par rekhaen fal deti hain.
prashna: hast rekha ka jyotish se kya sanbandh hai?
uttara: jyotish se hast rekha ka sanbandh bahut gahra hai kyonki donon ek hi karya karte hain arthat donon bhavishya kathan ki paddhatiyan hain aur donon ka adhar nav grah hain. jyotish men janm kundli bana kar nav grahon ki sthitiyon ke anusar fal kathan kiya jata hai jabki hast paddhati men hath par nav grahon ke parva aur un par ankit rekhaon aur chihnon ke adhar par fal kathan kiya jata hai.
prashna: hast rekhaon se kya din-pratidin ki bhavishyavani ki ja sakti hai?
uttara: han, hast rekhaon se din-pratidin ki bhavishyavani ki ja sakti hai yadi hath dekhne vala hast rekha vigyan ko puri tarah se janta ho. anyatha din-pratidin ki bhavishyavani karna sabhi ke bas ki bat nahin hai.
prashna: hast se bhavishya kathan kaise karen? arthat hast ka adhyayan karne ke kya niyam hain?
uttara: hast ka adhyayan karne ke lie sarvapratham jatak ke hath ka akar dekhna chahie. fir hath ka rang dekhna chahie. hath narm hai ya sakht yah bhi dekhna chahie. sath hi ungliyon aur nakhunon ko bhi dekhna chahie. fir rekhaon ko aur parvon ke ubhar ko dekhna chahie.
prashna: hath men parvaton ka kya mahatva hai?
uttara: hath men parvaton se jatak ke navagrahon ki shubhashubhta ka pata chalta hai. jo parvat utha hua aur gaddedar hoga us parvat se sanbandhit grah faldayak hoga aur jatak ke svabhav men uska prabhav spasht najar aega. jaise brihaspati grah ka parva yadi uttam hoga, to jatak vidya, buddhi aur sanyam se karya karne vala hoga. uski batchit men sabhyata jhalkti hai.
prashna: tin rekhaen har jatak ke hath men hoti hain- jivan, mastishk aur hriday rekha. aisa kyon?
uttara: har jatak ke hath men chahe vah amir ho ya garib, ye tin rekhaen avashya hoti hanai kyonki jivan chahe chota ho ya bara, in tinon ka usmen mahatva avashya hota hai. pratyek jatak mastishk se vichar karta hai hriday ki dharakan use jivit rakhti hai aur har jatak kuch n kuch to jita hi hai. yahi karan hai ki bhikhari ke hath se raja tak ke hath men ye tin rekhaen avashya hoti hain.
prashna: kai bar aisa dekhne men ata hai ki jatak ke hath men jivan rekha nahin hai jabki uski ayu lanbi hoti hai.
uttara: aisa dekhne men bahut kam ata hai ki jatak ke hath men jivan rekha n ho. lekin yadi lakhon men aisa koi hath dekhne ko milta hai to us hath men anya rekhaen jaise hriday rekha aur mastishk rekha bahut hi spasht hagen i arai jivan rakhe aa k e sthan par mangal rekha ka hona jo shukra parvat ka ati uttam hona avashya hoga kyonki jivan rekha shukra parvat ko ghere rakhti hai. aisi sthiti men jivan rekha yadi nahin ho, to jatak ko purn ayu prapt hoti hai. iske atirikt kai aise lakshan bhi ho sakte hain jo jatak ko jivan pradan kar rahe hon.
prashna: hath men yadi bahut si rekhaen hon arthat rekhaon ka jal bicha ho, to hath ko kaisa mana jaega?
uttara: hath men yadi bahut si rekhaen hon aair ek dusre ko kat rahi hon aur dekhne par yadi yah bhi malum n pare ki kaun si rekha kahan hai, to us hath ko uttam nahin mante. aise vyakti ko bahut sangharsh karna parta hai.
prashna: ek adarsh hath ki rekhaen aur lakshan kaise hote hain?
uttara: ek adarsh hath ki rekhaen spasht, saral aur lal rang ki hoti hain, parvat sthan uthe hue hote hain. aur hatheli gulabi rang lie hoti hai. rekhaen n adhik n kam hoti hain aur hath ka akar spasht hota hai arthat hath vargakar ya aytakar hota hai. yadi sabhi lakshan shubh hon to hath adarsh mana jata hai.
prashna: kya hast rekhaon se vyavsay jana ja sakta hai?
uttara: avashya ! hast rekhaon aur hast lakshnon ke adhar par jatak ke vyavsay ko jana ja sakta hai. vyavsay ki saflta aur asflta ka sanbandh bhagya se hota hai lekin vyavsay vah apni ruchi ke anusar karta hai. jatak ke hath men jo parva sthan ati uttam hoga, jatak ka svabhav usi ke anurup hoga aur vah apne svabhav ke anusar hi karya karna chahega. yadi mangal parva viksit ho, jo jatak pulis, fauj athva khelon se sanbandhit karya karega. iske sath-sath bhagya rekha ka vishleshan karna bhi ati avashyak hai. yadi bhagya rekha spasht ho aur koi rekha use kat n rahi ho aur mangal parva par bhi rekha spasht ho kar upar surya parva ki or barh rahi ho, to jatak ko sanbandhit vyavsay men saflta prapt hogi.
prashna: vyavsay men asflta ke hath men kya lakshan hote hain?
uttara: hath men parvat ka vikas purn n hona ya viksit parva par kraes ka chihn a jana aur bhagya rekha ka kshati grast hona ye sare lakshan vyavsay men asflta pradan karte hanai. jivan rekha aur mastishk rekha kafi duri tak apas men mili rahen, to vyavsay men saflta deri se prapt hoti hai.
prashna: kya hast rekha vivah ki saflta-asflta bhi bata sakti hai?
uttara: hast rekha se vivah ke vishay par bhi gahan adhyayan kiya ja sakta hai. vivah kis ayu men hoga ya vivah safal hoga ya asafal yah vivah rekha ke vishleshan se jana ja sakta hai. vivah rekha kanishthika aur hriday rekha ke bich hoti hai. yadi kanishthika aur hriday rekha ke madhya bhag ko char saman bhagon men bant den, to hriday se pratham bhag men 18-25, dusre bhag men 25-35 aur tisre men 35-50 varsh ki ayu men vivah hone ki sanbhavna rahti hai. vivah rekha sidhi v spasht hogi, to vaivahik jivan sukhamay hoga. vivah rekha hriday rekha ki or jhuki hogi, to pati ya patni ke svasthya sanbandhi chinta deti hai. yadi yah hriday rekha ko chu rahi ho, to jatak ke jivan sathi ka dehant hota hai. yadi is rekha ko koi rekha kat rahi ho, to yah lakshan talak ka suchak hai. is rekha par dvip ka chihn viyog deta hai. ek se adhik vivah rekhaen ekadhik vivah ya avaidh sanbandhon ko darshata hai. yadi ek se adhik rekhaen apas men samantar par hon aur ek si hon, to yah lakshan apas men prem ka suchak hota hai.
prashna: kabhi kabhi aisa bhi dekha jata hai ki vivah rekha spasht aur shuddh hoti hai lekin jatak avivahit hi rah jata hai. aisa kyon?
uttara: vivah rekha spasht aur shuddh ho, to der se hi sahi, vivah avashya hota hai. kabhi-kabhi aisa hota hai ki hath dekhne vala vivah rekha ko dushit karne vali sukshm rekhaon ko nahin dekh pata jisse vivah sanbandhi kathan galat ho jata hai.
prashna: kabhi-kabhi aisa dekhne men ata hai ki vivah rekha hath men hoti hi nahin fir bhi vivah hua aur safal bhi raha, aisa kyon?
uttara: yadi vivah hua hai aur safal hai, to vivah rekha avashya hogi. kabhi-kabhi aisa hota hai ki kisi karan se vivah rekha ubhar kar samne nahin ati aur dekhne vala samajh leta hai ki rekha hai hi nahin. lekin rekha hoti avashya hai. isse falakathan galat ho jata hai.
prashna: santan paksh ko hast rekhaon se kaise janen?
uttara: anguthe ki jar par shukra parvat par khari rekhaen santan rekhaen kahlati hain. ye rekhaen yadi spasht aur lanbi hon, to svasth aur dirghayu santan ka sanket deti hain. iske viprit tuti-futi rekhaen asvasth santan ki suchak hoti hain.
prashna: santan rahit jatkon ke hath men kya ye rekhaen nahin hotin?
uttara: aisa nahi hai ki santan rahit jatkon ke hath men yah rekha n ho. shukra parvat par rekhaen aksar dekhne ko milti hain. shayad hi koi jatak ho jiske shukra parvat par rekhaen n hane. santan n hone ke kai karan ho sakte hain jaise napunskta, kamjor shukra parvat, chandra parvat par tuti-futi rekhaen hon adi. shukra parvat par santan rekha hote hue bhi santan nahin hoti aur kabhi-kabhi avaidh sanbandhon ke karan jatak ko bhi malum nahin hota ki santan kahan hogi. aise men ho sakta hai patni ko banjhapan ho.
prashna: kya rekhaen barhti ayu ke anusar badlti rahti hain?
uttara: hath men janm se jo rekhaen hoti hain prayah vahi jivan bhar rahti hain. kyonki mukhya rekhaon ka sanbandh jivan bhar rahta hai lekin barhti ayu ke sath samy-samay par kuch aisi rekhaen ubhar kar ati hain jo kuch din, saptah, mas ya sal bhar hi rahti hain aur fir lupt ho jati hain. aisi rekhaen samy-samay par hone vali shubhashubh ghatnaon ki suchak hoti hain. aise hi parvat ke ubhar kabhi adhik unche aur kabhi niche ho jate hain. isse jatak par parne vale grah ke prabhav ki jankari milti hai. jaise gochar men grah bhraman karte rahte hain vaise hi hath par anya rekhaon ka banna aur mit jana chalta rahta hai. mukhya rekhaen jo hamesha dikhai deti hain. sanpurn jivan ka ausat star batlati hain jabki banne mitne vali rekhaen shubhashubh ghatnaon ke samay ko darshati hanai.
prashna: rekhaon se banne vale chihn kitne prakar ke hote hain? aur ye kaise shubhashubh fal dete hain?
uttara: hathle i m ne rakhe aaa ne k e atirikt banne vale chihnon ka bhavishya kathan men vishesh mahatva hai. ye chihn mukhyatah ath prakar ke mane jate hain - tribhuj, kraes, bindu, vritt, dvip, varg, jal aur nakshatra
tribhuj: tribhuj ka chihn svasthya rekha, chandra rekha, chandra sthan, mastishk rekha ya shukra parvat par ho, to shubh faldayi hota hai. bhagya rekha par tribhuj ka chihn bhagyahin banata hai.
kraes: kranes ka chihn guru parvat par hi shubh hota hai, shesh sabhi sthanon par ashubh fal deta hai.
bindu ya til: surya parvat, chandra parvat, madhyama, mastishk rekha jivan rekha aur hriday rekha par kala til ya bindu ashubh mana gaya hai. kintu mutthi band karne par jo til mutthi men chup jae shubh hota hai.
vritta: vritt jivan rekha, vivah rekha, bhagya rekha aur chandra parvat par ashubh kintu shani parvat, budh parvat tatha guru parvat par shubh faldayi hota hai.
dvip: dvip hatheli men jis sthan par hota hai us sthan se sanbandhit shubh falon ko kha jata hai.
varga: varg hathle i m ne kisi bhi sthan par ho shubh fal deta hai arthat us sthan ke shubh fal pradan karta hai.
jal: jal hatheli men kisi bhi sthan par ho ashubh fal dene vala hota hai.
nakshatra ya tara: nakshatra ya tara guru parvat, tarjani, surya rekha ya parvat, shani parvat aur anguthe par ho, to shubh kintu mangal rekha par ashubh fal deta hai. mangal rekha par sthit nakshatra ya tara akal mrityu ya hatya ka pratik hai.
prashna: kya hath ki rekhaon ki sahayta se janmakundli banai ja sakti hai?
uttara: hath ki rekhaon se janmakun. dali banai to ja sakti hai lekin vah sahi hogi ya nahin yah nahin kaha ja sakta kyonki is ka abhi tak koi praman prapt nahin hai.
prashna: kya hast rekhaon se santan ki sankhya batai ja sakti hai?
uttara: santan ki sahi-sahi sankhya batana asan nahin hai kyonki yug vaigyanik hai. fir bhi prayas kiya ja sakta hai.
if you are facing any type of problems in your life you can consult with astrologer in delhi